🔸️حلقة 51
🔸️زهرة_تحكي:
تعدات ساعة و زوز...و لتوا لا جات...حتى كي كلمتها مهزتش عليا...هزيت صاكي و خرجت من الكور...تنهدت بقوة...و عاودت طلبتها..شوية و هزت...منعرفش كيفاش حكيت معاها
أنا:مريييم وينك يا طفلة شبيك متحبش تهز عليا
حسام:اهدا زهرة...حسام معاك
أنا:حسااام ؟
حسام:مريم معايا توا
أنا:علااه شصار ؟
حسام:حكاية طويلة...بوها عرف بعلاقتنا
انا:لااا عاد ؟ عم أحمد...كيفاش هكا ؟
حسام:باش تعرف كلشي...توا منجمش نخليها وحدها خاطر نفسيتها مزالت تاعبة
أنا:وينها توا ؟
حسام:راقدة لتوا
أنا:نتوما في الدار ياخي
حسام:لا في داري
انا:وين ؟
حسام:في ¤¤¤¤¤¤¤¤ و رد بالك تجي وحدك...خاطر ماهوش باش يعديهالك...و تعرفو راك
أنا:نعرف...قولي كيفها توا ؟
حسام:لباس...متخافش عليها
أنا:يكفي لأنت معاها...أماانك حسام كي تفيق خليها تحكي معايا...أمان
حسام:أكيد زهرة
أنا:باهي عيشك...رد بالك عليها
حسام:باهي
نزلت التليفون شوية...و تنهدت بالقاوي...لي نجمت نفهمو...أنو مريم ختارت حسام على عم أحمد...و باز ماهوش باش يعدي الحكاية أكاكا...كيما نعرف لهي لتوا مزالت حاقدة عليه...خاطر تعتبرو السبب الأول في موت أمها...غزرت لساعة...تقريب نص النهار...مستحيل نجم نمشي لغديكا وحدي...أصلا اول مرة نعرف لي حسام عندو دار...غير دارهم...و فوق هذا الكل بعيدة على هوني...و منجمش نكلم عمر زادة...خاطرو واحل في الخدمة...و من غير شي اليوم عيد ميلادو...و قاعد يتصرف كانو مفما حتى شي...أحسن شي أنو حسام مع مريم توا...نعرف لي مستحيل يخليها وحدها...و هي بحاجتو أكثر مني...يمكن طريقهم مع بعض باش تبدا من توا...خرجت من الفاك...أصلا منحبش نبقى هوني وحدي من غيرها...حبست قدام بوتيك...نغزر للاموجي لي معلق فيه...ضيقت عينيا...منعرفش شنوة لي كنت نخمم فيه بالظبط...خذيت نفس و دخلت...هزيتو في يدي نحكي
أنا:باش ناخو هذا
هي:أكيد تفضل مدام
أنا:عيشك
هي:تحب على هذا كهو ؟
أنا:مممم صراحة...نحب على حاجات أخرى
هي:نجم نعاونك
أنا:أكيد...نحب على حاجات تعاوني باش نحضر عيد ميلاد
هي:لشكون قبل ؟
أنا:راجلي
هي:باهي تفضل معايا ملا
أنا:عيشك
خلطت عليها...شريت لي نحتاجو الكل...و رجعت لدار أول ما وصلت طلبت حسام مرة اخرى...هز عليا يحكي
حسام:وي زهرة
أنا:نجم نحكي معاها توا
حسام:أكيد استنى لحظة
أنا:باهي
حليت الباب و دخلت...حطيت القضية عالطاولة...نسمع فيها تحكي
مريم:أهلا عزيزتي
أنا:مريم يا روحي...لباس توا ؟
مريم:مممم لباس عزيزتي
انا:مانيش باش نسألك على حتى شي توا...اما تأكد لي حسام باش يكون معاك ديما و عم احمد باش يسامحك زادة...منحبكش تعب روحك توا...و ما تفكر في حتى شي خايب باهي
مريم:متخافش عليا زهرة...أنا مليحة...و اللي صار ماهوش باش يهدني...بالعكس...كلشي باش يكون مليح عزيزتي
أنا:إن شاء الله يا روحي...رد بالك على روحك
مريم:و إنتي زادة عزيزتي
أنا:عيش أختي
علقت عليها...و دخلت للكوجينة...أحسن شي فما كلشي هوني...غطست نحضر في الكيكة و في العشا...نسمع في تليفوني ينوقز...حطيت من يدي...لقيتو يطلب فيا هزيت عليه نحكي
انا:أهلا حبي ؟
عمر:لباس عزيزتي ؟
انا:لباس يا روحي...و أنت ؟
عمر:لباس حبي...وينك توا ؟ كان كملت تو نجي نهزك
انا:مممم صراحة...انا في الدار توا
عمر:في الدار ؟ لباس ماهو...شبيك رجعت بكري ؟
أنا:مجاش البروف...و مريم زادة مجاتش...يعني من غير ما نبقى غديكا وحدي
عمر:شبيك مكلمتنيش...كنت وصلتك
أنا:عممر لباس عليا والله...و زيد أنت عندك خدمة منحبش نتعبك معايا برشا
عمر:باهي يا روحي...نشوفك مبعد...رد بالك على روحك
أنا:باهي عزيزي و أنت زادة
عمر:عيش حبي
علقت عليه...و رجعت كملت خدمتي...عديت بقية نهار في الكوجينة...حضرت الصالة و الجو...منعرفش اذا باش يعجبو هذا الكل...اما نحب نعوضو حتى شوية على لي عملو معايا...دخلت لبيت البانو عملت دوش تفرهدت بيه...غزرت لساعة...حسيتو بطى شوية...حليت القارد روب...نغزر لدبش لي عندي...بالسيف باش لقيت روبة تناسب السهرية...لميت شعري من قدام...حطيت مكياج خفيف...غزرت لروحي...و تنهدت بقوة...أول مرة بعد عرسنا...نحضر روحي بالقدا...نعرف لي تعبتو معايا برشا الأيامات لي تعداو...خاصة بعد الفازة متاع آخر مرة...منعرفش شبيني غرت عليه لهدرجة...لدرجة خفت كان يرجعلها و يخليني...هزيت روحي و رجعت لصالة سمعت صوت الباب...عرفت لي رجع..نسمع فيه يعيطلي خاطر الدنيا ظلمة...الشموع كهو لي مضوية كبست على شفايفي...و مديت يدي هزيت الإموجي...و قربت منو شوية شوية...باقي يغزرلي مستغرب...يهز فيا و يحط من غير حتى كلمة أخرى...قربتلو أكثر...حطيتو في يدو نحكي
أنا:عيد ميلاد سعيد يا روحي
كبس عليه...و هز يدو حطها على خدي...عدا صوابعو شوية شوية يحكي
عمر:شنوة هذا الكل ؟
أنا:الليلة متاعك أنت عمر
عمر:هذا الظاهر
قربتلو أكثر...كبست على يدو...نزل عندي شوية...بستو من خدو نحكي
أنا:نحبك
عمر:إيجا تراه
قرب مني أكثر...نزل عليا...حضني بقوة...يحكي
عمر:و أنا نموت عليك يا روحي
جبدت روحي منو شوية...طلع يدو يغزر للايموجي...و يحكي
عمر:شنوة هذا ؟
أنا:الكادو متاعك
عمر:ههههههه تحكي بجدك
انا:ممممم
عمر:نحب على البوسة لي في الاموجي هذا...منك إنتي
عديت عينيا على وجهو...منعرفش كيفاش...نزل عليا...و لا حتى كيفاش باسني...جبد روحو يحكي
عمر:شنوة فما زايد
أنا:إيجا
كبست على يدو...نمشي فيه ورايا...نسمع فيه يحكي
عمر:ياخي حضرت هذا الكل وحدك ؟
تلفت عندو...هزيتلو براسي إيه...حط من يدو و قرب مني...حاوط وجهي بيديه زوز...يحكي
عمر:إنتي أحلى هدية في حياتي زهرتي...إنتي كلشي بالنسبة ليا
أنا:و أنت زادة يا روحي
باسني من راسي...و نزل هز البوات لي جابها في يدو قبيل...حطها في يدي يحكي
عمر:و هاذي ليك إنتي
انا:شنوة هذا ؟
عمر:حلها تو تعرف
أنا:مممم باهي
خذيت نفس...نفك في ربطة متاع البوات...حليتها نغزر لشكولاطة لي فيها...حطيتها من يدي...و ترميت عليه حضنتو نحكي
انا:مرسسسسي برشااا يا روحي
عمر:عيش صغرونتي
أنا:العشا حاضر
عمر:خليه يستنى العشا...توحشتك و نحب نشبع منك
أنا:تو يبرد عمر...من غير شي أنت بطيت برشا الليلة
عمر:و راسك خدمة...إيجا أقعد
أنا:باهي
جبدلي الكرسي قعدت...قعد بجنبي...و كبس على يدي خذيت نفس نحكي
أنا:شبيك مخبرتنيش لي اليوم عيد ميلادك ؟
عمر:مش على شي...أما من سنين...نعدي نهار هذا كيما كل نهار في حياتي
أنا:بالرسمي ؟
عمر:ممممم
أنا:يعني كيفي بالظبط
عمر:كلشي ولى من الماضي توا...بعد توا الأمور باش تتحسن أكثر
أنا:عمر
عمر:اشكي
أنا:سامحتني مش هكا
عمر:على شنوة ؟
أنا:على اللي صار آخر مرة...يعني مكانش لازم نشك فيك بالطريقة هذيكا...أما
عمر:مزال باش نحكيو في الموضوع هذا
أنا:صدقني...منجمش نعيش من غيرك...فكرة لي أنا باش نخسرك...دخلتني بعضي أكثر
عمر:أغزرلي هوني...مفما حتى شي نسامحك عليه..حقك تتغشش و تتصرف أكاكا...و أنا كنت باش نعمل نفس الشي...باهي
هزيت يدي حطيتها على خدو...كبست عليه...نحكي
أنا:نعرف لي تعبتك برشا...أما كل مرة كنت تسامحني فيها...عمر نعرف لحياتنا ماهيش باش تكون سهلة...على هذاكا منحبكش تخليني مهما صار
عمر:زهرة...نحي الأفكار هذوما من مخك عزيزتي...أنا باش نبقى معاك...لآخر نهار في عمري
حطيت يدي على يدو...كبست عليها...و نزلت شوية بستو منها نحكي
انا:و أنا نحب نبقى معاك لآخر عمري...نحبك عمر
عمر:إيجا عندي تراه
قربت منو شوية...عنقتو بكل قوتي...مستحيل نجم نعيش من غيرو...ديما نحس لي ربي بعثو ليا باش يخلصني من مراد...و من الحبس لي كنت فيه...جبدت روحي منو نحكي
أنا:مممم عمر
عمر:يا روحي
انا:شي
عمر:باهي...خليني نشوف شنية حضرت مريتي
تبسمت و انا نغزرلو...سرحت في تفاصيل وجهو...طلع راسو شوية...تبسم يحكي
عمر:يطلع منك
انا:عجبك ؟
عمر:مش قدك
أنا:شنوة كان باش يصير فينا...كان أنت مشيت من هوني ؟
عمر:كنت باش نعرس بأجنبية عزيزتي
أنا:صاار
عمر:مممم
انا:كي هكا علاه ممشيتش ملا ؟
عمر:شبيك تغششت ؟
انا:لا ما بيا شي
هز يدو قرصني من خدي...و جبدني عندو شوية يحكي
عمر:ياخي نورمال إنتي...نجم نعيش من غيرك أنا
أنا:لا متنجمش...أنت متاعي أنا و كهو
عمر:باهي صغرون و أنا عندي غيرك
هزيتلو براسي لا...و نزلت راسي لصحن...نحس في روحي مرتاحة عاللخر...دوب كمل العشا...هزيت روحي وقفت...غزرلي يحكي
عمر:وين ماشية ؟
أنا:لحظة تو نرجع
عمر:باهي
هزيت روحي بالزربة للكوجينة...هزيت الكيكة في يدي و رجعت عندو...حطيتها قدامو...و حضنتو من تالي نحكي
أنا:كل عام و أنت حي بخير يا روحي
عمر:عيش حبي
طلع راسو شوية يغزرلي...نزلت عليه اكثر..خطفت بوسة منو...جبدني من يدي بالوقت...جيت في حملتو دورت يديا زوز على رقبتو نحكي
انا:أحسن شي في الدنيا أنك موجود
عمر:تعرف علاه قاعد نحس لي نهار هذا سبيسيال
أنا:خاطر عيد ميلادك ؟
عمر:لا خاطرك موجودة معايا
بستو من خدو و تلفت...هزيت الكيكة...نحكي
انا:ماكش باش طفيها
عمر:ههههههههه حسستني لوليت مراهق عزيزتي
أنا:هيا برك
عمر:باهي
أنا:تمنى حاجة قبل
نفخ عليها طفاها...عديت عينيا على وجهو و تبسمت نحكي
أنا:شنية تمنيت ؟
عمر:تحب تعرف
هزيت يدي...حطيت صوابعي على شفافو و هزيتلو براسي لا...نحكي
انا:لا...كان تخبرني توا...متتحققش
عمر:صار أما بالنسبة ليا تحقت من بكري
تبسمت بالوقت...فهمت كلامو بالقدا...حطيتها من يدي و قصيت منها قطعة...حطيتها في فمو...كلى منها و كبس على يدي دورها...ذقت منها زادة...و مسحت صوابعي في خدو...غزرلي ندرا كيف يحكي
عمر:تستفز فيا راك ؟
انا:مش قتلك الليلة متاعك أنت
عدا يدو على ظهري كبس عليا...جبدني أكثر...يحكي
عمر:و أنا نحبك ليا
قربت منو أكثر حضنتو و كبست عليه بيديا زوز...نحكي
أنا:و باش نكون ليك ديما
كبس على أجنابي...جبدني شوية لتالي و جا باش ينزل على شفايفي نوقز تليفونو بالوقت...ضيق عينيه يحكي
عمر:وقتو هذا
انا:بلكشي تليفون مهم
عمر:شكون من غير حسام
أنا:هز عليه ملا
عمر:خليه يطلب من بكري نطلب فيه مهزش...توا ظهرلو يطلبني
انا:عمرر أمان...هز عليه و طمني على مريم زادة
عمر:مرييم ؟
أنا:هيا برك...تو نفهمك في الحكاية
عمر:باهي..باهي
هزيت روحي وقفت...و جبدتو من يدو...هز تليفونو من عالفوتاي...و رد عليه يحكي
عمر:أهلا حسام...وينك ؟
حسام:أول شي...كل عام و أنت بخير شريك
عمر:عيشك صاحبي
حسام:والله الأمور داخلة بعضها شوية...لباس الخدمة ؟
عمر:كلشي لباس طمن
حسام:باهي ملا...نتقابلو صباح
عمر:باهي
جبدتو من يدو...و طلعت راسي...غزرتلو نحكي
أنا:اسألو على مريم
عمر:حسام...ياخي مريم لباس ؟
حسام:أحسن من قبل طمن
أنا:باش تجي غدوة لفاك هي
عمر:تنجم جيبها غدوة...مكانش إحنا باش نجوكم
حسام:باهي تو الصباح نخبرك وين نتقابلو
عمر:باهي رد بالك عليها
حسام:عيشك
علق عليه...و طيش التليفون عالفوتاي...و تلفت عندي غزرلي يحكي
عمر:شنية الحكاية ؟
أنا:مش عم أحمد بو مريم...قلها اختار بيني و بين حسام
عمر:شنننوة ؟
انا:والله كيما نحكيلك
عمر:و هي اختارت حسام
أنا:كان معملتش هكا...أكيد باش يعرسلها بجارهم...و نعرف لهي تحب حسام...على هذاكا عملت هكا
تنهد بقوة...حسيت للحكاية معجباتوش...حتى أنا نفس الشي..نعرف لي عم أحمد يحبها برشا و مينجمش يفرط فيها...اما زادة متنجمش تسلم في حسام...غزرلي يحكي
عمر:وينهم توا ؟
أنا:حسام قالي لي هوما في دارو...على هذاكا منجمتش نمشي وحدي لغديكا...خاطرها بعيدة شوية
عمر:أحسن ما عملت...نعرف لي حسام باش ياقف معاها و ميخليهاش بيها
أنا:زعمة يحبها هو زادة
عمر:أكيد و إلا مستحيل كان عمل هذا الكل معاها...أصلا مستغرب كيفاش نجم يبدا من جديد
أنا:علاه شنية صار من قبل ؟
عمر:شي عزيزتي..أنساها الحكاية توا
قربت منو...حطيت راسي على صدرو...و حاوطتو بيديا زوز نحكي
أنا:مريم متستهلش لي قاعد يصير فيها...والله تحبو يا عمر...كان صار و وجعها...مستحيل تسامحو...و لا تغفر لروحها لي عملاتو
عمر:شششش متخافش عزيزتي...كلشي باش يكون مليح
أنا:إن شاء الله
عمر:باش نعديو باقي ليلة هكا
طلعت راسي شوية...غزرتلو ندرا كيف...نحكي
انا:شقصدك ؟
ضيق عينيه...و تبسم على جنب...نزل عليا شوية يحكي
عمر:قصدي واضح
أنا:ممممم فهمت عليك
عمر:ملا كي فهمت...إيجا لهوني
نزل عليا...هزني في حملتو...دورت يديا زوز عليه نحكي
أنا:فاش تعمل ؟
عمر:تو شوية تعرف
سكت خاطر نعرفو فاش قاعد يخمم...منعرفش كيفاش و إمتى لقيت روحي بين يديه...و كيما كل مرة طيرني لسابع سما...نفس الاحساس متاع كل مرة...و نفس الحب زادة...منعرفش شنوة مزال باش يصير في حياتنا أما مع عمر...تعلمت نعيش كل نهار...على أساس أنو آخر نهار لينا...و كل لحظة باش تكون خاصة بينا احنا و كهو و كان يرجع بيا الوقت لتالي...كنت باش نعمل نفس شي كنت باش نعمل المستحيل اني نكون معاه و ليه...و مستحيل يجي نهار نجم نسلم في حبي ليه مهما صار بينا
KAMU SEDANG MEMBACA
زهرة🌸
Acak🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
