🌸___________زهرة_________🌸
🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼
🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
Oops! This image does not follow our content guidelines. To continue publishing, please remove it or upload a different image.
🔸️حسام يحكي: شديت الفران بالقاوي...و طلعت راسي نغزرلها مصدوم منعرفش منين خرجتلي...حبست في بلاصتها...بقيت نهز فيها و نحط...على شعرة كنت باش نضربها...فقت من سرحتي...كي هزت يدها تحكي هي:العمى...ياخي متشوفش قدامك...ملا حالة ياخي على شعرة كنت باش تضربني راك عينيا وساعو...تي مكفاش خرجت في وجهي...تزيد تحل فمها من فوق...فكيت الحزام...و نزلت عندها نحكي أنا:مجنووونة ياخي...مش انتي لي طلعت في وجهي هي:زاااايد مع شكون نحكي...أصلا نتوما الكل كيف بعض أنا:شننننوة...ياخي نورمال إنتي في مخك ؟ قحرتلي...هزتني و حطتني...حطت يديها في مكاتبها تحكي هي:منضيعش وقتي مع واحد مجنون كيفك تلفتت عطاتني بظهرها...نغزرلها مصدوم...قربت شوية نحكي انا:استتتنى ويييين ماشية ؟ مرجعتليش باقي تمشي...جيت باش نخلط عليها...اما وقفتني صوت الكرهبة...باش تتعدا...خذيت نفس و رجعت لكرهبتي...نطرت الباب ورايا...طرت بيها و نحكي فرد وقت انا:فرخة متاع وذني...ناقص ¤¤¤¤ أنا...باش تخرجلي توا حاولت نلمحها مرة أخرى اما شي...منعرفش كيفاش وصلت لدار...دخلت لصالة...طيشت المفاتح عالطاولة...و ترميت عالفوتاي...تكيت راسي لتالي...تفكيري الكل مع دالي...و الشلة لي قاعد يدور معاها...اصلا منعرفش وين اخرتها طريق هاذي...طلعت راسي نغزر لامي لي قعدت قدامي تحكي امي:وينو توا ؟ انا:في الفاك امي:ماهوش باش يبطل سم لي قاعد يشرب فيه انا:باش يبطلو أمي...هاني كبستو...و نظن المرة هاذي بالسيف عليه باش يبطلو أمي:انشاء الله أنا:زهرة هوني ؟ أمي:إيه جابها عمر الصباح أنا:باهي رجعت تكيت راسي لتالي...نحس فيه باش يطرشق حليت عينيا على صوت الباب اللي يدق...نسمع في امي تحكي امي:باز يكون عمر...برا حل الباب انا:باهي هزيت روحي بالسيف...منعرفش كيفاش وصلت للباب باقي يدق باش يهد الباب...ندرا شنية لي صار زادة مديت يدي حليتها...جيت باش نحكي...أما سكت كي ريتها واقفة قدامي...عاطية بظهرها...كأنها تحاول تثبت في حاجة..ضيقت عينيا مستغرب...تلفتت عندي بالوقت جات عيني في عينها...بقات تغزرلي ندرا كيف...عوجت فمها تحكي هي:ااانت ؟؟؟ شتعمل هوني ياخي ؟ تلفت ورايا...مش مستوعب لي قاعدة تحكي فيه...نزلت راسي غزرتلها...ضيقت عينيا نحكي أنا:تبع فيا ياخي ؟ هي:شنننوة...لباس في مخك إنتي...شنعمل بيك انا باش نتبعك...لطف يا ربي بقيت نغزرلها...شدني ضحك...و انا نغزرلها تعارك في روحها...كبست بيدي اكثر عالبواني...نحكي أنا:شيعرفني أنا...ماو نورمال لاحقتني لهوني...متكونش تحب على تعويض هي:شننوة شننوة...اغزرلي هوني...ابعد من قدامي احسنلك انا:و الا شباش تعمل ؟ هي:شووو كيفاش قاعد يحكي معايا...ياخي منين طلعتلي انت ؟ انا:اسأل روحك ؟ هي:استغفر الله...ياخي باش تبقى في وجهي ؟ انا:والله انتي لي جيتني بساقيك هي:ههههههه متكونش صدقت روحك...ياخي شكونك انت باش نجي ليك ؟ انا:ملا شبيك واقفة قدامي توا ؟ هي:شنية تستخايل في روحك انت اه ؟ جيت باش نحكي...قص عليا صوت امي من تالي...تحكي امي:حساااام..شكون في الباب ؟ انا:حتى حد امي...فرخة ظاهر فيها غالطة في العنوان تبسمت على جنب و انا نغزرلها...هزت ساقها عفستني بالقاوي...تحكي هي:ريت الفرخة شنية تنجم تعمل...ابعد من وجهي توا رخفت البواني من يدي...تحلت الباب بالوقت...ضيقت عينيا نحكي انا:تعرف لي عملتو توا شنية يكلفك هي:خفت برشااا راو...صدقني باش نموت من الخوف أنا:الصببر يا ربي...ياخي منين طلعتلي انتي...اختار يا تقولي شكونك...يا برا على روحك أحسنلك هزتني و حطتني...جات باش تحكي...اما في لحظة فصعت تحت يدي...تجري و تصيح هي:زهررررة تلفت عندها مصدوم...نشوف في زهرة جاية تجري...و تحكي زهرة:مرييييم هزيت يدي عديتها على شعري...و انا نرا فيهم يحضنو في بعض...توا استوعبت شتعمل الفرخة هاذي هوني قربت منهم نحكي أنا:زهرة زهرة:مممم تفضل سي حسام انا:شي اما يا ريت تقول لصحبتك...تهدي روحها شوية ميجيش راو...يجي نهار يطقلها عرق مريم:شووو كيفاش يحكي عليا على أساس انت سكتت كي قرصتها زهرة...تبسمت عالفازة...هزيتها و حطيتها و مشيت لصالة...نغزر لامي تحكي معاهم...في لحظة طلعو يجرو...رجعت لبلاصتي...ترميت عالفوتاي خلطت عليا امي تحكي أمي:صحيتك يا حسام...اكاكا تحكي مع الطفلة انا:شعملت بربي...تي فرخة على روحها أمي:حساااام انا:باهي باهي هاني سكت أمي:باش نمشي بحذا نعيمة نقلها تحضر حاجة للبنات انا:باهي اول ما خرجت من صالة...هزيت تليفوني...كلمت عمر شوية و هز عليا يحكي عمر:وي حسام شفما ؟ انا:مفما شي...سي عمر...حبيت نسأل عليك...شعامل عمر:مانيش ناقص ¤¤¤¤¤ انا:مممم ظاهر ماكش قد بعضك شنية لي صار ؟ عمر:منعرفش حسام...منعرفش شبيني انا:أسمع وين هزيت طفلة البارح ؟ عمر:شمدخلك أنت ؟ انا:شووو كيفاه يحكي معايا...والله مظطر باش تقدم تقرير مفصل لفتحية مبعد عمر:نعرف...زهرة لباس ؟ انا:مممم صحبتها بحذاها عمر:إيه نعرف...أنا بعثتها انا:يا صاحبي كنت تخبرني من قبل...تي قنبلة موقوتة على شعرة كانت باش تتفجر في وجهي عمر:هههههه إيه نعرف أنا:برا على روحك توا...و متنساش تتعدا مبعد عمر:باهي انشاء الله نزلت تليفوني...و هزيت روحي...طلعت للفوق...جات عيني على بيتها...الباب مشقوق...نسمع فيها تحكي زهرة:كان هوني يا مريم...تي على شعرة...كنت باش نتفضح قدامهم مريم:شننننوة تحكي بجدك ؟ زهرة:والله كيما نحكيلك...متعرفش شنية لي حسيت بيه وقت ريتو مريم:كنت نعرف لهو ساااقط و مستغربتش منو هذا الكل زهرة:خايفة برشا مريم...خايفة من اللي باش يصير...منجمش نحكي لعمر اللي صار ضيقت عينيا مستغرب...فهمت من كلامها...انو فما شكون كان هوني...وليت نزلت بالزربة عند امي نحكي انا:امي شكون كان هوني ؟ امي؛حسااام شبيك شفما ؟ انا:امي فما شكون جا عند زهرة قبل ما نجي ؟ امي:ايه صباح فما شكون جا...قال يقري مع عمر و باش يعاودلها دروس هكا قاتلي...فما حاجة ولدي انا:لا..لا امي مفما شي...هاني باش نمشي نعمل دوش امي:باهي...برا على روحك ولدي انا؛باهي عيشك امي هزيت روحي و طلعت لبيتي...حبيت نطلب عمر...اما مش وقتو...احسن شي...نكلمو وقت يجي...و لا عالاقل نلمحلو باش يحكي معاها...و يفهم منها لي قاعد يصير معاها بالظبط
