شايفين الكنة من تشتغل ببيت عيالها لليل ونهار وبالتالي عمتها ام زوجها اتكول لزوجك مرتك بس نايمه اني هيج حالي من اكتب بمثابرة ٣ آلاف او فوق الألفين كلمة وتجي وحده اتكول قصير ما تدري البارت اكثر من ٥٠ صفحه يمكن لو اخذت سكرين تعب يومين !والبارتات متساوية ! اشلونها تشبيهاتي هههههه وتحية لكل وحده عبالها بداية كلامي مقتبس
مساكم مسك وريحان
"نحن فقراء المفردات، ضعيفيّ التعبير، أصحـاب النصوص الركيكة، كيف لنا أن نشرح إلى أي حدٍ قد هُلكنا عشقه؟"
كاعد وسط الاعمام وافراد العشيرة في كربلاء المقدسة بمبلغ الفصل الي شرطوه عشيرة المجني عليه مليار عراقي!
يتناقشون اعرافهم والي راح يقال ما دام قضية مقداد التفت على العشيرة
وبيها الف علامه سؤال والشهود كلهم التفو ضد مقداد ! رغم مقداد يحلف محد كان موجود لحظه العركة وهمه لحد الان جابوه ثلاث شهود !
كانو الاثنين ببداية سهرتهم الانسية الي وعدني مقداد يكف عنها ، ومطالبه ذاك يسدد اله اديونه ، مقداد مديون اله لان احنه بطلنا ننطيه حتى لا يوقعنا بمشاكل على امل يعتمد على ذاته اخذها بالضحك المقتول وكال لمقداد
بانه يشتري اخت مقداد مقابل الدين،
مكان بمزاج جيد مقداد و ذكر طاري اخته
اتعارك وياه بسب ام المجني عليه
وهاي كانت بداية العركة و المجني عليه خانك مقداد محاول يقتله سكارى بعد ! فلت نفسه مقداد و العركة انتهت باخذ سكين فواكه وطعنها بصدر صديقه ! في مخزن قديم يعود لاهل المجني عليه يسهرون بيه وحتى مرات يجيبون بنات بيه
المجني عليه و جماعته ، مكان غيرهم بالمكان كان واحد ثالث طلع يجيب ثلج ومن رجع كان مقداد واكف كدام جثة المجني عليه مهلوع من المنظر شرد والصاحب الثالث خبر اهل الميت ناس شرانية اخوته نفسهم الشرب عدهم بركة ! وعدهم نفوذ ! ابسرعه قبلو للتفاوض المالي !الي ضرب باسم انحجز ثلاث ايام وطلع على انه عنده اضطرابات نفسية ! ابسرعه ما طول رغم هو اتهمنا بالقتل المتعمد ،،
لكن الدولة مع الاكثر نفوذ !
موقفي جان اصغر من خرم الابرة وينك يا فايز وينه نفوذك هسة الا عرفت انت الصح واني كلشي ما افهم بهذا البلد !، باسم بمساعده الجيران نقلناه للمستشفى الضربه كانت بمتنه ونام على اثرها يوم كامل ، و تركته حاليا ببيت احد اقاربنا من بعيد في كربلاء مخفي لا يقتلوه وكلنا تركنا البيت الي مكتوب على جدارة مطلوب عشائريا
حتى عمامي نفس الكتابة على جدار ابيوتهم لهذا وكفوا وياي هسة وخافو !
ومرت فايز الثانية انسام راحت ببيت اهل مرت عمي ابو فاطمه بديالى
دمر عوائل وشردها وهو حاليا مقبوض عليه ! اني خليته يسلم نفسه لا ينقتل
الكعده جان شيخنا يحدد بيها المبلغ الي راح يتفاوض بيه وياهم وينزل وياهم المبلغ الي ،بشرط يرفعون عنا خطرهم هي هيج الكعدات العشائري اهل الحق يطلبون مبلغ كبير جدا وشيخ العشيرة الثانية ينزل ،
واتقلص المبلغ الى ٢٥٠ مليون عراقي
العشيرة ساهمت وياي بمبلغ مو بالكبير
و اقترضت من صديق فايز الي اعرف شغله بالفوائد وفصلت الناس
आप पढ़ रहे हैं
أستعمار
सामान्य साहित्यما بالك يا أبنت أدم عندما أنتهيت من تشيد ذاتي أستعمرتي الآتي والتالي ! (هل بعتقادك أمراة لها ماضي غير مرغوب به تحظى بقلب المدرس العصامي أدم !)
