🔸️حلقة 7
🔸️عمر_يحكي:
شديت الفران بالقاوي و نزلت...نحس في راسي باش يطرشق...حتى انا عديت الليل الكل فايق...منعرفش علاه...فوق الحصص لي عندي اليوم...فما اجتماع زادة...دخلت للكلاصة...لقيتهم الكل في بلايصهم...اصلا هاذي الدفعة الاساسية...و مش برشا منهم اختار الإختصاص هذا...أول ما دخلت بديت معاهم...خاطر معنديش وقت...نغزر لبلاصتها فارغة...مشى في بالي باش جي روطار كي العادة...أما شي...تعدات ساعة الأولى و الثانية...و مجاتش...مستغربتش برشا...بعد النقطة لي عطيتهالها...أصلا تعمدت نعمل اكاكا...مع انها خذات نقطة باهية...نحب نفهم شنية حكايتها بالظبط منعرفش علاه شديت صحيح...اما متحبش تروح من بالي...عالاقل كان نعرف...معادش ندخل فيها جملة حتى من صحبتها شاردة...و مش هوني جملة...غزرت لساعة...وقت الاجتماع...هزيت روحي و خرجت منعرفش كيفاش تعدات الساعة...حاجات سمعتها...و حاجات لا...كلشي قاعد يدور في مخي...علاه مجاتش اليوم...زعمة تكون تعرضت لنفس النوبة...جرة لي صار هذا لي كنت نخمم فيه...يمكن تسرعت اكثر...و مكانش لازم نتصرف بالطريقة هاذي...عديت شطر النهار في لفاك...مصدقتش كيفاش وفا الوقت...رجعت للكرهب حطيت البيسي...و المخطاطات من تالي...و رجعت باش نركب...اما حبست كيف ريتها ماشية و تقرب مني ضيقت عينيا بالوقت...متوقعتش باش نراها اليوم...في بالي مش باش جي...سكرت الباب ووقفت مقابلها هزيتها و حطيتها...لبستها كي العادة...تي ساعات نحسها متغزرش للمراايا وقت تخرج...تبسمت على جنب...من غير حتى كلمة...نحب نعرف علاه جات...من عينيها ظاهر فيها تاعبة عاللخر...هزت يدها...رجعت شعرها لتالي...تحكي
زهرة:لازمنا نحكيو
أنا:نسمع فيك
زهرة:ا..أنت تعرف بالقدا...أنو مش هذيكا النقطة متاعي
أنا:مممم عندك حق
زهرة:ملا علاه ؟
أنا:هكا ضربت في راسي...عندك مشكلة ؟
زهرة:ل..لا...أصلا هاني باش نقص عليها القراية...تهنى توا
بقيت نغزرلها...رعشة صوتها مخلطة بخوف و تردد نعرف في حالتها هاذي...تنجم تعملها عادي...تبسمت على جنب نحكي
أنا:بالسرعة هاذي
زهرة:أنا مانيش كيفك مسيو عمر...معنديش جهد باش نقاومك أنت زادة...كان هذا لي تحب عليه...هاني باش نرتحك...و نرتح روحي...لا عاد ترا وجهي...و لا تتقلق مني...قرايتي نكملها...كان مش العام هذا...العام لي وراه...على هذاكا مرسي برشا
جات باش تتلفت...مبعد وقفت...غزرتلي في عينيا تحكي
زهرة:صحيح تذكرت
جبدت الفلوس بالوقت...حطتهم فوق الكرهبة...تحكي
زهرة:فلوسك...نسيتهم عندي آخر مرة
تبسمت ندرا كيف...و تلفتت عطاتني بظهرها باش تمشي...حبستها نحكي
انا:زهررة
حبست بالوقت...منعرفش كيفاش خرج إسمها من فمي و لا علاه حبستها...خذيت نفس نحكي
أنا:باش ترجع...و من غدوة زادة
تلفتت عندي شوية...غزرتلي مستغربة...قربت منها خطوة...نزلت راسي شوية نحكي
أنا:تعرف علاش ترجع ؟
زهرة:بالغصب يعني
انا:بالظبط
زهرة:شعندك تعمل ؟
انا:والله ميجيش لمخك شنية لي نجم نعملو...على هذاكا ريض احسنلك...و شي آخر زادة
زهرة:ش..شنوة ؟
انا:غدوة نلقاك في الكلاصة قبل ما نوصل...مكانش صدقني باش ندمك
بقات تغزرلي...حسيتها تحب تحكي...أما ما قالت حتى كلمة...غزرتلي ندرا كيف...و تلفتت عطاتني بظهرها تمشي بالزربة...تحب تهرب...نزلت راسي شوية...جات عيني عالفلوس لي حطتهم فوق الكرهبة...تبسمت على جنب...تنهدت بالقاوي...هزيتهم في يدي نغزرلهم...مش نورمال الطفلة هاذي...تي نهارتها...خايفة من تكاليف منين جابت الفلوس هذوما توا...مش بعيد يكون هو عطاها...حليت باب الكرهبة...اول ما ركبت طرت بيها منعرفش علاه قاعد نعمل هكا...علاه منجمتش نفهمها دورت الكرهبة...و مشيت الوكالة...ركيت على جنب عقدت حواجبي كيف لقيتها مسكرة...مديت يدي..هزيت تليفوني...كلمتها...هزت عليا تحكي
سيرين:أهلا حبي لباس
أنا:لباس عزيزتي...وينك إنتي ؟
سيرين:في الخدمة
أنا:مممم مشى في بالي نتعدالك توا
سيرين:مممم باهي امتى توصل باش نحضر روحي
أنا:حكاية نص ساعة
سيرين:باهي
علقت عليها بغزول...طيشتو على جنب...و تكيت لتالي نحس في راسي باش يطرشق...معادش نجم نستوعب لي قاعد يصير...حتى دقايق لي تعداو...حسيتهم سوايع تعدلت في قعدتي...كيف ريتها جاية مع نفس الشلة متاع العادة...مديرها و صاحبو...و زوز صحابتها...كلشي فيهم يخلي الواحد يحشم ياقف مع هكا مناظر منعرفش كيفاش مستحملتهم...حليت باب الكرهبة و نزلت...اول ما شافتني...وقفت في بلاصتها...وجها مشى الوان...قربت منهم شوية...عديت عينيا عليهم بالواحد و تركزت في وجها...قربت مني...تمشي بالسيف...هزيتها و حطيتها قبل ما توصل عندي...شبكت يديها تحكي
سيرين:ع عمر أنا
أنا:إنتي شنوة ؟
سيرين:ا أمانك أسمعني
أنا:نسمع شنية...انك كذبت عليا سيرين ؟
هزتلي براسها لا...شاد روحي على شعرة باش منطرشقش في وجها...هزيت يدي عديتها على وجهي نسمع فيها تحكي
سيرين:ل لا عمر والله أنا
انا:سكر فمك سيرين
سيرين:عمر أمان
أنا:سكككر ¤¤¤¤ فمك
صوتي ماشي و يعلى...صاحبها واقفين وراها...قرب مني المدير متاعها يحكي
هو:لباس ماهو ؟
طلعت راسي غزرتلو...هزيتو و حطيتو...نحكي
أنا:مدخلش روحك أحسنلك
هو:و لا شعندك تعمل ؟
تبسمت على جنب...هزيت يدي ضربتو ببونية وخر لتالي مروهج...حط يدو على خشمو...يغزر لدم...و هز راسو شوية...اول ما قرب مني...وقفت بينا تحكي
سيرين:ع عمر أمانك لااا يزي...امان
بقيت نغزرلو...نزلت راسي شوية...قحرتلها...نحكي
انا:برا للكرهبة
سيرين:أمان عمر...خلينا نمشيو من هوني...عيش حبي
تنهدت بالقاوي...كي ريت دموعها...شديتها من يدها كبست عليها...و غزرتلو نحكي
أنا:أبعد عليها أحسنلك
بقى واقف في بلاصتو يغزرلي...كبست على يدها...و جبدتها معايا...حليت باب الكرهبة و دزيتها لداخل خلطت عليها...ركبت بحذاها...نسوق و مش مركز مع ثنية...نحس في راسي باش يطرشق...مش مستوعب لي قاعد يصير بالظبط...ركيت في بلاصة فارغة و نزلت نحاول ناخو نفس قد ما نجم...باش منغلطش معاها حسيت بيها كي وقفت ورايا تحكي
سيرين:س..سامحني أماانك
تلفت عندها شوية نغزرلها...نغزر لدموعها لمزالو نازلين عينيها لي في الاخضر ولاو فاتحين أكثر...تبسمت على جنب نحكي
أنا:على شنوة نسامحك بالظبط...تنجم تفهمني لالة سيرين...فهمني على شنوة تحبني نسامحك ؟
سيرين:ا أنا
أنا:انننننتي شنوة...ياخي تحب تهبلني ¤¤¤ قداش من مرة عاودتلك نفس الكلام...قداش من مرة نبهتك...حل فمك...نسمع فيك
سيرين:م..ما عملت شي يا عمر...حبيت نبدل جو معاهم و كهو
أنا:تبدل جو ؟ تمشي ¤¤¤¤¤ مع شلة ¤¤¤¤ تقلي نبدل جو
سيرين:شعممملت ياخي...يا عمر هذوما صحابي...نقرا معاهم من ايامات الجامعة...ما عملت شي غالط
انا:معناااها انا الغالط...هذا لي تحب تقولو
سيرين:عمر أنت ياسر كابس عليا...خنقتني برشا...حتى كي نمشي نفطر معاهم...نمشي بالسرقة خاطرني خايفة منك...خايفة من تعصيبك و اللي تعمل فيه
أنا:تخنقت ؟ هذا لي وصلتلو انتي...تعرف حاجة سيرين...مانيش شنحكي معاك برشا...خاطر الصبر لي عندي وفا...كيف وصل ¤¤¤¤ لي تخدم عندو يدافع عليك قدامي...معناها انتي لي عطيتو الفرصة
سيرين:لاااا عمر مش لي فهمتو
أنا:تعبت منك سرين...تعبت من التصرفات هذوما...لي كل مرة نبه عليهم...تعبت من تفوريخك...اغزرلي هوني إنتي اكثر وحدة تعرف لي عملتو باش وصلت لهوني كان خليت اهلي سنين هذوما الكل...ماكش باش تصعب عليا صدقني...على هذاكا متلعبش معايا أحسنلك
سيرين:ع..عمر أنا
أنا:وفا الكلام سيرين...نهار تكون سرين لي نحب عليها و نحب نكمل حياتي معاها...تعرف وين تلقاني...و هاذي باش تكون آخر فرصة ليك
خليتها واقفة في بلاصتها و سبقتها للكرهبة...شوية و خلطت عليا...بقينا طول الثنية ساكتين...وصلتها لدار أول ما نزلت...طرت بالكرهبة...نسوق و تفكيري مع اللي صار...اصلا لهوني كهو...معادش نجم نتحمل تصرفاتها اكثر من هكا...كل يوم غلطة اكثر من اللي قبلها...عالاقل تفيق على روحها من توا...باقي نسوق و كهو...كلشي يهمني إني ننسى كلشي و نرتاح...حتى زهرة منعرفش علاه وحلت روحي في مشاكلها...كبست عالفولون...و زدت في الفيتاس اكثر...نحب نخرج غشي و العصب لي فيا و كهو
🔸️زهرة تحكي:
تعدا أسبوع بعد اخر نهار واجهتو فيه...أسبوع رجعت نقرا...أما جهامة بلا روح...حتى اني نحاول قد ما نجم منغزرش لوجهو...و لا حتى تجي عيني مع عينو...كلشي خفت منو...انو يكون في مواجهة مع مراد...مانيش ناقصة هبالو عليا...هو كي يشك برك يعمل فيا...حتى كي نتجنبو نلقاه في وجهي...حتى وليت نخاف من غزرات امي لي كلها شك...تي نعمل روطار شوية كهو يقلبها على راسي...اصلا ولى ياسر على أعصابو...بعد اللي صار اخر مرة...و لقى حالتي اكاكا...كلمة زوز يقولي شكونو...و فوق هذا الكل نعمل المستحيل باش نجم نخرج صباح من غير مرج...متاع كل مرة...فقت من سرحتي على صوت مريم تحكي
مريم:زهرة لباس ماهو ؟
انا:مممم مريم...ميسالش تعطيني نكتب عليك
مريم:زهرة تخوف فيا راك...اغزرلي كان فما حاجة خبرني...تعرف لي مستحيل نخليك
انا:مفما حتى شي مريم...انا مليحة
مديت يدي جبدت كراستها شوية...نكتب عليها...اصلا معاد نحب نحكي مع حد...حسيت بيه كي دخل..اما محاولتش نطلع راسي...باقي نكتب و كهو...سألني على غفلة...طلعت راسي...جات عيني في عينو...حطيت ستيلو من يدي نحكي
انا:منعرفش
عمر:شنية لي تعرفو إنتي ؟
بقيت ساكتة...نعرفو يحب يبهدلني قدامهم...جبدت الكراسة و كملت نكتب...منحبش نحكي معاه أكثر..أصلا معادش عندي جهد ليهم زوز...حسيت بيه واقف عند راسي...هز الكراسة في يدو...حتى هي تابعة لمادة أخرى...سكرها و هزها في يدو يحكي
عمر:باش تكون آخر مرة
طلعت راسي شوية نغزرلو...هزها معاه...بقيت نتبع فيه بعينيا...منجمتش نمنعو...كبست عالستيلو في يدي أكثر أول ما خرج...هزيت روحي خرجت وراه...مستنيتش حتى مريم...نحب نمشي و كهو...نسمع في وائل يعيط عليا من تالي...تلفت نغزرلو...قرب مني يحكي
وائل:زهرة لحظة
أنا:شفما وائل ؟
وائل:طاحت منك
نزلت راسي...نغزر للكارت متاعي...قربت منو شوية شديتها عليه...نحكي
أنا:مرسي وائل
وائل:زهرة ميسالش نسألك ؟
انا:مممم
وائل:إنتي لباس مش هكا ؟
انا:لباس وائل عيشك
وائل:كان احتجت شي...متترددش...باش تلقاني معاك ديما
بقيت نغزرلو...أول مرة حد يحكي معايا من غير تهديد تبسمتلو بالوقت...نحكي
أنا:مرسي وائل...عيشك
هز يدو حطها على زندي...بطريقة عفوية...يحاول يطمني...جمدت في بلاصتي...أول ما بعد عليا...و جات عيني في عينو...قلبي دق بالقاوي...حسيت نفس تسكر عليا...اول مرة نتحط في موقف هكا قدامو...حتى كان ما صار شي...اما بالنسبة ليا لا...معرفتش اذا نكمل في خطواتي و لا نرجع لتالي...دم جمد في عروقي...حسيت بدوخة قوية...كلشي نخمم فيه انو شنوة اللي باش يصير توا
فقت من سرحتي فيه...كان وقت هد على وائل ضربو ببونية...نطرو عالارض...يغزرلو بغل..هزيت يدي حطيتها على فمي...صوتي نحسو ضاع من اللي صار...اول ما طلع راسو و غزرلي...وخرت خطوة لتالي مروهجة..قرب مني بخطوات ثابتة...خلاتني نجمد في بلاصتي...شدني من يدي جبدني بالقاوي يحكي
مراد:ملا هذا هو لالة زهرة
هزيتلو براسي لا...الكلام هرب مني..دموعي نزلو بالوقت كبس عليا اكثر يحكي بغل
مراد:والله كان يطلع بيناتكم شي...ندمك عالدقيقة لي خممت فيها انك تكون ليه...تحب ترا وجهي الاخر يا زهرة...باهي إيجا
جبدني بالقاوي...قبل ما نقول حتى كلمة...يجر فيا معاه للكرهبة...حاولت نجبد يدي منو و نحكي فرد وقت
أنا:س سيبني مراااد...امانك سيبني
كبس عليا اكثر...كانو مش يسمع فيا...من غشو هذا تأكدت لي ماهوش باش يعديلي نهار هذا...خاصة كي أمي في الجمعية توا...و مش باش ترجع قبل العشية حل باب الكرهبة بقوة...طلعت راسي نغزر لعمر...لي وصل لكرهبتو...جا باش يركب...اما حبس كي جات عيني في عينو...غزرلي مستغرب...منعرفش علاه وقتها حبيتو يدخل...حبيتو يحبس مراد و يبعدني عليه...يدي نحس فيها باش تطير...صوابعو تغرسو في زندي...هذا الكل وصلني انو مستحيل يعديلي لي صار...هو كي يشك برك...معادش ينجم يتحكم في روحو...خلي لي شافو توا بعينيه...أول ما جا باش يدزني في الكرهبة نطرت يدي منو بالقاوي...و مشيت نجري...منعرفش كيفاش عملتها...أما منحبش نطيح بين يديه...منحبش نجرب غشو جملة...كلشي نحب عليه نهرب منو و كهو منعرفش كيفاش وصلت عندو...وقفت وراه بالظبط..فرد وقت نغزر لمراد..لعينيه حمارو أكثر...عروق بدنو تكبست حتى كي بعدت عليه...حسيت بغشو...نحس نفس تسكر عليا...و هو يغزرلي بالطريقة هذيكا...أول ما قرب خطوة هزيت يدي بالسيف...كبشت بيها عالفاست متاعو متحركش من بلاصتو باقي يغزر لمراد...قبل ما يوصل لينا هد الامن متاع لفاك...وقف في وجهو...قلبي حسيتو باش ياقف..كبست عالفاست متاعو اكثر...أصلا منعرفش كيفاش و علاش جيت ليه هو...حاول يتعدا الامن باش يوصلي...أما شدوه...غزرلي يحكي و يصيح
مراد:زهررررة...ايجا لهوني أحسنلك...تي أبعد أنت على ¤¤¤ متحطش ¤¤ يدك عليا
يحكي و يعارك فيهم...عروق يديه مكبوسين...منعرفش كيفاش صوتي خرج نحكي
أنا:م..مسيو عمر أمان متخلينيش...متخليهش يهزني معاه
تلفت عندي شوية...نزلت يدي بالوقت نغزرلو...نحس في روحي باش نطيح...و رجع تلفت يغزر لمراد...لي يعارك في الأمن...تنهد بالقاوي...و غزرلي يحكي
عمر:أطلع للكرهبة
هزيتلو براسي إيه...أصلا معنديش حل اخر باش نبعد على مراد...قربت نحل في الباب و نغزر لمراد فرد وقت لي يحذر فيا بعينيه باش نرجع لتالي...تقويت على روحي و ركبت...غزرت لمريم لواقفة مصدومة...خلط عليا بالوقت...خدم الكرهبة من غير حتى كلمة...و طار بيها...تلفت نغزر لمراد...لي مشى لكرهبتو و نحكي فرد وقت
انا:امااانك ازرب باش يخلط علينا...باش يقتلني المرة هاذي
بقى ساكت...يسوق في راحتو...ضربة زوز نتلفت نشوف كان هو ورانا...تكيت راسي لتالي...و نزلت البلار...نحس في نفس تسكر عليا..قد ما حاولت ناخو نفس منجمتش حطيت يدي على رقبتي نحكي
انا:ع عمر أمان...أنا باش
مكملتش كلامي...و راسي رزن اكثر...دخت و معاد حاسة بحتى شي
🔸️مراد يحكي:
بقيت واقف في بلاصتي...دم جمد في عروقي...اخر شي توقعتو...انها تركب معاه...اصلا منعرفش عليه شكونو...و لا علاه تحمات بيه...كيفاش هربت مني لراجل اخر...هذا لي منجمتش نستوعبو...اصلا لتوا مزلت مصدوم من الساقط لي حط يدو عليها...يحمد ربي مقتلتوش بيدي...و هي معاه زادة...خلي باللي عملاتو توا...منعرفش كيفاه رجعت للكرهبة...راسي نحسو باش يطرشق...حاولت نخالط عليهم اما ضيعتهم...ضربت يديا زوز عالفولون بغزول...شديت الفران بالقاوي في وسط طريق...نرد في النفس بالسيف...زهرة خط احمر...ملكية خاصة...ليا انا و كهو...انو يد تتحط عليها غير يدي تخليني نهبل...و معادش نعرف كيفاه نتصرف...اصلا منجمش نتحكم في روحي...لتوا مزال بدني يرعش من اللي صار...كان نلقاها قدامي...الا ما نوريها...شمعناها تتصرف اكاكا...تكيت راسي لتالي...رجعت بيا ذاكرة لتالي...وقت نزلت تجري...ماشية للحفلة متاع مريم...مخي حبس و انا نرا فيها نازلة بروبة فوق الركبة...و خلي من الروج لي حطاتو...منعرفش كيفاه لقيت روحي واقف في وجها...نحكي
انا:شنية هذا زهرة ؟
زهرة؛مش حفلة الباك متاع مريم عملتها الليلة انا باش نمشي
انا:تمشي هكا ؟
زهرة:مممم...اصلا مش بعيدة دار
انا:¤¤¤¤¤¤ بيا زهرة...برا اطلع لبيتك
زهرة:انا قتلكم باش نمشي...و اصلا امي قبل ما تخرج...وافقت
انا:قتلك اطلع
زهرة:باش نمشي
تعدات من قدامي...كبست على يدها قبل ما تبعد...رجعتها لتالي...نزلت عليها شوية نحكي
انا:اطلع بدل...و انزل نوصلك
زهرة:اما
انا:منعاودش كلامي احسنلك
نهارتها عديت الوقت بحذا دار مريم...نستنى فيها تخرج...عينيا وساعو و انا نرا في شكون سلم عليها...منعرفش كيفاش لقيت روحي واقف قدامها...و لا كيفاش ضربتو...جبدت روحي منو كان وقت...حطت يدها على كتفي...هزيت روحي...شديتها من شعرها...كبست على شعرها...و مشيتها معايا للكرهبة...دزيتها بكل قوتي...طول الثنية بقيت ساكت...حتى هي مخرجش صوتها...اول ما وصلنا...سبقتني لدار...طلعت وراها...جات باش تسكر الباب...حبستها و دخلت وراها...وخرت لتالي تحكي
زهرة:م مراد شبيك تتصرف معايا هكا انت
انا:فما بينكم شي ؟
زهرة؛شنننوة فاش تحكي انت ؟
انا:زهرررة...قداش من مرة ريتو خارج معاك من ليسي...حل ¤¤ فمك و قولي اذا بينكم شي
زهرة:اصحاب عادي
انا:اصحاب...تسلم عليه تقولي اصحاب
زهرة:ما عملت شي
خطفتها من شعرها...كانت اول مرة نهز يدي في وجها...كبست عليها و قربتها عندي اكثر...نحكي
انا:اخر مرة يا زهرة...حذرتك من قبل...و هاني نعاودلك توا...منحبش جنس مخلوق يحط يدو عليك
زهرة؛م مراد توجع فيا راك
كبست عليها اكثر...لين ريت بدموعها نازلين...قحرتلها نحكي
انا:و باش نوجعك اكثر...اغزرلي هوني...باش تكون اخر مرة...مفهوم كلامي
زهرة:ع..علاه قاعد تتصرف هكا...شعندي عملت انا
انا:تحب تعرف علاش ؟
زهرة:ايييه...خاطر تعبت منك و من تصرفات هذوما
هزيتلها براسي باهي...و دزيتها بكل قوتي...طاحت عالسرير...هزيت يدي في وجها...نحكي
انا:انتي متاعي انا زهرة...تابعة ليا و كهو...اي حد غيري يحجو يدو عليك...ما تلوم كان روحك...والله ما نعيفك في حياتك...كان نشوف نفس المشهد لي ريتو قبيل...فهههمت
بقات تغزرلي من غير حتى كلمة...تغزرلي مصدومة...تستوعب في كلامي لاول مرة نقولو...اول مرة نحكي معاها بالطريقة هاذي و نوصل نعترف باللي نحس فيه...خاطر حسيت لانا باش نخسرها...تبسمت باستهزاء تحكي
زهرة:باز تفدلك انت
كلامها وترني اكثر ساعتها...قربت منها بالزربة...نزلت عليها..شديتها من وجها كبست عليها نحكي
انا:عجبك كي سلم عليك...حسيت بقربو ياخي
زهرة:م..مراد فاش تعمل انت
كبست عليها اكثر...لين حسيت صوابعي تغرسو في وجها...اصلا منعرفش على روحي كيفاه نجمت نعمل فيها هكا...اما كلامها عصبني اكثر...نزلت عليها...لين حسيت بالنفس متاعها في وجهي...قحرتلها نحكي
انا:لا مانيش نفدلك يا زهرة...انتي المرة هاذي منعت...المرة الجاية نعرف كيفاه ندمك...جرب برك نلقاك واقفة مع ذكر واحد...وقتها تشوف وجهي الثاني...يا زهرة
رخفت يدي بالوقت...هزيتها و حطيتها...باقي مصدومة...فمها محلول شطر...خرجت و نطرت الباب ورايا...واقف نرد في النفس...حسيت بالمفتاح كي دار...عرفتها سكرتها من داخل...غمضت عينيا بالقاوي ورجعت حليتهم...وقتها برك حسيت اني خسرتها...خسرت زهرة لربيتها...قد ما حاولت كانت اول مرة نتصرف بلا وعي معاها...حليت عينيا على تزمير الكراهب ورايا...خدمت الكرهبة بالوقت...بعد اربع سنين متعاودتش الحكاية...و ملمحتش زهرة حتى تحكي مع طفل...مش حتى تقربلو...نسوق و تفكيري معاها...نحس في راسي باش يطرشق...كبست عالفولون اكثر نحاول نهدي روحي...جرد فكرة لهي راكبة مع غيري...خلاتني نهبل في مخي...مديت يدي هزيت تليفون نكلم فيها...لقيتو مسكر...ضربت يدي بغزول...و طلبت انتصار...هزت عليا تحكي
انتصار:مراد عزيزي لباس ؟
انا:انتصاااار...زهرة شكون عندها اصحاب غير مريم
انتصار:علاااه شفما
انا:نحكي مع ¤¤¤ جاوبني مش وقت اسئلتك
انتصار:نظن معندهاش...شبيها زهرة لباس ؟
انا:تو تحيرت عليها بنتك...اسمعني...تو تبعثلي نومرو مريم صحبتها فيسع
انتصار:اما
انا:مجهلنيش انتصار نستنى في ميساجك
علقت عليها...و رميت تليفون عالكرسي بغزول...وصل الميساج بالوقت...ركيت على جنب...و طلبتها...هزت عليا تحكي
مريم:الو شكون ؟
انا:مراااد
مريم:انت ؟؟ شتحب عندي ؟
انا:اسمعني ¤¤¤ مانيش ميت عليك باش نطلبك...شكونو لي مشات معاه زهرة
مريم:شيعرفني انا ؟
انا:اسمعني يا فرخة...والله كان متحلش فمك...ما نبدا ب ¤¤¤¤¤ توا
مريم:شباش تعمل ؟
انا:اللي ميجيش لمخك...تو تحل فمك و الا
مريم:ملا اسمعني سي مراد...انا مانيش زهرة...و ماكش باش تهددني باهي...نظن اول مرة هي عملت اللي تشوفو صحيح...انها تهرب منك...و متاكدة زادة انو عمر ماهوش باش يخليها...صدقني المرة هاذي انت اللي باش تكون الخاسر
كبست عالتليفون اكثر...و انا نسمع في كلامها...معناها فما شي بينهم...تبسمت على جنب نحكي
انا:ملا استنى و شوف شنعمل فيكم انتي و هي
علقت عليها بالوقت...و طيشت تليفون على جنب...هزيت يدي عديتها على وجهي...نحكي مع روحي << تلعب من ورايا يا زهرة...ملا بالرسمي طلع فما شكون...والله ما ندمك...والله ما تندم انتي و هو مع بعض...كان تموت ماكش باش تكون لغيري >> خدمت الكرهبة...و مشيت للخدمة...معناها اسمو عمر باهي يا زهرة...استنى عليا برك...دخلت بالزربة...نحب نعرف شكون عمر...اصلا ظاهر يخدم غديكا...اما شكون بالظبط...هذا لي حاجتي بيه توا...و ماهوش شيتعدا نهار قبل ما نعرفو شكون...و شنية علاقتهم مع بعض
🔸️عمر يحكي:
دورت الكرهبة...و طرت بيها للكلينيك...حاولت نفيقها اما شي...متوقعتش لهي باش دوخ...حطيت يدي على يدها...باردة مش نورمال...قلبي دق بالوقت...اصلا مجاش لبالي حتى شوية لهي باش تتحمى بيا...منجمتش نخليها ورايا...منعرفش كيفاش هزيتها معايا...الطريق متاع ساعة...عديت فيه ربع ساعة...شديت الفران بالقاوي و نزلت...مشيت من جيهتها...هزيتها في حملتي و دخلت...جاوني بالوقت...بقيت واقف بحذا بيتها يجي ساعتين...باش خرج طبيب...قربت منو نحكي
انا:لباس ؟
هو:هاذي ثاني كريز تشدها...حالتها ماشية و تدهور...انت لازمك تتصرف
انا:شنية نجم نعمل ؟
هو:تعرف سبب ورا حالتها هاذي ؟
انا:صراحة لا
هو:باهي في رايي لازم تبعد عالمشاكل هذوما فترة...عالاقل لين ترتاح...و كان هي رفضت حكاية طبيب...حاول انت تستدرجها بالكلام...بلكشي تنجم تعاونها
انا:باهي نجم نشوفها توا
هو:تفضل
قربت من بيتها شوية...خذيت نفس و حليت الباب...سكرتها ورايا...قربت شوية شوية...نغزرلها راقدة...يدها بالسيروم...وقفت بحذاها...نثبت في ملامحها...باقي تاعبة...يمكن كملت عليها...باللي عملتو...اما ملقيتش حل اخر باش نخليها تحكي...هزيت يدي شوية...بعدتلها خصلات شعرها لتالي...محبيتش نوصلو لهوني...لتوا مش مستوعب لي صار...و لا علاه تصرف بالطريقة هذيكا معاها...قص عليا سرحتي صوت تليفوني...لقيتها سرين تطلب...علقت عليها بالوقت...مش وقتها جملة...اصلا لتوا مزلت معصب من اللي صار اخر مرة...قربت من الفوتاي ترميت عليه...بقيت غديكا لين فاقت...حلت عينيها شوية شوية...تغزرلي و تسكر فيهم بالوقت...هزيت روحي قربت منها...نحكي
انا:لباس توا ؟
زهرة؛و وين انا ؟ شصار ؟
انا:ما صار شي...انتي جيست تعبت شوية و كهو
زهرة؛م..مراد
انا:شنوة
زهرة:م..مراد ت..تو يلقاني...باز تو يجي
هزت روحها شوية...حبستها كيف حطيت يدي على كتفها نحكي
انا:ششش اهدا...حتى حد ماهو باش يجي
زهرة؛نحب نخرج من هوني
انا:تو يوفا سيروم و تخرج باهي...حاول ترتاح توا
هزتلي براسها ايه...بعدت عليها و خرجت من البيت...طمنت من طبيب اني نجم نخرجها...شديت عليها ورقة متاع دوا...خرجت شريتو من الفرماسي لي مقابل الكلينيك ورجعت عندها...لقيتها قاعدة على طرف السرير...مكبشة في جيلي متاعها...شعرها طايح على وجها...وجها اصفر مش نورمال...ضيقت عينيا نحكي
انا:لباس ماهو ؟
زهرة؛ن..نجم نطلب منك شي
انا:مممم
زهرة:ميسالش توصلني بحذا مريم صحبتي
ضيقت عينيا مستغرب...قربت منها شوية...نحكي
انا:علاش مش لداركم ؟
طلعت راسها...غزرتلي مرعوبة...كبشت في الفاست متاعها اكثر...هزتلي براسها لا...تحكي
زهرة:لاااا...امانك هزني بحذا مريم...مكانش تو نمشي وحدي
انا:باهي...كان ارتحت ايجا نمشيو
هزت روحها بالوقت قربت مني...خذيت نفس وتلفت...باقي مخالطة عليا...لين وصلنا للكرهبة...حليتلها الباب ركبت...و خلطت عليها...لي فهمتو من كلامها و نبرة صوتها...مش بعيد يكون جارهم...و لا عايشين نفس دار...الفكرة هاذي خلاتني نستغرب اكثر...بصفتو شكون يسكن معاها...باز مش خوها...زعمة يكون راجلها...و لا شي اخر...هزيت براسي لا...منحبش نفكر فيها بشي خايب...خدمت الكرهبة...و طرت بيها
YOU ARE READING
زهرة🌸
Random🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
