Aling pagmamahal ang dakilang tunay
Kung di sa pag-ibig nitong Kristong banal?
Siya ay may pusong nabalong ang buhay
Kahit pa sa tinik, ito'y koronahan.
Ang puso ni Kristo'y may dalang liwanag
At may taglay itong apoy na maalab;
Ito ay larawan ng pagsintang tapat
Na di nagmamaliw araw ma'y lumipas.
Sa sugat ng puso Niyang maibigin,
Bumukal ang awang lubhang nagniningning.
Sa tana'y ito ang Kaniyang naisin -
Lumapit sa habag Niya at paggiliw.
O Mahal na Pusong may banal na awa,
Lagi Mong ampunin kaming mga aba
Nang hindi malayo sa Iyong adhika
At sa pag-ibig mong aming ninanasa.
YOU ARE READING
Mga Tula sa Ilalim ng Langit
PoetryAng aklat na ito ay koleksyon ng apatnapung tulang relihiyoso at naglalarawan ng espiritwal na karanasan ng makata at ng kaniyang ugnayan, pagmamahal at debosyon sa Diyos at sa Mahal na Birheng Maria. Ito ay binubuo ng 2 dalit, 10 awit, 10 tanaga at...
