من أقوال الامام علي (ع)
الصديق نسيب الروح ، والأخ نسيب الجسم.
ادم
بعد العركة الي صارت بين رضوى وانسام وغيرت رضوى منها الواضحة قررت ابعدهم عن بعض افضل
ثاني يوم الصبح ردت اروح الها وافتهم منها واعتذر هم على اتهام رضوى
شفتها بالباب اترش اول ما طلعت و وكفت كدام باب بيتها سدت الباب بوجهي !
ابتلعت غضبي و صعدت سيارتي
- صوجي والله
من رجعت هديت ردت اروح الها بعد ما اتغده
واحنه ناكل على ميز الطعام والدي جان كاعد بكرسيه يمنا من غير ما ياكل متغدي قبلنا كال الي
-انسام ما قبلت تدز ابنها يمنا اليوم
احجي وياها اوليدي
- خليها بوية كم يوم تهدأ السالفه واروح الها ، هسة اذا رحت خاف يبدر منها شي واني ما اتحمل ويكبر الموضوع
باوعت بلوم لرضوى الي ما عاجبها الحديث
ردت عليه
- شتروح هم عوزك تعتذر وانت شفتها بعينك تضربني !
- شفتكم اثنينكم !
وانت الي بادية المرة جايه اساعد تدرين لو لا ! اجازيها بسوالفج التعبانه
الكاها منج لو من خواتي اتوسل بيهم يقسمون الايام بالنهار يجون لابوهم
محد تجي
والدي رد
- يا بوية هيج انه ذليل بقيت بس شسوي مو بيدهن خواتك ترة امرهن بيد ازواجهن وعندي ولد
هزيت بايدي وكلت
-ولديش ها
واحد ما فكر يعتذر ويجي يشوف ابوه
والثاني حياته خربطه وعربده
سمر
- اني حأجل السنه واظل يم بابا
هزيت راسي وكلت اسكتي واكلي انت
،
حاير بأمر والدي انسام غريبة عنه وحتى حرام شرعا بس اضطريت اقبل وهسة اشلون اذا اجيب ممرض اشلون اعوفه يم مرتي !
ممرضة هم ما يجوز ادخل غريبه بيتنا وابويه ما يرضى
شنو الحل ياربي
____
نايم وعلى صدري رجل صغيره جدا ناعمة صالحة للتقبيل والشم كان الجو منعش للنوم السبلت يبث برودة شاملة للغرفة كلها بحجمها الكبير ، فززني منبه ذاتي بأن ابني بارد عليه هذا الجو ، ابعدت رجلة عني و غطيته بديباجة وردية صغيرة كان نايم بيني وبين امه حطيت كفوف اديه جوة خدي الايمن وغمض جفني مرة ثانيةجج وسافرت الروح لعالم الاحلام لخبطها او خربطها دك قوي ابتعدت الروح عن عالم الاحلام المخربطه على الواقع
وصوت رمي ودك تحول لمحاولة تكسير الباب اني طابق ثاني غرفتي والصوت قريب كانما كدام غرفتي ،
فزت وياي رضوى مخلوسة وشالت الولد بطريقه فطريه روحها اول ما فكرت تحمي ابنها ،كمت وكلت لا اطلعين منا
لكيت سمر تلوذ بروحها خايفه هي كاعده بغرفة باسم السابقه يمي
-ادخلي جوة لا تنزلين
نزلت
صوت ابوية يصيح شكو يابة احتلونا من جديد ، بغداد سقطت !
خفت اطلع على هذا الرمي اول ما اطلع اتصوب
اضاهر باب بيتنا ازرفت والرمي وصل لشباك الهول اكسر واسمع صياح انسام
أنت تقرأ
أستعمار
General Fictionما بالك يا أبنت أدم عندما أنتهيت من تشيد ذاتي أستعمرتي الآتي والتالي ! (هل بعتقادك أمراة لها ماضي غير مرغوب به تحظى بقلب المدرس العصامي أدم !)
