تنهدت المرة واستغفرت
- استغفر الله ولا حول ولا قوة الا بالله ، زين انت صدوك تردين يمنا اكعدين لو مجرد تردين منا شي معين تردين توصلين اله ؟
-احم لا ابد صدكي معندي احد اروحلة و محتارة
-وخالتج
-خالتي ؟ خالتي نفسها ماعدها سكن كاعده وية رجل اختي بمشتمل بالتجاوز ،
اعترافي بفقري مكان محرج كد اني هدد ماعندي اهل دخلت بنص اهدومي من سألت على عمامي ، حسيتها مرة زينه وعاقلة حاجتني برزانه و تواضع وعينها منزلت عن الولد من طلعته بعد ما خلص رضاعه
سألت
-اشكد عمرة
-ثلاث اشهر وكم يوم
- اشيله
ناوشتهيا ، جان لابس اوفر صيفي نصف سيقانه ضاهرة منه برمودة لونه سمائي بيه ارنب اصفر على صدرة ،اخذته
ام ادم
-يا محلى الويلاد ،شنو اسمك يحلو
-اسمه علي
من جاوبتها باسته وكعدته بطريقه يرتاح بيها ، وهي وضع ايد خلف مقعده وايد جوة صدره
- ام علي ، اتكعدين وية ضرتج ترة ما مناسبة ، ماعندج حل ثاني ، تذكري احد من هليتج ؟
- لا خالة معندي
- زين اشلون دخلت هيج
- خفت اصير مشكله واطردوني مثل ما صار وية خالتي ، دخلت بمفاتيح ابو ابرار الله يرحمة
-اها مفاتيح ، بمناسبة ابو ابرار خزنته عندج ، أقصد ببيته الثاني جانت ؟
- ها لا ما اعرف ليش اشبيها
- بيها اوراقه الثبوتية اوراق تثبت ملكيته لأرضه و عقد البيت و اهواي اثباتات نتعب اذا ما لكيناها ،
-اها ، زين هسة وين اروح بحالي اني حتى اثاثي بعته ومعندي احد اروحلة
-وين جنتي عايشه قبل لا تزوجين
سكتت ودنكت شكول الها يعني ،
- اخابر عمتي ام جابر ، عمتي ام جابر هي عمتج ام زوجج فايز اشوفها شتكول و اجيج ،
كامت وضليت وحدي ، كاعده بالهول الكبير بين كل قنفة وقنفة طاولة زجاجية مسندها خشبي يتلون زجاجها ورد اسود لاحظت وجود طفاية مملية قطوف جكاير ، الطقم جان مغطى بشرشف مدري تلبيسه مدري شو مگبع بعباية مثلي لونه ابيض اصلا اول ما دخلت عبالي هو وجه القنفات لو ما اكو قنفه مرفوع عنها غطاها ومبينه من جوة لونها جوزي مدري تبني غامق ، شاشتهم كأنها سينما ، ويمها شي ما اعرف اسمه خل اكول عليه ميز شكله غريب ، مستطيل بس شو ما بيه خانات و بابه زجاجي وردها بلوري وبالداخل مزهرية من الخزف طويله ماخذته كله بطولها ما بيها حزمه ورد ! وفوك الميز حوض سمج لاحظت اختي اعيونها انبهرت ،اتحوس وماده عنقها لأن راسي ما يخليها اتشوف السمج الملون عدل ،
YOU ARE READING
أستعمار
General Fictionما بالك يا أبنت أدم عندما أنتهيت من تشيد ذاتي أستعمرتي الآتي والتالي ! (هل بعتقادك أمراة لها ماضي غير مرغوب به تحظى بقلب المدرس العصامي أدم !)
