O Birheng Mariang tigib-kagandahan,
Isa bang paalam ang huli kong tula?
Dito'y natatapos ang pananambitan
At ang panalangin ng abang makata.
Sa iyo'y inalay ang akda kong ito
Upang mabantayan ako sa pagsulat.
Ang tulad ko'y musmos na palaging lito
Kung di iiwiin ng inang malingap.
Sa aking buhay na may saya at lungkot,
Tanging gunita ko'y ang yakap mo't piling.
Laging isusulat sa puso ni Hesus
Mga alaala ng ating paggiliw.
Dito ma'y magwakas ang tula ko't awit,
Aking itutuloy doon nga sa langit.
YOU ARE READING
Mga Tula sa Ilalim ng Langit
PoetryAng aklat na ito ay koleksyon ng apatnapung tulang relihiyoso at naglalarawan ng espiritwal na karanasan ng makata at ng kaniyang ugnayan, pagmamahal at debosyon sa Diyos at sa Mahal na Birheng Maria. Ito ay binubuo ng 2 dalit, 10 awit, 10 tanaga at...
