Anong uring lakas ang makahihigit
Sa kasalanan kong pawang kaimbihan?
Sino pa kaya ang sa aki’y iibig
Kahit sa loob ko’y pawang kapangitan?
Sa pagkawala ko sa landas na tama,
Di ko alintanang ako’y hahanapin,
Yayakaping muli't ipag-aandukha
Ng Poong Diyos na lubhang mahabagin.
Ang dakilang awa nitong Panginoon
Ay higit sa sala ko't pagkalugami.
Una Niya akong inibig pa noon;
Hanggang ngayo’t bukas, Siya’y kakandili.
Mahabaging tunay itong aking Diyos,
Awa Niya ay ang kakalag sa gapos.
YOU ARE READING
Mga Tula sa Ilalim ng Langit
PoetryAng aklat na ito ay koleksyon ng apatnapung tulang relihiyoso at naglalarawan ng espiritwal na karanasan ng makata at ng kaniyang ugnayan, pagmamahal at debosyon sa Diyos at sa Mahal na Birheng Maria. Ito ay binubuo ng 2 dalit, 10 awit, 10 tanaga at...