أستعمار

14

النشر بين يوم ويوم رجائا التزمو بالقانون وعدم التعليق بجمل تقلل من جهد.الهاوي

نحن كائنات مثيرة للشفقة فعلا..
هذا إن كنت تنظر للجانب المادي لنا فقط,لكن جانبنا الروحي الكامن الواصل لحدود الإله
هذا ما تقف له الكائنات إحتراماهذا ما يؤهلننا لأن نكون إنسانين!

أنسام

نسوان حمويني بس يذبذبن عليه حجي ماكو اي نظرة احترام الي ، الي يقهر من فتت للمطبخ اسمعهن بطاريي ، ام السحورة اشلونها وياكم ، يسألن ام ابرار 
مشهرة بيه كدامهم ، بالغده اكلت بالمطبخ ، اني الي تعبت وياهم  ، الامهات حايرات برجعة باسم وبس البنيات وياي تعبت و وكفت وياهم بالطبخ تاليها بس الحجي واصلني منهم ، لو ما واكفات باسم وياي والله جان كلبتها عليهم عركة ،
اقهر شي من هاي ام ذياب فشلتني كدام الولد من سلمت على باسم اتكول هي امنين الها اصل!؛ اسكت واكول يجي اليوم الي اخذ حقي منكم واخلص من شكولكم ،
نفسيتي تعبت بهذا اليوم ام ابرار هم عاركتني كدام نسوان حمويها العصر كدامي عيني عينك تحجي عليه واتكول كصتها فكر علينا و من هذا الكلام الي يسم ما اتحملت راددت ، صارت مشاده كلامية انتهت برزالة عمتي ام فايز الي واني الي معيول بيه !و العايل محد حاجاه والله شنو مرة جبيرة  ؛ ثاني هم كله خطار ما تعبت نفسي شلت ايدي ، حرت ببني  ، وجان الكف سلوى بالليل خاتله بالاستقبال ، اني افتقدها ودورت عليها ، المصيبة مو كاعده تحجي ويه واحد لا المصيبة اكبر تخابر وحده سمعت صوتها ،جريتها للغرفه شبعتها كتل وهي تبجي على الصامت
-لج احجي منو هاي يالمطية ليش صورتها حاطه كتاب الله بالارض(( صورة غير لائقة))
- ما احبة ما امن بوجوده

ضربتها راشدي خله وجه الابيض احمر

- ليش شنو سوة الج ، الله رحمج وانت بأحسن حال .

كعدت يمها هلكانة حسيت نفسي عاجزة انقذها حسيتها ضاعت وما اعرف اوجها لطريق الهداية ،
-لج فديتج بروحي وشمرت نفسي بحضن شايب حتى احافظ عليج ! ليش هيج دسوين بيه ،
ليش كافرة
ليش مصرة اكملين كفرج
عجزت اتلاحكج

احجي وابجي

هي ابصفي هم تبجي

- راح امن بس اسكتي !

-كل مرة هيج اتكولين الي تعبت منج يالكافرة امي جابتج الي شقى وهلاك
لو انت الميته بمكانها والله بعد مالي طاقة اعيش تعبتوني

علاوي فحطان يبجي ، واحنه هم

كامت كدامي مثل الي تعتذر

- بعد ما اتعبج بس تذكري اني احبج بس سامحيني و رواح اروح لأمي واخلصج مني

راحت هالخبلة ، كمت وراها من حسيت اكو نبرة خبال بكلامها  ، شفتها متوجهة للمطبخ

دخلت و شفت بأيدها سجين جبير و موجهته على شراين ايدها ،اتصرفت بحلاوة روح ، داخذة منها وصرت وراها اتلاوة وياها هي اتريد تضرب نفسها بيه واني ابعده
بنيتي اقوة ، جنت لازمه معصمها اخذتهة منها و هي تتلاوة وياي اتريد اترجعه ،