🔸️حلقة 13
فقت من سرحتي...كي شد الفران...تلفت شوية...نغزر لريستو عالشط...غزرتلو نحكي
أنا:ا أستاذ إحنا علاه هوني
تبسم على جنب...فك الحزام...و غزرلي يحكي
عمر:هيا أنزل لازمك تفطر
أنا:هوني
عمر:مممم
حل الباب نزل...خذيت نفس و خلطت عليه...نمشي وراه...إختار طاولة مطرفة طل عالبحر...الجو بارد شوية...طلب فطور...أول ما وصل بديت ناكول...نحس في روحي عندي برشا مكليتش...طلعت راسي شوية لقيتو يغزرلي...وقتها برك فقت على وضعي...تكا لتالي يحكي
عمر:زهرة
أنا:مممم
عمر:مزلت في رايك ؟
أنا:شنوة ؟
عمر:تحب ترفع قضية على مراد ؟
بقيت نغزرلو...أحداث البارح...تعاودت قدام عينيا هزيتلو براسي إيه من غير ما نحس...منعرفش وين باش تهزني القضية هاذي...اما مانيش باش نرجع لتالي هزيت كاسة الما شربت منها...ما قال حتى كلمة أخرى فقت من سرحتي كي ريتو طلع راسو...يحكي
عمر:حسااام
طلعت راسي بالوقت...جات عيني في عينو...نفسو صاحبو متاع آخر مرة...عدا عينيه على وجهي...حشمت من تطليعتو ليا...كأنو مش عاحبو الوضع جملة...نزلت راسي بالوقت...نسمع فيه يحكي
حسام:أهلا...مجاش في بالي نلقاك هوني
عمر:أقعد
حسام:إيه علاش لا
جبد الكرسي و قعد بحذاه...منجمتش نهز راسي في وجهو...حاولت ناخو نفس نهدي روحي بيه قدامو..نسمع فيه يحكي مرة أخرى
حسام:ماكش باش تعرفنا
طلعت راسي شوية غزرتلو...تبسم على جنب...غزرت لعمر...تنهد يحكي
عمر:زهرة...حسام...نظن هكا تعارفتو
حسام:مممم
عمر:إيه مش على أساس تخدم اليوم
حسام:لا عطلة...طلبتك صباح و مرديتش...و بالصدفة لقيتك هوني
عمر:مسمعتوش...على هذاكا
حسام:شرايك نمشيو لنادي...بما أنو عطلة
عمر:منجمش...لازم نرجع زهرة لدار
حسام:خليها تجي معانا...تبدل جو
غزرلي يحاول ياخو الإجابة مني...بقيت ساكتة...و هزيتلو بكتافي منعرفش...تلفت لحسام يحكي
عمر:باهي حتى صاك الدبش مزال في الكرهبة...أسبقني تو نخلط عليك
حسام:باهي
أول ما مشى...تلفت غزرلي في عينيا...يحكي
عمر:تحب تمشي...و لا نرجعك لدار
أنا:ميسالش كيما تحب
عمر:باهي هيا
هزيت روحي...خلطت عليه...نحس في روحي احسن ببرشا من صباح...ركبت بحذاه...بقيت طول الثنية ساكتة...لين وصلنا لنادي...دخلنا مع بعض...غزرلي يحكي
عمر:استناني هوني
هزيتلو براسي باهي...بقيت نتبع فيه بعينيا لين بعد خذيت نفس و دخلت لصالة...ندور في عينيا عالبلاصة أول مرة ندخل لنادي...حسيت بيد جبدتني لتالي..طلعت راسي نغزرلو...قلبي دق بالوقت...وخر بيا شوية لتالي ضربت في الحيط...مفهمتش شنية لي قاعد يعمل فيه بالظبط...كبس على يدي أكثر يحكي
حسام:منعرفش حكايتك شنية بالظبط...أما أسمعني يا فرخة...كان إنتي عديتها على عمر...ماكش باش تعديها عليا...صاحبي أبعد عليه...خليه رايض في حياتو و خدمتو...اللعبة لي تلعب فيها مكشوفة...صحيح وصلت لي تحب عليه و أثرت عليه بحكايتك...أما تو وحدو يفيق...و يرجعك منين جيت...شوية وقت و يفد منك مفهوم كلامي لالة زهرة
بقيت نغزرلو...جمدت في بلاصتي أصل...عديت عينيا على وجهو...ملامحو باردة مش نورمال...تبسم على جنب رخف يدو...و وخر لتالي...هزني و حطني...و غزر لعمر لي داخل من الباب...ضيق عينيه و هو يغزرلي قرب مني شوية يحكي
عمر:لباس ماهو ؟
هزيتلو براسي إيه...تلفت غزر لحسام...قرب منو يحكي
حسام:هيا سي عمر خلينا نبداو
بعد عليا شوية...بقيت نغزرلو...أول مرة نراه بدبش سبور...نحس في نفس تسكر عليا...خرجت من صالة للجنينة...قعدت على أول كرسي عارضني...نرد في نفس...تكيت لتالي...كلامو تعاود في راسي اكثر من مرة...يمكن عندو حق و يمكن لا..عمري ما فكرت نستغل عمر...و لا نقربلو على خاطر مصلحتي..منجمتش نفسر كلامو في مخي...فرد وقت خفت كان يطلع صحيح...و عمر يجبد بيا في نص الطريق...وقتها مراد...مستحيل يرحمني...كل مرة نقعد وحدي...نتذكر كلامو...تهديدو ليا...و برشا فازات أخرى...كل مرة نحاول نقوى...ذكريات مراد ترجعني لتالي...دموعي لي كنت نمنع فيها باش تنزل سبقتني...و خذات طريقها...هزيت يديا مسحتهم بالوقت...تكيت لتالي...نغزر للورد...و تفكيري بعيد برشا نحاول نلقى روحي في وسط هذا الكل.
YOU ARE READING
زهرة🌸
Random🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
