🔸️حلقة 18 و 19
بقيت واقفة في بلاصتي...قربت بخطوات مترددة نحكي
أنا:مراد
تلفت عندي...جات عيني في عينو...قلبي دق بالوقت هزني و حطني...تبسم على جنب...كانو يستفز فيا...قبل ما يحكي...قصيت عليه نحكي
أنا:شتعمل هوووني ؟
مراد:توحشتك يا روحي
أنا:مراااد أخرج من هوني...كان يجي حسام توا...باش توحل صدقني
مراد:خايفة عليا إنتي...مممم في بالي لي حسام ميعرفش بالحكاية...و ظاهر الكل لي هوني نفس شي زعمة شنية خبرتهم إنتي و الأستاذ متاعك
أنا:مانيش مجبورة باش نجاوبك...و توا تنجم تتفضل
مراد:تطور ملحوظ من عند سي عمر...ظاهر فيك قاعدة تتمرد شوية شوية
انا:مراااد
مراد:اقعد
أنا:اسمعني أنا
مراد:قتلك اقعد
قحرتلو...و قربت قعدت على طرف الفوتاي مقابلاتو..تكا لتالي و حط ساق على ساق...عامل مولا دار مش هوني رغم الخوف لي حسيتو الكل و انا نغزرلو...اما بردت دمي...دور راسو شوية يغزر لصالة...تبسم على جنب يحكي
مراد:وين العيشة أحسن هوني و لا معاه ؟
بقيت نغزرلو...تبسمت على جنب...تكيت لتالي...نحكي
أنا:بالطبيعة معاه...مع عمر كلشي يكون مختلف
منعرفش كيفاش خرج الكلام هذا من فمي...و لا حتى علاه حكيت معاه هكا...اما نحب نقهرو...نحب ننسى الخوف متاعي و انا نغزرلو...عدا يدو على شعرو يحكي
مراد:تعرف حاجة....هو سر صغير نحب نخبرك بيه توا
ضيقت عينيا مستغربة...تبسم باستهزاء...يحكي
مراد:الكل يسأل مراد بن عيسى علاه مزال يسكن في نفس دار من بكري...زعمة علاه...مع اني كنت نجم نخليك تعيش في قصر يا زهرة...اما يا ترا مراد يقدر يلمح زهرة في القصر هذا...ينجم يرا حبو كل شوية زعمة بيتك كانت باش تكون مقابلة بيتي...أكيد لا...كل ما كانت البلاصة صغيرة انتي تكوني قريبة ليا اكثر...و نحس بيك اكثر يا روحي
بقيت نغزرلو...نغزر لعينيه...اصلا مستغربتش الكلام هذا منو برشا...خاطر كنت فاهمة علاه مبدلش دار بعد سنين هذوكا...خذيت نفس نحكي
انا:اما انا عمري ما حبيتك يا مراد...عمري ما ريتك اكثر من انك راجل امي
مراد:هذا الكل ميهمنيش...قتلك من قبل و باش نعاودلك...انت متاعي زهرة...و باش تبقى متاعي كان مشيت لاخر دنيا
انا:لااا...مانيش باش نهرب منك بعد اليوم...باش نبقى قدامك...باش تراني ديما...أما متنجمش تقربلي...متنجمش تمسني...صدقني هذا لي باش يصير
مراد:هذا الكل ميقلقنيش...بما انو في الاخير باش ترجع ليا
انا:المرة هاذي صعيب برشا لي قاعد تخمم فيه...انت خليتني نعيش في خوف و دوامة طول حياتي...و انت زادة عطيتني القوة هاذي باش ناقف في وجهك
مراد:تعرف حاجة...فرحان بيك برشا...عاللخر زادة حبيت نراك هكا...حبيت زهرة الجديدة أكثر...قولي شنعمل كي قاعد نعشق فيك كل يوم أكثر
أنا:انت واحد مجنون مراد
مراد:أنا مريض بيك إنتي زهرة
أنا:نعرف...و توا علاه أنت هوني ؟
مراد:حبيت نطمن على مرتي...وين و كيفاش عايشة
أنا:صدقني أنا مستحيل نكون ليك
مراد:أنا لي نقرر الكلام هذا...لا إنتي...و لا لي كنت بايتة معاه لبارح
هزيت روحي وقفت...قحرتلو قحرة متاع موت...نحكي
أنا:شتقصد أنت ؟
وقف في جرتي...عدل الفاست متاعو...و تبسم على جنب يحكي
مراد:قصدي واضح
أنا:أموري متهمكش...و علاقتي بعمر نفس الشي
حط يدو على قلبو...و تبسم باستهزاء...يحكي
عمر:توجع فيا يا روح قلبي
بقيت نغزرلو...ما تبدل فيه شي...نفس النظرة و نفس تصرفات...تبسمت على جنب نحكي
انا:كلامك صحيح...انا عديت ليلة مع عمر...و ليلة حلوة برشا...متوقعتش اني باش نعيش كيفها...اما حط في بالك لهو ماهوش كيفك...و ميخممش كيفك زادة...عمر يخمم فيا و انت تضر فيا...هذا هو الفرق بينكم يا مراد
هزلي براسو لا...قرب مني خطوة...وقف قدامي يحكي
مراد:باش تفهم كلشي مع الوقت...باش تعرف شنوة الفرق بينا بالظبط...يا زهرة...صدقني باش تعرف كلشي
أنا:و أنا ما نحب حتى شي منك
مراد:أمورك...أنا هوني باش نخبرك على موعد الجلسة الاولى عزيزتي
أنا:شنننوة ؟
مراد:مش هذا لي حبيت عليه...و أنا باش نحققلك كلشي تحب عليه يا روحي
انا:باهي احسن حاجة عملتها لتوا
مراد:نتقابلو في المحكمة ملا
جيت باش نحكي...لمحت امي فتحية ماشية و تقرب منا...تبسمتلو...و مديت يدي...غزرلي مستغرب..حط يدو في يدي...كبس عليا...باقي نتبسم و نحكي
انا:بالطبيعة مسيو...نتقابلو مرة اخرى
فتحية:وه باش تمشي من توا
انا:أمي مسيو مراد..جا باش يفهمني الدروس لي فاتتني أما عمر تصرف و عاودلي كلشي
تبسم على جنب...و جبد يدو من يدي...من غير ما ينزل عينو من وجهي...يحكي
مراد:وقيت باش نمشي...نشوفك مرة أخرى...مدموزال زهرة
انا:بااهي
هزلي براسو ايه و تلفت عطاني بظهرو...بقيت نتبع فيه بعينيا لين خرج...فقت من سرحتي على صوت امي فتحية تحكي
فتحية:زهرة
انا:مممم
فتحية:لباس ماهو ؟
انا:لباس امي...باش نطلع نرتاح توا...تاعبة عاللخر
أمي:باهي عزيزتي
هزيت روحي...طلعت الدروج نجري...منعرفش كيفاش وصلت للبيت...قعدت على طرف سرير...نفرك في يديا...نحب ننسى كبسة يدو على يدي...نحب ننسى اني مسيتو مرة اخرى...كلامو لتوا قاعد يدور في راسي فكرة لهو باش يربح القضية...دخلتني بعضي...و خفت اكثر...نحس في قلبي يدق بالقاوي...بدني الكل يرعش وحدو...اما مانيش باش نبكي...مش المرة هاذي يا مراد أصلا لتوا مصدومة في روحي كيفاش حكيت معاه بالطريقة هذيكا...حتى كلام المحامي متاع البارح نسيتو جملة...هزيت روحي بالسيف...مشيت لبيت البانو..غزرت لروحي في المرايا...نحكي
أنا:باش تكون مليحة يا زهرة...كلشي باش يكون مليح معادش تخاف منو...ما ينجم يعملك حتى شي
عملت دوش...بدلت دبشي...ورجعت لبيتي...ترميت عالسرير...نحس في بدني مدقدق...غمضت عينيا...جات صورتو قدامي...تذكرت ليلة البارح...تبسمت وحدي منعرفش شبيني بالظبط...كل لحظة نعديها معاه معادش تخرج من مخي جملة...تنهدت بالقاوي...كي تذكرت خطيبتو...انا وين و لي نفكر فيه وين...احسن شي ننسى لي قاعد يدور في مخي جملة.
YOU ARE READING
زهرة🌸
Náhodné🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
