أستعمار

2

باسم
اشرلي مقداد  ، على واحد منهم واكف ابصف ضابط ايقاع الدي جي جسمه رياضي اصلع لابس بلوزة سودة  و عاكف اديه على صدرة ويهز براسه على انغام الدكه الصاخبة هزيت براسي لكدام و صرت اتقدم اله و جماعتي كل واحد واكف بكتر وكفت كدام هز بحاجبة بمعنى خير
ابتسمت وصارت ماكو مسافة تفصل بينا
هزيت حواجبي و لزمته مفاجئه من راسه بثنين ادية ولطخته كله بحركه سريعه اتراجع للخلف ورجعلي ثاير
ملحك يوصل الي رجلي سبقته وضربته بين افخاذه خليته لزمها و يأن بااااااخ
ضهروا حماية المكان وهذا المطلوب
اجوني وضربني واحد بصولجان على ضهري
اهنا جماعتي ضهرو نفسهم دك بوكسات و ضرب
منهم الضارب والمضروب والنسوان صريخهن ماله والي و الزلم الزبائن طلعو من المكان
اني شلت واحد مسلعم ما اعرف منين طلع الي يضارب وياي وشمرته على الدي جي
انتبهت لمقداد حاط واحد يخونك بيه ويكله
-مو كتلك يالعار لا تدخل لهنا بعد

ركضت عليه  انقذه واجاني واحد ضخم وقفني ضربني على خاصرتي ورديتها اله بصدرة و بخصرة ، ضربني بوكسي اجاه مهدي ضربه من وره براسه بكرسي حديد طفر الدم منه ولزمه متألم تركته وركضت لمقدام وخرته الي كاعد عليه يخونك بيه

و استلمته دك جلاليق و بوكسات  الخنچه( بوخه)
داخ و عافني ،
رحت لمقداد اهنا صار رمي جابو سلاح و تدخلت الشرطه بس بعد ما  جماعتي
شبعو اهل البار كتل شفناها السالفه انلاصت
مهدي ضهر من جديد بس كدامه نسوان رجعهن خلاهم يوكفون رمي اني بمكاني مشدوه سحلني مهدي اضاهر تمويه مسوي طلع  النسوان العا..... من داخل الصالة ووقف الرمي وتدخلت  الشرطه  وانلاصت من شفنا عناصر يدخلون سحلني وطلعنا شاردين من باب البار الخلفي تاركين الحماية الي ضربت ادم مجطلة على الارض  وطلعنا برفقه وحده من النسوان دلتنا

-اكرامياتنا عيني
كالت لمهدي طلع ورقتين وكال الها الج ولزميلاتج وغمز الها
جانت تعلج واني يم عيني يرف عليه مضروب بيه
باوعت الها لابسة اخضر وجسمها ابيض يلمع
سألتها
- ما تردين اكراميات ثانية ؟
تجين ويانا ؟!
ضحكت وكالت.
-ما اطلع تبيات
جرني مهدي
-لك مو وكتك راح يلحكون بينا
صعدنا سيارتنا وانطلقنا شاردين من المكان 

مقداد
-لك باسم اكو كامرات مراقبة راح انروح بالرجلين .
-دسكت انت مرة جبان ، بيك خير لا تدخل اماكن وصخه
-وصخه مو توك سحلت نفسك كدام المرية
خزرته سكت خايف مني
-انجب ، اني مو مثلك لا اتجهت للسكر ولا سويتها بالصدك من وراك لفيت هيج اماكن

_________________________
انسام
-عايشة ببغداد ، جدي وبيبي من العمارة صح اصلهم مناك بس ابوي طفل من اجوي لهنا، ا ا اقصد من اجوي لبغداد

اضطريت اجاوبه بدقة وتفصيل لأن الح بالسؤال كأنه شاك من لكنة كلامي بجوابي الاول من كلت اله من المحافظة
جاوبني بعنترة
-يعني شروكية  محافظات ؟
- چا وشنو يعني يأثر بشي ؟
باوع لرجلية بطريقة خلتني اجرجر بعباتي استر الي ما طالع !
- اي ومزوجه أنسام  ؟
- لا تخاف ما عندي اطفال و التزم بوقت الدوام
باوع للسجل الي كدامه وسال بعجرفة
- مزوجه يعني يو لا
- منفصلة
صوتي ناصي اضاهر ما وصلة طلب مني اعيد ..
-شنو ؟
-منفصلة
ترك السجل وصوب نظرة عليه بهتمام ودقه بكل تفصيلة بية
،
جنت بالسوك افتر ادورلي شغله ما تحتاج شهادة وشفت قطعة ابصف حايط  بوتيك ملابس اطفال ونسائية طالبين عاملة ... دخلت للبوتيك
ركزت على الارضية سيراميك  تلمع واني شحاطتي السودةالفلات متروس جعبها طين من الشارع شفت صاحب المحل كاعد كدام ميزه الي عليه بطل ماي وشاشة الكامرة يعاين منها الزباين ..
سلمت عليه و سالته اذا بعده  محتاج عاملة .. سحلي كرسي من الي ابصفه لزك وحطه يمي صرت كاعده يمه بس مو لزك بينا مسافه .
كلي حتى استفسر منج ...
اعيوني اتلصلصت على البوتيك .. بيه مرة وطفلتها اتعاين ملابس الاطفال ، المبنى الارضي كله اطفال ملابس طلعه وبيت والفوك شفته من الجام    الشارع قبل لا ادخل بيه عارضات ملابس نسائية  ..  طلعت المرة هي والي وياها  
؛
بعد أسألته    شفته و عرفت ما يريد مجرد عاملة وانما عندا اغراض اخرى
عيبت عليه  واتحسبت وطلعت  من المحل الدنيا طالعه من عيني و بروحي ضيكة من كلشي صار وراح يصير وياي
اباوع للمحلات للناس ، اشوف النسوان تطلع منها محملة اكياس وعلالايك واني اطلع منها محملة اهموم ، شبعت ذلة ،
طلعت من راس الشارع متوجهة لسوك المخضر على مسافة ،اتلكتني ريحة اللبلبي ، اعاين للبسطية بودي افتح الجزدلان والكه بنصه فد عشرين اكدر اشتري  جيس اخذه وياي واسوك للبيت، فتت من يمه بعدها ما مغادرة مشامي ريحته اجتني ريحة الباكلة تتسابق ويه الهوة وتدخل ريتي ، اعتقد هسة صرنا الضحى واني بعز البرد طالعه من غير ريوك يدفي معدتي ظاله اتحصر ع الروايح ، كلشي هو بسيط ياخذلي روحي ويمردلي معدتي من افوت من يم بسطية داطلي ، لبلبي  ، باكلة ،وكفت كدام البكال
و اشتريت نص كيلو طماطه  وكيلو بتيتة عاينت على البصل المكوم كدامي بكوم مثل الجبل الصغير ، اعتقد  بالبيت بس راس واحد بالسلة خليه اسوي بيه فركاعه و الله كريم معندي بعد الالف ونص الكروة اشتريت بيهم  ومشيت مشي كعابي ، وصلت لمشتملنا بابه رفيع اخضر لونه ونحاسي لان مزنجر
مشكل ما يفتح لازم ركعه برجلي من جوة و دفعه قويه الا يفتح مبيج  ، دخلت
اتعديت الحمام والتواليت الخارجيات ودخلت للمشتمل اول ما دخل يصير بوجهي ميز حديد مصدي مسوي حاوي للمواعين والجدور بيه رفوف جوة والفوك مسوي ميز من نطبخ . حطيت المسواك ! عليه  و ابصفه سنك جناح واحد  ومجر نايلون
و الطباخ ابو تلاث عيون صغير ع ميز خشبي ابو اربع رجلين اني مبتكرته و داكته بالبسامير ،  هو مطبخ هو صالة مسويها كعده معيشة اضافه للمطبخ حاطين بيها بوفية ابو ثلاث ابواب وعليه نضيده  مدهن من التكلاة  يصير كدامها باب غرفة
و اكو غرفة صغيره
بيها كنتور عريض ما يصير بالصاله بمكان البوفية و مجرات لايلون و كومدي عليه تلفزيون دكمه مشلعه و حاطين  ثلاجه ،
جانت سلوى مطروحة بفراشها
- ها انسام
اتباوع الي بعيون متأملة كل خير مني اتريد تسمع اخبار اطيب خاطرها
- ما ما لكيت
دارت وجهه و غطت راسها ..
دخلت خالتي تركض
-اشششااااااه موت احمر برد برد من اطلع من اسبح بهذا الحمام
سالتها
-ما رجعت نهاية
- لا ما رجعت طركاعه الكلبة
-اي شكو بعد اتغلطين
- الكلبة بعدها ما مستلمة اول راتب الها اتكول ما انطيكم فلس
كعدت جو رجلين اختي سلوى
انزع  جواريبي
-صدكتي خالة ..  اتكول هيج من تجين للصدك كلبها ما بنطيها
- هسة بشري ما حصلتي شغله