التصويت بنات ينطيني تحفيز كبير يعني البارحه من صوتم اليوم اجاني حماس كبير بالكتابة والتعليق ايضا
سارة
داريت استغرابي و تعجبي باسم السنفور الغاضب دوم كاعد كدامي و بوجه لين و ملامح ما بيها تعقيد كلها هدوء و رواق ،
انتبهت اله توني ، هو شنو لابس لساه اسود حداد لو مجرد لون ؟ ما منتبها اله بالفترة السابقة ، هو يسولف بداية حلمه بيه واني توني الا ركزت بشكله لحيته ثخنانه حيل بهاي الفترة، شعره حيل اسود ،
-سارة اسمعيني !
سأل واني حقيقتا مجنت منتبه شيكول ولا انتبهت لحرف انحرجت ،
- اي كمل حلمك ،
حك كصته بايده ، شعر ايده حيل ثخين اضاهر مشعر محبيت سمكه مغطي ايده كلها ، تذكرت قبل اشلون جان املس و نلعب اني وياه عروسه وعريس ، شبه ابتسامه غطت ملامحي من جنا بعد العرس ننام واحد ابصف الثاني ، واه فشلتاه ننام بكل برائة ونتغطى ومرة بالصدك غفيت ههههههه
- بعدين ردنا نطلع اني وادم عافنا مقداد انت اجيتي طلبتي نبگ
انتبهت لأخر سطر من حلمه
-نبگ ؟
شنو معناه اني محب النبگ (ثمر السدرة)
- كلت الج ما جيب اني رايحه لدوامي وين اكو اهناك ،
طلع عمي الله يرحمه من غرفته ،
اشرلي باسم على الممر
-كلنا جنا واكفين اهناك
-حلمت بأبوية ؟
شو اني ولا مرة زارني بالحلم ، بس بأحلام اليقضة اني اصور لخيالي شكلة
- كلج هو اني جيب الج
- حبيبي بابا ،
اندفعت عواطفي حيل و ثارت مثل موجات النهر العميق خلت ماي دموعي يطلع حار يحرك العين و يوجع العيون ويوجع منطقة الجبين ،
كلت اله بصوتي الي يبجي ويه أنيني
- كمل ليش سكتت
باسم
باسم
جان صافن عليه اعتقد سرح هو الثاني بخياله و دا يذكر شي باله مو وياي
- ها وياج
-كمل الحلم
-ما اكمله احسن
كام وكف و رجعت طغت على ملامحه الكأبة والعصبية ،فزيت وياه
- كمله باسم
- كالج اني جيب الج ، و راد يطلع انت لزكتي الا ترحين وياه تاكلون برة
-ورحت ؟
-لا كلج مو وكت العشا هسة بعدين عود وطلع !
بس جان شكله ضايج ، ضايج حيل
اجه من يمي فات
- سارة اضاهر انت قالقة نومته بقبرة ، اترحمي عليه و دربالج على نفسج انت اكثر شخص تأذيه لأن جان حيل يخاف عليج ،
اتعداني و طلع من الباب ويه طلعته دخل ادم رجعه للخلف وكله
- وينها هاي خالة مرت عمك ؟
- انطيتها مبلغ وراحت
دفعه حيل دخله لنص الصاله وصاح بيه
-ليش انطيتها ؟
- مرت عمك عدها ولاده ، واحنه من اتوفى عمك لا نسأل عليهم ولا.........
قاطعه
-ما علينا بيهم
YOU ARE READING
أستعمار
General Fictionما بالك يا أبنت أدم عندما أنتهيت من تشيد ذاتي أستعمرتي الآتي والتالي ! (هل بعتقادك أمراة لها ماضي غير مرغوب به تحظى بقلب المدرس العصامي أدم !)
