أستعمار

37 الجزء الثاني

كالها ببطئ كانه دا يسوي شي فصارت الكلمه متقطعه
اوف اشكد طريقة كلامه تثلج الگلب

كانه دا يشرب شي
تركني ع الخط وبعدها كال
- شو سكتي دا تبجين

من رحت فدوة للدا مالتك لا يا حبيبي جاي اسمع انفاسك وانت تشرب واتخيلك يمي  بوسامتك يالوسيم

-الو يمعوده ما تسوى الدنيا

- اي لعد سولف الي شي يسوة الضحك

- شسولف ...ها

-مدري ؟

اذكرت نكته وخجلت حيل

- اسمعي راح اسولف الج موقف

بايام المراهقة كنا اني وباسم ضاربين ولد بالدوام  ،والبحلة  واحنه بالطريق ، جابو اخوتهم كبار وجماعتهم
من بعيد شفناهم يركضون اتجاهنا

كلت لباسم
-ولك اجونا
كال الي الا اكطعهم الك اكطع فأني عود صرت رجال ما شردت بس اتقربو علينا
كلت لباسم ولك خل نشرد
كال
-قابل احنه نسوان الا اكطعهم الك
وصلو يمنا يصايحون اباوع يساري الكه باسم ماكو على بعد امتار مني النذل  يركض شارد وتارك جنطته يمي
فوكها
-هههههههههههه صدوك ضحكت باسم طلع بس حجي وانت اكيد اصدرت الهم

-اي شبعتهم كتل و كلت لجماعتي وباسم هيج ، بس تردين الصدك بيومها احتاريت وين اذب قميصي الممزك و حذائي الي انكطع بالله الزراك الي علم بجسمي مغطيه بالملابس

-يا يعني كتلوك

- يا كتلوني مرعدوني اتمرعد وهو بالاساس باسم متحارش باخوتهم اني بس اتفرج كنت

- يا عيني هههههه بس اهواي ضحكت

-انسام   اروح انام نعست

- نام يعيني

غميت روحي
واباوع  للشاشة بعده الاتصال ما غلقه

اوف منك يا الساني المفضوح  ،

-تصبحي على خير !
،

ثاني يوم  ظليت اعدل بروحي ساعة  وطلعت اله من رن عليه بباب البيت واكفلي ورحنا للمعرض اخذت انترة ٢٠١٧  لونها ابيض عجبتني  ولو معرف للسيارات اني بس ادم كال على قدر افلوسي هذي

صارت ملكي و لازم اخذها ، بس شي طبيعي ادم يسوقها الي واني كعدت ابصفة

صافنه على الشارع

-ياربي ادم معقولة اني اسوق اهنا والله اعلكها بالحوادث شو الشغلة تخوف اشلون مسيطر انت ؟

-تتعودين بالممارسة يا عيني هي مو سهلة صح واذا مرة اسوق بالشوارع المزدحمة هم اشوية صعبة

هو يحجي واني عقلي وكف ويه كلمة عيني اني عينه !

اهنا رن تلفونه
ظل صافن ع الشاشة واني اكلني الفضول

-هاي رضوى

شو وجه انكلب و مبتسم كانه  بشر بالجنة

رن مرة لخ بعد ما خلص الاتصال وكأنه مايريد يرد بس مكدر وكال مرة ثانية هذي رضوى

كانه ديكلي مرتي تتصل لا تحجين
ورد عليها
مايجيني صوتها
ظليت اباوع للطريق وهو  رد سلام
كانه صديق كان رسمي وياها 

-أسأل ؟ بعد ما عفتي البيت وطلعتي ؟

مع الاسف اتخليتي عني

اوكفي اوكفي وين الوعد لعد مالتج انت

اهووو بس اسمعي 

شوفي رضوى طلعتيني من طوري و امتحنتي صبري وتدرين بيه اشلون نفسيتي وتحملت بس

القصة زادت

دسمعي

هسة شسمع يلا احجي انتي

،
حاطة ايدي على حلكي واسمع ردوده
وياها صح يحجي بثكل بس وجه مبتسم والفرح هل بوجه

-حيل مشتاق لابني بس غير من وراج ،  بعد وين اجي ما اتحمل احد يغثني

شنو

يعني اهلج ما يدرون الي بينا عبالهم متخربطه ومريضه

-معقولة كل هالمده وماكالو ليش ما اجيت الج

ها هسة بدو يسألون

زين اشعجب ما كلتي

رضوى انتظري مو مال بالتلفون اني جايج وترجعين وياي

لا ترجعين ، اسمعيني اترجعين
اي اي مشتاق الكم

كلت اله
-دربالك ابو هابيل اخذ بالك من الطريق

باوع الي جافل و ظل ساكت

طلعت من شعوري واتكلمت بصوت قوي ويمه هم

خليته ظل صافن ميعرف شيصرف وانسد اظاهر التلفون بوجه من ظل يباوع للشاشة

يتبع