طفلة ولكن

الجزء الرابع ٢(انقاذ)

نكمل
همس اخر حاجه شفتها كان شخص لابس قناع على وشه بيقرب منها والقمر كامل فى السما وبعدها اغمى عليها وراحت فى عالم أحلامها
حلمت انها فى مكان غريب اطفال كتير نايمين على الارض من ضمنهم بنت صغيرة بتعيط بصوت عالى جه على صوتها واحدة من برا وشها كله جروح وشكلها يرعب
الست بحدة: متتخمدى بقى هى ناقصاكى على المسا
وضربتها بالرجل فى بطنها
البنت رقدت وهى ماسكة بطنها وبتتألم وبتكتم صوت عياطها وفجأة سمعت صوت عالى جدا
اول ما فتحت عينها لقت العربية ولعت لكن الغريب أنها وأسر كانوا برا العربية وكمان كان فى جرح فى دراعها متخيط وأسر محطوطله جهاز تنفس قامت بسرعه وقربت من اسر لقت نبضه ضعيف جدا وسمعت صوت تليفونها بيرن جنبها وكان اسد
همس بتعب:الو
اسد:انتى فين مش قولتلى قربتى توصلى
همس: معلش انا هاجى دلوقتى بس هى اسيا كويسة
اسد : انا اديتلها من دوا اسر لأن اللى بيحصلها كان بيحصل لأسر
همس: بس اسيا حامل ممكن الدوا يأثر
اسد :لا مكتوب عليه أنه عادى ومش بيأثر هي نامت بس لسه بتترعش
همس:خلاص انا هاجى دلوقتى سلام
اسد: سلام
قامت همس وبصت حواليها ملقتش اى حد أو اى حاجه تعرف تكمل باقى الطريق وكمان اسر مغمى عليه وحالته بتسوء راحت ناحيته وفضلت تسحبه وسندته على ضهرها وبدأت تتحرك لكن مكنتش قادرة خصوصا بعد الحادثة بعد نص ساعه تقريبا كانت وصلت قدام بيت اسد بعد ما فقدت كل قوتها راحت بسرعه خبطت على باب الفيلا ورنت الجرس كتير ومجرد ما اسد فتح باب الفيلا أغمى عليها ووراها اسر هو كمان مغمى عليه اسد بسرعه شالها حطها على اقرب كرسي وجري لأسر شال جهاز التنفس وحطله واحدة من الدوا بتاعه وسنده لحد السرير وخلاه ينام واستغرب لما لقى أن كل لبسه تراب راح لهمس وخلاها تفوق
اسد:هو ايه اللى حصلكوا
همس بتعب:العربية خبطت فى شجرة جامد وبعدها انفجرت
اسد:امال ازاى وصلتوا
همس: مشي
اسد :دا بجد! طب وأسر اللى مغمى عليه دا مشي ازاى
همس :انا سحبته
اسد بصدمة :انتى بحجمك دا تسحبي الشخص اللى جوا دا
همس بتجاهل : اسيا فين
اسد :اه صح اسيا نايمة فوق تعالى اوديكي ليها
وطلعوا لاسيا
همس راحت تطمن عليها لقتها سخنة جدا
همس : دى مولعة هات كمادات ولو معاك خافض حرارة
اسد : مظنش فى هنا أدوية
همس :طب هات ماية باردة وحاجه اعملها بيها كمادات
اسد : المطبخ تحت انزلى شوفى انتى عايزة ايه انا معرفش فى الكلام دا وخرج راح لاسر
اما همس نزلت المطبخ وجهزت كمادات لاسيا و راحت حطيتهالها وفضلت جنبها حوالى تلت ساعات لحد ما الحرارة انخفضت قامت من جنبها وراحت تشوف اسر بقى عامل ايه
فضلت تدور عليه فى الفيلا لانها متعرفش هو فى أنهى اوضة كل ما تفتح اوضة تلاقيه يا فاضية يا مليانه ورق لكن فى اوضة فتحتها لقتها مليانه صور دخلت جوا وبدأت تبص فى الصور لقت انها صور لأشخاص كتير ورا بعض مترقمين ومتقسمة لمجموعات كل مجموعة فيها حوالى ١٠٠ صورة لاطفال وفوقيها خمس صور لأشخاص كبار وكان فى عشر مجموعات من ضمنهم سبع مجموعات مرسوم عليهم خط مايل كان فى مجموعة مميزة لأن الخمس أشخاص اللى المفروض فيها كانوا ورق ابيض مرسوم عليه علامة استفهام وفى نص المجموعات كان فى صورة كبيرة بيضة مرسوم عليها علامة استفهام كبيرة اول ما لفت لقت اسد واقف وراها وبيبصلها بغضب
اسد بحدة: اقدر اعرف بتعملى ايه هنا ؟
همس: انا كنت بدور على اسر علشان أشوفه بقى عامل ايه
اسد: برا
همس : نعم
اسد بصوت عالى: بقولك اطلعى برا واوعى تدخلى الأوضة دى تانى انتى فاهمة
همس بخوف:حاضر وطلعت بسرعه برا الاوضة
اما اسد فضل شوية يبص للصورة اللى قدامه بغضب وبعدها هدى شوية وخرج وقفل الأوضة وراه كويس ونزل تحت لقى همس قاعدة على كرسي راح ناحيتها وقال: اوضة اسر هتلاقى بابها لونه احمر غامق هى تالت اوضة على ايدك اليمين
قامت همس راحت لاوضة اسر دخلت جوا كان نايم ونبضه ونفسه انتظم
همس لنفسهاوهى بتبصله: يا ترى ايه الحاجه اللى انت خايف منها للدرجادى لدرجة أن يجيلك نوبة هلع بسببها وبصت على ايديه لقت السلسلة ملفوفة على ايديه قعدت تفكر يا ترى ايه علاقته باسيا وايه سر السلسلة دى واول ما بصت على ايديها شافت الجرح اللى متخيط واستغربت مين اللى خيطه وازاى لحق يخيط الجرح ويركب لأسر جهاز التنفس وخرجهم من العربية قبل ما تنفجر وكمان الخياطة من الواضح أن اللى خيطه شخص محترف وافتكرت لما شافت الشخص اللى لابس القناع يا ترى هو مين فاقت من ذكرياتها على صوت اسد
اسد: ايه بقى كويس؟
همس:اه كويس انا هروح لاسيا
وقامت راحت لاسيا
اما عند عيلة اسيا
عبد القادر لابراهيم:يعنى ايه تجوزها من غير ما انا اعرف
ابراهيم : بتى واعمل فيها اللى انا عاوزه
عبد القادر :صدقنى هتندم على اللى انت بتعمله دا
ابراهيم بحدة : ما خلاص بقى دى هتعيش فى مكان مكنتش تحلم بيه
عبدالقادر: انت بتعلى صوتك عليا شكلك نسيت انا مين
ابراهيم: اهو بكرا ولا بعده تموت وكل اللى انت بتتفاخر بيه دا هيبقى بتاعى
عبد القادر بصدمه من ابنه :انت بتقول ايه انت عايزنى اموت علشان الفلوس
ابراهيم:انت السبب كل حاجه اسيا اسيا اسيا
عبد القادر بضعف: اسكت اسكت خالص مش عايز اسمعك ونده على السواق بتاعه اللى جه سنده وساعده يركب العربية
عبد القادر السواق: اطلع على اسكندرية
السواق : بس دا خلاص الفجر هيأذن
عبد القادر: مش مهم اطلع واحنا هنوصل على الضهر كدا
السواق:حاضر يا باشا وطلع بالعربية
اما عبد القادر كان في عالم تانى من كلام ابنه الجملة بتتردد فى ودانه بكرا تموت وكل اللى انت بتتفاخر بيه دا هيبقى بتاعى افتكر مراته وفضل بيتألم من كلام ابنه
عند اريا والشخص المجهول كانوا بيتكلموا فى التليفون
اريا:اسد اخدها الفيلا بتاعته هو وأسر
المجهول : روحى هناك
اريا:انا خايفة من اسد من ساعه اللى حصل وهو مكلمنيش
المجهول : متخافيش كدا وخليكي واثقة من نفسك
اريا : ماشي اول ما الصبح يطلع هروح على طول
المجهول:ماشي سلام
فى مكان بعيد ناس قاعدين حوالين مكتب كبير والكرسي اللى فى النص فاضي وجنبه واقف واحد مركب سماعه فى ودانه
الشخص ١: وبعدين فى اللى بيحصل دا احنا خلاص بنقع المنظمة كدا بتنتهى
الشخص٢: كله بسبب الأسد
الشخص ١: هو دا ممكن يكون.... وسكت
الشخص٣: يكون مين ؟ انت عارفه؟
الشخص١: هه لأ معرفهوش خالص
الشخص اللى واقف : الكينج بيقولكوا الاسد دا تخلصوا منه باى طريقة
الشخص ١:ايوا بس دا صعب
الشخص اللى واقف : هو ايه دا اللى صعب انا شكل ورايا عيال قدامكوا شهر لو الاسد دا فضل موجود انتوا اللى مش هتبقوا موجودين
الشخص٣:طب مين فينا المسؤل الرئيسي عن العمليه
الشخص اللى واقف شاور على الشخص١ : انت المسؤل الرئيسي والباقى هيبقوا مساعدين ليك
الشخص ١ بخوف: تمام يا كينج
الشخص اللى واقف : الكينج بيقولكوا الاجتماع خلص
كلهم خرجوا برا وكل واحد راح على عربيته ومشي
عند اسيا كان الصبح خلاص طلع صحيت من النوم لقت همس نايمة جنبها
اسيا:همس اصحي همس
همس:امممم
اسيا:يا همس
همس بدأت تصحى: نعم يا اسيا
اسيا: اصحى يلا هو انتى ازاى جيتي هنا
همس:لا دا موضوع كبير تعالى ننزل وبعدين هحكيلك نزلوا تحت لقوا اسد قاعد على الكرسي وعلى رجليه اللاب توب وشكله بيشتغل
همس باستغراب: انت منمتش
اسد ماردش عليه وفضل مركز
همس كانت لسه هتزعق بس لقت اسر نازل
اسر: هو ايه اللى حصل انا جيت هنا ازاى هو انا مش كنت فى المستشفى
همس: دا انا تقيل بشكل
اسر باستغراب : دا اللى هو ايه دا
همس:يا شيخ اسكت دا انا ضهرى بيوجعنى ربنا ينتقم منك
اسر: انتى مريضة نفسية يا بنتى ولا ايه وانا مال اهلى بضهرك
قطع خناقتهم اسد اللى قفل اللاب توب وقام وقف
اسد بحدة: شوفوا بقى انا بقالى يومين منمتش ومن مكان لمكان وكان ورايا شغل سهران عليه طول الليل انا طالع انام اقسم باللى خلقنى اللى هصحى على صوته هتكون جنازته على أيدى وطلع فوق
أما اسيا أنفاسها كانت بتبطأ ونبضات قلبها بتزيد بسرعه من الخوف وفى لحظه غمضت وفتحت
اسيا: همس ازيك وحشتينى خالص
همس بترقب:لى لى
اسيا: أه فى ايه انتى مصدومة كدا ليه
همس بخوف من اللى جاى: ها لا خالص مش مصدومة ولا حاجه
قطع كلامهم الباب اللى كان بيخبط همس راحت فتحت وكانت اريا هى اللى بتخبط
اريا دفعت همس ودخلت
اريا لأسر: ايه اللى دخل الأشكال دى هنا وكان قصدها على همس وآسيا
همس اتعصبت :أشكال مين ما تلمى نفسك شوية وبعدين ما تبصي لنفسك فى المرايا شوية دا انتى وشك بيستنجد من كمية المكياج اللى عليه
اريا : ايه البيئة دى وفى لحظة صوتت لما لقت اسيا بتعضها فى دراعها
اريا بعد ما بعدتها :ايه يا متوحشة انتى دا
اسيا بغضب طفولى :متزعقيش لهمس
اريا : انا مش عارفة ازاى اسد يدخلكوا الفيلا اساسا وبصت على اسر وقالتله مين دول يا اسر
لكن اسر مكنش بيرد وبيرفع ايديه علامة على أنه ميعرفش
همس:ما ترد يا بنى ادم انت قولها احنا مين وبعدين مين السحلية دى اساسا
اسر بردوا شاورلها أنه ميعرفش
همس :ايه اتخرست
اسر شاورلها بلأ وبعدين شاورلها على اسد اللى كان نازل وعينيه حمرا من الغضب
وبص اسر لهمس كأنه بيقولها عرفتى ليه انا ساكت

استوب
يا ترى ايه سر الأوضة اللى همس دخلتها ؟
مين اللى خيط لهمس الجرح وركب لأسر جهاز التنفس؟
مين الأشخاص اللى كانوا مجتمعين؟
وياترى هيعرفوا يخلصوا من اسد؟
اسد هيعمل ايه فى اسيا وهمس واريا ؟