طفلة ولكن

الجزء الرابع والعشرون(مش مسامح)

نكمل
وفجأة فتحت اسيا عينيها جامد وهى بتنهج ومسكت فى اسد جامد
اسد :اسيا اهدي مالك يا اسيا
اسيا بخوف :انا خايفة متبعدش عنى ارجوك عايزة تخرج
اسد:هى مين
اسيا:إلينا
اسد :طب انتى خايفة ليه
اسيا برعشة :علشان إلينا مينفعش تخرج
اسد : يعنى ايه تخرج
اسيا :يعنى تتحكم فى اسيا
اسد : انتى مش اسيا ؟
اسيا :لا انا لي لي
اسد :طيب يا لي لي انتى عارفة مين هى إلينا ؟
اسيا :إلينا تبقى.....ااااه
ومسكت رأسها بوجع
اسد بسرعة وهو بيقوم يقعد جنبها على السرير : خلاص خلاص مش مهم متفكريش اهدي خالص
اسيا بوجع خفيف : حاضر
وفضلت راقدة بهدوء وهى ماسكة فيه جامد
اسيا : عارف انا بحب انى انام وانا سامعة صوت نبض القلب
اسد : اشمعنا
اسيا :بفتكر اخواتى
اسد : هو انتى عندك اخوات
اسيا :اه عندي همس وقمر كنا دايما بنام جنب بعض وهمس فى النص وكانت بتحضني انا وقمر جامد لدرجة انى كنت بسمع نبضات قلبهم كنا كل يوم اتنين يهربوا ويجوا بيت التالتة يناموا معاها لحد ما امهاتنا اتفقوا أن كل يوم يسيبونا فى بيت واحدة فينا
اسد :انتى مش قلتي أنهم اخواتك امال ازاى فى بيت غير بيتك
اسيا :همس وقمر مش اخواتى اللى هو نفس الاب والام
اسد :امال ازاى
اسيا وهى بتبصله :همس وقمر اخواتى يعنى هما دايما معايا وبحبهم اوى
اسد :اه طب هما فين
اسيا وهى بتبص لبعيد بحزن :معرفش مشيوا
اسد :معلش متزعليش انا هدورلك عليهم كويس وهلاقيهم أن شاء الله
اسيا:بجد يا اسدي
اسد : دلوقتى ضفتي ياء الملكية يا لي لي
اسيا باستغراب :يعني ايه
اسد :لا مفيش نامي يلا
اسيا :انام ايه دا الشمس صحيت
اسد باستغراب: الشمس ايه
اسيا :بقولك الشمس صحيت يعنى نورت انت مش عارف اي حاجه كدا
اسد بسخرية:معلش يا ستى هتعملي ايه غبي بقى ولازم تستحمليني
اسيا :مش مهم طالما هتجيبلي همس وقمر هستحملك
اسد :يعنى بعد ما اجيبهم هتسيبيني
اسيا :لا مش هينفع
اسد :ليه
اسيا :علشان اسيا قالتلي انها مش هينفع تسيبك
اسد :اسيا قالتلك ؟! هو انتى بتتكلمي مع اسيا يا لي لي
اسيا :اه بس مش كتير هي ساعات لما بتنام بشوفها وكتير بتحكيلي عنك
اسد:بتحكي ايه
اسيا :بتقولي انك طيب اوى وانك جبتلها كرز وهى كان نفسها فيه اوى وأنها بتح....اااه
اسد :مالك في ايه
اسيا:دماغى ااااه خلاص مش هقول حاجه
اسد :ايه اللى حصل
اسيا :مش عيزانى اكمل
وبعدين غمضت عينيها جامد وفتحت ولون عينيها بقى احمر زى الدم
اسد وهو باصص لعينيها:إلينا
اسيا : مش قولتلك هنتقابل وكويس أن احنا المرادى لوحدنا علشان اتكلم براحتى
اسد :تتكلمي تقولي ايه يا الينا
اسيا وهى بتقوم من على السرير ورايحة ناحية البلكونة: اقولك أن المسرحية دى لازم تقف
اسد : مش فاهمك
اسيا :لا انت فاهم كويس سيبهم فى حالهم يا اسد هما مش زيك أو بمعنى أصح مش زينا
اسد بدفاع :انا بساعدهم
اسيا بقوة :انت بتقتلهم هم مش زينا
اسد :يعنى ايه مش زينا
اسيا قربت منه فجأة وسحبت سكينة من على صينية الاكل وكانت هتجرحه بيها بس اسد بسرعة اتفادى السكينة ووقعها من ايد اسيا وكتفها كويس فاسيا زقته جامد وفكت منه وبعدت بعيد
اسد بصلها بقوة بينما هى بادلته بنظرة برود
اسيا :اتمنى تكون فهمت
اسد ملامحه اتبدلت لاستغراب
اسيا :تعرف تقولي لو جاسر حد هجم عليه بسكينة زى دى هيعمل ايه اقولك انا مش هيلحق يتحرك ولا يتفاداها زيك طب تعرف تقولي لو حد كتف همس زى ما انت كتفتني دلوقتى هتعمل ايه اقولك انا مش هتعرف تقاوم هتفضل فى مكانها وكلهم كدا كلهم مش زينا افهم بقى احنا ميتين انت مت يوم ما فقدت احساسك بكل المشاعر البشرية
اسد باندفاع:طب وانتى
اسيا :انا ايه
اسد :انتى امتى موتي
اسيا :متستعجلش هيجي يوم وتعرف انا نصحتك وقولتلك ابعد عنهم
اسد :ولو مبعدتش يا الينا هتعملي ايه
اسيا بغضب وعينيه بتحمر اكتر ويتقرب منه :هقتلك يا اسد بقولك اهو هقتلك
اسد وهو بيقرب منها اكتر :وانتى قولتيلي بردو انى ميت اصلا
ومر من جنبها بس اول ما كان جنبها لقاها بتسند عليه فبص ليها لقى لون عينيها بقى ازرق فمسكها بسرعة قبل ما تقع
اسيا بابتسامة تعب :شكرا انك وقفتها
وغمضت عينيها وفتحت ولون عينيها بقى اخضر
اسد بترقب :اسيا
اسيا:هو ايه اللى حصل انا كنت نايمة وبعدين انت ماسكني كدا ليه
اسد وهو بيبعد عنها بتوتر :ها لا مفيش حاجه تعالى اقعدي ارتاحي
اسيا باستغراب:حاضر
وراحوا قعدوا هما الاتنين على السرير وساكتين خالص وبعد شوية قطع الصمت اسيا
اسيا :طب ننزل تحت هما اكيد كلهم صحيوا
اسد :تمام يلا
ونزلوا هما الاتنين تحت لقوا جاسر وزياد وهادي واسر وهمس وأسر وحسام واريا اللى قاعدة على رجليها سلمى وقاعدين كلهم فى الجنينة على شكل دايرة
اسد :فى ايه انتوا متجمعين كدا ليه
هادى :عادي قاعدين الجو حلو تعالوا اقعدوا
اسد وآسيا راحوا قعدوا معاهم
همس :اسيا انتى كويسة ؟
اسيا :اه الحمدلله
همس :وانتى يا اريا؟
اريا:تمام الحمدلله
اسد : فين جنة
جاسر بتوتر :نايمة تقريبا
اسد :معلش لو ينفع يا حسام تطلع تصحيها وتخليها تيجي علشان عايزكوا فى موضوع مهم
حسام:حاضر
وطلع حسام لاوضة جنة ودخل لقاها نايمة وحاجات كتير متكسرة على الارض فراح ناحيتها بقلق
حسام بقلق :جنة جنة اصحي
جنة بفزغ :فى ايه
حسام :انتى كويسة ايه اللى حصل
جنة : انا كويسة كنت بحاول اشرب بس فالحاجات اللى جنبي وقعت
حسام بشك :متأكدة
جنة :اه وهكدب عليك ليه
حسام :عندك حق طب تعالى ننزل علشان اسد عايزنا فى موضوع
جنة:تمام
حسام راح شالها وقعدها على الكرسي المتحرك ونزل معاها تحت وشالهامن على الكرسي المتحرك وقعدها جنبه
حسام :ها كنت عايز ايه يا اسد
اسد :الحياة بالطريقة دى مش هتنفع احنا لازم ننظم الموضوع شوية وكمان فى حاجه مهمة هتحصل كمان شهرين ولازم كلكوا تعرفوها
جاسر :حاجه ايه
اسد :فى وسط الورق اللى زياد جابوه من الشركة كان فى الظرف دا
وطلع من جيبه ظرف اسود
حسام :ايه دا
اسد :دعوة لحفلة لرجال الأعمال
همس :طب وايه اللى فى كدا مش طبيعي أنها تتبعتلك بما انك من أهم رجال الأعمال
اسد :مع الاسف مش طبيعي دى مش مجرد حفلة عادية هادي تعالى دقيقة ممكن تورينا علامة المنظمة
هادي :حاضر
وقام وقف فى النص ووطى رأسه علشان يشوفوا العلامة
اسد :كلكوا شفتوا العلامة
الكل :اه
اسد :تمام ارجع مكانك يا هادى
وفرد الظرف قدامهم كلهم
جاسر بصدمة :دى علامة المنظمة
اسد :بالظبط الدعوة دى من المنظمة وكدا فيه خبرين واحد كويس والتانى وحش
اريا :الكويس ؟
اسد :الظرف دا اتبعت على الشركة يعنى هما ميعرفوش مكاننا
اسر: والخبر الوحش ؟
اسد :الظرف محطوط فيه تلت دعوات يعنى هما عارفين أن انا مش لوحدى
اسر :طبعا مش هتروح
اسد: قصدك مش هنروح
اسر :يعنى ايه
اسد :من انهاردة انا مش هعمل حاجه لوحدي كل قرارتي هتشاركونى فيها احنا ١٣شخص فى البيت ولو شيلنا سلمى ومامت همس ورؤى هنبقى عشر أشخاص بعشر قرارات بس فى نفس الوقت اى حاجه هتحملها هتبقوا معايا فيها ولو رحت الحفلة هتروحوا معايا ودلوقتى اتفضلوا عايز اسمع ارآئكوا
اسر :ماشي انا بقول متروحش لأننا كدا بنعرفهم مكاننا مستحيل يسيبونا نخرج من غير ما يراقبونا ويعرفوا مكاننا دا إذا خرجنا اصلا
حسام : امال هنفضل كدا محبوسين فى البيت دا مستنيين الفرج
اريا :امال نروح ونموت على الأقل نجهز نفسنا
همس:طيب ما لسه في شهرين نجهز فيهم هو الحفلة يوم ايه
اسد:اليوم مش بيظهر غير فى يوم الحفلة
همس:ازاى
اسد : الدعوة مش مكتوب فيها يوم بس اليوم بيظهر تلقائى فى يوم الحفلة بس هو هيبقى بعد شهرين دا اللى مكتوب
همس :تمام معانا شهرين
جاسر :بس احنا كدا هنحتاج حاجات كتير وبعدين افرض مجرد ما شافونا خلصوا علينا
اسد :الحفلة تنكرية يعنى كل واحد بيلبس ماسك على وشه ومحدش هيشوف التانى بس المشكلة عند بوابة الدخول لانها بتشتغل الكترونى وفى مكان معين اول ما بيتحط عليه الدعوة بيشتغل الكود اللى عليها ويسمح للشخص أنه يدخل وبكدا بيتحدد مين اللى وصل للشخص اللى عامل الحفلة
زياد:تمام يبقى نروح واهو محدش من المنظمة هيعرفنا
هادي :دا على أساس أن صاحب الحفلة دا تبع جمعية خيرية مهو تبع المنظمة واكيد دا فخ لاسد ومعنى أنهم باعتين اكتر من دعوة أنهم بيقولوا انهم عارفين هو بيعمل ايه وببتحدوه ومن الغباء أننا نروح واحنا مش مجهزين لاي حاجه
اسد :انا شايف أن هادي عنده حق دا فعلا تحدي وفخ بس يمكن لو جهزنا كويس نطلع من الفخ دا كسبانين
اريا: كسبانين ازاى يعنى
اسد :متنسوش أننا معانا شخصين مهمين جدا معانا اسيا اللى بسببها لحد دلوقتى مفيش ولا كاميرا جابتنا وهادي اللى ببساطة كاميرا بتتحرك يعنى لو قدرت اسيا تعطل الكاميرات اللى حوالين مكان الحفلة ولو هادي دخل معانا يقدر أنه يوصفلنا كل حاجه بتحصل وممكن نعرف باقي الاشخاص اللى فى المنظمة
جاسر :وهيفيد بايه أننا نعرف مين الأشخاص دول
اسد :هو انت لو جيت تلعب شطرنج بتقول الملك الاول ولا بتوقع العساكر والحصان والفيل والطابية واخير يجي الدور على الوزير والملك وساعتها بس تقدر تقول كش ملك لازم نوقع كل اللى حوالين رئيس المنظمة وتلقائيا الرئيس هيقع
حسام :طب هو لو رحنا مين اللى هيروح فينا احنا معانا تلت دعوات يعنى في تلت أشخاص هيروحوا
اسد :كل دعوة مسموح فيها بكابل يعنى فى ستة ممكن يروحوا
هادي:تمام مين اللى هيروح
اسد : انت اول شخص لازم يروح ومعاك اريا وزياد معاه همس وانا معايا اسيا وهيستنانا برا جاسر ومعاه اسر وجنة هتفضل هنا علشان تخلى بالها من سلمى وحسام هيفضل هنا علشان يخلي باله من مامت همس ورؤى لو حد عنده اعتراض احب اسمعه
جاسر :هو احنا هنستنى برا ليه
اسد :كل واحد منكم هيستنى بعربية فى مخرج من مخارج الحفلة علشان لو فى لحظه اضطرينا نهرب تكونوا جاهزين علشان تخدونا
اريا : طب هو انا ليه هروح
اسد :كتمويه جنب هادي وبالمناسبة متلبسيش كعب وهادي اصلا طويل
اريا :تمام
همس :طب وانا بردو تمويه
اسد :لا انتى فى الحفلة دى علشان لو اى حاجه حصلت لاسيا تكونى جنبها
هادي :انا عندي اعتراض على حاجه بسيطة
اسد :حاجه ايه
هادي: انا لاحظت أن حسام حساس ناحية الصوت فمن رأيي هو اللى يدخل بدل زياد مع همس
حسام :الغريبة انى فعلا مش مصدوم انك عرفت انت عندك حق انا فعلا قدرتي على السمع عالية واكتر من قدرة البشر الطبيعية
همس:زايدة ازاى
حسام :انا سامع صوت انفاسكوا سامع صوت نبض قلبكوا
جاسر :يعنى انت اتولدت كدا
حسام :لا وانا صغير وقعت فى ماية عميقة والدنيا كانت بتشتي وحصل ضغط كبير على جزء معين فى المخ زود من حساسيتي للصوت
هادى : ايا كان السبب فالمهم أن قدرتك دى ممكن تفيد جدا فى انك تسمع اى شخص فى الحفلة بيقول ايه
زياد :طب ما حد فيكوا يدخل بمسجل صوت وخلاص
حسام :انا قادر افرق بين كل صوت والتانى يعنى اقدر لو عشرة اتكلموا فى نفس اللحظة اسمع كل واحد بيقول ايه من غير ما صوت يشوش على التانى زى ما بيحصل فى المسجلات
اسد :تمام كدا هادي هيدخل مع اريا وحسام مع همس وانا مع اسيا وبرا هيستنانا زياد واسر
الجميع: تمام
اسد :طب بما أن احنا عددنا زاد وبالتالى احتياجاتنا هتزيد فنظبط المهام اسيا من انهاردة كل وظيفتها تتدرب على فك الشفرات علشان تتصرفلنا فى الكاميرات وموضوع الدعوى وانا هساعدها بجانب شغل الشركة والأكل على اريا وهادي وبالنسبة لحسام وظيفته أنه يخلى باله من مامت همس ورؤى والتنضيف هيكون على اسر وهمس لأن لو فضلنا كدا كتير البيت هيعفن و بالنسبة لجنة هتكون مسؤولة عن سلمى واخيرا زياد وجاسر هيقعدوا فترة الشهرين دول يدربوا على الضرب والتحكم فى العربية كويس الكلام دا هيبدأ من بكرا لأن انهاردة انا هروح مع اسيا للدكتور علشان دراعها ورجليها وبالمناسبة ممنوع منعا باتا أن اسيا تجري أو تتحرك جامد تمام؟
الجميع :تمام
اسد :طب يلا يا اسيا قومى أجهزى علشان نمشي
اسيا :حاضر
اسد :اه صحيح زياد القائمة اللى انا قولتلك انى هجزهالك موجودة على الكومبيوتر فى مكتبي خلاص جمعتها كلها
زياد بامتنان :تمام شكرا يا اسد
وقام اسد وآسيا علشان يجهزوا وسابوا الباقي قاعدين مع بعض
اسر : قائمة ايه يا زياد
زياد: الناس اللى كانوا على السفينة يومها ايه اللى حصلهم يمكن الاقي اخواتى فيهم
اسر :اه تمام
هادي : بقولكوا ايه
جاسر :ها
هادي :ما تيجوا نقوم نعمل اى حاجه بما أن من بكرا هنبدأ مرمطة
اسر :انا مش قادر وطالع ارتاح شوية ومحدش يصحيني غير للضرورة
جاسر وهو بيبص لجنة اللى من والواضح أنها معيطة : وانا كمان
هادي بغيظ :تصدقوا انكوا ناس فصيلة
زياد : مش عايزين حاجه اخرج اشتريهالكوا
اريا: طب معلش دقيقة هروح اجيبلك ورقة بالحاجات اللى احنا محتاجينها
وقامت دخلت جوا
همس :اه صح شكرا يا جنة انك بدلتيلي هدومى امبارح
جنة :العفو على ايه احنا اخوات
همس :هو انتى كويسة ؟ عينيكي حمرا اوى انتى كنتى بتعيطي؟
جنة بتوتر :ها لا دا هتلاقى عيني التهبت علشان بقالي كتير مخرجتش
حسام :طب انتى كويسة دلوقتى يا جنة
زياد :لو تحبي اجيبلك مرهم أو قطرة وانا جاي
جنة :لا خلاص انا كويسة هى هتخف لوحدها
حسام :انا هدخل اطمن على رؤى وطنك كاميليا
جنة :ماشي يا حبيبي
وقام حسام دخل الفيلا
زياد :على العموم لو احتاجتي حاجه يا جنة قوليلي
جنة بحنين: هو انت عندك كام سنة يا زياد
زياد: عندي ٢٢ سنة
جنة لنفسها :اد زياد اخويا ونفس الاسم معقول يكون هو لا مستحيل كان حسام هيعرفه وقتها
زياد :ايه سرحتي فى ايه
جنة بانتباه :ها لا مفيش
قاطعهم اريا اللى جت وفى ايديها ورقة
اريا:دا كل اللى هنحتاجه الفترة اللى جاية
زياد :تمام يلا سلام
وخرج وسابهم قاعدين هادي اللى بيلاعب سلمى وجنة اللى سرحانة فى زياد وهمس اللى بتفكر فى الحفلة واريا اللى واقفة بتبصلهم باستغراب
اريا :فى ايه انتوا ساكتين كدا ليه
همس :مفيش بفكر فى يوم الحفلة
اريا :متفكريش علشان هتتعبي احنل هنلبس ايه يومها صحيح
جنة:هو دا اللى بتفكري فيه
اريا :امال افكر فى ايه فى الحفرة اللى وقعنا فيها كلنا الاحسن ليا افكر فى اللى يبسطني تعالوا نختار حاجه نلبسها يوم الحفلة بدل الملل دا يلا يا همس يلا يا جنة
جنة :لا مش قادرة
همس :وانا كمان مكسلة
اريا :يلا يا جماعة بقى متبقوش مملين
وراحت شدت همس علشان تقوم معاها
همس :حاضر هاجي براحة شوية يلا يا جنة
جنة :تمام هاجي وراكوا هغسل وشي وهاجي
اريا:ماشي بس متتأخريش
جنة :حاضر
ودخلت همس ومعها اريا وسابوا هادي اللى لسه بيلاعب سلمى ومعاهم جنة
هادي :بالمناسبة انا طبعا مستحيل اصدق موضوع الالتهابات دا بس نصيحتي ليكي بلاش تعيطي مفيش حاجه تستاهل وايا كان اللى جاسر عمله فالموضوع ميستاهلش انك تبصيله بالطريقة دى وميستاهلش انك تخلى عنيكي تورم من كتر العياط
جنة وهى بتبص لهادي :انت غريب اوى يا هادي انا لسه شيفاك من يوم واحد بس مع ذلك اخدت بالك من اللى اخويا ماحدش باله منه
هادي : انا مش غريب انا مجنون اه متبصيش باستغراب كدا انا فعلا مجنون بالمعرفة انا عارف كل حاجه بتحصل حواليا بطريقة بتشل القلب من كتر التفكير نفسي ادخل فى غيبوبة زى مامت همس أو ارجع لمرحلة الجنين زى رؤى أو حتى الكتاتونيا
جنة : بلاش تتكلم بالثقة دى انت متعرفش يعنى ايه الكتاتونيا متعرفش الاحساس اللى حسيته يومها انا معظم ذكرياتي مشوشة بس لسه فاكرة لحظه ما كنت فى المستشفى لسه فاكرة الازاز وهو بيتغرز فى جسمي فاكرة صوت حسام وهو بينادي عليا فاكرة البرود اللى فجأة صاب كل حتة فيا حسيت انى بتجمد ومش قادرة اتكلم وبوجع فى كل خلايا دماغى وبعدين فراغ مجرد فراغ كنت ساعات بشوف نفسي بلعب باليه وماما وبابا وحسام وزياد بيتفرجوا عليا مكنتش عارفة دا حلم ولا خيال والديني دلوقتى محبوسة جوا الكرسي دا مش عارفة حتى اقوم اقف
هادي :هوني على روحك مفيش حاجه تستاهل خلاص كل اللى بيحصلنا دا قدرنا ومفيش مفر منه
وكمل بسخرية :يلا روحى لاريا وهمس لاحسن هياكلوكي
جنة بابتسامة :ماشي سلام
ودخلت جوا
هادي وهو بيبص لسلمى اللى نامت على دراعه : انتى طبعا مش فاهمة حاجه من اللى بتحصل حواليكي بس مش لازم تفهمي انا جنبك مش هخليكي تتحرقي زينا
نسيبهم ونروح لأسد وآسيا
اسد :ها جهزتى
اسيا : اه انا جاهزة
وكانت لابسة دريس طويل باللون الازرق الغامق مع طرحة وشنطة لونهم ابيض
اسد بغيرة :طب ما تلبسي جاكيت
اسيا بحزن:هو شكله وحش
اسد لنفسه :وحش ايه بس انا مش عارف همشي جنبك ازاى
اسد : لا مش وحش ولا حاجه بالعكس حلو ولايق عليكي يلا بينا
وخرجوا سوا وركبوا العربية
اسد:هنروح الاول بيتك فى الصعيد تجيبي اللابتوب بتاعك وكل حاجه عيزاها من هناك وبعدين هنروح للدكتور
اسيا :بس انا مش عايزة بابا يشوف اللاب توب علشان جدو عبد القادر كان جابه ليا من ورا بابا
اسد :حاضر بس ابراهيم مش ابوكي يا اسيا ولا عمره كان باباكي انتى باباكي اتوفى الله يرحمه
اسيا بحزن :عارفة بس انا اتعودت على كلمة بابا
اسد :خلاص مفيش مشكلة
وبدأ يتحرك بالعربية
اسد لنفسه وهو بيبصلها باستغراب:معقوله بعد كل اللى عمله فيها لسه بتقول على الكائن اد أنه باباها
نسيبهم بقى ونروح لحسام اللى راح اطمن على رؤى وكاميليا وبعدين راح لمكتب اسد من غير ما حد يشوفها وفتح الباب بالراحة ودخل بسرعة يدور فى الكمبيوتر اللى على المكتب لحد ما لقى ملف باسم زياد فتحه لقى اسماء أشخاص كتير فصورها كلها بالفون ورجع كل حاجه زى ما كانت وخرج بسرعة
اما عند زياد فخرج وركب العربية وبدأ يمشي بيها ويفكر
زياد لنفسه :اهو اسد خلاص جهز كل حاجه يا ترى ليه مفتحتش الورق مش هو دا اللى انا كنت مستنيه ولا خلاص معتش عايز تلاقيهم
قلبه: لا طبعا انا اكيد عايز اشوفهم انا بس خايف
عقله :خايف من ايه
قلبه :يكون حصلهم حاجه
عقله:لا انت خائف يكونوا نسيكوا وعاشوا حياتهم
قلبه :ايوا انا خايف من كدا ومن حقي انى اخاف
عقله : انت ضعيف وجبان وعمرك ما هتلاقيهم بالطريقة دى
قلبه : خلاص بقى اول ما هرجع هفتح الورق
نسيبه فى صراعه ونروح لهمس واريا وجنه
جنة :ها هنعمل ايه
اريا :الاول نجيب كل الفساتين اللى معانا هنا وبعدين نشوف هنعمل ايه
وراحوا فعلا جمعوا كل الفساتين اللى معاهم وبعد صراع طويل وتدوير
اريا :مفيش حاجه تنفع
همس :يا مفترية كل دا ومفيش حاجه تنفع
اريا :كلها حاجات سنبل ورقيقة جدا واللى هيحضر الحفلة دى اكبر حرامية البلد يعنى كل واحدة لابسة فستان بثروة بلد
جنة :طب ايه رأيكوا نلعب فى الفساتين دى شوية يعنى حاجه من هنا على حاجه من هنا يمكن يطلع حاجه حلوة
وبصوا هما التلاته لبعض بنظرة شريرة شوية وبعدين انطلقوا فى الفساتين
نسيبهم ونروح لأسد وآسيا اللى وصلوا الصعيد
اسيا بخوف :ما تدخل انت وانا هستناك فى العربية أو تعالى نمشي احنا الاتنين
اسد :متخافيش انا جنبك ومفيش حد يقدر يقربلك بس اوعى تبعدي عنى خليكى جنبي مهما حصل
اسيا بخوف وهى بتمسك فى دراعه جامد :حاضر
وراحوا ناحية البيت خبطوا الاول وبعدين فتحتلهم خدامة وبعدين خليتهم يدخلوا بعد ما قالت لابراهيم وفتحية ويوسف اللى جم علطول
ابراهيم :يا اهلا ببنتى وجوزها
اسد :لا دا كان زمان وجبر
ابراهيم : نعم
اسد :زى ما سمعت دى مش بنتك فخلى اللعب على المكشوف احنا هنطلع ناخد حاجه من الاوضة القديمة بتاعت اسيا ونازلين
ابراهيم بسخرية : طالما اللعب بقى على المكشوف فاعرف انت بقى انك مش هتخرج من هنا على رجليك لا انت ولا الهانم اللى وراك
وطلع مسدس ووجهه على اسد
فاسد قعد يضحك بصوت عالى اما ابراهيم فملامحه اتغيرت من السخرية للاستغراب ازاى بيضحك كدا وفى وشه مسدس
اما اسد فوقف ضحك وكمل بجدية :اوعى تكون فاكر أنى ممكن اجى هنا لحد بيتك وفى وسط رجالتك ومعايا مراتي اللى فى بطنها ابني ومش هكون مجهز نفسي لا كدا هزعل منك شكلك متعرفيش كويس انا الأسد والامبراطورية اللى عملتها مش من فراغ نزل يا شاطر اللعبة اللى فى ايدك دى انا رجالتي حاليا فى كل مكان حوالينا البيت دا وسامعين المحادثة اللطيفة دى ولو للحظه قولتلهم يهجموا البيت دا هيتسوى بالأرض باللى فيه وانا وآسيا هنخرج من هنا من غير ما يجي علينا ذرة تراب واحدة
يوسف :انت كداب بتحاول تخدعنا علشان نصدق انك جايب حد معاك انت لو فعلا معاك رجالتك كان زمانك مخلص علينا ومكنتش هتستنى
اسد :تصدق انا مش حايشني عنكوا غير اسيا ودلوقتى انا طالع فوق واى حد هيحاول يلمسنى انا أو اسيا هتبقى تذكرة لرجالتي انهم يخلصوا وقد أعذر من أنذر
وطلع ووراه اسيا اللى ماسكة فيه زى الطفل اللى ماسك فى مامته ومسبتهوش غير لما دخلوا الاوضة بس وهما طالعين عدوا على باب مقفول وآسيا اول ما بصت للباب دا كلبشت فى اسد اكتر بخوف وأسد استغرب بس متكلمش وبعدين دخلوا اوضتها
فاسد بص بصدمة الاوضة اللى كانت عبارة عن لاشئ مفيش سرير ولا مكتب مفيش غير شوية هدوم كلها سودا مخطوطة فوق بعض وبطانيه صغيرة على الأرض
اسد بصدمة :ايه دا انتى معندكيش سرير
اسيا باحراج :كان عندي بس اتعاقبت السنة اللى فاتت علشان اكلت من غير إذن واخدوا السرير بس مش مشكلة
وراحت بسرعة ما بين كومة الهدوم طلعت اللابتوب
اسيا : تمام اخدت اللابتوب يلا نمشي
اسد بغيظ مكتوم :ماشي يلا
وخرج ووراه اسيا وبمجرد ما فتح الباب لقى عيل صغير قدامه
اسيا بفرحة غامرة : كامل وحشتني
كامل :وانتى كمان يا اسيا وحشتيني اوى
اسد بغيرة :مين دا
اسيا :دا كامل ابن الست اللى كانت بتشتغل هنا بس اتوفت الله يرحمها وهو هنا بيشتغل فى البيت يجيب طلبات وكدا
كامل:اسيا انتى خلاص رجعتي وهتفضلى هنا صح
اسيا :لا يا كامل انا لازم امشي
كامل: بس انتى بتوحشيني اوي
اسيا :معلش يا حبيبي هرجع قريب وهاخدك معايا متخافش ودايما كلمنى من عند اى حد على القهوة
كامل :ماشي
اسيا :اسد معلش انا نسيت حاجه مهمة هدخل أحدها واجي دقيقة واحدة
ودخلت جوا وسابت اسد مع كامل
اما تحت عند يوسف وإبراهيم وفتحية
يوسف :ليه خليتهم يطلعوا فوق
ابراهيم :كان بيتكلم بثقة عامية وفعلا هو مش غبي لدرجة أنه يجب من غير حماية
فتحية :طب وبعدين هتسيبه يمشي
ابراهيم:لا طبعا اخرج يا يوسف واستناه برا واول ما يخرج امشي وراه واعرفلي مكانه فين
يوسف :حاضر
وخرج
فتحية:انت ناوي على ايه
ابراهيم بشر :ناوي على كل خير
اما عند اسد وكامل
اسد :هو انت هنا من امتى
كامل :من سبع سنين من ساعة ما اتولدت
اسد :طب تعرف البيت دا كويس
كامل:اه ليه
اسد : فى اوضة واحنا معديين من جنبها اسيا خافت اوي ايه الاوضة دى
وشاورله على باب الاوضة
كامل :اه دى اوضة العقاب
اسد :عقاب ايه
كامل :لما اسيا بتعمل حاجه غلط ابراهيم باشا بيحبسها فى الاوضة دى وكمان كل شهر فى يوم معين اسيا بتتعب جامد وتفضل تتشنج وتترعش وتصوت فابراهيم باشا وفتحيه هانم كانوا بيحبسوها فى الاوضة دى اوضة مضلمة مفيهاش غير شباك صغير جدا ومبيدخلهاش نور كتير ومليان فئران وحشرات
اسد بصدمة : طب وعبد القادر جدها مكنش بيعترض
كامل :مكنش بيعرف اصل اسيا معظم الوقت بتفوق اليوم اللى بعده مش فاكرة حاجه بيكون جسمها جله جروح وكدمات بس مش بتكون فاكرة حاجه
قاطعهم خروج اسيا
اسيا :يلا بينا سلام يا كامل
اسد :ها لقيتي اللى كنتى عيزاه
اسيا :لا مقلتش بس مش مهم يلا نمشي
وفعلا نزلوا سوا وآسيا كانت رائحة ناحية الباب بس اسد وقفها
اسد :استني يا اسيا لسه فى حساب هنا متقفلش
ابراهيم :حساب ايه يا اسد
اسد : حساب السنين اللى اسيا عاشتها هنا وهى مفكرة انك ابوها وان الحية اللى وراك دى امها والعذاب اللى عذبتهولها ونومها على الأرض
وفى ثانية طلع مسدس ووجه على ابراهيم
اسيا بخوف :اسد ارجوك وقف اسد علشان خاطري
اما ابراهيم فاتنصم فى مكانه وهو شايف اسد بيبصله بكل إصرار وغضب وناوى على قتله
اسيا بخوف ورجاء :لا اسد علشان خاطري انا مسامحه ارجوك
اسد نزل المسدس بتاعه وقال: إذا كنتى انتى مسامحة فى حقك يبقى خلاص براحتك
ابراهيم اخد نفسه براحة بس فى لحظه لقى اسد رفع المسدس تانى
اسد بغضب :اما انا فمش مسامح
ودوى صوت الرصاصة فى البيت

استوب
يا ترى اسد ضرب نار على ابراهيم ؟
حسام ليه صور اسماء الناس اللى كانوا فى السفينة؟
هل زياد فعلا اخو جنة وحسام؟
ايه اللى هيحصل فى الحفلة؟
-------------------------------------------
سؤال وجواب
-ايه سر إلينا ؟
لي لي :إلينا كانت ملاك وفجأة انقلب شيطان الانتقام عماها وخلاها مش شايفة حاجه غير القتل
--------------------------------------------