أستعمار

أعلان
تتكلم القصة عن عائلة تفككت بسبب  مشاعر افرادها المبعثرة لكن يتزامن مع ضياعهم دخول أمراة غير مرغوب فيها
وتصبح هي الشماعة الي تتعلق عليها
الاخطاء والذنوب فقط لأنها  أرادت الامان !

مشهد متقدم  من القصة

ادم
كاعد ومنتكأ على الحايط و ايدي مضللة على جبيني ، كنت عايش بسلام بس المنغصات واكفتلي  ورة  حياطين بيتي،  مثل الجبل العالي النشط كنت  وانفجر بيه بركان خامد حرك تعب عمري كله
بوسط اعترافي لنفسي بسقوطي
دخل عليه  شخص ،رفعت راسي بس ردت انهرة يطلع من يمي
شفتها انسام سكتت ، شتريد ؟ ليش جاية النا ؟
تتشفى و اتشوف انهياري  متحطم على الاخير ، اتشوف تكتف ايدي وتربطي

-اذا جاية تشمتين راح اختصرها عليج واكلج اي اني وكعت

كنت مخنوك  حيل و مصنع الصمود كدام الكل من شفتها انفجرت بيها اعلن الهزيمه
كانت اول شخص ارفع راياتي اله

- اي  راح اصفى بالشارع
واريحج اكثر اي راح يشتكي عليه رأفت وانسجن
افرحي انسام !

_______
أنسام
حطيت عباتي على راسي وحطيت المبلغ جوة كتري و طلعت للشارع واني بطرك العباة ، بابهم مردود ما مقفول فتحته ودخلت عليهم ،

سمرقند كالت الي ادم كاعد بالاستقبال

دخلت عليه احتاريت المن  اباوع للاستقبال الخالي من أثاثه لو لصحابة الي كاعد وجواه فقط مده(سجاده)او جودليه مثل ما يسميها البعض

بعدني ما ناطقه بس اباوع اله و هو اتكلم وياريته سكت ! كالعاده فهم نظرات اعيوني غلط ، يا غبائك يا ادم
لك انت بس باوع عدل شوف بعيوني شكو
هاي الدموع الي ملمعه ببؤبؤي شنو تفسيرها
هذا الذبول البيهن عليمن ؟
هذي نظرات الحزن  شسوي ساكنه  اعيوني اذا اني مشمته بيك

باوع للوعتي ركز بيه مثل الام المهلوعه على ظناها اجيتك اركض حافية ناسيه انتعل شي

من جاب طاري السجن ، انهزت أضلعي ورف گلبي  الوالده عليه ، فتحت عباتي
هو نزل نظرة عني
وانه طلعت منها المبلغ ودنكت حطيته كدامه
جثيت على ركبي وكلت اله بصوت ممزوج بخدر البچي
- ادفع لرأفت هاي الافلوس سدد اله شي حتى يتنازل

نظر الي من غير تحفظات صدمته بيه كانت اكبر من التحفظ مني ، صدمته بيه داست على گلبي وفتت صمامي ،

ابتسمت بأسى يعاكس حزني هازئة من نظرته

- باوع الي باوع عدل و فسرلي وين الشماته بوجهي
مصدوم ؟

ضهرت تعبيرات بجبينه  متسأل يريد مني تفسير

- وانه شريد اكلك يعني

- ليش هاي المساعده

وكفت على حيلي وانفاسي انهدت  من گربه وهو بعيد !

- ما اريدك تنسجن ما اريد الك الضرر انه
انت فسرلي ليش  ! انه بس اريدك بخير

وصلت يم الباب و كلت اله

- جيب اهلك وتعال يمي مو حمل الايجارات بهذا وضعك

شفته دنك عرفته كرامته انمست عرفت هذا الي يسموه كبرياء انهد بعد كل الي سواه بيه انه امده ايدي اله
،
يا ادم انه عشكتك عشك الام لولدها انطي من غير مقابل يكفيني انت بخير
مو عشك الحبيبة واتريد منك الامان و الراحه ، انه تعبك الي يهون ، وراحتك تريحني !
هذا كله بالگلب وعجزت اوصله الك فسرة انت بلكي من تفكر اتشوف حبي الك تكشف عنه الغطى وتحس بيه،

وكفتني رضوى  زوجته بالحديقه

- ما راح انسى الج ابد هالمعروف

التفتت عليها
- ما سويته لأجلج انه احبه لرجلج وانت تدرين  !

سكتت اتغاضت هالمرة عراكي

ما كان عنده حل ادم غير يجيب عائلته ويحطهم يمي  رضوى رفضت تجي تكعد يمي ورفضت هو يجي يمي اصلا بس هو ما لكى بيت سعرة مناسب للأيجار بهاي الفترة القصيرة وجيتهم يمي مؤقته هو واخته وابوه فقط ، البقية اطشرو وطشرهم الوكت ومقداد ما زال بالسجن  ديسعى لتطليعته ،

صبري هالمده كلها عليه نفذ و سعة صدري ضاقت ، توه الا عرف انه صدك احبه ،وانه مراح اتخلى عنه هو الي وراح اخذه
هذا جزات تعبي وصبري ، بس هم مددت صبري الى أن اكدر استعمر مشاعرة ناحيتي و ادخل گلبه بس مراح اخليه يقوة ويوكف على حيله الا وانه مستحوذه عليه!

هذا الاعلان كاتبته وردت انزل قبل لا انزل الجزء الاول وخفت من السراق هسة الا نزلت
تصويت و ترشيح القصة لمن يحب القراءة و نشر القصة في رسائل واتباد
وتاك للصديقات
يعتبر دعم للقصة امتن الكم اذا ساعدتم استعمار تستعمر الواتباد والفيس ،
نشر الجزء الثاني ما راح انطي وقت محدد لأني بفترة راحه لكن انشالله ما أتأخر

بس اريد اتعرف عليكم من خلال هذي الفقرة مرات يصيبني الفضول من اقرأ تعليقاتكم

اريد اعرف مواليدكم والحالة الاجتماعية

ابدأ بنفسي ٢٥ عام متزوجة

زهراء العراقية