Nanaisin ko bang ako ay magbalik
Sa aking kahapong niluma sa diwa
Nang muli’t muli pa ay aking iguhit
Ang buhay kong nahan sa aking gunita?
Natatandaan ko pa ang unang araw
Nang mukha ni Hesus ay aking namalas;
Musmos pa nga ako nguni’t isang ligaw,
Siya ang nagtuwid ng liko kong landas.
Ngayo’y natanto ko ang pawang dahilan –
Nakaraan pala’y isang pagliligtas
Na mula’t mula pa’y batid ng Maykapal,
Makatagpo ako’y ang Kaniyang hangad.
Tumanaw man ako sa lumisang noon,
Kung wala si Kristo’y wala ring kahapon.
YOU ARE READING
Mga Tula sa Ilalim ng Langit
PoetryAng aklat na ito ay koleksyon ng apatnapung tulang relihiyoso at naglalarawan ng espiritwal na karanasan ng makata at ng kaniyang ugnayan, pagmamahal at debosyon sa Diyos at sa Mahal na Birheng Maria. Ito ay binubuo ng 2 dalit, 10 awit, 10 tanaga at...