أستعمار

6

دخلت اسبح ومن طلعت سمعت اصوات

مشطت شعراتي و نزلت اشوف شنو القضيه عدنا خطار ليش هالجدال العالي ،

__________________________
سارة

ابوية دخل علينا  وسلم على مرت  خالي و راح لغرفته واني اعيوني وراه تمشي ما سيطرت على رجلية ورحت وراه اتبعه
وكفت يم الباب المسدوده ، لزمت اليده تاليها رجعت لمكاني بالهول ،وخايفه لا تنفجر بأي لحظه غرفة ماما وبابا  ،
انفتح الباب و امي اجتنا هادة اتباوع لخالتي وجهت كلامها الها
- كلت الج طلع صدك ، كلام المرة صدك مزوج متعة الرجال ، طلع مزوج وحده علية
دكت على صدرها وكامت اصيح بعدم رشد و وعي فاقده أعصابها ، اعتقد الجيران راح يلتمون علينا ،
خالتي اتهدي بيها واتريدها بس تطلع من الهول اجرجر بيها بس هي متبسرمه بمكانها ما تتحرك واتصيح
مرت خالي ام علاء
-يا يا ابو ابرار الحاج بيت الله مزوج متعه عزة عزة عزة
اضرب على خدها
ما ادري امنين اجه باسم و ادم و واكفين وابرار تبجي يم امي اتريدها تهدأ ، تكدس الغمام بداخلي و اسودة الدنيا بروحي الخبر جان يموت والدي مزوج متعة !
سكن الكون  ، الصورة بدت تظلم  بعيوني بالتدريج   اذني كأن قطن سدها ما اسمع شي

___________________________
باسم
جنت بيت جيرانه يم صديقي حتى قررت اتعشة يمه من راسلتني سمر طالبة مني اجي للبيت لأن ابني خالي يمنا واني ما اطيقة ،  بس من سمعت اصياح   من بيتنا ركضت ، وشفتها صايره هوسة  وعمي ومتعه   ، اضاهر انكشف  عمي ، اعيوني دورت سارة الي متخذه ابوها درع و قدوة بهاي الدنيا  ادري الخبر عليها ما يقل أذى عن امها  شفتها واكفه يم زوية يم مزهرية كبيرة واتباوع لكدام بعيون ناعسة و صارت تغمض وتفتح وترنحت لورة
رحت الها ركض لزمتها من خصرها لكفتها قبل لا توكع بالارض هاي كانت اول مرة المسها بعد ما شبينا !، حسيتها شي عضو من اعضائي وهي بين ادية واعز
ادم انتبه الي هو و فاطمه
كلي طلعها منا اخذتها  واني شايل جسمها المعجون بترافة الورد ،  دخلت للأستقبال متوجه للطقم خفت حيل من نومتها حطيتها ابسرعه وكلت لفاطمة
- شوفيها عفية
ضربتها على خدها وهي اتكول الها
- اصحي سارة
ادم
- سارة ، سارة
كعدت بجفن ثكيل
رحت اركض للمطبخ طلعت دوركة عصير برتقال من الثلاجه وركضت الهم
كلت
-اطيها خل اتصحصح
اخذته مني فاطمه وكالت
-غير اجيب اكلاص
شربتها
-اريد ماي ريكي ناشف
ضلت اتحاول تفك بشالها كأنها مختنكه  ادم 
-باسم خل نطلع البنية مختنكه
اني مجفل واباوع الها لا يغمض جفنها مرة ثانية
جرني ادم وطلعني ،

________________________
أدم
عرفت عمي وراه شي او مسوي شي ما ادري عنه ، لكن متوقعت يكون نزوة ومزوج متعة هذا شي مكان يخطر الي
انفضحنا بيومها لو ناكر وما معترف لمرته احسن النا ، مرت خالي المصيبة جانت يمنا ،
خالتي اصرت تطلع من البيت واني وباسم تنوسل بيها  ، وعمي ما طلع من غرفته وما واجه احد
باسم
-خالة الله يخليج مو هيج تنحل الامور