طفلة ولكن

الجزء الحادي عشر(الكاسر)

نكمل
اسيا مسكت قطعة ازاز مكسورة من الأرض وقربتها من همس اللى فضلت ترجع لورا بخوف من اسيا اللى عينيها بقت حمرا بس اتكعبلت ووقعت ودماغها اتخبطت جامد فى الحيطة وآسيا بدأت تقرب منها اكتر وفى ايديها الازاز واول حد فاق واتحرك كان جاسر اللى قام بسرعه ومسك الازاز قبل ما يجرح همس واسد قرب من اسيا وسحبها بعيد عن همس اللى مسكت دماغها بوجع وحسام وأسر قاموا بسرعه يشوفوا همس وجاسر اللى ايديه اتقطعت جامد وفضلت تنزف
اسر : جاسر انت كويس ؟
جاسر بألم :اه
اسر :استنى هجيبلك قطن علشان الدم دا
حسام :اسر انا جايب علبة اسعافات هتلاقيها فى الاوضة اللى انت كنت نايم فيها
اسر : تمام
وراح بسرعه للاوضة
اما حسام فقرب من همس وحاول يوقفها
حسام بقلق:انتى كويسة يا همس
همس بأنين : اه بس
وبدأت تعيط جامد
حسام : مالك يا همس بتعيطي ليه
همس بدموع: انا مسيبتهاش انا مكنش قصدى هو السبب انا معملتش حاجه انا مكنش ليا ذنب كل دا كدب كل دا كدب
حسام : انتى بتهلوسي يا همس خلاص أهدى
وسندها وقعدها على كرسي وراح جاب مايه ورش شوية على وشها
همس بفزع من الماية :فى ايه
حسام :انتى كويسة ؟
همس :اه انت ليه رشيت عليا ماية
حسام :لانك كنتى بتهلوسي
همس :بهلوس ازاى يعنى وبعدين هو جاسر ايديها بتنزف ليه وآسيا ايه اللى حصلها
حسام باستغراب :ها لا مفيش اتخبط بس وآسيا كويسة
عند اسد بعد ما سحب اسيا بعيد قعدها على كرسي وثبتها بايديه وهى عماله تحاول تتحرك
اسد :خلاص يا اسيا أهدى
اسيا بغضب :انا مش اسيا .. اسيا دى مجرد واحدة ضعيفة
اسد :طب خلاص مش مهم اقعدى بقى واثبتى
اسيا بسخرية :انت محسسنى انك ملاك ما انت رحت اشترتها من الزفت ابراهيم ولا كأنها حتة ارض ايه خفت عليها دلوقتى ولا على ابنك
اسد :ايه اللى انتى بتقوليه دا
اسيا حاولت تتحرك جامد وجت تزق اسد قطعت حتة من قميصه وكانت لسه هتزعق بس سكتت ومدت ايديها لمست ندبة (أثر جرح) فى رقبته وابتسمت بجانبيه
اسيا : طب مش كنت تقول كدا من الاول علشان أرحب بيك
اسد :اقول ايه وترحبي بمين
اسيا : أرحب بالكاسر
اسد بصدمة :انتى جبتي الكلمة دى منين
اسيا بخبث :معلش اصل احنا مشوفناش بعض وقتها بس انا سمعت عنك واكيد انت كمان سمعت عنى انا إلينا
اسد : إلينا مين
اسيا :لا لا كدا هتزعلنى انا إلينا اللى المفروض ابقى زوجة الوريث
وفجأة مسكت رأسها بألم ومع ذلك ابتسمت لاسد وقالت :هنتقابل تانى اكيد
واغمى عليها فاسد خبط على وشها براحة وهزها علشان تفوق وفعلا فاقت بس لون عينيها رجعت اخضر
اسد بترقب :اسيا
اسيا بحزن :نعم
اسد :انتى كويسة
اسيا وبدأت تعيط :اه بس كان نفسي أشوفه على الأقل قبل ما يموت
اسد :خلاص يا اسيا الله يرحمه تعالى اوديكي اوضتك علشان تنامى
اسيا : لا دقيقة انا عايزة أسألك على حاجه كمان لو ينفع
اسد :اكيد اسألى
اسيا : انت قولت أن انا مش بنت ابراهيم صح؟
اسد : اه
اسيا : طب امى
اسد : بردو اللى انتى كنتى عايشة معاها دى مش امك
اسيا : امال امى فين
اسد : ها لسه موصلتلهاش لسه بدور عليها لما اعرف عنها حاجه هقولك يلا تعالى علشان ترتاحى
اسيا :انت مش هتكمل الكلام اللى كنت هتقوله من شوية
اسد : هو انتى هتستحملى نكمل
اسيا بحزن :اه عادى انا بس اتصدمت لما عرفت أنه اتوفى لو حابب تكمل اتفضل عادى
اسد بصوت عالى :مستعدين تكملوا؟ لان فى كلام كتير مهم لازم تعرفوه
حسام :بس جاسر وأيديه
اسد :تعال يا جاسر انا هعرف اخيطهولك بسرعه
فى الوقت دا نزل اسر ومعاه علبة الاسعافات
اسر :ايوا خليه يخيطهولك هيخلص بسرعه ومتقلقش مش هيوجعك
جاسر :وليه متكنش بتنتقم منى علشان ضربتك بالبوكس والرجل وانا نايم
اسر :اه يعنى كنت صاحي اهو
اسد :خلاص يا اسر تعال يا جاسر
وفعلا راح جاسر لاسد اللى بدأ يخيطله الجرح بسرعه ومن غير بنج
جاسر :واو ازاى بتعمل كدا انا مش حاسس بوجع
اسر :مش قولتلك
اسد خلص فى دقيقتين ولف الجرح
حسام :فعلا مدهش
اسد :يلا كله يرجع لمكانه علشان نكمل
وفعلا كله رجع مكانه
اسد :كدا خلصنا اسيا ...ها تحبوا مين الشخص التانى انا من رأيي المقدم جاسر
جاسر : اقول ايه يعنى
اسد : باباك مثلا
جاسر بدأ يحرك خاتم لابسه فى ايديه وهو بيتكلم
جاسر : ماشي انا باباي كان اللواء صخر .... كان مقطوع من شجرة زى ما بيقولوا ولما كان لسه ظابط اتعرف على امى .....كانت بتشتغل فى كافيه وكان هو دايما بيروح هناك .....حبوا بعض واتجوزوا .....وبعد حوالى اربع سنين امى بقت حامل فيا بس ماتت وهى بتولدنى وابويا هو اللى ربانى...فى الاول كان بيجيبلى مربيات ولما كبرت شوية بقى هو اللى بياخد باله منى..... واول ما بقيت فى الثانوية العامة بدأ يغيب فترات طويلة وكان دائما بيجي متأخر ..... قالى أن فى قضية مهمة هو ماسكها...... كان دايما مصدع لانه مكنش بينام فى الفترة دى .....وفي يوم قالى أنه خلاص وصل للرئيس بتاع المنظمة ويومها خرج ومرجعش
وسكت شوية واخد نفس طويل وبعدها كمل : لانه مات .....مات فى حادثة كبيرة حصلت كنت متأكد أن الحادثة دى مكنتش صدفة وأنه كان مقصود بسبب القضية الشؤم دى ومفيش حد كلف نفسه أنه يدور فى الموضوع دا فقررت انى ادخل كلية شرطة وبدأت احاول اوصل للمنظمة علشان اخد حقه وكله اللى عرفته أن اى حد بيدخل المنظمة لازم يتحط عليه علامتهم بس هو دا الموضوع كله
اسد : ويوم المستشفى ايه اللى وداك هناك وليه ساعدتنا
جاسر :يومها الراجل دا لفت نظرى علشان القناع وكمان اخدت بالى ان فى علامة على رقبته فمشيت وراه وشفتك يومها وانت بتبص على العلامة بعد ما الواد أغمى عليه فاتاكدت أن ليك علاقة بالمنظمة
اسد : تمام ها كدا اسيا وجاسر خلصوا مين الشخص التالت انا بقول تتعرفوا على اسر
اسر : حاضر انا لما كنت صغير كنت عايش فى عيلة غنيه نسبيا وفى يوم كنت نايم وجنبي امى وابويا ولما صحيت كان الاتنين جثث جنبي ودمهم كان على أيدي وبعدها فى ناس كدا اخدتنى معاهم وحطونى فى عربية غصب عنى واول ما صحيت كنت فى وسط اطفال كتير كان عمرى ١٣ سنة وعرفت أن اللى بيدخل المكان دا مش بيخرج حتى اللى بيموت بيدفنوه فى حفرة فى مكان معين جوا المنظمة وفضلت محبوس هناك لحد ما بقى عمرى ١٩ سنة ويومها حصلت حادثة كبيرة وانا هربت في الوقت دا
همس :بس دقيقة انت دلوقتى ازاى دكتور وانت كنت محبوس هناك الست سنين اللى المفروض تكون بتدرس فيهم
اسر :لأن الأطفال اللى كانوا بيتأهلوا أنهم يخرجوا للعالم الخارجى كانوا بيخلوهم يدرسوا بس طبعا مش بيروحوا مدارس بيدرسوا جوا المنظمة ولمدة ساعه واحدة وبتجيلهم الامتحانات يخلصوها وتروح المدارس ويجيلهم درجاتهم وطبعا الاطفال دول كانوا اللى هيبقوا غطا المنظمة يعنى اللى بيجيبوا الاطفال اللى اهلهم بيموتوا فى حادثة مثلا يا اما بيكونوا أطباء لنقل الاعضاء او رجال أعمال فاسدين يمدوا المنظمة بالفلوس
همس: طب مش ممكن بعد ما يخرجوا من المنظمة ميرجعوش تانى أو يبقوا ضد المنظمة
اسر : اللى بيعيش فى الضلمة طول عمره بيتأذى من النور وبيضطر يرجع للضلمة تانى حتى لو كان كارهها وهو دا اللى بيحصل اللى بيخرج من المنظمة بيكون خلاص مات من جوا بيبقى مجرد آلة بتنفذ المهمات بس كدا حكايتى خلصت
اسد :ها مين الرابع انا بقول دكتورة حسام
حسام :انا معنديش حاجه اقولها انا عيلتى كلها ماتت وانا صغير
اسد :واختك؟
همس :انت عندك اخت يا حسام؟
حسام بتنهيدة : اه اختى جنة هى عملت حادثة وهى صغيرة ودلوقتى مبتعرفش تمشي
همس : وانت ليه مقولتليش
حسام :لأن مكنش فى حاجه تتقال يا همس انا قولت لطنط كاميليا وهى اللى قالتلى انى مقولكيش دلوقتى
اسد : ها كمل يا دكتور
حسام :بس وبعدها عرفت جاسر وساعدنى فى انى الاقى بيت كويس فقررت اساعده فى انه يلاقى اللى عملوا كدا فى باباه ولما عرفت أن الموضوع له علاقة بهمس قررت اجي علشان افضل معاها بس هو دا الموضوع كله
اسد :طب تمام اعرفكوا بنفسي بقى ببساطة انا تقريبا قصتى نفس قصة اسر انا بردو اتخطفت من المنظمة فى نفس السنة اللى هو اتخطف فيها بس كان عمرى وقتها ١٦ سنة وزيه اتأهلت للخروج من المنظمة ودرست إدارة الأعمال وهربت معاه لما كان عمرى ٢٢ سنة
همس : وازاى بقيت رجل الأعمال دا دلوقتى على الرغم انك المفروض تكون مفلس لانك هربت منهم يعنى فضلت مستخبي منهم
اسد :فى اليوم اللى هربنا فيه منهم ساعدنا راجل كبير كان متصاب ومن يومها وهو بيعاملنا زى أحفاده وكان عنده شركة صغيرة وانا وأسر اشتغلنا فيها لحد ما كبرت وكبرنا معاها بس هى دى حكايتى ودلوقتى نتعرف على اريا
اريا : انا معنديش حاجه اقولها
اسد : امال ليه جيتى هنا يا اريا انتى لو عايزة مجرد حماية مكنتيش هتيجي هنا واكيد كنتى هتتحامى فى ابوكى
اريا : انا جيت هنا علشان مامت همس
همس :ايه علاقة ماما
اريا بحزن وهى بتفتكر : انا لما كنت صغيرة ابويا ساب امى تموت لوحدها فى اوضة بعد ما عملت حادثة وحبسنى فى اوضة تانيه علشان مروحلهاش وعلى فكرة يا اسد انا اكيد مكنتش هتحامى فى ابويا لأنه ببساطة قتل امى أما بالنسبة لمامت همس فهى مجرد أنها بتفكرنى بامى لانها كانت أول شخص يضحى بنفسه علشانى من غير مقابل بعد امى
اسد : تمام دلوقتى اظن نقدر نختم اليوم بالدكتورة همس
همس : انا اول حاجه فكراها فى حياتى هى انى نايمة على السرير وجنبي ماما وصاحبتها مكنتش فاكرة اى حاجه غير امى وابويا وأن أسمى همس ولما سألت امى قالتلى أن ابويا اتوفى فى حادثة وانا كنت معاه وانى فقدت الذاكرة من الصدمة وبعدها بدأت امى تحاول تخلينى افتكر بأنها تحكيلي عن حاجات حصلتلى وانا طفلة وبعدها خلتنى اكمل دراسة بس من البيت و بقيت باخد اكتر من سنة دراسية فى سنة واحدة لانى ضيعت تقريبا سنتين قبل الحادثة هى قالتلى انى تعبت فترة قبل الحادثة علشان كدا ضيعت سنتين بس الحاجات الغريبة بدأت تحصل لما بقيت بنام اكتر من يوم يعنى انام السبت اصحى الاتنين وساعات بنام بالليل اصحى اليوم التانى بالليل كنت لما اسأل امى كانت بتفسر دا انى أرهقت جامد لكن المشكلة أن ساعات زمايلي بيقولوا انهم شافونى فى الوقت اللى المفروض اكون نايمة علشان مرهقة على حسب كلام امى فى الاول حاولت ادور علشان اعرف اذا كان كلام امى حقيقى ولا كدب بس مقدرتش اشوفها وهى بتبذل كل جهدها علشان تساعدنى واتجاهل دا فبدأت اعمل نفسي مصدقة واتجاهل كل الحاجات الغريبة اللى بتحصلى
اسد :تمام اعرفكوا انا بقى على اللى انتى مش فكراه الاول قوليلى انتى اسم باباكى ايه
همس : كمال
اسد : طب مبدأيا كدا اعرفكوا على همس شريف دى طفلة اتولدت سنة ٢٠٠٣ كانت من عيلة غنيه وفى سنة ٢٠١١ ولما كان عندها ١٢ سنة اختفت وفضلت سنتين مختفية وهما سنة ٢٠١٢ و٢٠١٣ وبعدها ظهرت لفترة قصيرة حوالى اسبوع واتشخصت حالتها كفقدان ذاكرة بسبب صدمة ودا كان عند نفس الدكتور اللى اسيا كشفت عنده وبعدها طلعلها شهادة وفاة وبعد كدا ظهرتى انتى يا دكتورة همس ك همس كمال باباها متوفى فى حادثة وعايشة مع مامتها
همس باستنكار : اه وانت عايز تقول ان دول مش ابويا وامى الحقيقين مش كدا
اسد : بالنسبة لابوكى فاه انتى باباكى اسمه شريف بس هو فعلا اتوفى فى حادثة أما بالنسبة لمامتك فلأ هى فعلا مامتك الحقيقية لانها فعلا كانت متسجلة ك مامت همس شريف وك مامت همس كمال وبالتالى هى فعلا مامتك وبالعكس غالبا هى الوحيدة اللى عارفة الحقيقة عن اللى حصلكوا
اسر بتساؤل :حصلهم هما مين
اسد :همس وآسيا
جاسر : وهما ايه علاقتهم
اسد : هو انتو مكنتوش معايا وانا بتكلم من شوية مأخدتوش بالكوا من أن اى حاجه حصلت مع اسيا حصلت مع همس
جاسر : امممم طيب ودلوقتى انت عايزنا نعمل ايه
اسد : كل اللى قاعدين فى الدايرة دى المنظمة اخدت منهم حاجه يعنى بالنسبة لأسر عيلته بالنسبة لجاسر باباه بالنسبة لحسام هى اخدت كتير من خطيبتك وصاحبك بالنسبة لاريا فهى اخدت حياة الشخص اللى قلتى أنه الوحيد اللى ضحى بحياته علشانك بعد مامتك (قصده كاميليا )اما بالنسبة لهمس وآسيا فالحقيقة انا مش عارف اقولكوا ايه لكن من الواضح أنها اخدت حياتكوا
حسام : طب وانت
اسد : انا ايه
حسام بفضول : ليه بتعمل كدا المنظمة اخدت منك ايه
اسد : لا متقلقش انا المنظمة اخدت منى كتير اكتر مما تتخيل
اسر : طب ايه هنعمل ايه
اسد : الاول انا مش هسكت غير لما المنظمة تنهار مين هيساعدنى
جاسر بثقة : معاك
اسر : وانا كمان
همس : ايا كان اللى عملوه فيا فأنا عايزة اعرف واخد حقى فأنا معاك
اريا : ماشي معاك
اسيا : مظنش أنى هعرف اساعدكوا فى حاجه بس عادى انا معاكوا
كلهم بصوا لحسام منتظرين رأيه
حسام بتفكير : ماشي بس انا هعوز اروح القاهرة يومين فى الأسبوع علشان اختى
اسد : ماشي كدا كلنا اتفقنا مبدأيا علشان تعرفوا احنا ورا ايه المنظمة ليها مقر رئيسي محدش يعرفوا غير رئيس المنظمة والوريث
جاسر :وريث ايه
اسد : الوريث بيبقى اللى هيبقى الرئيس بيساعد الرئيس لحد ما يموت وبعدها يبقى هو الرئيس
جاسر : اه فهمت
اسد : المنظمة بتضمن خمس مجموعات من الأطفال المجموعة الأولى هما اطفال العائلات الغنية اول ما العيلة فلوسها تروح أو يحصلها أزمة بيعملوا حادثة تتشاف على أنها حادثة أو انتحار وبياخدوا الاطفال والموضوع بينتهى على كدا
همس : طب والشرطة مش بتعمل حاجه ليهم
اسد : المنظمة اكبر من اى سلطة المهم نرجع تانى المجموعة التانية وهى الاطفال اللى فى المستشفيات حادثة كبيرة حصلت ومات كل اللى فيها ماعدا طفل مثلا والمفروض يروح ملجئ وقتها بيتسجل على أساس أنه مات فى الحادثة وبيتبعت على المنظمة المجموعة التالته وهما عبارة عن اطفال لاصحاب شركة كبيرة بدأت تهدد تواجد المنظمة فبيدبر ليهم حادثة والأطفال بيتبعتوا المنظمة المجموعة الرابعة وهما عبارة عن اطفال الشوارع سواء عيال تائهة أو عيال هربانه من بيوتها المجموعة الخامسة والأخيرة هما اللاجئين أو اللى بيهاجروا ودول عبارة عن مركب مثلا كانت هتهرب عيال لبلد بعيدة بياخدوا اللى ينفعهم والباقى بيتغرق فى البحر أو اللى جايين من بلاد تانيه كلاجئين بياخدوا الاطفال ومع الأسف عائلات الأطفال دول مش بيبقى مثبوت أنهم دخلوا البلد اصلا فميقدروش أنهم حتى يبلغوا عن اللى حصل لعيالهم واساسا معظمهم المنظمة بتتخلص منهم فى البداية بيقسموا الاطفال على التصنيف دا بس لما العيال تكبر بيتقسموا حسب الوظيفة سواء نقل أعضاء او رجال أعمال فاسدين أو تجارة بالبشر وحاجات تانيه كتير وزى ما قال اسر اللى بيدخل مبيخرجش غير لو كان ميت من جوا
حسام:طب احنا هنبدأ منين
اسد : هنبدأ من الخيط الوحيد اللى فى ايدينا دلوقتى
جاسر بتساؤل : واللى هو ؟
اسد : همس وآسيا
اسر : ازاى يعنى
اسد : المنظمة عايزة همس وآسيا ومتنسوش أنهم هما الاتنين عليهم علامة المنظمة ومع ذلك هما الاتنين عايشين وقدامنا اهو
همس بذهول : دقيقة مين دول اللى عليهم علامة المنظمة
اسد : صح نسيت اقولكوا فى اليوم اللى اسر تعب فيه وهو فى المستشفى قبل ما نيجي انتى اتصابتى فى ضهرك وانا عالجت جرحك وشفت علامة المنظمة عليكي وآسيا كمان شفت العلامة عليها بالصدفة
همس : يعنى اكيد أن احنا دخلنا المنظمة ؟
اسد : اه وعلشان كدا بقولكوا أن انتوا الطرف اللى فى ايدينا ازاى قدرتوا تعيشوا فى النور وانتو محدش بيحميكوا والمنظمة معملتش فيكو حاجه
حسام : طب وهنعمل ايه
اسد : انا عرفت المدرسة اللى انتو كنتوا فيها وطلع أن انتو الاتنين كنتو فى نفس المدرسة ودا اول مكان هندور فيه
همس : طب هنروح امتى
اسد :بكرا الصبح
اسر : اه بس انا مش معايا هدوم غير اللى عليا
حسام : كلنا كدا
اسد : ماشي قبل ما نروح بكرا هنروح نجيب لبس لينا بس فى حاجتين مهمين
جاسر بنفاذ صبر: ايه تانى
اسد : اولا احنا هنحتاج بطايق هوية مزورة لأن فى حالات مش هنعرف نستخدم فيها البطايق الحقيقية بتاعتنا
جاسر : يا حلاوة هبقى ظابط ومزور
اسد : وتانى حاجه فى حد منكم يعرف فى البرمجة والتهكير
كله شاور ب لأ
حسام : وانت عايز هاكر ليه
اسد : لأن احنا مش عايزين كاميرات مراقبه تصورنا ومش هينفع كل ما نروح حتة جاسر ينزل يمسح الكاميرات وكمان انا سمعت قريب إن المنظمة عملت موقع مشفر وبيكتبوا عليه مواعيد تنفيذ عمليات كبيرة بس بطريقة محدش يفهمها غيرهم انا عارف فى البرمجة شوية بس مش لدرجة انى اهكر كاميرات مراقبة أو كدا
اسر : طب وبعدين هنعمل ايه
جاسر: ما تجيب لينا هاكر وندفعله فلوس ويبقى ثقة
اسد :مفيش حاجه اسمها ثقة انا مستحيل أثق فى اى حد فى الموضوع دا
اسيا بخفوت : لو سمحتوا
اسد :بتقولى حاجه
اسيا : انا بعرف
همس باستغراب :بتعرفي ايه
اسيا : بعرف فى البرمجة والتهكير
اسر :ازاى يعنى
اسيا : جدو عبد القادر كان جاب ليا لاب توب وبدأت اتعلم عليه وبقيت بعرف ادخل المواقع المشفرة
جاسر : اتعلمتى لوحدك ؟ دا انا قعدت تلت ايام على ما عرفت اعمل اكونت على الفيسبوك وانتى اتعلمتى لوحدك كدا
اسيا : انا فضلت سبع سنين فى الاوضة بتاعتى يعنى مش وقت قليل بس انا عايزة اللاب توب بتاعى ضرورى هو لسه فى الصعيد بس اللى فى البيت ميعرفوش عنه حاجه
اسد : مش مهم انا هكلم زياد يروح على اساسا يجيبلك حاجتك وقوليلو مكان اللاب توب وهو يجيبهولك
اسيا : تمام
اسر :طب كدا حلو اوى فاضل البطايق المزورة هنعملها ازاى اكيد محدش يعرف يعملها فيكوا
جاسر بصوت واطى جدا : انا
اسر : انت بتقول حاجه يا جاسر
جاسر بصوت واطى : انا اعرف اعملها
اسر بنفاذ صبر : ما تعلى صوتك يا عم
جاسر بصوت عالى : انا اعرف ازورها خلاص ارتحت
اسد : بجد يا جاسر تعرف تزور
جاسر: اه يا اخوى اعرف واهو على اخر الزمن ابن اللواء صخر هيبقى مزور
اسد : طب تمام يلا نبدأ
جاسر : انا لسه هحتاج معدات وكمان انا هموت وانام
اسد : طب انتوا كلكوا تروحوا دلوقتى تناموا وانت يا جاسر اكتب كل حاجه هتحتاجها وانا فاكر أن كان في مول كبير بعيد شوية هروح اجيب منه الحاجه وبالمرة اجيب اكل وبعد ساعتين هصحيكوا نبدأ
حسام:ليه هو كلنا هنعمل معاه
اسد :هنساعده علشان يلحق يخلص
حسام :طيب ماشي
وفعلا بعد ما جاسر كتب كل حاجه هو محتاجها كله طلع ينام ما عدا اسد وأسر
اسد : ايه مطلعتش تنام ليه
اسر : اول ما ترجع تنام يا اسد علطول حتى لو كان متبقى خمس دقايق نامهم
اسد : يا بنى انت قلقان على ايه انا كدا كدا مش بحلم ولا بحس انى عايز انام
اسر :مش مهم المهم تنفذ اللى انا بقولهولك
اسد : ماشي يا اسر يلا اطلع نام
بعد ساعه اسد رجع البيت ومعاه الحاجات حط كل الحاجات فى جنب وراح ينام زى ما اسر قاله بس محبش ينضف اوضة ليه فقرر يروح ينام عند اريا بس وهو رايح هناك شافها نايمة على كرسي جنب سرير كاميليا وقف شوية مستغرب منها دى اكيد مش اريا بس فجأة حس بيها بتفوق ففتح اول باب ودخل لقى اسيا نايمة على السرير زى الاطفال وفعلا هى شبه الاطفال أو يمكن تكون فعلا طفلة قرر ينام فى اوضتها وخلاص وفعلا راح رقد على السرير ونام وبعد ما كان خلاص استغرق فى النوم سمع صوت حركة فقام يشوف فى ايه بس لقى اسيا مش جنبه نزل تحت لقى ناس كتير ملثمين وماسكين سكاكين ومسدسات واتصدم لما لقى اسيا وهمس واريا وحسام وجاسر واسر واقعين فى الارض وكلهم بينزفوا ولقى واحد طالع من بين الملثمين وشكله الرئيس بتاعهم ورفع اسر اللى كان مغمى عليه وواقع فى الارض وحط سكينة على رقبته وفى نفس الوقت كل واحد من الملثمين مسك حد من اللى واقعين فى الارض وبعدها الرئيس ابتسم لاسد اللى كان بيتابع الموقف برعب وعمال يحاول يتحرك ومش عارف
الرئيس : دى نهاية اى حد يقرب منك مهما حاولت تحميهم علشان بعد كدا متقربش مننا يا يا كاسر
وفجأة كل الملثمين والرئيس قالوا بصوت عالى :الولاء للابد
وفى نفس الثانية سحبوا السكاكين واتملى المكان بالدم

استوب
هل اسد فعلا مقدرش يحميهم ؟
ايه معنى اسم الكاسر ؟
ايه علاقة همس باسيا ؟
يا ترى المنظمة اخدت ايه من اسد ؟

البارت ٣٠٠٠ كلمة فعايزة تشجيع 👌👌
ودعواتكم لطلاب الثانوية 🤲🤲