Saan nga ba Kita makikitang tunay,
Espiritung Banal, O Diwang dakila?
Ikaw’y nasa rikit ng tanang kinapal,
Gandang walang kupas sa langit at lupa.
Masisilayan Ka sa Bayan ng Diyos
Na taos sa loob ang pananalangin.
Ikaw ay naroon sa Hapag ni Hesus,
Nasa Tinapay na aking kinakain.
Matatagpuan Ka sa dukha at api,
Sa abang ang tanging pag-asa’y ang Poon.
Sa pamilyang tapat at mapagkandili,
Sa Salitang Banal, Ikaw ay naroon.
Espiritung mahal, aking napagtanto:
Ikaw’y nananahan sa akin ngang puso.
YOU ARE READING
Mga Tula sa Ilalim ng Langit
PoetryAng aklat na ito ay koleksyon ng apatnapung tulang relihiyoso at naglalarawan ng espiritwal na karanasan ng makata at ng kaniyang ugnayan, pagmamahal at debosyon sa Diyos at sa Mahal na Birheng Maria. Ito ay binubuo ng 2 dalit, 10 awit, 10 tanaga at...
