Can't Get Enough Of You - PUBLISHED UNDER GRENIERIELLY √

Chapter 5

Bangkok Thailand ang second stopby namin.

Excited ako na magkasama kami ni Leandro sa pagmamasyal sa Thailand. Lalo ngayon at sigurado na kami sa mga nararamdaman namin. We just make love last night at hindi pa din nawawala sa pandama ko ang mga halik nya sa buo kong katawan.

"Ready?" yaya sa akin ni Leandro. Sabay na kaming bumaba ng barko. Hawak nya ang bag na dala namin habang nasa balikat ko ang bag ng DSLR. Nakalista na sa maliit kong journal ang mga tourist spots na pupuntahan namin, isa na dun ang Grand Palace, Wat Phra Kaew, Wat Pho, Burma Railway, at Siam Paragon then ilan temples na bibisitahin namin.
Kulang ang isang araw namin sa pamamasyal pero susubukan sulitin.

"Wow!" sigaw ko ng makarating kami ng Grand Palace. Sinasabing palasyo ng mga tumayong hari at reyna ng Thailand kaya ginawa itong museo.

"Reena!" rinig kong sigaw ni Lean at mabilis akong tumakbo sa harapan ng gate. Nag pose saka umilaw ang flash ng camera nya. Matapos pa ang ilan kuha, pumasok na kami sa loob para maglibot. Hindi ko namamalayan ang oras habang kasama si Lean, minsan para pang hihinto ang pintig ng orasan kapag masaya kami. Mga bagay na hindi ko noon nadanasan kay Joseph. Hindi ko alam na isa lang palang lalake mula sa cruise ship na ito ang tunay na magpapaligaya sa akin.

Tanghali kami ng marating namin ang templo ng Golden Buddha. Napakaraming turista ang nagdadasal at nag aalay sa tinuturing na santo ng mga tsino ganun din ang mga nakatira dito sa Thailand.

"Nasaan kaya yun?" Palingon lingon ako sa paligid. Nawala sa paningin ko si Lean at kanina lang panay sya kuha ng litrato sa paligid.

"Huh!" napansin ko sya sa harap ng isang malaking replika ni Buddha. Sa paligid nun may mga monghe at iilan nagdadasal. Nilapitan ko sya.

"Lean?" hindi sya sumagot at saka ko lang narealized na nakapikit sya at tahimik na nagdadasal. Tumahimik ako.. Pero nagulat ako ng hawakan nya ang kamay ko saka magkasamang pinagdikit ang mga palad nya at kanang kamay ko.

"Lean?" nakangiti syang humarap sa akin.

"What did you pray for?" tanong ko habang nakatingin sya sa akin.

"There's nothing I need to pray for. Nagdasal ako dahil nagpasalamat ako. Nagpasalamat ako dahil nakilala kita." halos mag init ang pakiramdam ko sa sinabi nya sabayan pa ng pagkislap animo ng mga mata nya. Dahil siguro sa kakaibang kulay nito o dahil muli nanaman itong tinatamaan ng liwanag.

"Ako din Lean.." pagkangiti ko niyakap ko sya. Saka humalik sa pisngi nya. Gusto kong magtatalon sa tuwa. Pero naalala kong nasa sagradong templo kami at baka maviral pa ako pag ginawa ko yun.

Matapos namin magdasal sa templo. Sunod namin pinuntahan ang Bulma Railway at Siam Paragon na isa sa pinakamalaking mall sa Thailand. Hindi ako nagsawa sa kakapose dahil alam kong maganda ako sa camera ni Lean pero syempre hindi ko pinalampas ang pagkakataon na mapuno ang phone ko ng bagong memories at isa na dun ang kasama si Lean. Kumain kami sa Siam, then namili ng mga nagustuhan souvenirs. Gabi na kami nakabalik ng barko. Nananakit na din ang mga binti ko kaya't pinilit ko nalang maglakad. Ayoko din magpahalata kay Lean na sumasakit ang binti ko.

"Get rest.." utos nya pagkabukas ng pintuan ng kwarto ko. Binaba ko ang paperbags na dala ko sa couch. Sandali muna syang pumasok sa loob bago umalis.

"Coffee?" alok ko habang nasa kusina ako. Bigla nalang may kumapit sa katawan ko. Then I felt Lean's breath into my neck. Nakakakiliti.

"I want to sleep here." bulong nya at lumingon ako sa kanya, halos magbanggaan ang mga ilong namin then panakaw nya akong hinalikan sa labi ko.

"What is that!" gulat ko saka sya tumawa.

"You're so cute." namula ang mga pisngi ko. Hindi sya bumitaw sa yakap nya sa akin at lalo pa nyang dinuldol ang mukha nya sa balikat ko. Hindi tuloy ako makakilos ng maayos. Patapon tapon ang mainit na tubig na sinasalin ko sa tasa.