طفلة ولكن

الجزء العاشر ٢(إلينا)

نكمل
همس بهلوسة :الولاء للابد
اسر بص بصدمة لاسد اللى غمض عينه جامد لانه كان عارف أن اكيد ليها علاقة بالمنظمة
اسر بصدمة :اسد ايه دا
اسد :وديها اوضتها يا اسر
اسر :بس
قاطعه اسد : وديها اوضتها الاول انا مستنيك هنا
اسر :حاضر
وبدأ يسحب همس ناحية اوضتها وخلاها تنام وخرج وقفل الباب بس وهو جاى ينزل لقى حسام واقف قدام باب كاميليا فراح ناحيته وكان لسه هيتكلم بس حسام شاورله أنه يسكت وسحبه لبعيد
اسر باستغراب :فى ايه
حسام :اريا مرات اسد بتتكلم مع طنط كاميليا مامت همس
اسر :بتكلمها فى ايه
حسام :بتقولها أنها انقذتها علشان كدا عيزاها تفوق
اسر بتفهم :اه طيب انا هنزل لاسد
حسام :وانا هروح اشوف جاسر
اسر :نايم فى اوضتى
حسام :طب تمام
عند اسد كان قاعد مستني اسر وهو بيفكر فى موضوع همس لقى زياد بيتصل بيه
اسد : ها يا زياد فى جديد ؟
زياد :انا دورت عن معلومات همس ومش هتصدق اللى لقيته
اسر نزل فى الوقت دا
اسد :دقيقة يا زياد
اسد لأسر :تعال فى معلومات عن همس
وفتح الاسبيكر
اسد :ها قول يا زياد
زياد : حياتها وهى صغيرة من اول ما اتولدت لحد ما بقى عمرها ١٤ سنة تقريبا وهمية و وانا بدور على معلومات عنها لقيت أن فى واحدة اسمها همس شريف دى كانت طفلة غنيه اختفت لما كان عمرها ١٢ سنة وظهرت تانى لمدة تقريبا اسبوع واحد وهى عندها ١٤سنة ولقيت فحوصات طبية ليها عند دكتور نفسي وهو بالصدفة بردو نفس الدكتور اللى اسيا يوسف كانت كاشفة عنده واتشخصت وقتها بفقدان ذاكرة ناتج عن صدمة نفسية وبعدها علطول اتعملها شهادة وفاة وبعدها ظهرت همس كمال اللى موجودة معاكوا دلوقتى وزى اسيا بالظبط اتعملها ماضي وهمى تماما
اسر :انا مش فاهم اى حاجه
اسد :زياد فى حاجه تانية
زياد :اه فى حاجه كمان عنها
اسد : ايه
زياد : اى ورق رسمي عنها بيقول أنها عندها ٢١ سنة ومع ذلك فى ورق تانى بيقول أن عندها ٢٠ سنة وفى كمان حاجه لقيتها عن المقدم جاسر
اسد :ايه
زياد :انا كنت قولتلك أن باباه مات وهو بينفذ عملية لقيت أنه العملية اللى باباه مات فيها كل السجلات اللى عنها فى الشرطة مجرد أنه استشهد أثناء تأدية وظيفته بس
اسد : طب وايه اللى فى كدا ما يمكن مهمة سرية
زياد :لا ما انا فضلت ادور فى الموضوع دا وعرفت أنه كان فى المهمة دى مع واحد بس كمان بس الظابط التانى بعد موت ابو جاسر استقال من الشرطة
اسد : عرفت ليه
زياد : اه انا رحت لحد بيت الظابط دا فى الاول طردنى بس قولتله انى بحل القضية اللى هما كانوا بيحاولوا يحلوها قالى أنهم فى البداية كانوا بيحاولوا يقبضوا على عصابة سرقة بس بدأ الموضوع دا يسحبهم وعرفوا أن العصابة دى تابعة لمنظمة واكتشفوا أن المنظمة دى بتعمل كل حاجه خطف سرقة قتل تجارة اعضاء كل حاجه ممكن تتخيلها لما جم يعرضوا الموضوع على القيادات العليا رفضوا وحذروهم من أنهم يكملوا بس هما قرروا يكملوا للاخر لوحدهم وفجأة بدأ يجيلهم تهديدات بقتلهم وقتل عائلتهم فهو خاف وقرر يوقف بس ابو جاسر موقفش لحد ما فى يوم جاله خبر وفاة ابو جاسر ولما حاول يعرف اللى حصل عرف أن الموضوع له علاقة بالمنظمة فاستقال
اسد : معرفتش اي حاجه عن المنظمة اللى هما كانو بيحاولوا يقبضوا عليه
زياد :سألته عن اى حاجه مميزة فيها قال إنه ميعرفش غير انهم كانوا بيعلموا الاطفال اللى بيخطفوهم بعلامة فى رقبتهم من ورا وطبعا انت عارف دا معناه ايه وكمان لقيت ان المقدم جاسر دا بيحاول دلوقتى أنه يدور فى سر موت باباه وغالبا هو عرف عن المنظمة وحسام صاحبه بيساعده فى الموضوع دا
اسد : ماشي يا زياد افضل دور ولو لقيت حاجة جديدة كلمنى علطول
زياد: تمام يا باشا
بعد ما قفل اسد الفون
اسر :طب ايه مش ناوى تفهمني حاجه
اسد :بعد ساعه بالضبط واهو تكون همس فاقت وجاسر يكون نام شوية هنتجمع كلنا واحكيلكوا على كل حاجه
اسر :انت هتحكيلهم عن المنظمة
اسد :اه
اسر : وحسام وجاسر كمان
اسد:اه
اسر :اسد انت متأكد من اللى انت بتعمله
اسد :فى الاول كنت ناوى اخلص كل حاجه لوحدى بس دلوقتى لا انا هحتاجهم معايا خصوصا أن انا اتوقعت الوقت غلط كنت مفكر هيبقى معايا وقت بس دلوقتى لأ
اسر :هون على نفسك يا اسد
اسد :انت عارف انى مش بخاف ولا حتى بزعل انا عايش بعقلي وبس
اسر :علشان كدا بقولك هون على نفسك
اسد : اسر هو ايه اللى حصلك امبارح
اسر : معرفش
اسد :انت لسه بتسمع نفس الصوت
اسر :اه مفيش يوم بيعدى من غير ما احلم بيها مش قادر انسى
اسد : معلش يا اسر حاول متفكرش كتير فى الموضوع دا انت عارف أنه بيفكرك بالحادثة وساعتها بتتعب
اسر: حاضر بس قوم انت نام على ما يصحوا
اسد :بس
قاطعه اسر :يلا يا اسد قوم بقى
اسد :ماشي انا قايم بس صحينى بعد ساعة بالظبط سلام
وقام اسد راح ينام أما اسر فطلع فوق لأعلى اوضة فى الفيلا (ودى اوضة كان اسر طلب من اسر أنها تبقى ليه لان سقفها كان عبارة عن ازاز شفاف بتقدر منه تشوف السما وظبطها وحط فيها سرير ليه ومكتب صغير وقبل ما كان يمشي كان بيغطيهم علشان التراب ) دخل اسر الأوضة وشال الغطا من على السرير والمكتب وراح نام على السرير وبص على السما وبدون ما يحس دموعه بدأت تنزل على وشه ومسك السلسلة اللى حاططها حوالين ايديه وبدأ يلمسها
اسر :يا ترى انتى فين ولا انتى مين ليه فضلتى فى ذاكرتى ليه مش راضية تسيبينى ولا يا ترى انا اللى مش راضي اسيبك
ورجع تانى يبص للسما بوجع من ذكرياته اللى مش راضية تسيبه فى حاله
عند حسام راح لجاسر وحاول يصحيه بس جاسر مصحيش وفضل نايم فخرج من عنده وراح اوضته وفتح التليفون واتصل على جنة
حسام :جنتى عاملة ايه
جنة : انا كويسة يا حبيبي انت عامل ايه
حسام : انا كويس طول ما انتى بخير مش محتاجة اى حاجه
جنة :سلامتك المهم تخلى بالك من نفسك وتتغطى علشان متبردش ويجيلك برد
حسام : حاضر يا روحى وانتى كمان خلى بالك من نفسك انا شكلى هتاخر بس لو طولت عن اسبوع هاجي اشوفك وارجع تانى أو اخدك معايا
جنة : طيب ماشي
حسام : يلا سلام ياجنتى
جنة : سلام
وكملت بسرعه : حسام استنى
حسام :ايه يا حبيبتي فى حاجه
جنة : ها اه ولا اقولك لا مفيش خلاص مش مهم
حسام بضحك :كويس
جنة بحرج :هو ايه اللى كويس
حسام بتلاعب :اللى انتى بتسألى عنه
جنة :متبقاش غلس يا حسام
حسام :من شوية كنت روحى وحبيبي دلوقتى بقيت غلس ولا علشان سيرته جت فى الكلام
جنة : تصدق انا غلطانه انى كلمتك
حسام :على فكرة انا اللى كلمتك
جنة :سلام يا حسام
حسام : ماشي يا اختى سلام
جنة :حسام
حسام :نعم
جنة بود :متزعلش منى
حسام :عمرى ما ازعل منك انتى قلبي
جنة : وانت سندى الوحيد
حسام :يلا سلام يا جنتى
جنة :سلام يا روح جنتك
وقفل الاتنين بس كل واحد فيهم نفسه يقول للتانى كلام كتير
حسام : اسف يا جنة انى معرفتش احميكي بس صدقينى هاخدلك حقك
جنة : نفسي ترجع زى الاول يا حسام اسفة لو كنت أنا السبب
فى مكان المجهول وتحديدا فى اوضة بعيدة شوية بنت نايمة حاضنة نفسها زى الاطفال مش حاسة باى حاجه من حواليها فى عالم تانى من خيالها وذكرياتها الزمن بالنسبة لها وقف فى لحظة فقدانها ل..... (مش لازم نعرف دلوقتى)
بعد ساعة
اسر قام وغطا كل حاجه فى الاوضة ونزل لاوضة اسد وراح علشان يصحي اسد ويدوبك اول ما نده عليه قام علطول
اسر :انت ازاى بتصحى بالسرعه دى وانت منمتش بقالك خمس ايام
اسد :انت عارف انى مش بحس بالتعب ولا بحلم اصلا يلا بينا روح صحى جاسر وهمس وحسام وخليهم ينزلوا تحت
اسر :ماشي
وخرج اسر راح الاول لجاسر فضل يحاول يهز فيه وينادى عليه بصوت عالى ومفيش فايدة فراح مسك كوباية ماية ورماها فوقيه بس مع الاسف جاسر ضربه بالرجل أو ما يسمى بالشلوت فى بطنه
اسر بألم:يخربيتك بطنى يا مفترى
جاسر بهلوسة :فى ايه
اسر :اتزفت قوم اسد عايزنا تحت
جاسر :قوله هروحله الخميس اللى جاى
اسر وهو بيقرب منه :قوم يالا اخلص خميس ايه
جاسر جه يتقلب قام ضربه بالبوكس فى وشه
اسر بألم :لا انت كدا قاصد قوم يالا
وسحبه خلاه يقع على الأرض
جاسر وهو ماسك ضهره :ايه اللى انت عملته دا ضهرى
اسر :لا وانت ما شاء الله عليك طبطبت عليا اخلص قوم اغسل وشك كدا وفوق وانزل علشان اسد عايزنا تحت
جاسر :هي الساعه كام
اسر : الساعه ١٠ بليل
جاسر بتذمر :حرام عليكو انا منمتش غير ساعة
اسر :كفاية عليك يالا قوم
جاسر :طبعا ما انت لفيت الساعه نوم
اسر:لفيت ايه يا اخويا
جاسر :يعنى نمت ٢٤ ساعة يا اخويا وانا اللى ادبست شيل وحط لحد ما ضهرى اتقسم
اسر :خلاص يا عم انت هتقطمنى انا مالى انا اسد هو اللى عايزك
جاسر :ما هو كان حظى الهباب اللى عرفني على حسام
اسر :اول ما تخلص ندب على حظك انزل
جاسر :خلاص يا حج نازل
خرج اسر وراح لاوضة همس وفضل يخبط على الباب لحد ما فتحت
همس :هو انا فين وايه اللى حصل وكمان ضهرى بيوجعنى كدا ليه
اسر بجمود :كويس انك فقتى من المخدر انزلى تحت وأسد هيعرفك على كل حاجه
همس باستغراب:هو فى ايه انت بتكلمنى كدا ليه
اسر ببرود:مالى ما انا عادى اهو
همس بعدم اقتناع:طب انا خمس دقائق وهنزل
اسر :ماشي
وراح لحسام وخبط على الباب وحسام فتحله
حسام :نعم
اسر : اسد عايزنا تحت فياريت تنزل
حسام :تمام انا نازل اهو
اما اسد فراح لاوضة اسيا لقاها نايمة زى الاطفال وماسكة السلسلة اللى رقبتها جامد قرب منها بالراحة
اسد : اسيا اصحي
لا رد
حاول أنه يحركها شوية فبدأت تفتح عينيها لكن بمجرد ما فتحت سحبت نفسها جامد فى ركن السرير وحضنت رجليها بايديها جامد
اسيا بهستيرية وهى مش مدركة هى فين :اسفه انا اسفة معملتش حاجه انا اسفة مش هعمل كدا تانى اسفة
اسد :أهدى انا اسد أهدى متخافيش
اسيا بدأت تهدى لما فاقت وشافت اسد
اسيا :انا اسفة أنى عليت صوتى
اسد :لا عادى بس ياريت تقومى وتنزلى تحت احنا كلنا هنبقى تحت علشان عايزكوا فى حاجة مهمة
اسيا :حاضر
وخرج اسد يدور على اريا فى اوضتها بس ملقهاش ولقى اسر وحسام جايين
اسد :اسر مشفتش اريا
اسر :هى اخر مرة كانت فى اوضة مامت همس
اسد :غريبة طيب انزلوا انا هجيبها واجى
حسام وأسر :ماشي
وراح اسد لاوضة كاميليا لقى اريا نايمة على كرسي جنب سرير كاميليا فقرب منها وصحاها
اسد :انتى ايه اللى نيمك هنا
اريا :معلش كنت قاعدة ونمت وانا مش واخدة بالى
اسد :طب يلا ننزل كلهم مستنين تحت علشان عايزكوا فى حاجه مهمة
اريا :حاضر
ونزلوا كلهم وقعدوا على كراسي على شكل دايرة
اسد :تحبوا مين فيكو يبدأ
همس :يبدأ بايه
اسد :تحبو اديكو فكرة عن المواضيع مثلا باباك يا حضرة المقدم أو طفولتك يا دكتورة همس ولا تحبوا نتكلم فى الموضوع الأهم المنظمة
همس :انا مش فاهمة انت بتتكلم عن ايه
اسد :يمكن تكونى مش فاهمة بس اكيد باقى اللى قاعدين فاهمين مفيش حد فى المكان دا مفقدش حاجه مفيش حد منكم جه هنا كدا وخلاص فى منكم اللى جه علشان يحمى حد أو علشان حاجه عايز ينفذها ومن انهاردة اللعب هيبقى على المكشوف اللى حابب يكمل معايا طريقي يعرف أن خلاص مفيش اسرار نبدأ باسيا
ووجه كلامه لاسيا :قوليلي كدا يا اسيا انتى اسمك ايه بالكامل
اسيا : اسمي اسيا ابراهيم عبد القادر
اسد :حلو اوى تعرفي تقوليلي اى موقف حصلك وانتى عندك عشر سنين مثلا
اسيا : انا مش فاكرة حاجه عن الماضي
اسد :طب ايه اول ذكرى ليكي فى حياتك
اسيا : بابا واخواتى وماما حواليا فى مستشفى تقريبا
بدأت اسيا تمسك رأسها بألم
اسد :خلاص متحاوليش تفتكرى وبالمناسبة معلش على اللى هيحصل
اسيا :هو ايه اللى هيحصل
اسد فجأة طلع المسدس بتاعه وضرب طلقه فى الجو فكلهم اترعبو
حسام :ايه اللى انت بتعملو دا
جاسر :مش فاهم يعنى كدا حلو افرض الطلقة كانت جت فى حد فينا
اسد :اهدوا شوية مبدأيا دا رصاص فشينك (مش حقيقي) وتقدروا تشوفوا انا ليه عملت كدا
وشاور على اسيا
اسيا بطفولية : همس ازيك
همس :لى لى
اسد :ازيك يا لي لي
لي لي :كويسة ازيك
اسد وهو بيطلع من جيبه شيكولاته :بصي انا جايبلك ايه
اسيا قامت بسرعه واخدت من الشيكولاته
اسد :ايه رأيك اديكي كمان واحدة بس تجاوبي على اسئلتي
اسيا :ماشي
اسد :انتى اسمك ايه
اسيا :اسمي لي لي
اسد :طب اسم باباكى ايه
اسيا :اسمه يوسف
اسد :حلو برافو عليكي
واتشغلت اسيا بالشوكولاته وأسد بدأ يشرحلهم
اسد وهو بيشاور على لى لى :اعرفكوا باسيا يوسف لما كان عمرها ١٢ سنة اتعملها شهادة وفاة بتاريخ سنة ٢٠١٣
همس :ازاى يعنى
اسد :زى ما سمعتى اسيا يوسف ميتة بالنسبة للقانون ودلوقتى اتجهزوا علشان تقابلوا اسيا ابراهيم تانى
وقام قفل النور دقيقتين وفتحه تانى ورجع قعد مكانه وبص لاسيا اللى كانت بتبص لنفسها وللشوكولاته باستغراب
اسد :اسيا معلش سيبي الشوكلاته دى
اسيا :حاضر
اسد :اعرفكوا باسيا ابراهيم عبد القادر ظهرت سنة ٢٠١٣ من العدم بماضي وهمي تماما

سر :يعنى ايه
اسد :ببساطة اللى قدامكوا دي اسيا يوسف اتولدت سنة ٢٠٠١ اختفت سنة ٢٠١١ وهى سنها ١٠ سنين ظهرت تانى بعد سنتين فى مستشفى وبعدها باسبوع تقريبا اتعملها شهادة وفاة وماتت فى القانون وكملت باقى حياتها كشخص جديد باسم جديد وهو اسيا ابراهيم وعاشت بيه لحد دلوقتى
همس :هو في حاجه اسمها كدا
اسد : لحد دلوقتى انا مكنتش اعرف أن فى حاجه اسمها كدا المهم أن فى حوالى سنتين من حياتها وهما ٢٠١٢ و٢٠١٣ ودول اللى فيهم السر
اسيا:يعنى انا مش اسيا ابراهيم
اسد :لا
اسيا :امال انا فين ابويا اللى بجد
اسد باسى عليها: باباكى اتوفى فى حادثة فى الوقت اللى انتى كنتى مختفية فيه
اسيا بدموع : انت كداب وانا بكرهك علشان انت كداب انا بكرهك
اسر : ايه اللى بيحصلها
همس بصوت واطى ليه :عايزها تكون عاملة ازاى
اسر :مش قصدى كدا ركزى فى عينيها
همس :ايه مالها
همس ركزت شوية لقت عين اسيا عماله تتبدل ما بين اللون الازرق والاخضر
همس لنفسها : دا لون عيون اسيا ولى لى
همس وهى بتقرب منها : اسيا أهدى
اسيا بصريخ :انا مش اسيا
همس :طب خلاص أهدى يا لى لى
اسيا :انا مش لي لي انا الينا
همس باستغراب :طب يا الينا أهدى انا معاكى اهو
اسيا: انتى واحدة كدابة انتى سبتينى لوحدى انا بكرهك
وفجأة مدت ايديها ومسكت قطعة ازاز صغيرة مكسورة ومحطوطة فى جنب وقربتها من همس
استوب
يا ترى مين الينا ؟
ايه اللى هيحصل لهمس ؟
ايه حكاية ابو جاسر ؟ وهل جاسر بيسعى للانتقام؟
ايه سر جنة وحسام ؟

البارت ٢٢٦٧ كلمة محدش يقول قصير علشان بتزعلونى واحب اسمع توقعاتكوا عن اللى جاي وعلى فكرا انا بقعد وقت طويل على ما اكتب البارت فاتمنى تقدروا دا