"Ah miss.. Parang kilala kita. Ikaw yung volleyball player diba?" tanong nung isang lalaki sa harap ko.
Nagkantyawan naman ang mga kasama nyang lalaki sa likod ko. Pinasadahan ko ng tingin uli ang lalaki sa harap ko. Nahihiya itong nakatingin sakin.
"Uhmm. Oo. Volleyball player ako." sabi ko at ngumiti.
Bigla namang namula yung lalaki. Natawa ako sa itsura nya dahil para syang bata. Pero feel ko nasa college na itong lalake.
"Excuse me." sabi ni Ricci.
Nagulat naman yung lalaki sa pag dating ni Ricci. Umusog yung lalaki at nagbigay daan kay Ricci. Umupo ito sa harap ko. Umalis na yung lalaki at umupo sa may likuran ko.
"Ang dami naman nito." sabi ko kay Ricci.
"Kulang pa nga yan. Tignan mo katawan mo.. ang payat."
Inirapan ko nalang sya.
Tahimik kaming kumakain. Nakita ko si Ricci na nakatingin sakin. Nang nakita nyang nakatingin ako sakanya ay yumuko sya. Ngumiti naman ako.
"Salamat sa libre ha." sabi ko pagka tapos kung kumain.
"Ha? Anong libre? Bayaran mo yan." sabi nya.
Kinagat ko ang labi ko sa inis.
"Di bale kapag hinatid moko ibibigay ko yung bayad." sabi ko.
Kumunot naman ang noo nya.
"I dont need your money." sabi nya.
"Ano ba talaga kasi gusto mo? Ayaw mo ng pera pero kailangan kung magbayad?"
"Gusto ko kasing lumabas tayo ulit." sabi nya.
"Ano? Parang date?" tanong ko at ngumiti.
Umiwas naman ito ng tingin sakin.
"Date? Huh.. hindi ah!!"
"Edi ano? Ganon din kasi yun! Date din yun.." sabi ko.
Hindi naman ito sumagot sakin.
"Sige. Kailan ba?" tanong ko.
Bigla nya akong tinignan. Nagulat ito sa sinabi ko. Nakakagat labi sya habang nakatingin sakin. Umiwas ako ng tingin.
Oh shit.
Bakit ganon sya tumingin?
"Kung kailan mo gusto." sagot nya.
"Sige. Libre ko."
"What? No! Ako ang sasagot sa lahat.."
Hindi nalang ako sumagot.
Nagpaalam ako na magsi cr ako. Tumango nalang ito sakin. Tumayo na ako sa upuan ko at diretsong pumunta sa banyo.
Nang makapasok ako sa banyo ay huminga agad ako ng malalim. Tinignan ko ang sarili ko sa salamin.
Maayos pa din naman ang itsura ko. Pero parang na stress ito ng konti. Maayos pa din ang kilay ko na nakalagay sa tamang pwesto. Ang brown na mata ko ay nagpa kulay sa buong mukha ko.
Nang ma satisfy ako sa itsura ko ay lumabas na ako ng CR. Pagkalabas ko palang may lumapit na mga babae sakin may dalang camera. Humiling sila na magpa picture sa akin kaya pinaunlakan ko naman yun.
"Ate! Ang ganda mo po talaga sa personal." sabi nung isang babae.
"Hala. Salamat po.. kayo rin po." sabi ko.
Nagulat naman yung babae sa sinabi ko pero ngumiti naman ito. Yumuko ito na parang nahihiya kaya mas natuwa ako.
"Totoo po ba na sa Ateneo na kayo? Sayang naman po kasi kung lilipat pa kayo. Pwedeng gumanda ang future sa La Salle. Lalo na kay Coach Ramil." sabi pa nung isa.
Bigla naman akong natahimik. Alam ko naman na tama sila pero nakapag desisyon na ako. Masaya ako sa La Salle pero mas sasaya ako sa Ateneo dahil ito ang dream school ko noon pa man.
"Alam nyo.. kapag mahal nyo yung ginagawa nyo kahit saan ka pa mapunta hindi na mahalaga. As long as masaya ka." sabi ko.
Ngumiti naman sila.
"Alis na po kami ha. Ingat po kayo. At susuportahan ka po namin kahit saan ka man." sabi nung babae.
Nagpaalam na ako sakanila. Papunta na ako sa pwesto namin ng bigla akong napahinto. Nakita ko si Ricci na nakaupo parin doon pero may babae na nasa harap nya.
Umiwas ako ng tingin.
Hindi ko alam kung bakit pero nakaramdam ako ng inis. Parang bumigat ang puso ko ng makita iyon. Pinilit kong tignan ang ibang tao pero sa kanila parin bumabalik ang mga mata ko.
Nakatingin parin ako sakanila. Nakangiti si Ricci habang nakikinig sa kwento nung babae. Bigla naman akong napa yuko dahil sa nakita ko.
Ano ba tong nasa isip ko?
Bakit ganto tong nararamdaman ko? Bakit ang sakit? Pero hinde.. baka nahihilo lang ako. Wala lang 'to.
Napatingin naman sakin si Ricci. Huminto ito sa pagtawa nang makita nya ako. Ngumiti naman ako sakanya. Hindi ko alam pero bigla nalang akong napatalikod.
Kailangan ko na talagang umalis dito. Dahil pakiramdam ko mahihirapan ako kapag nandito ako. Pakiramdam ko mapanganib dito. Nakakatakot ang nararamdaman kong ito.
Unknown Number:
Where are you? Wait me. Ako mag hahatid sayo.
Bigla naman akong napailing. Hindi pwede.
