صباح الورد
بعادتي اكره نشر الصبح لكن شسوي بالليل النت يطير هذا بارت البارحه ، بالمناسبة هذا البارت وصلوه لألف نجمه بالتصويت حتى بارت باجر ينزل بوقته ترة منزل اذا هذا البارت ينغبن حقه شدو الهمم
متابعه طيبة
زهراء العراقية
كلشي بالقسمة..وقسمتي ابقى غريب❗
أنسام
كلها تبارك النا سلوى و البنات وحتى ام ابرار حاضرة بس بوجها ظلام موحش
كالو الشيخ طلع فكادني(قادني ) من ايدي ادم و رحنا للحديقة كعدنا على المرجوحة
متنه صار مخدتي ومنتجية عليه وهو حاط ايده لاف خصري بيها وكدامنا النخله الهوى يلعب بسعفها صادر اصوات قوية ، كان هوى عالي
باسني على شعري و ظل خشمه قريب ما وخرة
حسيت گلبي ينبض بطريقة ما اعرفها من قبل
وكانه ادم هو النبض ويا اجمل ما نبض گلبي
حسيتہ اتحرك
-وين ادم
-بس اشوية
وكف وكفت كدامه ساده عنه الطريق
- خليك حباب اشوية تونا عقدنا
- ما اكدر اتأخر لازم اشوف رضوى خطية
ضجت من ذكرها نغص عليه فرحتي مع هذا ما بينت اله ابتسمت واتغللت الدموع بعيوني واني احس نفسي الي حق بيه مثلها
حاوطت لحيته جانت حيل ثخينه
من وفاة امه ما مخففها
-ياربي كلشي بالاهمال يصير قبيح
إلا لحيتكَ كل ما أهملتها تضاعفت جمال!
لامس وجناتي بأطراف أصابعيه فزارني الشغف بصنع أبتسامة لا أرادية مني بارزة اسنان الارنبية عندي ،
باسني من جبيني والتفت يريد يروح
اني اطراف اصابيعي شابكت ايده مريد اهده وهو يريد يروح !
فجأة اختفى ادم من كدامي وبس صوته يكول
-انسام اسمعيني ؟
مفهت شنو يكول ؟ وهو وينه ؟ اتحولت الحديقة لظلام
سالته
-كلبي ادم وينك ؟
حسيت جفني ثكيل ما يرفع واختنكت اريد افتح واشوفه
حسيت بأيد لمست وجهي
ومسحته
صوت
سلوى
- انسام
دا تتحرك ادم صحت يمكن
-بس سمعت صوتك فزت!
رضوى كسر صوتها الغشاوة و صحيت على زماني عقلي فاق لكن ما زلت مغمضه صحيت بالفعل على الواقع رضوى مرته واني جنت بحلم مابيه بصيص ولو بكد حبة الهيل ! طيف وبالعمر زارني ! فتحت بتثاقل
اريد انطق اسم ابني واسال عليه
مكدرت
تذكرت روحي
رجعت ذاكرتي الى عمليه سلوى الي جنت اجل بيها خوفا عليها ، لكن من زادت حالتها اخذتها لطبيب وشلت هم من كتب النا دخول بالمستشفى
وين اودي ابني والي حواليه غرب بوسط بلادي او وطني بس من يوم ما اتوفى ابوية واني عايشه بغربة !
انوب عندي غثيان و دوخه قوية
رحت تقيات ورجعت راسي صاير طبل
حسيت بجبيني حار
عبالي حالة نفسية مدري اشبيه عشك ادم دولبني الله ذنب وذبه عليه نغص عليه عيشتي
بكل وقت افكر بيه ، والوم يروحي اشلون عرضت عليه نفسي ورفض
YOU ARE READING
أستعمار
General Fictionما بالك يا أبنت أدم عندما أنتهيت من تشيد ذاتي أستعمرتي الآتي والتالي ! (هل بعتقادك أمراة لها ماضي غير مرغوب به تحظى بقلب المدرس العصامي أدم !)
