By: MybyIthistime Montefalco
INGREDIENTS:
2 cups all purpose flour
2 cups bread flour
½ cup white sugar
5 tbsp butter, melted
1 tsp baking powder
1¼ cup fresh milk, warm
1 pouch rapid rise yeast
1 tsp salt
1 cup bread crumbs
1 piece raw egg
1 tbsp cooking oil
PARAAN NG PAGLULUTO:
Mga hakbang na dapat isa-isahin. Wag mamadaliin dahil baka pumalpak ka.
1. Paghaluin ang yeast, asukal, at gatas. Ihalo mo hanggang sa maging iisa na. Hanggang sa hindi na mahalata na marami. Kagaya ng ginawa mo sa aming mga babae mo. Sa sobrang galing mo, pare-pareho lang ang mga sinasabi mo sa amin kaya hindi halatang marami kami. Hayop ka.
2. Sa mixing bowl, ihalo mo na rin ang mga hindi basang ingredients. Paghaluin mong mabuti, ha? Dapat maging maayos. Tutal magaling ka sa pagsasabay-sabay sa amin kaya hindi ka na mahihirapang king ina ka.
3. Isali ang itlog, mantikilya, mantika, at yeast-asukal-gatas mixture sa iisang bowl. Ayusin mo ang pagkakahalo. Bilugin mo. Paikutin mo sa mga kamay mo kagaya ng mga ginawa mo sa akin. Binola bola mo tapos pinaikot mo ng husto. Bakit kaya hindi ako nahilo?
4. Ayusin mo ang pagkakabilog. Yung tipong hindi halata na pinaglaruan mo lang. Tutal ay magaling kang magtago ng mga kalokohan, hindi ba? Sige! Master mo na kaya easy lang yan! King ina ka!
5. Pagkatapos mong mahulma ay ilagay mo sa tray. Ipatong mo. Ayusin mo para hindi masira. Para hindi matulad sa akin na wasak na wasak na nang dahil sayo.
6. Ilagay mo sa oven. Iwanan mo. Sabagay, magaling ka diyan di ba? Magaling kang mang-iwan. Pagkatapos mong bilugin ay iiwan mo nang para bang wala lang. Mamatay ka na sana.
7. Balikan mo at kunin. Ito namang tangang pandesal, sasama. Magpapakuha. Kahit na binola bola at iniwan, sasama pa rin. Magkano sweldo ng tanga?
8. Siguraduhin mong maayos. Yung tipong maayos na hindi halatang pinaglaruan mo.
9. Serve and enjoy. SIGE. IPAMIGAY MO NA SA IBA. I-SHARE MO! HAYOP KA! SHARE AND ENJOY HABANG NASASAKTAN ANG PANDESAL NA HINAHAYAAN MONG KAGATIN NG IBA. BINALIKAN MO NGA, PINAMIGAY NAMAN. ABA GAGUHAN? MAMATAY KA NA! PAKYU SAGAD!
--WWG APPROVED--
VOUS LISEZ
The Hugot Recipes | #Wattys2016
AléatoireHalinang maki-hugot habang nagluluto! Busugin ng magkahalong simangot at halakhak, hikbi at tuwa ang iyong puso, kasabay ang pagkabusog ng tiyan pagkatapos lutuin ng mga recipes sa kakaibang librong ito...
