زهرة🌸

الحلقة مئة و عشرة

🔸️حلقة 110
🔸️مريم_تحكي:
علقت على رنيم و حطيت تليفون من يدي...تكيت عالرخامة...و تنهدت بحسرة...نغزر لحالة الكوجينة لي داخلة بعضها...رغم أيامات تعدات...أما ما نجمت نفلح في شي...ديما الماكلة تطلع ماسطة معايا...كان مش أمي فتحية و طاطا حياة...مكنتش نعرف شنية نعمل من غير شي...منجمتش نصلح حتى شي في علاقتنا كل يوم نحس فيه يبعد عليا أكثر من قبل...حتى إهتمامو بيا نقص...نعرف روحي غلطت و برشا زادة...أما نعرف لي مستحيل يخليني و يبعد عليا...شنية نعمل و كيفاه نتصرف معاه...منعرفش...كل مرة نبلبز الدنيا بعمايلي من شراز لي ضربتها في الكلينيك...للمعالجة لي طردتها قدام عينو...عديت يديا زوز على وجهي...نحاول نلقى حل أخير للحالة لاحنا فيها توا...مدامني قاعدة معاه هوني..لازمو يعرف لبابا رضى علينا و على علاقتنا أصلا منعرفش علاش كل مرة نحاول نحكيلو اللي تكلمت فيه مع بابا...البرود متاعو يخليني نسكت...حتى منحبش نخمم في ردة فعلو...و لا في شنية يخمم...لتوا خايفة ياخو قرار يخص علاقتنا من غير ما يشاورني خايفة يلقى البعد هو الحل الوحيد...هزيت براسي لا نعرف لي هو يحبني و ماهوش باش يعملها...الأفكار هذوما بالظبط...خلات نفسي يضيق...تنهدت بالقاوي...و طفيت النار...أصلا نعرف لي ماهوش باش ينجم ياكل حتى شي من اللي حضرتو...و منحبوش يغصب روحو كي العادة...و يتصرف كأنو الماكلة بنينة...حاولت نلهي روحي بحاجات أخرى...لين يمشي المحامي متاعو..أصلا من الوقت لي وصل فيه و أنا على اعصابي...حضرت كلشي من اللي بعثوه صباح...و هزيت راسي غزرت لساعة...منعرفش قداش تعدا وقت و هوما يحكيو مع بعضهم...دنيا بدات تظلام و هو لتوا مزال معاه...رغم لي بقى تاعب شوية من الحادث...أما مسلمش في الخدمة و محمد ديما هوني زادة...لي حتى هو حسيتو مش قد بعضو...اما المحامي متاعو...اول مرة يجي و يطول معاه لهدرجة...مصدقتش لي كمل معاه...سمعت الباب متاع برا تحلت...عرفتو خرج معاه...خذيت نفس و خرجت لصالة...حسيت روحي تخنقت من جو الكوجينة ضيقت عينيا...عالتذكرة لي فوق الطاولة...جنب البيسي نزلت هزيتها في يدي...و حليتها نقرا فيها...بدني تكبس و دخلت بعضي...معرفتش شنية نعمل بالظبط...فكرة لهو باش يسافر...و غدوة صباح زادة...خلاتني عاجزة باش ننطق حرف واحد...قريتها مرة و زوز و ثلاثة...شي ما تبدل...علاش باش يمشي لباريس...و في الوضع هذا زادة...دموعي لي تحصرو...نزلو كي هزيت راسي و غزرتلو...قرب مني مستغرب...وقف قدامي بالظبط يحكي
حسام:شبيك ؟
حليت يدي شوية...و قربتلو التذكرة ليه...و غزرتلو نحكي
أنا:ش..شنية هذا ؟
حسام:كنت باش نخبرك
أنا:إمتى ؟ بعد ما تسافر ؟
حسام:مريم يزززي
أنا:باهي...باهي...هاني باش نسكت
حطيت البيي عالطاولة...و هزيت يدي مسحت دموعي فرد وقت نحاول ناخو نفس يهديني...قرب مني...شدني من زندي...نطرت يدي منو...و وخرت لتالي نحكي
أنا:متمسنيش
حسام:مررريم...يززززي من هبااالك توا
هزيت راسي شوية...حطيت عيني في عينو...و قحرتلو نحكي
أنا:برا لم دبشك أحسن ما تضيع وقتك معايا...حتى كان تحب تو نلمو أنا
حسام:مرررريم
أنا:شنننننوة...قلت حاجة غااالطة باش قااعد تصيح عليا...مش أنت لي تحب تمشي...حتى مخسرتش عليا كلمة وحدة...و كان مريتش تذكرتك بالصدفة...راك مشيت بلا ما تعلمني
حسام:متضخمش الأمور أكثر من حدها...ياخي نورمال نسافر من غير ما نقلك
أنا:عملتها قبل و سافرت
حسام:مرريم...يزززي...خليني نعرف نحكي معاك كلمتين قد بعضهم
أنا:شكووون قللك لأنا باش نسمعك ؟ و لا حتى نحكي معاك اه
حسام:ميزيتش توا ؟
أنا:لا...ديجا أبعد عليا...منحبش نحكي معاك و لا حتى نسمعك
حسام:بربي ؟
قرب مني باش يجبدني من يدي...دزيتو...و مشيت ورا الطاولة...قحرتلي يحكي
حسام:مررريم...شنية تصرفااات هذوما ؟
أنا:نتصرف كيما نحب...كيفك بالظبط...باهيشي هكا ؟
حسام:إيجااا هووني
أنا:منجيييش
حسام:مررريم...قتلك إيجا هوني...أحسن ما نجيك أنا
أنا:إيجااا...فاش تستنى
عدا يدو على وجهو بعصب...و قرب خطوة لعندي هزيت المخدة من الفوتاي لي ورايا ضربتو بيهاا...جات في يدو...رماها من يدو...و قربلي أكثر...عديت عينيا عالطاولة...كلشي كان عليها ضربتو بيه...عينيه وساعت و أنا معرفتش على روحي فاش قاعدة نعمل...لي يهمني اني نفرغ غشي و كهو...أول ما وصل عندي...فعست منو على شعرة...بعدت عليه نحكي
أنا:حسااام أبعدني...قتلك منحبش نحكي معاك
حسام:توا باش تتحاسب عالفازات متاع الذر لي تعمل فيهم...مبعد باش نحكيو
أنا:خوفتني محسوووب...مش تحب تمشي...برااا على رووحك من توا
حسام:اييجااا هوووني...متهبلنيش
أنا:منجيش...و كان تخممم تقربلي
حسام:شنية باش تعمل ؟
هزيت الفاز لي جا على يدي...طلع حاجبو مستغرب قحرتلو نحكي
أنا:أصلا الحق عليا...لي مزلت معاك لتوا...حتى تنجم تسافر على روحك...مانيش باش نسأل عليك جملة
حسام:واضح برشا عزيزتي
رميت الفاز عالأرض بغزول...و هزيت لي garniture لي كانو بجنبو...نضرب فيه بيهم بالوحدة...قربلي يصيح
حسام:مررررريم يززززي كهههههووو...مااانيش باش نتحملك أكثر من هكا
أنا:قووول هكا من الأول...أصلا مااكش مجبور باش تتحملني بعد توا
ضربتو بآخر قطعة في يدي...هد عليا في لحظة...شدني من يدي...و جبدني عندو...هزيت راسي...جات عيني في عينو...قحرلي يحكي
حسام:شنية نعمل فيك أنا توا ؟
عديت عينيا على وجهو...رغم وحشي ليه...رغم القرب لي بيناتنا الأيامات هاذي الكل...أما تعدات عليا لحظات حسيت فيهم لهو باش يرجع حسام متاع قبل...و يعتبرني موجودة و مش موجودة في حياتو...جرد فكرة...خلات دموعي لي منعتها دقايق لتالي...تنزل مرة أخرى...قحرتلو...نحكي
أنا:سييبني حسام
حسام:أركح
أنا:سييييبني و كهههو...نحب نمشي
حسام:وين عندك تمشي ؟
أنا:أموري
حسام:قتلي أموورك ملا ؟
أنا:سيبلي يدي حساام
حساام:معادش نسمع حرف آخر
أنا:ماكش باش تسكتني...و قتلك منحبش نشوفك و لا حتى نحكي معاك
هزيت يدي لأخرى نضرب فيه لصدرو...و نحكي فرد وقت
أنا:سييبني...نحب نمشي
حسام:ماكش باش تمشي لحتى بلاصة
أنا:و أنت ماااكش باش تمنعني
حسام:يزي كهو...متعبنيش أكثر
هزيتلو براسي إيه...جا باش يتلفت و يجبدني معاه نزلت عليه و عضيتو من يدو...بكل قوتي...نطرلي يدي موجوع...دزيتو بيديا زوز...و طلعت نجري...خلط عليا بالوقت...يجري ورايا و يصيح
حسام:مررريم...اييييجااااا هوووني
صياااحو خلااني نعطي على ساقيا أكثر...منعرفش كيفاه وصلت للبيت...أول ما سكرت الباب...حبسها بساقو...و دزها بالقاوي...وخرت لتالي مروهجة...شعرة لا طحت...هزيت راسي نغزرلو.. جات عيني في عينو مرة أخرى...منعرفش علاش خفت من تقحيرتو...فرد وقت مغزلة منو و منحبش نحكي معاه...و منحبش نحط إحتمال لهو باش يسافر و يخليني...أصلا كل مرة تجي الحكاية لبالي...نهبل أكثر...و نجن عليه أكثر...قربت من الكوافوز بالزربة...هزيت دبوزة البرفان في يدي...غزرلي ندرا كيف...و قرب مني شوية...قحرتلو نحكي
أنا:ا..أخرج من هوني نحب نرقد
تبسم على جنب و قربلي أكثر...من غير حتى كلمة وخرت لتالي أكثر...مع آخر خطوة...ضربت في الحيط جمدت في بقعتي...و معرفتش شنية نعمل...بلعت ريقي من قربو...و من غزرتو زادة...حسيت بوجيعة صغيرة في كرشي...حاولت نبعد...أما يدو لي تمدت بجنب راسي و إستندت عالحيط منعتني...هزيت عينيا في وجهو...و كبست على دبوزة البرفان أكثر...نفسي ضاق من قربو أكثر...منحبوش يسافر...و منحبوش يبعد عليا بعد توا...منحبش نتعب من بعدو...هو أكثر حد يعرف لي عديناه مش بالساهل...ماهوش باش يفرط فيا على خاطر غلطة صغيرة...مزلت متغشة منو و مزلت نحب نفرغ فيه غشي بأي حاجة تجي على يدي...أما قربو خلاني نسلم...ريحتو خلاتني نسلم زادة...و صوابعو لي سرحو على طول يدي...خلات دموعي تنزل بالوقت كبس على دبوزة البرفان لي في يدي...و غزرلي يحكي
حسام:ناوية ترزيني في عمري إنتي ؟
رخفت يدي عليها بالوقت...شي من صوتو لي خرج بنبرة غش...و شي من تقحيرتو...لي خلاتني نحس...لي ماهوش ناوي على خير...فكها من يدي...تلفت حطها عالكوافوز...حاولت نمشي حصرني  في الحيط لاخر...و قحرلي يحكي
حسام:اركح
أنا:ن..نحب نمشي
حسام:هكا من غير ما تتحاسب ؟
أنا:يظهرلي مفماش حساب أكثر من هكا
حسام:ياخي ناوية تهبلني إنتي ؟
أنا:لا تو تسافر و ترتاح مني
حسام:الصبر يا ربي
هزيت يديا زوز...حطيتهم على صدرو...ندز فيه لتالي كبس عليا بيديه زوز و هزهم الفوق...لصقهم في الحيط هزيت راسي باش نحكي...قص عليا...كي غطس في شفايفي...حتى منجمتش نستوعب لي قاعد يصير...و مفهمتش البوسة متاعو على شنية تعبر بالظبط...أصلا كي يبدا معصب...نخاف منو و من تصرفاتو...دوب جبد روحو...خذيت نفس...نحكي
أنا:س..سيبني...م..متبوسنيش
حسام:شمدخلك إنتي...نبوسك و لا لا ؟
أنا:شفايفي هذوما...و كان عجبك
حسام:صااار...و في بالك لهوما متاعي أنا
أنا:لاااا...ماهمش متاااعك...سيبني
حسام:مرررريم
سكت على صوتو...يديه كبسو على يديا أكثر...حتى كان حبيت نهرب منو منجمش...قحرلي يحكي
حسام:شبي سماااك ياااخي ؟
أنا:ن..نحب نمشي...م..مدامك أنت باش تسافر
حسام:سفرة متاع يومين...عملت عليها هذا الكل ؟
أنا:ش..شقصدك ؟
حسام:فما أمور عالقة في الخدمة...لازمني نحلها أنا...و السفرة هاذي عرفت بيها اليوم زادة...و مجبور نمشي
سكت و أنا نسمع في كلامو...مع كل كلمة يرص عليها و يكبس على يديا أكثر...خذيت نفس بالسيف...نحكي
أنا:ي..يومين ؟
بقى يغزرلي من غير حتى كلمة...عرفت لي ماهوش باش يعديلي الفازة...حتى أنا لي عملتو فيه مش ساهل لتوا مستغربة في روحي...و في الحالة لي وصلتلها هزيت راسي شوية...غزرت لعينيه...نحكي
أنا:م..مشى في بالي...لأنت فديت مني...و تحب تبعد عليا...ا..أنا منجمش نستخايل حياتي من غيرك
سكت شوية...أصلا منعرفش كيفاش باش نبرر عملتي قدام الموقف متاعو...و في الحالة لأنا فيها...من كبسة يديه...لنفس متاعو لي يضرب في وجهي...لتقحيرتو لي محبتش تتنحى...و لي خوفتني أكثر...كبس عليا اكثر يحكي
حسام:هذا يبرر لي عملتو ؟
أنا:ش..شنية عملت ؟
طلع حاجبو مستغرب...اصلا ملقيتش كلام آخر نقولو كان إني نرد لوم عليه...عدا عينيه على وجهي...يحكي
حسام:عملتك يا لالة...تخليني نفكر نقعد أكثر...باش نعاود حساباتي في تصرفات متاع الفروخ لي خرجتلي بيهم
حاولت نقربلو شوية...أما يديه لي كبس بيهم عليا منعوني...هزيتلو براسي لا...نحكي
أنا:م..ماكش باش تعملها
حسام:تحب تجرب ؟
عديت عينيا على وجهو...نعرف و متأكدة لي كي يحط حاجة في راسو يعملها...خذيت نفس نحكي
أنا:ح..حسام...يزي أماانك...متهددنيش...تعرفني نكرها الفازة
حسام:و الفازة لي عملتها إنتي بكري
أنا:و هاذي فازة تعاقبني عليها ؟
حسام:باش تتعاقب عزيزتي...و ماهيش باش تتعدا بالساهل
عاودت غزرتلو...من ملامحو عرفتو ماهوش يفدلك بلعت ريقي نحكي
أنا:باش تضربني ياخي ؟
حسام:على عملتك تستهل طريحة...باش معادش تعاود...أما
قصيت عليه...كي غزرت لعينيه...نستعطف فيه و نحكي
انا:أما ماكش باش تعملها
حسام:شكون قلك لي مانيش باش نعملها ؟
أنا:على خاطرك تحبني...و مستحيل تضرني
حسام:صحيح تستهل طريحة على عمايلك...أما المرة هاذي باش نعاقبك على طريقتي...أما قبل هذا الكل...رد بالك مزلت نشوف دموعك مرة أخرى...مفهوم كلامي ؟
جيت باش نحكي...قص عليا كي عاود غطس في شفايفي...غمضت عينيا بالقاوي...أصلا مستحيل نبكي على حد غيرو...مستحيل نجم نستخايل حياة ماهوش فيها هو...حتى بعد كلامو منجمتش نستوعب فكرة السفر...و لي هو باش يبعد عليا...يديه لي ترخفو على يديا نزل بيهم لجنابي...كبس عليا بقوة...لي خلى يديا يسرحو فوق أكتافو...و دارو على رقبتو...كبست عليه أكثر...قوة البوسة...كانت بنفس قوة الإحساس لي نعيش فيه...تعدا برشا وقت...و حتى يمكن أول مرة نحس أنو البوسة متاع توا و اللي قاعد يصير سبيسيال برشا...جبد روحو شوية...دوب غزرلي...و عاود كبس على أجنابي أكثر...هزني شوية...دورت ساقيا على ظهرو من تالي...نحاول نلقى توازن بيني و بينو...نزل بشفايفو لرقبتي...لبوسة الخال متاعي...لي نحسو يهبل عليها في كل مرة...سنانو لي تغرسو في رقبتي...خلاوني نغرس صوابعي في كتافو أكثر...رجعت راسي لتالي...مع الوجيعة البنينة لي حسيتها...حتى إني متوقعتش...باش توفى عركتنا بالطريقة هاذي...لزيت ليه شوية...كي حسيت بيه يحب ينحيلي مريولي...أصلا منعرفش كيفاش طاوعتو...و حتى محسيتش بيه كيفاه تنحى في لحظة...طيشو عالارض...و عاود غطس في رقبتي استندت بيدي على طرف الكوافوز...و يدي لأخرى تمدت بين زرار سوريتو...لي تقطعو...قوة العضة خلات يدي تسرح عالكوافوز...و لي جا قدامي طاح عالارض يديه لي سرحت لفلس السروال متاعي...خلاتني...نكبس على شعرو من تالي...هز راسو شوية...يحكي
حسام:متخافش
أنا:م..مانيش خايفة
غزرلي ندرا كيف...و عاود قربلي باسني...بوسة خفيفة يحكي
حسام:إيجا هوني
كبس عليا أكثر في حملتو...عنقتو بالوقت...على خاطر ملقيتش جهد باش نقاوم بيه...رماني عالسرير...نحى سوريتو طيشها...و نزل عليا...جا وجهي مع وجهو أنفاسنا تخلطت مرة أخرى...مديت يدي حطيتها على خدو...نزل عليا أكثر...يشم في ريحة شعري...و يحكي فرد وقت
حسام:شنية عملت فيا إنتي ؟
أنا:ح..حسام
حسام:ششش...ما تقول حتى كلمة...عقابك لتوا موفاش
أنا:متمشيش و تخليني...متبعدش عليا
نزل عليا أكثر...يبوس فيا من وجهي...و يحكي فرد وقت
حسام:متخافش...ماكش باش تخلص مني بالساهل
أما:منحبش نخلص
دورت يديا زوز على رقبتو...و جبدتو عندي أكثر غطست في شفايفو...بنفس الخوف لي حسيتو أنو يجي نهار و يخليني...جبد روحو شوية...و تبسم بين شفايفي ضيقت عينيا نحكي
انا:ش..شبيك ؟
حسام:هاك بديت تتعلم يا فرخة
أنا:بربي
حسام:شناقصهم الفازات هذوما ؟ مش أحسن من اللي عملتو فيا قبيل
أنا:ح..حسام...يززي أمانك...ا..انا...أنا نحب
قص عليا...كي رجعلي خصلات شعري لتالي...و حط عينيه في عينيا...يحكي
حسام:إنتي تحب تكون ملكي مرة أخرى؟ من غير خوف ؟ و من غير ماضي...ليلة جديدة...كأنها أول ليلة نعدوها مع بعضنا ؟
عديت صوابعي على طول ظهرو...و كبست بيدي لأخرى...على شعرو من تالي...و غزرت لعينيه...نحكي
أنا:املكني حسام...مش أنا متاعك ؟
نزل عليا شوية...باسني من راسي...و تبسم يحكي
حسام:حتى هوما عام و نص يا روحي..مزلت مستعدة ؟
أنا:لاا سااايي معاادش نحب...أبعد عليا
حسام:تعرف لي عندي قدرة تحمل عزيزتي...اركح احسنلك
أنا:يااا حسااام معادش تهددني...توا هذا وضع تهددني فيه أنت ؟
حسام:شبيه وضعنا ؟
أنا:بربي ؟
نزل بصوابعو لسروالي مرة أخرى...و عاود تبسم...يحكي
حسام:متخافش مني مريم...مستحيل يجي نهار...و نوجعك فيه
أنا:و..و معادش تعاملني بالطريقة هذيكا...معادش تحسسني لأنت متغشش مني
حسام:ششش يززي...مستحيل يجي نهار و نتغشش منك و لا حتى نفد منك زادة...أما إنتي زادة متستغلش النقطة هاذي لصالحك
أنا:م..معادش نخليك تتغشش مني حسام...ا..أنا...نقصد أنا
شطر الكلام ضاع بين شفايفو...غمضت عينيا بالوقت مرة أخرى و بعد شهور...خليتو احتل بدني من غير خوف...و من غير ما نخلي قيود الماضي تتحكم فينا كلشي معاه...حسيتو قاعد يصرا كأنو أول مرة...من غزرتو الحنينة...لي استفقدتها ليلة عرسنا...لكلامو لي يحاول يداويني بيه...رغم الوقت لي تعدا...قاعد يحاول ينسي فيا في اكا الليلة الخايبة...تصرفاتو معايا..خلاتني نحس لي محسيتوش ليلة عرسي...و أهم شي سلمتلو من غير خوف...سلمتلو و انا متاكدة لماهوش باش يوجعني بالكلام مرة اخرى...و ماهوش باش يعطيني بظهرة مرة اخرى...انفاسنا توحدت مع بدونتنا...لحظات و دقايق...كانو كافيين باش يسكرو بواب الماضي لي تعدا...باش يحلو باب جديد...لحياة جديدة...حياة باش نعيشها معاه هو و كهو .
🌸🌸🌸🌸🌸🌸🌸🌸🌸🌸🌸🌸
🔸️زهرة_تحكي:
نزلت يديا عالباب...كي حسيت الحس بات برا...الخوف لي حسيتو في اللحظات هذوما...و لي عشتو ليلة مريتوش و محسيتو في حياتي الكل...اول مرة نحس روحي عاجزة...و لي مراد باش يسكر عليا الابواب الكل...و اللي هربت منو طحت فيه...لقيت روحي في عرين الاسد...و كلشي مسكر عليا...حتى شباك بيتو...ميخرجش الصوت البرا...خوفي على عمر...كان اكبر من الخوف لي نحس فيه على روحي...وخرت خطوة لتالي...كي حسيت بيه يحل في الباب...هزيت راسي نغزرلو...عديت عينيا على وجهو...عرفت لي هوما تعاركو اللوطة...و الله اعلم شنية صار زادة...كبست على اطراف مريولي...نحاول نخبي الرعشة و الخوف لي حسيت بيهم...اول حاجة جات في مخي...حالة عمر...و شنية لي صار فيه...كبست روحي...و قربت باش نخرج...دزني بيدو...و سكر الباب...خذيت نفس نحكي
انا:ش..شصار...و..وينو عمر
غزرلي بشطر عين...و نحى الفرد من خصرو...عينيا وساعو بالوقت...حطو عالكوافوز لي بجنبو...و قربلي خطوة...وخرت لتالي بالوقت...نحكي
انا:ع..عمر وينو ؟
مراد:في البلاصة لي لازم يكون فيها
انا:ش..شقصدك ؟
مراد:منسمعش صوتك
انا:شنية صااار لعممرر جااوبني ؟
غزرلي ندرا كيف...غزرة خلاتني نوخر لتالي أكثر...و مع كل خطوة يقربلي بيها...الخوف لي داخلي يكبر اكثر من قبل...حتى منعرفش كيفاه لقيت روحي محصورة بينو و بين الحيط لي ورايا...دوب نجمت نهز راسي في وجهو...اللي ريتو في عينيه...خلاني ننسى مراد متاع قبل...مراد لي ريتو اول مرة في حياتي...لي وعدني انو مهما صار باش يحميني...و ماهوش باش يخلي حتى يضرني...شنية لي صار بعد اول مرة...علاش وصلنا لهوني...علاش حبني لهدرجة ؟ علاش مغزرليش كيما انا كنت نغزرلو...اكيد كان كلشي مليح توا...و مكنتش كرهتو و تقززت منو لهدرجة...حط يدو جنب راسي...و غزرلي يحكي
مراد:خفت عليه ؟
انا:ا..ابعد عليا مرااد...اماانك
عدا صوابعو على خدي بالسياسة...مسح دموعي لي محبتش تكف...و لي كل مرة نحس بالخوف...نقص عليها...عوج راسو شوية يحكي
مراد:و الدموع هذوما على خاطرو زادة
حاولت نبعد وجهي...كبس على دقنونتي...و هزلي راسي شوية...نزلت عينيا من وجهو...منحبش نغزرلو...منحبش نشوف غزرة الحقد و الكره لي في عينيه...منحبش نسمع صوتو و لا نشم ريحتو...صوابعو لي تغرسو في وجهي...خلاو دموعي يهبطو مع رعشة بدني...نزل بيدو لاخرى عالحيط لي قدامي...حسيت بانفاسو لي ضربت في وجهي...خلاتني نسكر عينيا بالوقت...و نسمع في صوتو فرد وقت و هو يحكي
مراد:الحالة لانتي فيها...على خاطرو هو زادة...منجمتش تنساه...منجمتش تنحيه من مخك...لهدرجة انتي تحبو جاوبني ؟
بلعت ريقي بالوقت...مستحيل نجاوب بالنفي.. مستحيل ننكر حبي لعمر...و اللي نحس فيه معاه...اصلا هو الحقيقة الوحيدة في حياتي...هو و بنتي الحاجة الوحيدة لي تخليني نقاوم لتوا...و مزلت نقاوم...حليت عينيا شوسة شوية...نغزر لوجهو لي قريب لوجهي...تفصلنا مسافة نفس واحد...عيونو لي دمعت خوفتني اكثر...صوابعو اي كبست على وجهي اكثر...وجعتني...اما مش قد الوجيعة و الحرقة لي في قلبي...رجعلي راسي لتالي...لين ضرب في الحيط...و قحرلي يحكي
مراد:جاوبني...انا نحب نسمع كلشي منك لآخر مرة...نحبك توجعني اكثر زهرة
مديت يدي بالسيف...حطيتها على يدو لي كابس بيها على وجهي...نلم في الحروف بين شفايفي...باش نجمت نحكي...كلمتين قد بعضهم...و انا نغزرلو
انا:م..مراد...و..وجعتني...سيبني
مراد:و انتي شعملت فيا ؟ كان قتلتني بيديك زوز...كان ارحم من اللي عملتو فيااااا
دموعي نزلو مع كلامو تالي...معادش نعرف روحي صحيحة و لا غالطة...معادش نعرف اذا لي قاعد يصير حلمة و لا واقع...يدو لي ترخفت على وجهي...خلاتني نزل راسي موجوعة...و قبل ما نقول حرف...حصرني من الجيهتين...و نزل عليا أكثر...حط خدو على خدي...لي خلى دقات قلبي تقوا أكثر...و قربلي اكثر...يحكي في وذني
مراد:انتي بعملتك خليتني نخسر كلشي...و معادش عندي شي نحارب عليه بعد توا...و مستحيل نخليكم تكونو لبعضكم زادة...انا باش نبقى جزء منك...حبيت و لا كرهت...صدقني كل يوم و كل ليلة...و كل لحظة من حياتك...انا باش نكون موجود معاك...في كل نفس تاخو...انا باش نكون معاك...كل مرة تغمض عينيك...باش تشوفني...باش تلقاني معاك ديما يا زهرة...في احلامك و في الواقع متاعك زادة...حياتك في يدي انا و كهو
دزيتو شوية لتالي...و حطيت يديا زوز على وذنيا سكرتهم...منحبش نسمعو اكثر...منحبش نسمع كلامو...مستحيل نعيش في الكابوس هذا حياتي الكل...دموعي لي نزلو...فشلوني اكثر...و منجمتش ناقف على ساقيا....نزلت عالارض...من غير ما نجبد روحي منو...سكرت على وذنيا...اكثر...نحكي
انا:ي..يزززي...يزززي كهو...اخطااني مراااد...شنية تحب مني زادة...علااش عملت فيا هكا...شنية ذنبي...باش تعمل فيا هكا ؟
نزل عندي بالوقت...لين ولى مقابلني بالظبط...و يحكي فرد وقت
مراد:ذنبك...انك منجمتش تحبني...ذنبك انك حبيتو هو يا زهرة...حبكم قاعد يحرق فيا...و يقتل فيا بالعرق...ذنبك انك خنت ثقتي بعد ما وعدتني...لي ماكش باش تخوني مرة اخرى...لهدرجة منستهلش باش توفي بوعدك ليا ؟
حليت عينيا شوية...غزرت لوجهو...مديت يديا بالسيف...مسحت دموعي شوية...و خذيت نفس بالسيف نحكي
اما:م..مراد...مراد...اسمعني امانك
مديت يدي بالسيف...حطيت يدي على يدو...و كملت كلامي...بطلوع الروح...نحكي
انا:يززي اماانك...يززي...منجمتش نحبك...على خاطر علاقتنا محرمة...على خاطرك راجل امي...و مستحيل تكون بيناتنا حاجة...مستحيل نجم نعيش معاك في الحرام يا مراااد...هذا لي محبيتش تفهمو انت
مراد:رقدت معاه ؟
جبدت يدي منو....و بقيت نغزرلو من غير حتى كلمة...سؤالو شلني...و خلى الدم يجمد في عروقي...وخرت لتالي اكثر...لصقت في الحيط...تعدا لي صار آخر مرة في البيرو بين عينيا...لا نجمت ننكر و لا نجمت نجاوبو...الخوف لي تسلل داخلي خلاني نبرد اكثر...كبس عالبونية متاعو...و عاود سألني يحكي
مراد:جاوبني زهرة
هزيتلو براسي لا...و حضنت روحي اكثر...دوب لقيت نفس...باش نحكي
انا:ل..لا
مراد:جااااااوبني...و انتي تغزر لعينيااااا
تهزيت و تحطيت على صوتو...جبدت روحي لتالي اكثر...نحكي
انا:لاااا...لااااا...قتلك لااااا...يززززي كههوووو ابعدني
لميت طرف القوة لي عندي...و هزيت روحي وقفت...هاربة منو...منعرفش لوين...المهم اني نبعد عليه و كهو...قبل ما نوصل لبيت البانو...يدو سبقتني...و جبدني من شعري...لصقني فيه من تالي...و نزل عليا...يحكي
مراد:لهدرجة السؤاال هذا صعب ؟ لهدرجة خفت انك تجاوب عليه 
حطيت يديا زوز على يدو...لي كبست على شعري...من تالي...نحكي
انا:س..سيبني مراااد...سيبني امااانك...حرااام علييك...على خااااطر ريحان سيبني...بنتي بحتاجتي توا...بحااجة اني نكون معاها
مراد:باش نسيبك زهرة...اما مش قبل ما ناخو الاجوبة لي نحب عليها...مش قبل ما نسكرو الصفحة هاذي لآخر مرة
كبس على شعري اكثر...خلاني نسلم بين يديه من الوجيعة لي حسيتها...جبدني عندو اكثر...و دخلني لبيت البانو...قابلتنا المرايا بالوقت...اول مرة نشفق على حالتي و انا بين يديه...اول مرة نحس انو مصيري...بالرسمي ولى بين يديه...نزل عليا شوية...يشم في شعري...و نزل لرقبتي...غمض عينيه بالوقت...و هو يستنشق في ريحتي...و يحكي فرد وقت
مراد:قداش من مرة خليتو يمسك ؟ قداش من مرة كذبت عليا و انتي تغزر لعينيا...جاوبني و صدقني...اللي تقولو باش نصدقو...تعرف بالقدا لي مستحيل نكذبك مهما صار
دموعي نزلو اكثر...معادش نعرف كيفاش نتصرف معاه...و لا شنية نحكي...نعرف لي مهما قلت و حكيت ماهوش باش يصدقني...صحيح سلمت لعمر نهارتها...و مانيش نادمة عاللي عملتو...اما الحقيقة هاذي...يمكن تجيب آخرتي...هزيت راسي شوية...غزرتلو في المرايا...غزرت لعينيه...لي يعدي فيهم على وجهي...من المرايا...كبسة يدو على شعري...معادش حسيت بيها...وسط الخوف لي قاعدة نعيش فيه...عينيه لي حمارو اكثر...عجزوني باش نقول كلمة...و لا حتى نبرر لي صاار...اول مرة في حياتي...نشوف مراد في الحالة...حتى قبل...و لا مرة تصرف معايا بالوحشية هاذي...صحيح ضربني قبل...اما وقتها كنت نشوف ملامح الندم في وجهو...كنت نحس بخوفو عليا اما توا...فقدت هذا الكل...و خفت اكثر...قص عليا تفكيري...كي دزني بيدو بالوقت...كبست بيديا زوز عالرخامة...و هزيت راسي غزرتلو في المرايا...تاكدت لي ماهوش ناوي على خير...اصلا معنديش حل آخر كان اني نقاومو...لآخر نفس في حياتي...كبست روحي...و بعدت عليه شوية...منعرفش في شنية تعذرت...طحت لتالي...جنب البانو بالظبط...هزيت راسي نغزرلو...قربلي بخطوات ثابتة...خطوات حسيتها و حسبتها...نزل عليا شوية...و قبل ما نوخر لتالي...يدو تمدت ورا راسي بالظبط...و كبست على شعري اكثر من قبل...جبدني عندو اكثر...لين حسيت بالنفس متاعو في وجهي...غزرلي لعينيا يحكي
مراد:مزلت نستنى فيك تجاوبني عزيزتي
انا:م..مانيش باش نجاوبك...ماانيش باش نجااوبك يااا مراد...سيبني
مراد:مجبورة باش تجاوبني...و لا
انا:و لا شنية...شعندك تعمل اكثر من هكا...تحب تقتلني...تفضل...اقتلني و رتحني منك...اقتلني فااااش تستنى...اقتتلني...مرا...
شطر الكلام ضاااع كي غطسلي راسي في البانو...اصلا مفهمتش كيفاش نجم يعمل فيا هكا...هزيت يديا زوز...كبست على طرف البانو...نقااوم فيه...اما شي نفس تسكر عليا...و ذكريات الماضي تعاودت قدامي بحلوها و مرها...فقت منها...كي جبدلي راسي لتالي تكيت عليه بالوقت...نرد في النفس...و نكح فرد وقت نزل عليا شوية يحكي
مراد:مزلت عند كلامك ؟
انا:س..سيبني...ما عندي شي نحكي فيه معاك...سيبني اماانك
سكت كي عاود غطسلي راسي في الما...حسيت بقيمة العذاب لي قاعدة نعيش فيه...و تاكدت لهو ماهوش باش يسلم...كي جبدني لتالي يحكي
مراد:كان متنطقش...نعمل من عذااابك صنعة يا زهرة
كبست بيديا زوز على طرف البانو...باش نمنعو يعاودها اما كان اقوى مني...و لقيت روحي غاطسة في الما اخرى...اول ما جبدني...دزيتو بيديا زوز...ووخرت لتالي...نكح بالقاوي...و نحكي
انا:ا..اي...صااار...صااار كلشي بيناتنا...انا كذبت عليك...علاقتي بعمر...عمرها ما وفات...و عمرو طلاقنا كان سبب في فراقنا...هذا لي تحب تسمع انت...انا رقدت مع عمر...و صار كلشي تنجم انت تخمم فيه...شعندك تعمل توا ؟
هزيت راسي...نغزرلو...رغم الحالة لانا فيها...غمضت عينيا نرد في نفس لي تقطع عليا...بعد ما تبليت بردت اكثر من قبل...حليت عينيا على تبسيمتو...يحكي
مراد:هاك رقدت مع طليقك...شنية تسمي هذا ؟ مش حرام علاقتكم ؟
عرفتو وين يحب يوصل...هزيتلو براسي لا...نحكي
انا:عمر رااجلي...انت لي جبرتنا نوقعو عالاوراق هذيكا...و عمري ما اعتبرت انو طلاقنا حقيقي...و مستحيل يجي نهار نسلم فيه و لا في اي حاجة تربطني بيه
مراد:بعد توا...باش يولي عندك سبب
انا:انت خسرت مرااد...انت الخاسر الوحيد
مراد:لا عزيزتي...بالعكس...مدام وليت لطليقك و رقدت معاه في الحرام...عطيتني امل كبير
انا:ش..شقصدك ؟
مراد:شبيك تفجعت يا روحي...بعد توا باش تكون متاعي...بالطريقة لي نحبها انا
عينيه لي تعداو على بدني...خلاوني نفهم قصدو بالقدا...وخرت لتالي اكثر...و هزيت راسي غزرتلو نحكي
انا:م..ماكش باش تعملها...مستحيل تعمل فيا هكا...افهم اللي قاعد تعمل فيه حرام...حرااام يااا مراااد
مراد:و اللي عملتو انتي ؟
انا:عمممر راااجلي...تعرف شمعناها رااااجلي...مستحيل تنجم تبدل الحقيقة هاذي مهما صااار...و انااا ما عملت حتى شي غاالط يا مراااد
مراد:علاقتكم وفات اليوم...اصلا كان جا يحبك بالحق...مكانش باش يرضى يبيعك بشوية اسهم
هزتيلو براسي لا...و حطيت يدي على صدري...نرد في نفس و نحكي فرد وقت
انا:ل...لا...عمر ماهوش نذل باش يتصرف بالطريقة هاذي...و مهما عمل انا واثقة فيه
مراد:عرف كيفاه يستغل بهامتك و يخليك توقع على اوراق مهمة...و مش بعيد فك منك رزق بوه زادة...حتى في بالك باش يرجع لوحدة عايشة مع راجل وحدها...خاصة بعد اللي باش يصير الليلة...صدقني مستحيل مزال يغزرلك مرة اخرى
انا:يززززي كهووو...يزززي....كان تقربلي والله ما نقتل روحي يااا مراد...و مهما قلت على عمر...مستحيل نصدقك...تسمع فيا
مراد:مانيش نستنى فيك تصدقني...و اول حاجة باش تنحي الخاتم لي في يدك...ثاني شي...اااي باش يصير برضاك و من غير رضاك ماهيش باش تفرق عندي
هزيتلو براسي لا...و حاولت نجبد روحي...اما كي العادة حصرني قبل ما نهرب منو...كبس على يدي...و قحرلي يحكي
مراد:تنحيه برضايتك...و الا باش تجبرني نوجعك اكثر ؟
انا:م..منحبش...سيبني اماانك...سيبني مراااد...سيبني اماانك...منحبش نحيه...و منحبش نكون معاك...بجاااه ربي سيبني
توسلاتي و دموعي...مشفعوش عندو...غزرتو...وصلتلي الوحشية متاعو...اما آخر شي توقعتو...هو انو يكسرلي صوابعي...الزوز مع بعضهم...صحت فرد صيحة...تعبر عالوجيعة لي حسيتها...دموعي نزلو يحرقو اكثر من قبل...و عينيا تغمضو بالوقت...منجمتش نحرك يدي و لا نغزرلو حتى...رخفلي يدي...و كبس على وجهي بيديه زوز...باسني من شفايفي...يحكي
مراد:المرة الجاية كان تلبس خاتمو مرة اخرى...صبعك باش نقطعو قدام عينيك...مفهوم كلامي ؟
الشهقة لي كانت خارجة مني...و الوجيعة لي حسيتها...خلاتني نهزلو براسي ايه...من غير ما نستوعب كلامو...منجمتش نتحمل وجيعة اكثر من هكا...حتى شفايفو...لي قاعدة تتعدا على وجهي و شفايفي محسيتش بيها...عاود كبس على يدي...نزلت راسي نغزر لصوابعي...عاودت صحت كي نحالي الخاتم...و طيشو في وسط البانو يحكي
مراد:شششش...اسكت منسمعش صوتك...شوية وجيعة و توفى
انا:م..موجوعة...ا..امانك...خليني نمشي من هوني...ا..امانك مراد
طحت في حملتو و انا نترجى فيه...شطر الكلام ضاع في صدرو...الوجيعة لي حسيتها في صوابعي...خلاتني ننسى شكون هو...و لا علاش عمل فيا هكا...حسيت بيديه...لي تمدو تحتي...هزني في حملتو...و وقف منجمتش نقاومو...منجمتش نتصرف معاه...و لا حتى نمنعو من اللي قاعد يعمل فيه...الوجيعة لي في يدي خدرتني...خلات كان شهقاتي مرة تزيد...مرة تنقص على حسب الوجيعة لي نحس فيها...طيشني في وسط السرير...حليت عينيا نغزر لسقف مسلمة...لا نجم نحرك يدي و لا صوابع يدي...لا نجمت نبكي...و لا حتى نعمل ردة فعل...للحظة حسيت روحي غرقت في بير غامق بدنو لي نزل على بدني...خلاني نغمض عينيا بالوقت شفايفو لي تعدات من وذني لرقبتي...خلاتني نبكي على روحي اكثر...لا نجمت نقاومو...و لا نجمت نستسلم...لا نجمت ندزو من فوقي و لا نقول كلمة...وجيعة يدي هدتني...و الوجيعة لي في بدني خلاتني عاجزة قدامو و وجيعة قلبي اكثر...يديه لي نزلو لصدري و أنا نحس فيهم يحلو في الشوميز متاعي فلس بعد فلس...حاولت نحكي...اما شفايفو سكتوني...دورت وجهي بالوقت منحبوش يبوسني...منحبش نحس بشفايفي على شفايفو...قهرني و مستحيل نجم نعيش بعد توا...صورة عمر و ريحان...كانت اكثر حاجة ونستني و انا بين يدين الوحش...في تالي طحت بين يديه...بعد صراع كبير لقيت روحي أسيرة عندو...معقول هاذي باش تكون نهايتي ؟ اكثر حاجة جات في بالي...و انا في اللاوعي زعمة عمر باش يرضى بيا بعد توا...و لا قصتنا زادة باش توفى مع ليلة هاذي ؟ يمكن بعد ساعات من توا...باش نطلع انا الخاسرة الوحيدة...خممت في حياتي مبعد...خممت في عمر...و بنتي...بنتي لي ما عندها حتى ذنب...و شنية باش يصير فيها ؟ بنتي لي مزال مفرحتش بيها لتوا...مزال معديتش ليلة وحدة و انا سهرانة معاها...ليلة هاذي ماهيش باش تقتلني انا و كهو...باش تقتل احلامي زادة...باش تقتل طرف الامل لي تعلقت بيه لتوا...الليلة هاذي باش تسكر قصة بدات قبل 12 سنة اول اكثر...و باش تنهي قصة عشق بدات في بين طالبة و استاذها...مهما كانت النهاية متاعي مانيش باش نخلي حد يروح ضحية فيها...لا عمر و لا بنتي و لا امي...و لا حتى حد آخر قريب مني النهاية هاذي...باش تكون نهاية مراد و زهرة...كهو...حليت عينيا شوية شوية...كاني بديت نفيق على روحي...و عاللي قاعد يصير فيا...شفايفو لي قاعدو تتغرس في بدني خلاتني نكره روحي اكثر...انفاسو خلاتني نعيف روحي دورت راسي شوية للباب...مزال عندي امل لهو باش يفتح الباب و يدخل عندي...مزلت نستنى فيه رغم انو في لحظة نجم نخسر كلشي...يديه لي سارحة في بدني...وصلتلي ناقوس الخطر...وصلتلي لمهما هربت...و مهما بعدت عليه...باش نطيح في يدو مرة أخرى..شريط حياتي تعدا بين عينيا...من اول نهار دخل فيها لحياتي لوحشيتو معايا توا...دقايق اخرى تعدات...لقيت روحي مسلمة و عاجزة تحتو...روحي تقاوم فيه و بدني مسلم بين يديه...صوت داخلي ينادي على عمر...و فمي مسكر منجمت نخرج منو حتى حرف...حياتي قعدت بين يديه...بين اني نسلم فيها...و معادش نخرج من البيت هاذي جملة...و لا نقاوم لآخر نفس في حياتي...لا صياحي معاه باش ينفعني...و لا مقاومتي باش تفيد قدام جهامتو...قدام قوة بدنو...و كبسة يديه...غمضت عينيا على صوابع يدو لي تغرسو في جنابي...نازل بيهم لطرف سروالي...كان نخليه يكمل لي بداه...باش نخسر روحي...و نخسر عمر زادة...نخسر كل حاجة حلوة في حياتي...ممكن اني نعتمد عليها باش نعيش...بدني و روحي ملك عمر و كهو...و حتى حد ما عندو حق باش يثبت الملكية متاعو على بدني من غيرو هو...اللي عشتو و ريتو من مراد ليلة...خلاني نعرف لانا قاعدة نواجه في واحد مريض....بسيكوبات...و مش اي مرض كهو...هو مريض بيا انا...و نهايتو...تعني نهايتي انا زادة...مستحيل يهدا و يسلم كان انا نبعد عليه مرة اخرى...و برشا ناس قبل مشاو ضحية امي و عمر...و هند...و حتى سلمى لي استغل حبها لعمر باش يضرني و يضرو...سنانو لي تغرسو في رقبتي مرة اخرى...خلاوني نحل عينيا مرة أخرى..منعرفش شنية لي قاعد يعملو فيا بالظبط..يعذب فيا...و لا ياخو في حاجة يحب عليه من سنين...حاجة محرمة عليه و ماهيش من حقو حاجة كان يكملها باش يقتلني بالحياة...و مستحيل نجم نهز راسي مرة اخرى...يدي رزنت عليا من الوجيعة لي نحس بيها في صوابعي...مهما توقعت درجة الجنون متاعو...و لا مرة جا لبالي...لمراد ينجم يضرني بالطريقة هاذي...و يخليني غاطسة في الوجيعة لهدرجة...دورت راسي لشيرة لاخرى...جات عيني عالفيوزة لي محطوطة عالتابل  دونوي...الحاجة الوحيدة....لي نجمت نخمم فيها و انا في الحالة هاذي...و أصلا عقلو و قلبو مركزين مع بدني...يحب ينفذ انتقامو فيا...اكثر من انو يحقق غايتو و يملكني...دوب خذيت نفس و مديت يدي بالسياسة...حاولت نجبدها عندي اكثر من مرة لين حسيت روحي يأست و مانيش باش نلحق...غمضت عينيا بالقاوي...نتذكر في كلام عمر...لمستو...حنانتو طريقة تصرفاتو معايا...عكس الكابوس لقاعدة نعيش فيه توا...اول مرة نحس روحي ضعيفة لهدرجة...لدرجة اني بعد لحظات من توا...دقايق برك...يمكن نخسر كلشي...كان صار و مراد احتل بدني بالكامل...يكون انتصر في الاخير...و خلاني نهز راية الاستسلام...تقويت على روحي اكثر...و جبدتها بصوابعي...شوية...اول ما كبست عليها في يدي...هز راسو غزرلي...عرفتو لي حس عليا...و تعمد يخليني نوصللها...تبسم على جنب يحكي
مراد:شنية صغرونتي...فاش تعمل ياخي ؟
انا:ا..ابعد عليااا
مد يدو باش يكبس على يدي...سبقتو و ضربتو بيها لراسو...وخر شوية لتالي مروهج...غمض عينيه بقوة و عاود حلهم قحرلي...منعرفش منين جبت طرف القوة و جبدت روحي منو...كبس على ساقي بالوقت...جبدني عندو...و عاود خنقني يحكي
مراد:شنية تستخايل في رووحك ياااخي...ياخي بالساهل باش تتحرر مني انتي...قتلك و باش نعاودلك باش تستلم برضايتك و لا بالغصب باااش تكووون متااااااعي
دزيتو بساقي لاخرى مع صياااحو لي نقبلي وذني و خوفني اكثر...اول ما رخف يدو عاى رقبتي...تقلبت في الفرش و جبدت روحي منو...قبل ما يشدني طحت عالارض.غمضت عينيا بالقاوي...من الوجيعة لي حسيتها في صوابعي...من قوة الوقعة...و من الحالة لي هوما فيها...صوتي خرج غصبا عني...منجمتش نكتم الوجيعة لي حسيتها اكثر...دموعي نزلو بالسيف عليا...و لا مرة حد عنفني بالطريقة هاذي...حتى هو مهما عمل قبل هاذي اول مرة نحس لي هو فقد اعصابو ضربة وحدة كبست بيدي عالارض...قوتي طاحت في الما...و منجمتش نقاومو اكثر...كحة قوية خرجت مني...خلات الدم يجري من خشمي...و يطيح عالزربية...خذيت نفس و زوز...يدو لي تغرست في شعري...دورتني بالوقت جات عيني في عينو...شويو دم نزل من جبينو خاطرني ضربتو قبيل...هزني من الأرض...و حط وجهو في وجهي...يحكي
مراد:قتلك متخلينيش نضرك...قتلك متخلينيش نوجعك اكثر...علاااش خليتني وصلت لهوووني...تكلم علاااش ؟
جبدني عندو اكثر...حط جبينو على جبيني...دموعي لي نزلت تخلطت مع دموعو...دموعو لي تقول انو حتى هو قاعد يقاااوم في رووحو...باش ميضرنيش...باش ميعملش لي في مخو...علاش وصلنا لهوني منعرفش ؟ غلطة شكون زادة منعرفش...غمضت عينيا بالقاوي...نحكي
انا:س..سيبني...ا..اماانك...سيبني مراد...متعملش فيا هكا...اماانك...انت وعدتني بكري لماكش باش تضرني...شنية لي صاارر
مراد:وعدتك...اما طلبت حاجة وحدة منك في المقابل يا زهرة...قتلك متغدرنيش في ظهري...قتلك متخونيش و متوجعنيش...على خاطرني كي نتوجع معادش نفرق بين صحيح و الغالط...انتي لي لزيتني...انتي خرجت الشيطان لي فيا...انتي لي خليتيني نكون وحش مرة اخرى...اللي قاعد يصير و اللي باش يصير...انتي و عمر لي مسؤولين عليه...نتوما لي خليتوني نوصل للحالة هاذي يا زهرة...ملااا تحممممل
هزيتلو براسي لا...دوب نجمت ناخو نفس...الدم لي خارج من خشمي...كبسة يدو على شعري...و الوجيعة لي في يدي و بدني...خلاتني عاجزة قدامو كي العادة جبدلي راسي لتالي...و حط عينيه في عينيا يحكي
مراد:انا و انتي باش نسكرو حكاية ليها سنين...في البيت هاذي...باش نسكرو حسابنا يا زهرة
انا:س..سيبني...والله باش نعمل لي تحب عليه...اما متعملش فيا هكا يااا مراااد...متمسنيش اماانك
كبس على شعري أكثر...و هز يدو لاخرى...عداها تحت خشمي...يمسح في دم لي نازل لتوا...اصلا منعرفش علاش نزفت...شهقاتي خلات النفس متاعي يطلع بالسيف...خوفي منعني نغزر لعينيه مرة اخرى...غمضت عينيا ندعي في ربي...يخرجني من الكابوس هذا...منعرفش كيفاش منجمة ناقف على ساقيا...شعري لي ملفوف في يدو...معادش حاسة بيه...عينيه لي تعدات على صدري...عراتني اكثر...رغم كشف عليا و شافني...و حتى وصل مسني بالطريقة لي يحب عليها زادة...فازة خلاتني نهز يدي بالسيف عليا...و نسكر الشوميز متاعي...ضحكتو دخلتني بعضي أكثر...هزيت راسي بالسيف غزرتلو...نحكي
انا:ح..حرام عليك مراد...حرام لي تعمل فيه...خليني نمشي من هوني...اماانك...ك..كان تحبني بالرسمي...ارحمني يا مرااد
مراد:انتي رحمتني زهرة ؟ هربت مني و عرست بيه خليتو يمسك و حبلت منو...جبت منو صغير...و حتى بعد طلاقك رجعتلو...و هذا الكل قدام عيني...هذا الكل و عيني تشوف يا زهرة...بكيت عليك بدل المرة الف الوجيعة لي خليتني نعيشها و نحسها...متجيش شطر في اللي قاعد يصير فيك توا...حتى مزلت تطلب في الرحمة باش ترجعلو...باش ترجعلو ليه هو
انا:ع..عمر...راجلي يااا مراااد رااجلي...افهم اماانك...ما صار حتى شي بيناتنا حراام...حتى كان جا في بلاصتك مستحيل كنت نحبو و لا نغزرلو...عيشك افهم لانت راجل امي...مهما عملت و مهما بررت علاقتنا محرمة قدام ربي و عبااادو...يززي مراااد...يزززي بجااه ربي يزززي...معادش نجم أكثر
مراد:تحب تكون معاه و مع بنتك ؟
هزيتلو براسي..أصلا هاذي الحقيقة الوحيدة و معنديش غيرها...كلشي نحب عليه...اني نرجع نعيش مع عمر كيما قبل...اني نهرب من الكابوس هذا...تبسيمتو لي خرجت مع يدو لي كبست على شعري اكثر...فهمت منها...لي مستحيل يخليني نمشي من هوني...و لي هو مصمم يكمل لي بداه...جبدني في لحظة...لين وليت في حملتو بالظبط...نزل يحكي في وذني
مراد:مستعد نقتلك و نقتل روحي بعدك...على اني نخليك ترجعلو...يا زهرة
عينيا وساعو بالوقت...كلامو كان كافي باش يوصلي...لهو صادق في كل كلمة قالها...و ماهوش باش يتراجع لتالي مهما صار...خذيت نفس طويل...مدامني طحت بين يديه...مانيش باش نذل روحي أكثر من هكا...دوب نجمت نلم الحروف بين شفايفي...و كبست عالشوميز متاعي نحكي
انا:ا..أعمل لي تحب عليه...أملك بدني مراد...اما مهما عملت مستحيل...نخليك تملك روحي
هزيت راسي شوية...و حطيت عينيا في عينيه...رغم الدموع لي حرقوني...اما متأكدة لي غزرتي و احساسي وصلوه...تبسمت على جنب...و كملت كلامي...نحكي
انا:الوحيد لي ملكني و باش يبقى مالكني...هو عمر و كهو...حبيت و لا كرهت...مكنتش ليك و مانيش باش نكون...انا ملك عمر...عمر و كهو
مع كل كلمة خرجت من شفايفي...يدو تكبست على شعري أكثر...و مع آخر كلمة...جبدني لتالي...و ضربلي راسي عالحيط...غمضت عينيا مروهجة...من الدوخة لي حسيتها...لصقني من تالي...لين عدم المسافة بيناتنا...و نزل يحكي في وذني
مراد:انتي لي اخترت الثنية هاذي ياااا زهرة...اما نسيت لانتي...باش تلقاني في آخر ثنية...في كل مرة حاولت انك تهرب مني يا روحي
غمضت عينيا بالقاوي...و استندت بيدي عالحيط لي لصقني فيه...فرد وقت نلم في روحي...نلم في طرف القوة لي عندي...قوة و حتى كان صغيرة...المهم انها تمنعني منو...المهم اني نسلك من يديه...الضربة لي خذيتها في راسي روهجتني...خلاتني دوب نحل عينيا من الدوخة لي حسيتها...جبدني من شعري لعندو...و عاود نزل عليا...يحكي
مراد:ايجا هوني تراه
غمضت عينيا بالقاوي...نعرف بالقدا...كان يرجعني لسرير هذاكا...معادش باش نقوم منو مرة اخرى...و مدام وصل عمل فيا هكا...معناها مستحيل مزلت نغيضو و لا حتى يشفق على حالتي...خذيت نفس و تلفت عندو...يدو ترخفت على شعري بالوقت...عديت دقيقة و انا نوازن في روحي...نقاوم في الدوخة لي قاعدة نحس بيها...و الا باش نخسر كلشي قاومت عليه لتوا...غمضت عينيا بالقاوي...و عاودت حليتهم...مد يدو باش يجبدني عندو...وخرت خطوة لتالي...قربلي بالوقت...حط يدو على ظهري من تالي...و جبدني عندو...مديت يدي حطيتها على صدرو...نبعد فيه عليا...الوجيعة لي في صوابعي تمدت على طول يدي...نزل عليا اكثر باش يبوسني...حطيت يدي على شفايفو بعدتو...عليا...نصيح
انا:سيييبني...يااااا مرااااد سييبني
خبشتو بظوافري...من رقبتو...و ضربتو بيدي...رغم معنديش باش نقاومو اما ملقيت حتى حل...كان اني ندافع على روحي...لآخر نفس في حياتي...يا نموت داخل البيت هاذي...يا نخرج منها للابد...و معادش نرجع لهوني مهما صار...رخف يدو شوية...جبدت روحي لتالي...شعرة لا طحت...رجعت بخطواتي لتالي...نوازن في روحي قد ما نجم...عديت عينيا على وجهو...مسح رقبتو و قرب مني...استندت بيدي عالكوافوز...نرد في نفس...جات عيني عالفرد متاعو...منعرفش شنية لي خممت فيه بالظبط...اما هذا آخر حل بالنسبة ليا...في الحالتين...انا باش نخرج خاسرة من هوني...اما عالاقل نكون ربحت روحي...كبست عليه في يدي...و تلفت عندو بالوقت...و هزيتو في وجهو...حبس في بلاصتو...هزني و حطني و تبسم على جنب...كبست عليه اكثر...نرد في النفس بالوقت...نحاول نشد روحي قدامو قد ما نجم...غزر لعينيا يحكي
مراد:هيا عزيزتي فاش تستنى ؟
انا:م..مستحيل نخليك تمسني يا مراد...مستحيل بدنك المسخ يجي على بدني مهما صاار...و مهما كان عقابي انا راضية بيه...كان انك تمسني و لا تحط يدك عليا
مراد:مدامك تنجم تقتلني اعملها...اعملها و رتح روحك من شري...على خاطر مستحيل يجي نهار و ترتاح مني يا زهرة..مدام جات الفرصة ليديك...متضيعهاش..اقتلني و برا عيش حياتك
انا:اسسسكت...يزززي كهو...يزززي...منحبش نسمعك ا..انا مانيش مجرمة كيفك...انت لي لزيتني...انت لي خليتني نكون هكا...انت لي وصلتني لهوني  يا مرااد
غمضت عينيا بالقاوي...و عاودت حليتهم...حسيت بدموعي لي نزلو اكثر...قربلي خطوة...يحكي
مراد:هذا هو الحل الوحيد...لي باش يخلصك مني يااا زهرة...بعد ما تكبس عالزناد هذاكا...تكون تحررت مني...و من حاجة اسمها مرااد
انا:ا..ابعد عليا متقربليش...متقربليش اماانك...متخلينيش نضرك يا مراد...انا ماانيش هكا...انا عمري ما وجعت حد في حياتي
مراد:اما وجعتني يا زهرة
هزيت عينيا في عينيه...دمعتو لي نزلت...دل على صدق كلامو...ليلة...كانت اول مرة نشوف دموع مراد...و نشوف قهرتو زادة...و اكثر شي...ريت الوحش لي مخبي داخلو...نزلت عينيا للفرد...انا عمري ما كنت مجرمة...و عمري ما خممت اني نضر حد في دنيا...و لا حتى نهز حاجة كيما هاذي في يدي...هو سبب في كلشي تعدا في حياتي لتوا...هو لي فك كل حاجة باهية حبيتها حتى احلامي...فكها مني...و واقعي ولى جحيم...نزلت يدي شوية...مستحيل كنت نخليه يوصل للي يحب عليه...و لا يخليني نتحمل نتيجة موتو حياتي الكل هزيت راسي شوية...ووخرت لتالي...نحكي
انا:ا..ابعد عليا متقربليش
مراد:اضرب زهرة
انا:ا..ابعد...مرااااد...ابعععععد عليااااا
مع آخر خطوة عملها لعندي...غمضت عينيا بالقاوي...و كبست عالزناد...صوت الكرتوشة...خلى قلبي يخض بالقاوي...و خوف جديد تزرع داخلي...الصمت لي حل بيناتنا...خلاني نحل عينيا شوية شوية...و نزلت راسي نغزرلو...دمو لي ساح عالزربية...خلاني نرخف الفرد من يدي...طاح عالارض...و طحت على ركايبي معاه نغزرلو و هو يحاول يقوم...منعرفش وين جاتو الضربة بالظبط حاولت نقربلو...أما غزرتو شلتني خلاتني حايرة بين اني نقربلو و نعاونو و لا نهرب بروحي من هوني...وخرت لتالي من غير ما نحس...لي تعدا عليا الليلة مستحيل يخليني نقرب منو و نمسو مرة اخرى...استندت بيدي عالباب و هزيت روحي وقفت بالسيف...كبست عالبواني و تلفت عندو غزرتلو...يقاوم في روحو...حليت الباب و خرجت...نمد في الخطوة بالسيف...من الوجيعة لي نحس بيها في ساقي و يدي و بدني الكل...نزلت هزيت كبوطي من الارض بالسيف...و تكيت عالحيط...نلبس فيه بطلوع الروح...كيفاه نجمت ندخل يدي منعرفش شكل صوابعي لي ريتو...خوفني أكثر...سكرت كبوطي على صدري...و مسحت الدم من خشمي بكف يدي خذيت نفس و زوز...و قربت من الدروج...أول درجة عملتها...سمعت كي عيط بإسمي على طول صوتو..تلفت ورايا...و عاودت غزرت لطول الدروج...كبست روحي...و لميت طرف القوة لي عندي...و كملت نزلت...مستحيل نرجع لعندو...مستحيل نخليه يردني للبيت هذيكا كان يموت...حتى أمي منجمتش نمشي عندها و نطمن عليها مصدقتش روحي كيفاش وصلت للباب الكبيرة...تكيت عليها و حليتها...اول خطوة عملتها لبرا...ضربتني نسمة قوية...خلاتني ناخو نفس نظيف...عكس الهوا لي كان خانقني الداخل...هزيت راسي نغزر لسما...رغم الدنيا ظلمة...اما اضواء الشارع ساطعة...اول حد جا في بالي عمر...اما مستحيل نمشي لعندو و انا في الحالة هاذي مستحيل نخلي عيلتو تشوفني و انا هكا...حتى مريم و حسام...منجمش نمشي بحذاهم...اصلا مستحيل نلقى طاكسي الوقت هذا...و كان نبقى هوني اكثر...منعرفش شنية باش يصير...اصلا منعرفش شنية لي صار فيه بعد ما ضربتو بالكرتوشة...كبست روحي...و خرجت من الفيلا جملة...طريق فارغة...مفما حتى كرهبة و لا اي حد يمشي برا...منعرفش على روحي...كيفاه كنت نمد في الخطوة...اول بلاصة جات لبالي...السوسيتي متاع عمر...هي اول بلاصة يمشيلها الصباح...عالاقل نجم نقابلو غديكا...و لا عالاقل باش تكون بلاصة آمنة ماهوش باش يلقاني فيها...و هي اكثر بلاصة قريبة من هوني...على اي بلاصة اخرى...ساعتين تعدات عليا و انا برا...بدني مش مطاوعني باش نمشي...و خوفي يقولي كمل ثنيتك احسن ما يلحق عليك هو و لا وحش آخر كيفو...منعرفش كيفاه وصلت..سمعت صوت العساس و هو يعيط
هو:براااا اقععععد في بلاصة أخرى...أمشي من هووني
هزيت راسي شوية...نغزرلو و هو كابس عالعصا متاعو و يقربلي...وقف قدامي بالظبط...عينيه وساعت و هو يغزرلي...نزل راسو عندي يحكي
هو:م..مدام زهرة...فاش تعمل هوني ؟
أنا:ن..نحب نحكي مع عمر...اماانك
هو:باهي...ايجا ادخل معايا ساعة
قرب مني باش يشدني...جبدت روحي لتالي...و غزرتلو نحكي
انا:ن..نمشي وحدي
هو:باهي متخافش...تحب نطلب البوليسية ؟
تذكرت لي عملتو سوايع لتالي...هزيتلو براسي من غير ما نحس...منحبش نشد الحبس قبل ما نحكي مع عمر و نطمن عليه...و نعرف شنية لي صار بيناتهم...خذيت نفس و دخلت وراه...قعدت عالكرسي متاعو...و نزلت راسي غزرت لصوابع يدي لي زراقو أكثر...شي من البرد و شي من الكسور لي فيهم...اول ما مسيتهم...لقيت روحي نكتم في صيحة...كان تخرج مني تهد جبال منجمتش نمسهم و منجمتش نخفف الوجيعة لي نحس بيها في يدي و بدني و راسي...غزرت لتليفونو لي حطو في يدي...كبست عليه...و كتبت الرقم متاع عمر...طلبتو مرة و زوز...اما شي...غزرت لعساس نحكي
أنا:محبش يهز
هو:حاول مرة أخرى
هزيتلو براسي إيه...و عاودت طلبتو مرة أخرى...أول ما هز...عليا خذيت نفس نحكي
أنا:ع..عمر...وينك ياخي...هاني في سوسيتي متاعك توا...إيجا عندي أماانك...إيجا عندي توا
سكت شوية...كلشي نحب عليه...إني نقابلو و نحكي معاه...خذيت نفس نحكي
أنا:عممر
ملك:عمر مشغول توا...و أحسن شي معادش تطلبو ماهوش باش يلتهى بيك في الوقت هذا...و من غير ما تبقى هاملة برا توا...أرجع لدارك...و معادش تطلب...على خاطر حد ماهو باش يهز عليك...يززي لي ريناه منك لتوا
نزلت تليفون من يدي...و نزلو دموعي معاه...آخر وحدة توقعت أنها تهز عليا من تليفون عمر...و لا كيفاش سمحلها تحكي معايا بالطريقة هاذي..مديت يدي عطيتو تليفون من غير حتى كلمة...فرد وقت نخمم في روحي وين نمشي بالحالة هاذي...و شنية نعمل في الحالة لانا فيها...الوجيعة لي نحس فيها هدتني...و خلات بدني مهدود...و كمل عليا صوت تليفون متاع الفيكس...هز عليه...دوب تكلم و سكر...غزرتو...وصلتلي لي فما خبر باهي...خذيت نفس نحكي
أنا:ش..شفما ؟
هو:م..مدام ملك...طلبت مني إني نخرجك من هوني...و صراحة أنا...نقصد مدام زهرة
أنا:فهمت عليك...من غير ما تفسرلي...متخافش...مانيش باش نقطع خبزتك
هو:تحب نطلبلك طاكسي...تمشي لدارنا بحذا مرتي وولادي
أنا:ل..لا عيشك
هو:تمشي للكلينيك عالأقل...لتوا خشمك ينزف
أنا:م..متخممش عليا...تو ندبر راسي وحدي...عيشك
هو:مدام زهرة سامحني بربي...كان تحب نعاود نكلم سي عمر
هزيتلو براسي لا...و هزيت روحي وقفت...غمضت عينيا بقوة...و عاودت حليتهم...دوخة قوية خلاتني دوب نجم نركز في اللي نعمل فيه...حطيت يدي في مكتوبي بدني تكبس...عاودت جبدتها بالوقت...نغزر للكارت متاع سليم من وقت خليتها هوني معادش نحيتها..منعرفش نضحك و لا نبكي على زهري...أما معنديش حل آخر غيرو...منجم نطلب حتى حد بعد عمر...غيرو هو...تلفت لعساس بالوقت...حطيت الكارت في يدو...نحكي
أنا:م..ميسالش تطلبلي الرقم هذا عيشك
هو:أكيد
كبس على الكارت في يدو...بقيت نغزرلو و هو يكتب في الرقم...أول ما طلبو...حط تليفون في يدي...هز عليا يحكي بصوت النوم
سليم:ا..ألو...تفضل ؟
أنا:س..سليم...أنا ز..زهرة
سليم:زهررررة
أنا:م..ما عندي حتى حد غيرك...نجم نطلبو الوقت هذا
سليم:زهررررة شفما ؟ و وينك توا ؟
أنا:ف..في سوسيتي متاع عمر
سليم:الوقت هذا ؟
أنا:إيجا عندي سليم...إيجا عندي توا امااانك
سليم:باهي...أبقى غديكا...متخاافش...هاني في ثنيتي لعندك...باهي
أنا:ب..باهي
علقت عليه و عطيتو تليفون...حليت الباب باش نخرج وقفني يحكي
هو:تنجم تستناه هوني
أنا:ل..لا عيشك
خرجت و خليتو...قعدت على آخر درجة...نثبت في الطريق...دوب نجمت نحل عينيا...شي من النعاس لي هبط عليا و من الوجيعة لي خدرتني...لتوا مش مصدقة لانا نجمت نمنع منو...و مش مصدقة لي تعدا عليا..الليلة هاذي كانت أطول ليلة...بعد الليلة لي ولدت فيها متعداتش نص ساعة و شد الفران بالقاوي قدامي...نزل يجري...و قرب مني يحكي
سليم:زهرررة
نزل عليا شوية...و هزلي راسي يغزرلي...طحت في حملتو بالوقت...عدا يدو على ظهري يحكي
سليم:زهرة شبيك ؟ شبي حالتك هكا ؟ شكون ضربك ؟
أنا:م..مراد حاول يغتصبني...و انا ضربتو بكرتوشة...و أمي مزالت في الفيلا عندو..ينجم حتى يقتلها ع..عاوني سليم...منع أمي...و منعو...منحبش نولي مجرمة و قتالة أرواح...منحبش نشد الحبس على خاطرو
سليم:بااهي...بااهي...هاني معاك توا...الكلام لي قلتو توا متعاودو لحتى حد تو نتصرف أنا...أما أول شي...لازم يشوفك طبيب
يحكي و يغزر لصوابعي...لي معادش حاسة بيهم منجمتش نحكي معاه أكثر...عينيا تسكرو و انا في حملتو...دوب حسيت بيه...كي هزني بين يديه و حطني في الكرهبة...عينيا تسكرو بالوقت...و غطست بين الكابوس و الحلمة...منعرفش على انو واقع باش نفيق بعد اللي صار فيا الكل...اكثر حاجة حبيت عليها...اني نلقى عمر معايا و بجنبي...هو الحاجة الوحيدة لي كانت باش تخلي الخةف لي داخلي ينقص...و نجم ناخو نفس منظم...زعمة انا بعد الليلة هاذي خسرت كلشي ؟ و زعمة عمر باش يصدقني بعد اللي صار...مراد شنية باش يصير فيه ؟ و مصير امي شنية باش يكون ؟ و بعد ما اعترفت بعملتي لمحقق...شنية باش تكون ردة فعلو بين سؤال و سؤال...غرقت في اللا مكان و معاد نحس بحتى شي

#سمر💙💙💙