Sa paghahangad ng tao ng liyaga,
Ano ba ang tunay na makapupuno?
Gandang di kukupas, saan makikita
Dito sa daigdig na mapanibugho?
Ang totoong saya’y pilit hinahanap
Sa panandalia’t makitid na aliw.
Nais kong makamtan ang rikit na ganap
Nguni’t natagpua’y malungkuting dilim.
Ang Diyos ang siyang unang nagmamahal;
Sa kaniya’y ganap ang tanang pag-ibig.
Namalas ko yaong tunay na kariktan,
Ang lubos na aliw sa piling ng Langit.
Sa wakas, ang galak at gandang hinangad
Sa pagmamahal ng Poon nabanaag.
BINABASA MO ANG
Mga Tula sa Ilalim ng Langit
PoetryAng aklat na ito ay koleksyon ng apatnapung tulang relihiyoso at naglalarawan ng espiritwal na karanasan ng makata at ng kaniyang ugnayan, pagmamahal at debosyon sa Diyos at sa Mahal na Birheng Maria. Ito ay binubuo ng 2 dalit, 10 awit, 10 tanaga at...