طفلة ولكن

الجزء السابع ٢ (عالم جميل)

نكمل
همس فقدت توازنها ووقعت من على السلم وفى نفس اللحظة المجهول رمى ناحية رقبة الشخص الملثم ابرة صغيرة وفعلا جت فيه ودقيقة ووقع فى الارض وخلص على الاتنين اللى كانوا بيضربوه أما اسيا فمسكت بايديها السليمة كاميليا مع اريا علشان متقعش وفى نفس الوقت كان اسد وأسر دخلوا الفيلا (ما لسه بدرى😒 ) فجرى اسر على همس اللى كانت واقعة على الارض فى اخر السلالم ودماغها بتنزف وأسد جري ناحية اسيا واريا
اسد:انتوا كويسين
اسيا: مامت همس وهمس
اسد:تمام أهدى إن شاء الله هيبقوا كويسين
وشال كاميليا وأسر شال همس
اما اريا وآسيا بصوا ناحية المجهول لقوه بينط من بلكونة واخر حاجه قالها لهم
المجهول بغمزة:طير يا حمام
طلعوا كلهم برا اسر اخد همس ومعاها اسيا وأسد اخد اريا ومعاها كاميليا
وساقوا هما الاتنين بسرعه
فى عربية اسد
اريا كانت ساكتة خالص عينيها ثابته فى المرايا على كاميليا اللى نايمة ورا وطلعت من جيبها السوار اللى هيا ادتهولها وفضلت تلمسه ودموعها بتنزل وهى بتبص فى المرايا وأسد مستغرب جدا لانه عمره ما شاف اريا بالشكل دا أو يمكن اول مرة يشوفها بتعيط اساسا لا وكمان بتعيط علشان واحدة متعرفهاش
فى عربية اسر
كان اسر بيسوق وهو مرعوب مش عارف ليه يمكن علشان هو لو مكنش مشي مكنش كل دا هيحصل أو يمكن لان همس انقذت حياته قبل كدا أو يمكن علشان فكرته بالماضي أما اسيا كانت قاعدة ورا وحطى راس همس على رجليها وبتحرك ايديها براحة على رأسها وهى بتعيط وفى ثانيه حست بالرغبة فى النوم فغمضت واول ما فتحت كانت لى لى اللى بصت لهمس بوجع وعيطت بس فضلت تحرك ايديها على رأسها وبدأت تغنى تهويدة بصوت واطى
وبالنسبة لهمس فكانت فى عالم تانى اول ما فتحت كانت بتجرى مع بنتين صغيرين بس هى وقفت فجأة لانها متعرفش هيا بتجرى ليه اساسا
البنت ١: يلا بسرعه انتى وقفتى ليه
همس حست انها مش عارفة تتكلم ولقت البنتين بيسحبوها من ايديها وبيخلوها تجرى وفى ثانية بقت فى مكان تانى كانت على سرير بس عينيها مغمضة ومش عارفة تفتح بس حست بايد صغيرة ماسكة دراعها الشمال وايد تانية بتتحرك على شعرها براحة وسمعت صوت تهويدة بصوت هادى حاولت تفتح واول ما فتحت كانت فى مكان تانى قدام بحر فضلت تلف حوالين نفسها تدور على اى حد وفعلا لقت واحدة واقفة بعيد بس مكنتش شايفة غير ضهرها فقربت منها ولمست كتفها فالست دى لفت كانت جميلة ملامحها بريئة مش كبيرة اوى ولا صغيرة اوى حوالى ٣٠ سنة
همس:هو احنا فين
الست بحنان :يا روحى انتى ضايعة
همس:لا حضرتك بس قوليلى انا فين وانا هعرف اروح
الست: مستحيل تعرفي تروحى لوحدك انتى ضايعة جامد ومش قادرة حتى تلاقى نفسك تعالى معايا هوديكي بيتك
همس:انتى تعرفيه
الست:اه طبعا تعالى بس معايا
وبدأوا هما الاتنين يمشوا لحد ما وصلوا لفيلا
همس:بس دا مش بيتى
الست:صدقينى هو دا بيتك انتى مش عرفاه بس
همس وهى بتدخل البيت :يعنى ايه هكون مش عارفة بيتى مثلا
الست: انتى مش عارفة حاجه انتى تايهة جوا نفسك
اول ما همس لفت ملقتش الست وراها استغربت بس كملت ودخلت البيت شافت واحدة ست وهى كاميليا وقاعد معاها راجل على سفرة عليها اكل
كاميليا بصوت عالى:همس صحيهم وتعالوا يلا
وسمعت صوت بنت صغيرة بتقول:حاضر يا ماما
وفجأة نزل تلت بنات وجريوا على كاميليا حضنوها
كاميليا:اسيا كلى كويس انتى قربتى تختفى يا بنتى
اسيا:حاضر ماما
اما همس كانت واقفة بعيد بتبص باستغراب هى عمرها ما كان ليها اخوات امال مين دول استغربت واول ما لفت لقت المكان اتغير
بقت فى ممر ضيق ونفس البنتين واقفين وراها
البنت ١:يلا بسرعه قربوا يوصلولنا
البنت٢:متخافيش ركزى انا عارفة انك تقدرى تفتحيه
همس:حاضر وبدأت تحاول تفتح اقفال كتير على باب قدامها كان في عشر اقفال تسعه منهم مفتوحين وواحد هى مسكته وبتحاول تفتحه بس فى ناس قربوا جدا منهم
البنت١:بسرعه يلا
البنت٢:اااااااااااه
وفى اللحظة دى فى الحقيقة قلب همس وقف وهى فى غرفة العمليات حواليها دكاترة بيحاولوا يسعفوها وبرا اوضة العمليات كانت اسيا واقفة
اسد:طب اقعدى انتى كدا هتتعبي
اسيا (لى لى) بحدة:انا مش هسيب
وفجأة وقعت فى الارض
اسد نزل جنبها حط صوابعه على ايديها
اسد برعب:قلبها واقف
اسد بصوت عالى :دكتور دكتور بسرعه
فى مكان تانى
المجهول دخل قعد على كرسي وشال الماسك اللى على وشه وبدأ يطبب الجروح اللى فى وشه بس سمع صوت انذار قام بسرعه وجرى ناحية اوضة معينه ودخل قرب من بنت نايمة على سرير وحط صوابعه على ايديها لقى مفيش نبض خاف وبدأ يعملها مساج للقلب بايديها
المجهول بخوف:لا بلاش كدا ارجوكى فوقى متروحيش
----------------------------------------
عند كاميليا كانت نايمة على سرير فى اوضة عمليات
اما روحها كانت فى عالم تانى
كاميليا لواحدة واقفة قدامها :حاولت بس معرفتش لوحدى
الست :كفاية انك حاولتى اه صحيح عارف. مين جالى انهاردة ؟
كاميليا بخوف:ايناس جت
الست :لا لسه مظهرتش همس هى اللى جت
كاميليا بخوف:هى جت هنا يعنى مجرد حلم ولا هتفضل هنا
الست:هى لما جت كان حلم بس دلوقتى هى فى طريقها أنها تفضل هنا
--------------------------------------------
فى عالم بعيد تماما عن البشر عن الاذية عن الخوف عن الانتقام عن الغضب عن كل دا
كانت همس وآسيا والبنت اللى المجهول بيحاول ينقذها واقفين سوا
البنت:وحشتونى اوى
همس:هو انتى مين
البنت:يعنى ايه انا مين انتى بتهزرى ولا بجد مش عرفانى
لفت همس ناحية اسيا باستغراب بس اتصدمت لما لقت أن اسيا كانت واقفة جنبها بنت صغيرة وآسيا ماسكة البنت دى من ايديها
همس: مين دى يا اسيا
البنت الصغيرة: انا لى لى ازيك يا همس
همس:انا مش فاهمة حاجه ازاى انتى لى لى انتى مجرد شخصية جوا اسيا ازاى تبقى لوحدك انا مش قادرة استوعب حاجه من اللى بتحصل حواليا
همس لفت للبنت التانيه
البنت:معلش دا علشان انتى ضايعة
همس:محدش يقولى ضايعة انا فى مكانى
البنت :طب خلاص تعالو نلعب
اسيا:اه يلا بينا
همس:نلعب ايه
البنت :استنوا هعملكوا حاجه حلوة اوى وقربت من اسيا وحركت ايديها على ضهرها وفى ثانيه اسيا بقى عندها جناحين كبار وعملت نفس الكلام لهمس ولى لى
البنت:يلا نطير
همس:حتى لو عندنا جناحين احنا مش عارفين ازاى نطير
البنت:تعالى بس ومسكت ايديهم وبدأوا يطير كلهم مع بعض
وبعد فترة
البنت:ايه رأيكوا فى المكان دا
همس :حلو
اسيا:روعة
البنت:طب ايه رأيكوا نفضل هنا علطول
همس:هو ينفع
البنت: بس مش هينفع ترجعوا تانى
همس:ماشي انا موافقة
اسيا :وانا كمان
لى لى :وانا كمان
فى الحقيقة
فى اوضة العمليات الدكتور بيحاول ينعش همس
فى اوضة فى المستشفى دكتور بيحاول ينعش اسيا
عند المجهول بيحاول ينعش البنت اللى على السرير

استوب
هل كدا خلاص اسيا وهمس هيموتوا؟
ايه حكاية ضياع همس؟ ومين البنات اللى كانوا معاها؟
مين البنت اللى كانت مع المجهول؟ وليه قالت إن همس وآسيا دواها؟
مين اللى ظهرت لكاميليا وهمس فى الحلم؟
احب اسمع التوقعات ورأيكم فى الرواية