طفلة ولكن

الجزء السادس عشر(المطر والقمر)

نكمل
نهى بصدمة :همس
همس : حضرتك تعرفينى
نهى بتوهان :ها أنا لا معرفكيش
اسد بعد ما الجرسون مشي : انا كنت عايز اسأل على طالبة كانت هنا من ٩ سنين تقريبا
نهى وهى لسه باصة لهمس : مظنش أنى هفتكر بس هى اسمها ايه
اسد بترقب : اسيا يوسف
نهى فجأة بصت لاسد وقامت وقفت
نهى : انا معرفش حد بالاسم دا
اسد : طب معلش لو ينفع تقعدى
نهى بحدة : انا مستعجلة وزى ما قولت انا معرفش حد بالاسم دا
حسام : تقدرى تمشي بس علشان تكونى عارفة اسيا يوسف دلوقتى فى خطر واحنا محتاجين مساعدتك
نهى بعد ما قعدت : هى مين دى اللى فى خطر ؟
حسام : اسيا يوسف
نهى باستنكار: اسيا ماتت من ٧ سنين
همس :لا اسيا عايشة واحنا..
قاطعها اسد : فى احتمال أن اسيا تكون عايشة بس هى مش فاكرة اى حاجه وفى ناس دلوقتى بتحاول تأذيها فاحنا محتاجين مساعدتك
نهى : وانا اضمن كلامكوا منين
اسد :طب انتى لو شفتى اسيا تعرفيها
نهى بثقة : اه
اسد بتفكير :تعالى معانا
نهى :هنروح فين
اسد :هخليكي تشوفي اسيا
عند اسر
ريم برعل :انا معرفش حاجه صدقونى معرفش حاجه
هادى :طب أهدى احنا مش عايزين نأذيكي احنا بس بندور على اى حد يعرف اسيا
ريم :ليه
اسر : علشان نقدر نحميها
ريم : تحموا مين ؟ انتوا شكلكوا مجانين
اسر باستنكار : هى وصلت لمجانين؟
هادى : انتى ليه بتقولى كدا
ريم :اسيا ماتت من ٧ سنين فى حادثة
اسر : يعنى انتى تعرفيها
ريم بخوف : لا انا معرفش حد
وجت تمشي بس اسر منعها
ريم : انتوا عايزين ايه
اسر :عايزين بس نعرف ايه اللى حصل زمان لاسيا وصدقيني احنا مش عايزين نأذيكي انتى تعرفيها صح؟
ريم بخوف وحزن :اه اعرفها
اسر : طب انتى عايزة تساعديها ولا لأ
ريم بحزن : لو كانت لسه عايشة فأنا مستعدة اديها قلبي
اسر : طب انا بقولك اهو أن فى احتمال أنها تكون عايشة وعلشان كدا احنا عايزينك انتى ليه قولتى أنها ماتت وحادثة ايه اللى حصلتلها من ٧ سنين
ريم : اسيا ماتت فى حادثة المطر والقمر
اريا بصدمة :حادثة ايه
ريم :حادثة المطر والقمر
هادى :مالك يا اريا انتى تعرفي عن الحادثة دى حاجه
اريا :لا معرفش سمعت عنها مرة قبل كدا
اسر لنفسه : معقول تكون نفس الحادثة
قاطع تفكيره صوت ريم
ريم : انا هسألك سؤال واحد
اسر : اسألى
ريم : احتمال أن اسيا تكون عايشة كام فى المية
اسر : تقريبا خمسين فى المية
ريم : ماشي انا هقولكوا كل اللى انا اعرفه بس ارجوك لو اسيا عايشة بعد ما نخلص خليني اشوفها
اسر : حاضر
ريم :طب يلا تعالو معايا
اسر :فين
ريم : المدرسة هناك هقولكوا اللى انا اعرفه
اسر :بس خلاص المدرسة قفلت
ريم : تعالوا بس
اسر : طب اريا خدى سلمى واستنى مع اسيا وزياد
اريا:حاضر
اسر : وانت يا هادى تعالى معايا
هادى : تمام
وراحوا هما التلاته للمدرسة بس من ورا
هادى : انتى جبتينا هنا ليه
ريم :نطوا
هادى :ننط منين
ريم : نطوا من على السور وادخلوا المدرسة ايه مش يتعرفوا تنطوا
اسر : بنعرف بس ليه
ريم : هتعرف اول ما ندخل يلا
اسر :طب هادى انت هتعرف تتطلع على السور دا
هادى : اكيد
وفعلا فى دقيقتين طلع على السور وفضل واقف فوق وأسر كمان طلع على السور ورفعوا ريم معاهم ودخلوا هما التلاته المدرسة
اسر : ها وبعدين
ريم : تعالوا معايا
وراحت للمكتبة وأسر وهادى وراها
ريم بابتسامة وهى بتشاور على مكان تحت الشباك: دا كان مكانهم كانوا هما التلاته دايما بيقعدوا هنا
اسر بتساؤل :التلاته
ريم بحنين : اسيا وقمر وهمس
اسر : همس دى اللى هى همس شريف صح؟
ريم : اه
هادى: امال مين قمر دى
ريم : انت ازاى تعرف اسيا وهمس ومتعرفش قمر
اسر : اسيا وهمس الاتنين فاقدين الذاكرة ومش فاكرين اى حاجه فانا معرفش مين هى قمر اللى انتى بتتكلمى عنها
ريم : قمر دى الضلع التالت فى المثلث ريم واسيا وقمر التلاته كانوا مع بعض من اول ما اتولدوا همس اكبر بسنة من قمر وقمر اكبر بسنة من اسيا التلاته كانوا قريبين من بعض جدا لان امهاتهم كانوا اصحاب من زمان همس وقمر واسيا كانوا زى الاسطورة فى مدرستنا همس كانت الاقوى والاشجع ما بينهم اما قمر فدى كانت الارق والاحن اما اسيا كانت زى الملاك طيبة جدا بس فى نفس الوقت كانت قوية اكتر حاجه كانت بتكرهها الظلم
اسر : انتى ازاى فاكرة كل الكلام دا على الرغم انك كنتى صغيرة
ريم بابتسامة حزن :زمان كان فى واحدة اسمها كارمن كانت غنية ومدللة جدا وانا كنت لسة صغيرة وخبطت فيها بالغلط وانا ماشية بس هى وقعت على الارض وهدومها اتملت تراب فاخدتنى هى وبنتين كانوا دايما بيبقوا معاها ودونى فى مكان كدا ورا المدرسة كان بيبقى فاضي وقليل لما حد بيروح فيه ورموا عليا دقيق وبيض وضربونى جامد وكارمن كمان قررت تقص شعرى لانه كان طويل وناعم وانا كنت بحبه جدا بس قبل ما تقصه اسيا وهمس ظهروا وهمس منعت كارمن ودافعت عنى بس كارمن كانت ذكية وبينت الموضوع على ان همس واسيا هما اللى عملوا فيا كدا وهددونى علشان اقول ان فعلا همس واسيا هما اللى عملوا كدا وانا كنت صغيرة وضعيفة فعملت اللى قالولى عليه واسيا وهمس اعتذروا لكارمن قدام المدرسين بس بعدها طلع ان قمر كانت مصورة كل حاجه حصلت وهمس وقمر واسيا عرضوا الفيديو قدام ناس من مدرسة تانية كانوا جايين زيارة فى حفلة فى المدرسة وخلت كارمن تعتذرلهم قدام الناس الغريب بقى ان همس مزعلتش منى على الرغم انى شهدت مع كارمن بالعكس هما التلاته ساعدونى انى ابقى قوية وبقوا يحمونى من كارمن واصحابها يعنى ببساطة همس واسيا وقمر مكنوش مجرد تلت بنات ظهروا فى حياتى لفترة واختفوا علشان انساهم اسيا وهمس وقمر كانوا بيسيبوا علامة فى اى شخص يعرفهم
اسر :طب قمر دى راحت فين
ريم : اسيا وهمس وقمر التلاته ماتوا مع بعض فى حادثة من سبع سنين حادثة كبيرة جدا مات فيها على الاقل 100 شخص واتصاب فيها كمان ناس كتير جدا حادثة اتسمت بحادثة المطر والقمر
عند اسد اخد نهى وحسام وهمس وراح العربية
اسد لنهى بصوت واطى : خلى بالك هى مش فاكرى اى حاجه عن اللى حصلت زمان هى اصلا متعرفش هى مين فبلاش تسأليها على حاجه حصلت زمان
نهى بتوتر : حاضر متقلقش
اسد : اسيا تعالى اعرفك
اسيا : تعرفنى على مين
اسد : على مس نهى دى مدرسة كانت بتديكي زمان
اسيا بابتسامة : انا اسفة انى مش فاكراكى بس على العموم اهلا بحضرتك
نهى بتوهان : اسيا انتى اسيا بجد انتى عايشة
وبدون وعى شدتها وحضنتها جامد
اسد : معلش يا مس نهى بس هى اسيا تعبانة شوية
نهى بعدت شوية عن اسيا وهى بتبصلها وبتعيط فى نفس الوقت
اسيا باستغراب :انا اسفة لو زعلتك بس انا معرفش ايه اللى حصل
نهى وهى بتمسح دموعها: مفيش يا حبيبتى انا كويسة
اسد :اريا امال فين هادى واسر
اريا : هما الاتنين رجعوا المدرسة مع بنت كدا
نهى باستغراب : بس المدرسة قفلت خلاص
اريا : معرفش انا شفتهم رايحين ناحية المدرسة واسر قالى ارجع انا وسلمى
اسد : طب تعالو نروح نشوفهم
همس : انا هاجى معاك
حسام : وانا كمان
اسد : ماشي بس دقيقة واحدة
وراح ناحية زياد وقرب منه
اسد بصوت واطى :نفذت اللى قولتلك عليه؟
زياد :اه زمانهم وصلوا الفيلا
اسد بعد ما بعد عن زياد : ماشي يلا يا مس نهى
نهى وهى بتبص لاسيا : يلا ايه
اسد :نمشي
نهى : طب انا ممكن استنى هنا واهوا اتكلم مع اسيا يمكن تفتكر
اسد : لا تعالى الاول معانا
نهى باستسلام :حاضر
وراحوا هما الاربعة ناحية المدرسة
اسد : انا نفذت كلامى وخليتك تشوفى اسيا فياريت تساعدينى بقى
نهى : بس ازاى هى عايشة
اسد : انا اللى عايز اعرف هى ازاى ماتت
نهى :حاضر هقولك قبل تسع سنين سمعنا ان اسيا وقمر وهمس اتخطفوا من بيتهم وان البوليس بيحاول يدور عليهم بس مع الاسف معرفوش يلاقوهم وعدى على الكلام دا سنتين كاملين والتلت بنات مختفيين
اسد : دقيقة واحدة انتى قولتى دلوقتى اسيا وقمر وهمس مين قمر وهمس
نهى : قمر جمال وهمس شريف دول كانوا أصحاب اسيا بس كانوا متعلقين ببعض كأنهم اكتر من اخوات كانت روحهم فى بعض
اسد : طب وبعدين ايه اللى حصل
نهى : التلاته اختفوا فجأة واستمر الوضع لسنتين لحد ما جه يوم الحادثة
همس : حادثة ايه
نهى :حادثة المطر والقمر
اسد لنفسه : يارب اللى فى دماغى يكون غلط
كملت نهى وعنيها بدأت تدمع : الحادثة دى حصلت من سبع سنين مات فيها ناس كتير محدش عرف الحادثة دى سببها ايه ولا ابتدت ازاى بس اللى حصل أن فى حوالى عشر عربيات ومعاهم عربية كبيرة وباص كان فيه اطفال راجعين من رحلة خبطوا فى بعض وبدأت العرييات تولع وتنفجر فى دقيقة الطريق كله بقى عبارة عن عربيات بتنفجر وجثث كتير وصريخ مستمر
همس :طب ليه اتسمت حادثة المطر والقمر
نهى : لأن مكنش فى اى شهود يقولوا ازاى بدأت ويومها كان يوم اكتمال القمر والدنيا كانت بتشتي جامد فالناس قالوا إن الشاهد على الحادثة دى كان المطر والقمر الحادثة دى مات فيها جوزى هو كان مدرس فى المدرسة معايا
همس :البقاء لله اسفة أننا فكرناكى
نهى وهى بتمسك دموعها : لا متتأسفيش انا كدا كدا منستش
كانوا خلاص وصلوا المدرسة
اسد : هندخل ازاى والقفل دا محطوط
نهى : انا معايا مفاتيح كل مكان فى المدرسة دى بما فيه مفاتيح البوابة
وفعلا فتحت الباب ودخلوا كلهم جوا المدرسة
حسام :هنلاقيهم ازاى هنا
اسد : معرفش تعالوا نمشي فى المدرسة ممكن نلاقيهم
عند اسر وهادى وريم
ريم :على فكرة لو اسيا عايشة يبقى قمر وهمس كمان عايشين
اسر : ليه بتقولى كدا
ريم : مرة قبل كدا قمر جالها حمى وتعبت جامد لدرجه انها أغمى عليها واتنقلت المستشفى وفى نفس الوقت اسيا وهمس أغمى عليهم وكل ما واحدة فيهم كان يجرالها حاجه كانت بتحصل للاتنين الباقيين فبقينا نقول ان قلبهم بينبض علشان بعض وهمس كانت دايما بتقول أنهم هيفضلوا دايما سوا حتى فى الموت وانا متأكدة ان دا صح
عند اسد
حسام وهو بيشاور على المكتبة : اسر وهادى هناك
وراح هو وأسد وهمس ونهى ناحيتهم
نهى : انتوا ازاى دخلتوا هنا والمدرسة مقفولة
ريم بتوتر :ها
اسد :معلش بس دا مش موضوع نقاش فى الوضع دا لو ينفع تقعدوا كلكوا علشان نتكلم
نهى بغيظ :ماشي
قعدوا كلهم
اسد :مين البنت دى
اسر :ريم كانت تعرف همس وآسيا لما كانوا صغيرين ودى مين؟
اسد : مس نهى كانت مدرسة اسيا وهمس وقمر كمان
اسر :انتوا عرفتوا عن قمر
اسد :اه
حسام :طب بهدوء كدا نرتب كل حاجه حصلت واحدة واحدة
اسد :ماشي اولا همس وآسيا وقمر كانوا أصحاب اوى ومش بيسيبوا بعض ابدا صح؟
ريم :اه
اسد :ثانيا هما التلاته اختفوا من ٩ سنين وقعدوا يدوروا عليهم بس معرفوش يوصلولهم صح؟
نهى :اه واى حد حاول يدور عليهم كان مش بيكمل
اسد :مش بيكمل ازاى يعنى
نهى : نسيت احكيلكوا عن جوزى .....بعد ما اسيا وقمر وهمس اختفوا وقبل الحادثة بتلت اشهر تقريبا جوزى قاسم حاول يدور عليهم وقالى أنه لقى طرف خيط مهم وأنه قرب يوصلهم
همس :وبعدين
نهى وهى بتدمع : فى يوم قالى أنه عرف المكان اللى هما فيه وانه قرر يروح هو بنفسه يشوفهم وقالى كمان أنه قلقان أن الشرطة تبقى تبع الناس اللى خاطفينهم ودا كان يوم الحادثة ومع الأسف مات فى الحادثة بعد الحادثة بأسبوع لقيت رسالة جايلى ملخصها كان أن اللى حصل لقاسم كان علشان حاول يدور على اسيا وهمس وقمر فى الاول مكنش عندى حاجه اخاف عليها وقررت اكمل فى نفس طريق قاسم بس عرفت انى حامل فى شهرين فقررت انى احمى طفلي قبل اى حاجه تانيه واتضطريت انى اسكت بس هو دا الموضوع كله
اسر : طب انا عايز اعرف حاجه هما التلت بنات ايه اللى حصلهم بعد الحادثة
نهى : قمر محصلهاش حاجة خطيرة كانت مجرد كدمات وكسر فى رجليها وآسيا راحت فى غيبوبة اما همس فدى اكتر واحدة كانت حالتها خطر كان عندها حروق كتير وهى كمان راحت فى غيبوبة وبعدها بكام شهر التلاته ماتوا
اسر :انتى مش قلتي أن قمر كانت كويسة امال ازاى ماتت
نهى : بما أن همس ماتت ف دا يخلي فكرة موت اسيا وقمر بعدها مش محتاجة تفسير التلاته دول أرواحهم كانت مرتبطة ببعض
اسد :طب يلا نمشي
ريم لاسر : انت قولتلى انك هتخليني اشوف اسيا
اسر :حاضر تعالى معانا هخليكي تشوفيها بس خلى بالك هى مش هتفتكرك
ريم :مش مهم يلا
وخرجوا كلهم برا المدرسة
نهى لاسد : لو سمحت عيزاك فى كلمة على جنب
اسد :اتفضلى
وراحوا هما الاتنين على جنب
نهى : ارجوك احمى اسيا انا مش عايزة اللى حصل لقاسم يحصلها
اسد بصدق : متقلقيش انا هحميها ومستعد اضحي بروحى علشانها
نهى بامتنان:شكرا ليك يلا مع السلامه
اسد : مع السلامه
ورجع اسد تانى ليهم
اسر :كانت عايزاك فى ايه
اسد : مفيش حاجه يلا نمشي
وجم يمشوا بس اسد وقف
حسام :فى ايه
اسد : انا نسيت اجيبلكوا تليفونات بدل اللى اتكسرت وضاعت الايام اللى فاتت دى فى محل هنا هروح اجيب منه
حسام :انا هاجى معاك
اسر :وانا كمان
اسد للباقى :ماشي روحوا انتوا واستنونى فى العربية
الجميع :ماشي
وفعلا راحوا كلهم للعربية وأسد وحسام واسر راحوا المحل ودخلوا اشتروا تليفونات لأسر وهمس وآسيا واريا وجم يخرجوا بس حسام زق اسد بالغلط فاسد دراعه اتخبطت فى الباب
اسد بألم :ااه ما تحاسب
حسام :معلش مقصدتش
اسر بترقب :اسد هو انت اتألمت دلوقتى
اسد : ها
حسام : هو ايه دا ما طبيعي اتخبط هيتألم بس ايه دا انت دراعك وارم كدا ليه اقلع الجاكيت دا كدا
اسد فعلا قلع الجاكيت لقى كتفه وارم جامد
حسام وهو بيشوف كتف اسد : انت كتفك مخلوع دا حصل امتى
اسد بتوهان :مش عارف
حسام :يعنى ايه مش عارف هو انا بقولك عينك اتطرفت دا كتفك مخلوع انت ازاى مش حاسس بالوجع
عند ريم راحت مع هادى وهمس علشان تشوف اسيا وبمجرد ما شافتها اتصدمت أو يمكن خافت
ريم بدموع:اسيا
وجريت عليها وحضنتها فاسيا فتحت عينها جامد بصدمة ولون عينها عمال يتقلب بين الازرق والاخضر والاحمر لحد ما لون عينها بقى ازرق
اسيا وهى بتضم ريم : ريم وحشتينى

استوب
ازاى اسيا افتكرت ريم ؟
مين قمر ؟ وهل ماتت فعلا؟
ايه سر حادثة المطر والقمر ؟
ليه اريا اتصدمت لما سمعت اسم الحادثة ؟
---------------------------------------------------------
سؤال وجواب
- هي ايه المنظمة دى ؟
هادى : المنظمة هى كلمة واحدة الموت