كعدت يمها
-مراح اساعده هو بس ماما
ادم مو وحده باسم وياه اني اساعد زوجي وياه وعمي ماما عمي الي الجلطه الثانية خلته ما يكدر ينطق يوم لا توجعين قلبي بقساوتج اعرف الي سواه بابا سبب هالقساوة
-الزلم ما يجي من وراهم خير صغار كبار
من فايز وباسم واغسلي ايدج
امي ما زالت شايله على باسم حيل لان فكر بزوجه بابا الثانيه
خليها بالقلب ماما اني هم ما زالت بروحي نابته غصه منه
دا اداري عليها واتلافلها بالتجاهل
،
المبلغ كان عشرة مليون خمسة مني وخمسة من ابرار
واثنين مليون من زوج ابرار المبلغ الكلي ١٢ مليون غرضها مساهمة بالخراب مو دين
اخذنا على مضض زوج ابرار ورحنا لان امي گالبه وجها علينا ما اتريد اساعد عمي ابو ادم مساعده اتريده دين يحسب
رحنا اله لبيت انسام محابة الدخله الهم بس مجبورة
مكان ادم موجود وهمزين حطينا المبلغ يم عمي ، حتى لا امس كرامه ادم ادري بيه نفسه عزيزه
وهاي كانت فكرة ابرار انروح وادم ماكو استقبلتنا انسام ورحبت
____________________________
أنسام
مر شهر و ادم ما زال يمنا يسكن
لكن كل ما اريد احاول اتقرب منه احس شي يمنعني حتى من يكعد يمي اسكت لو اظل بس اجفص ولا يكلك مرة اشكبرني عندي تجارب !
يمه ارجع طفله ما حافظة املاء !
ركيكة بالتعبير خاوية التفكير وانتظر منه الكلمة الطيبة
اتمرضت رضوى اعتقد لان اصر رجلها يجي يمي نفسيتها تعبت هسة اشبيها هيج ما ادري شصير يعني اذا قبلت اشاركها زوجها اشبيهن النسوان نسن الي محللة ربي قابل راح اخذه منها والنبي راضيه بيوم بالشهر بس اسمي ينحط على اسمه وانستر بالي احبه وروحي ترف اله ،
هاي ام فاطمة جابتلي موضوع زواج من رحت وياها بديالى من صارت احداث مقداد
وهي تلح ابن رجل امها شايفني وحاجيه اله عني ، رجال اربعيني هو
وارمل طلع يريد مرة و عنده بيت و سيارة حمل يشتغل بيها تاجر غنم
اثر بيه هذا الموضوع وبفكري ، يمكن قسمة زينه بس هذا الي نابت وسط الگلب أشلون بيه ؟
كلت الها مفكر ازوج ظلت اتلح ، طلب بس كم يوم افكر لان الزواجه بغير محافظة ،وهم كردي الرجال بس عايش من زمان ويه العرب ،
بيوم حسيت الفرح بعيون سلوى واتريد اتكول شي و متردده على طرف السانه كلام .
وبس تغني وحتى من وكفت كدام المراية اكول الها عن المعجب بيه
-اكلج هذا الي خطبني ششاف بيه و انعجب
- اتخبلين جمال و جسم
-عود صدك هاي انت سلوى لو غيروج
ضحكت
-انت قمر
-ههههه والله ممصدكه انت تمدحين هههههه
اكلج سليوان شعندج فاتحه الحلك عشر امتار و مروقه هاا
ESTÁ A LER
أستعمار
Ficção geralما بالك يا أبنت أدم عندما أنتهيت من تشيد ذاتي أستعمرتي الآتي والتالي ! (هل بعتقادك أمراة لها ماضي غير مرغوب به تحظى بقلب المدرس العصامي أدم !)
33الجزء الثاني
Começar do início
