Aking minumuni yaong katangian
Ng habag ng Poong banal at butihin.
Ang Kaniyang awa ba’y may kahulugan
Sa tulad kong taong hinango sa dilim?
Ang habag ni Kristo ay mapagpalaya
At ang dulot nito’y malalim na galak,
Ako’y inaalis sa maling adhika,
Sa makasariling pita’y kinakalag.
Nang maranasan ko ang Kaniyang awa,
Unti-unti akong napapaging-ganap;
Pagmalasakitan yaring aking kapwa
Ang siyang layon kong dagliang tinanggap.
Paglaya ay handog ng habag ng Diyos,
Sa pawang mabuti’y magbubukas-loob.
YOU ARE READING
Mga Tula sa Ilalim ng Langit
PoetryAng aklat na ito ay koleksyon ng apatnapung tulang relihiyoso at naglalarawan ng espiritwal na karanasan ng makata at ng kaniyang ugnayan, pagmamahal at debosyon sa Diyos at sa Mahal na Birheng Maria. Ito ay binubuo ng 2 dalit, 10 awit, 10 tanaga at...