Tahimik lang akong naka sakay sa kotse nya. Ni ayaw kong gumalaw dahil pakiramdam ko iba ang hangin dito.
Nakakahiya naman 'tong ginawa ko kanina.
Sinigawan ko sya at ilang beses inirapan pero nagmagandang loob pa rin sya sakin. Imbis na lampasan nalang ako hindi nya ginawa.
"Uhmm.. Sorry pala kanina ha? Naging masungit ako sayo." sabi ko.
Seryoso itong nagda drive sa gilid ko habang kagat yung labi nya. Nag iwas ako ng tingin nung makita ko sya. I dont know why pero i find him.. attractive.
No! Sinabi ko ba yun?
"Lagi ka bang masungit?" tanong nito.
"Hindi naman. Minsan lang pag wala sa mood." agaran kong sabi.
Nakatingin parin ito sa kalsada. Tumango ito ng dahan dahan pero ngayon nakataas pa ang kilay nya.
Tahimik kaming dalawa ng biglang may narinig ako. Halos mahiya ako sa lalaking katabi ko ng marinig ko ang ingay ng tiyan ko.
"Hindi ka pa kumakain.." mahinang sambit nya.
Hindi tanong yun. Para bang sigurado na talaga sya na hindi ako kumain.
"Kumain naman ako kanina."
"Mga anong oras yon?" tanong nya.
"Mga 3 ng hapon.."
"Anong oras na ngayon? It's already 6:00 in the evening." sabi nya.
Yumuko nalang ako.
Niliko nya ang sasakyan nya. Nakita kong papuntang fastfood ito. Bigla naman akong nagulat doon. Fast food? Baka may makakita samin.
"Ricci.." sabi ko.
Bigla naman itong napalingon sakin. Nakita ko ang gulat sa nga mata nya at kalaunan ay ngiti sa labi nya.
"Hindi pa tayo kumakain. Lalo ka na." sabi nya.
"Kasi baka may makakita satin dyan." mahinang sabi ko.
Kumunot ang noo nya.
"Yan pa talaga ng iniisip mo ha? Gutom kana pero ganyan parin sinasabi mo." malalim ang boses nya.
Hindi nalang ako sumagot.
Bumaba na sya sa sasakyan. Umikot ito papunta sa pwesto ko at saka dahan dahang binuksan ang pintuan. Lumabas na ako sa kotse.
Nauna na akong maglakad sakanya. Habang sya ay nasa likod ko. Pinsadahan ko ang lugar na ito. Walang tao. Para namang na relieve ako dahil sa nakita ko.
Bubuksan ko na sana ang pintuan sa Mcdo ng si Ricci ang nagbukas nito para sa akin. Kanina lang nasa likod ko ito pero nakakabiglang nang nasa harap ko na sya ngayon.
Ngumiti nalang ako sakanya. Pumasok na ako sa loob. Sumunod din sakin si Ricci.
"Hanap ka nalang ng pwesto. Ako na oorder satin." sabi nya.
Tumango naman ako.
Iniwan ko na sya at nagsimula ng maghanap ng pwesto. Medyo puno sa loob kaya nahirapan ako maghanap. May nakita naman akong libreng upuan sa dulo. Kaya lang may mga grupo ng mga lalaki roon.
Sinubukan ko maghanap ulit pero wala talaga akong mahanap. Wala akong choice kundi umupo doon. Nang papunta ako roon napatingin naman ang mga lalaki sakin. Yumuko naman ako bigla.
Umupo naman ako doon. Nakatalikod ako sa mga lalaki dahil nahihiya ako. Iba kasi sila tumingin. Parang kilala na talaga nila ako.
Lumingon ako para tignan kung nasan na si Ricci. Sya na ngayon ang nag oorder. Napangiti ak ng makitang seryoso ito sa ginagawa.
