مساء الورد
النت ضعيف مكان ينشر❤
يكسرك غالي و يجبرك غريب
و الغريب يصير غالي و الغالي يرجع غريب !
سارة
رجعت للبيت وكانت الضهرية شمسها عالية حيل بحيث بس نزلت من السيارة كدام البيت حرقت وجهي ، عدلت عباة الراس و طلعت مفاتيحي فتحت الباب المعدني الصغير و دخلت يصادفني ممر صغير اتعديته ودخلت للصاله لكيت ماما حاطه الرمونت على خدها واتباوع للشاشة
كامت الي
- وين جنتي طالعه من الصبح !
- طالعه
-ادري طالعه كايلة لرجلج
اتعديتها ورحت لغرفتي دنزع و هي وراية تحجي
- كعدت من النوم ما لكيتج عبالي لايفه على بيت خالج ما سألت عنج للضحى الا من رحت الهم وما لكيتج
طلعت سيت بيت البس
-عباتي اظن متسخه
- احجي وياج وين جنتي وزوجج ما يدري بيج اكيد
- يدري
-اها شنو كنتي وياه هالمتسرع الارعن
مطيت بشفتي غير راضي كلامها عنه و اني افتح ازرار القميص
- وين اخذج ؟
-مكنت وياه
كنت بالبنك
- البنك ؟
شسوين
-سحبت افلوس ما ودعت هلمرة
-ليش شنو محتاجه ؟ شو كلشي عندج بعد ليش هالتبذير رجلج يصرف عليج
-محتاجه ماما محتاجه اساعد اخوية ادم وزوجي همه بمحنه افلوسي مراح يفيدني تكنيزهن
-شنو لج !!!
رحتي وحدج للبنك وسحبتي من غير علمي !
- مو وحدي ابرار وزوجها اخذوني و رجعوني
-اها شسوي وياج ابرار البارحه خابرتني ما كالت ولا مرت خالج كالت من رحت الهم اليوم
-متدري مرة خالي وين رحنا ماما
سحبنا اثنينا ترة
- سويتن الي براسكم يعني
لج مراح يرجع الجن شي يحسبوها مساعده
- مرايده منهم شي ماما المهم نوكف وياهم
-لج ادم غركان بالديون و مراح يرجع يحسب افلوس فايز افلوسه كان فكر يرجع دينا القديم
-ماما ابن اختج بمحنه وانت حايرة بالفلوس
- ادم يطلع نفسه منها ما ينخاف عليه يوم هذي افلوسكم ما اجت بسهولة شبابي ضاع ويه فايز وعشت بالحسرات وياه حتى نسوي الكم مستقبل
كعدت ماما على سريري ولانت بالكلام وياي اكثر
- هلمقداد من البداية ادم غلط وياه وخلاه هيج يضيع تعبه
ادم يطلع منها يا يمه لا تنطين اهواي ساعدي ،بس اشكد المبلغ صدوك
أنت تقرأ
أستعمار
General Fictionما بالك يا أبنت أدم عندما أنتهيت من تشيد ذاتي أستعمرتي الآتي والتالي ! (هل بعتقادك أمراة لها ماضي غير مرغوب به تحظى بقلب المدرس العصامي أدم !)
