The President's Girl

Chapter 20: Departmental Exam

Amaranthe's POV

Nang makauwi na ako, I saw lola outside our house doing something. Hindi na muna ako kumibo dahil alam kong sermon ang aabutin ko kapag nakita na niya ako. Bago pa man ako makapasok, I sensed na napansin ako ni lola.

"Amaranthe," sabi niya. Linapitan niya ako habang hinubad ang marumi niyang gloves sa kamay. Hinintay ko nalang kung anong sasabihin niya.

"Nandito na ako 'la," tugon ko. Pero nagtataka ako kung bakit wala man lang siyang reaksyon sa akin, sa halip ay inilapat niya ang likod ng kamay niya para ipamano sa akin.

"May inihanda akong pananghalian sa mesa, hintayin mo nalang ako sa loob tatapusin ko lang ginagawa ko rito," dagdag niya. My expectations failed. Walang sermon o sigawan na nangyari.

Pagpasok ko, nakita ko ang isang strawberry cake at isang bowl ng fried chicken sa mesa. This is so unlike her. Ano kayang klaseng multo ang sumapi sa kaniya ngayon?

Kinalaunan, sabay na kaming kumain. Sobrang tahimik ng hapagkainan kaya nagsalita na ako. Clears throat. "Lola, may departmentals nga pala kami bukas, kaya magkukulong na po muna ako sa kwarto ah?"

Tiningnan niya ako. "Himala, nagrereview ka na sa studies mo ngayon."

Naninibago talaga ako. Kahapon lang sobrang sungit niya ta's ngayon ang bait-bait. Hindi ko na 'to matitiis kaya tinanong ko siya. "Lola, may problema ba? Bakit parang nag-iba po kayo? Inaasahan ko pa naman na papagalitan ninyo 'ko pag-uwi ko."

"I heard from Stephanie na muntik ka na raw masagasaan, at si Rowss ang nagligtas sa'yo," tugon niya.

"Eh ano naman ngayon?" Napakunot ang noo ko. Gusto ko lang talaga malaman, hindi ako satisfied sa sagot niya. Nararamdaman kong may iba pang dahilan.

"I'm just grateful that he saved you, ayoko lang na napapahamak ka," tugon niya ulit.

"Lola, huwag naman kayong ganiyan, may ibang tao na pong nadamay, hindi ko nga ginusto yung nangyari eh sana ako nalang yung nasagasaan," tugon ko rin.

"Alam kong nag-aalala ka rin sa boyfriend mo, Amaranthe. Pero alalahanin mo rin ang kaligtasan mo," huminto siya sa pagkain. "Responsibilidad pa rin kita ngayon, I don't want you getting hurt out there, anak ka pa rin ng Del Fiorre and you should always remember that. Kapag mauulit pa ang ganito, I will really hire bodyguards for you."

"Lola naman, wala namang makakaalam na anak ako ng totoong Del Fiorre kaya nga nagtitiis ako ng private life hindi ba?" react ko.

Nag-slice na siya ng cake at inilapag sa plato ko. May ibinigay din siyang calling card sa akin. 

"Para saan 'to?" tinanong ko siya tungkol sa calling card.

"Location iyan sa rest house natin dito sa South," tugon niya. Rest house? Iyon bang rest house na tinuluyan namin nina lolo at Anarson dati?

"Ah naalala ko nga, nakapunta na ako rito nung maliit pa lang ako," tugon ko.

"I'm going to give it to you," agad na dagdag niya.