Ano ba ang asam nitong abang puso?
Hesus, hayaan Mong masambit ang pintig.
Di ko ninanais ang maluhong anyo,
Di ko rin gusto ang yaman ng daigdig.
Mapasaakin man ang tanang kariktan,
Ang kadakilaang nakapaghahari,
Maging ang ligayang panandalian lang,
Ang lahat ng ito'y di ko pinipili.
Wala akong gusto kundi Ikaw, Poon;
Loob ko ang laging Ikaw'y makapiling.
Ang Iyong kandili, sa aki'y ituon,
Dito ay wala na akong hihilingin.
Ito lamang, Hesus, ang tangi kong hangad -
Ako'y ibigin mo magpahanggang wakas.
YOU ARE READING
Mga Tula sa Ilalim ng Langit
PoetryAng aklat na ito ay koleksyon ng apatnapung tulang relihiyoso at naglalarawan ng espiritwal na karanasan ng makata at ng kaniyang ugnayan, pagmamahal at debosyon sa Diyos at sa Mahal na Birheng Maria. Ito ay binubuo ng 2 dalit, 10 awit, 10 tanaga at...
