لو تعرفين وش يعني قهر الرجال ما أبتسم ثغرك لـغيري رجل /بقلمي؛كاملة - صفحة 45
ومسك وليد سالم مع يدينه وهم يتوجهون لوسط المجلس
ملاك بقهر : امانه شوفي يعني العائلة الحنونه
البنت اخذت نفسها بضجر من كلام ملاك
جلست وليد و جلست جنبه سما
ام احمد : وين رحت يا وليد ندورك نبي سوالفك
وليد يبتسم لها ويأشر لـ سما : هذاني جيت .. كنت معاها
ام احمد : ماشاءلله تبارك الله لايقين على بعض ..
ملاك بهدوء وبقهر : مره
رفع راسه لـ صوت البنت اللي سمعه .. ملاك .. غير اتجاه نظره عنها بهدوء
ام ماجد وهي تناظر وليد بتشرهه : شلونك يا وليد
وليد وهو يناظرها : بخير يا خاله .. عساك بخير انت
ام ماجد بصوت عالي : عساك دوم بخير..وكانك تسأل عني تراني مانيب بخير من يوم ما سمعت خبر تأخر واجد علشان يجيني
وليد يناظرها وهو فاهم قصدها : معك حق تزعلين
ام ماجد وهي تناظر سما : تعرس يا وليد ولا تعلم احد ولا تقول عندي خالات تعلمهم
وليد : ما امداني يا خاله العذر منك والسموحه
ام ماجد : مسموح .. بس كان قلت لنا ننقي لك وحده حنا مثلك
حس بتغير وجهه سما قال بهدوء : اللي انا مختارها جايزة لي وعاجبتني .. ومرتاح معاها والحمدلله على العافيه
ام ماجد وهي تناظرها : هي كم عمرها
وليد وهو يناظرها : عمرها 22 سنة
ام ماجد وهي تناظرها وبعقل صغير متخلف : كبيرة عليك ..كان خليتنا نزوجك ام 18 ..
سما تناظرها بقهر الدنيا ودها لـ تقدر تضربها بقوة تبرد عن حرة كبيرة في داخلها
وليد ينهي الموضوع : ما تزوجها الا وانا باغيها لا يكثر الكلام يا خالتي ..موضوع الزواج انا اللي اقرر من اتزوج ومن اتزوج .. سما مافيه مثلها في كل شي اخلاقها و سمعتها و طيبتها و اصلها وعفتها و جمالها .. ابتسم وهو يناظر سما وكمل .: ما ظني يا خاله تتكرر مرتين البنت هذي
ناظرت وليد بـ دهشه من كلامه .. كلامه هذا صدق ولا يكذب فيه .. مستحيل يكون صادق .. هذا نذل بلسان معسول ياخذ فيه اللي يبي
سما ابتسمت له مجامله وهو بادلها الابتسامه وهو مركز في نظراتها اللي تغيرت من بعد كلامه
ملاك بصوت عالي : شلون عرفتها يا ..ولـــيد ؟
وليد وهو يناظر مصدر الصوت بصوت هادي : عرفتها وبس ..
ملاك وهي تناظر سما : يعني هي ام 22 سنة و انت تتعداها بواجد .. شلون تزوجتها
وليد سكت ما يبغى يتكلم
الا ان صوتها اخيرا بـان
سما بصوت مسموع تناظر ملاك و بأبتسامه : بخصك في شي يا ملاك .. يحل لك مشكله لو عرفتي ليش تزوجني ..ولا بيحطل حل لـ مصيبة نزلت علينا فجأة ..
تغير وجهه ملاك ميه وثمانين درجة من تفشيلة سما لها
وليد ناظر سما .. شلون جتها الجراءة الكافية عشان ترد على ملاك ..
رجع نظره لملاك اللي واضح انها سكتت غصب عنها ..مالقت رد
وليد بضجر لـ سما بصوت منخفض : سـما .. اسكتي
لفت سما على وليد .. أسكت يسكتني ليه ... طيب يا حبيبي عايلته طيب
ام ماجد بصوت عالي : شكل مرتك يا وليد ما ربوها اهلها
سما بقهر : اهـ...
وليد وهو يناظر سما : سما .. وجه نظره لـ ام ماجد : مرتي متربية يا خالتي ومتربية زين يوم انها سكتت على كلام واجد ..الكلام اللي ماله لازمه ما ينقال وعلوم الحريم مالنا فيها .. مرتي ما احد له خص فيها ..ولا احد يتكلم ا في موضوع هي ما تبي تتكلم فيه .. مرتي متربية تربية مافيه مثلها والدليل سكتوها على هروج واجد .. اللي بيتكلم يعرف وش يتكلم فيه ... وفي الاخر سما مرتي .. رضوا الناس ولا ما رضوا ما يهمون والله .. لا احد يطول صوته عليها ..ولا احد يتكلم فيها .. وان جت الكل يحترمها و يوقف لها .. ولا يعلى صوت عليها لانه موب صاير شي زين
عم السكوت على المجلس من بعد كلمة وليد و فرحة حنان بـ كلام وليد
وقف وليد وهو يناظر سما : انا طالع تطلعين معاي ولا تجلسين ؟
سما مفجوعه من الحوار اللي دار وقفت وهي تناظره وبصوت شبه مسموع : بروح
وليد يبتسم لها : يالله
اخذت عبايتها وهي تناظر حنان : حنان بتطلعين معانا
حنان ما تبي تضايقهم : لا حبيبتي روحي انتي وانا وسالم بنجي مع السايق حرام جالس من اليوم ..
هزت سما راسها : ان شاءلله
اخذت عباتها .. وهي تلتفت لـ وليد
وليد واقف قدامها وهو مـاد يده ..
تناظر بـ يده مصدومة من حركته ..
وليد بصوت منخفض : حطي يدينك خليني اضبط دور الحبيب قدامهم
كشرت بوجهها بحيث لا يراها احد
حطت يدها في يده وعيون العائلة مسلطه على أيديهم وم يتساسرون بـ احداث جانبية
ــــــــــــــــــــــــــــــــــــــــــــــــــ ـــــــــــــــــــــــــــ
نزل راسة بتفكير .. يضرب ب اصابعه اطراف الطاولة .. عقلك شارد في تفكير عميق .. اتصل على ابو فارس وطلب منه يجيه البيت ل ضرورة
رفع راسه على صوت الباب يعلن عن وصول ابو فارس
طلع من مكتبه وهو يفتح الباب و يسلم على ابو فارس
دخلوا المكتب وابو فارس قلقان من نداء ابو صالح له في وقت متأخر من الليل
فتحت عيونها من عز نومها في اوقات تفتحين عيونك من نومه عميقه ويكون طاير النوم منك بشكل كبير
مسحت على وجها وهي تتعوذ من الشيطان
عقدت حواجبها الباب يطق ! من يجي الساعه ثلاث الفجر
وقفت واخذت روبها القطن وقفت على الدرج وهي تشوف مكتب ابوها لمباته مشغله ابتسمت ابوها من يومه صديق ل الليل يحب الليل بشكل كبير
وقفت عند باب مكتبه وقبل لا تدخل صعقها كلام ماكانت تتوقع انها تسمعه
ابو فارس بقلق : وش فيك يا فهد
ابو صالح وهو يناظر ابو فارس : ابو عصام وصلتني علوم انه موب راسي له على بر يا ابو فارس
ناظر صديق عمرة بقلق : لا تقول انه يفتح المواضيع القديمة .. انتبه يا صالح سو اي شي بس لا يفتح شي من الماضي
ابو صالح بقلق : ابو عصام مطلبه فارس يبغى فارس
ابو فارس ب انفعال : فارس ولدي يا ابو صالح لو يموت ما طاله
ابو صالح بالهدوء : اهدا يا ابو فارس اهدا المواضيع ماتنحل كذا لا تنسى يا ابو فارس فارس ماهوب ولدك من صلبك
او فارس بانفعال كبير : فـارس ولـد ا......
ابو صالح يقاطعة : عارف عارف يا ابو فارس بس في الاخير هو موب من صلبك
ابو فارس بقهر : الابو اللي يربي يا فهد موب اللي يجيب
ابو صالح : صح بس اهدا لو انفتحت المواضيع القديمة بتروح فيها يا ابو فارس .. اهدا خلنا نحل الموضوع بهدوء
ابو فارس بتفكير : عجل بزواج فارس يا ابو صالح .. فارس بيروح من يديني عجل تكفى
ابو صالح ويدينه على لحيته : خايف على الريم يا ابو فارس
ابو فارس بسرعه : لا تخاف ريم ف امانتي انا وانت ما عطيتها فارس الا وانت متأكد من فارس ومن ولده
ابو صالح بتفكير : ما اقدر اعجل بالعرس يا ابو فارس الريم زعلانه علي تحس اني ما ابيها عندي
ابو فارس بتوتر : طلبتك طلبتك يا فهد طلبتك يا اخوي رقبة ولذي في يدينك تكفى
ابو صالخ بسرعه وقف وهو يتجه ل ابو فارس : وش هالكلام يا اخوي تعوذ من بليس ان شاءلله موب صاير الا اللي يرضيك بس عطني وقت خلني اعرف اتصرف من ايو عصام
ابو فارس : نسيت نسيت ولا اذكرك منهو ابو عسام
ابو صالح بقهر : لو انسى الدنيا هذي ما نسيته .. ما نسيته وانا اخوك كل يوم يطلع لي في حلم يذكرني وش سوا من سنين
ابو فارس وقف وهو يقول : انتبه يا فهد فارس لا يدري بشي انتبه يا اخوي انتبه
هز راسه بتعب ابو صالح
شهقت بقوة من الكلام اللي سمعته من ابو عصام اللي مروعهم كذا و فارس من يطلع و لده
تركت المكان بسرعه عجيبه حست بخروج ابو فارس
ناظرت شكل ابو فارس من الدور الفوقي كان حاي بثوبك فقط بدون غترته بدون عصاته بدون اي شي من مكملات هيبته !
جلست على الكرسي وهي تفكر وش العلاقة بين ابو فارس و ابو عصام وابوها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
قبل ساعات في سيارة وليد
وليد وهو يناظر سما : شلون لقيتيهم ؟
سما بهدوء : يعني فيهم ناس طيبة فيهم ناس ...
وليد يناظرها : كملي
سما بتختصر الموضوع ماتبي تتكلم : كويسين
وليد بعد مده : خالتي ام ماجد ..هذي اخت امي الله يرحمها الكبيرة .. ما تخلي احد في حاله .. موب بس انتي يعني اللي تكلمت عليك .. كل اللي قبلك تتكلم عليهم بالشين ولا احد عاجبها
سما بقهر : من زينها عاد
وليد يرفع حاجبه : لا تنسين تراها اخت امي ..
سما تاخذ نفس بقهوة كل ما تتذكر كيف تتكلم عن تربيتها وعن اصلها وفصلها
وليد بصوت غريب : شفطتي الهوا كله . .. شكلك متضايقه صدق
سما تناظر وليد بقهر : وش رايك انت يعني .. يعني وحدة ما صار لك ساعه مكلمها ..تتكلم عن عرضك عن شرفك عن تربيتك لـ سبب مجهول ا وان مافيه سبب بس تبي تتسلى ..تدري وليد ..والله العظيم لو اني ما اخاف اني اسبب مشاكل بينك وبينها كنت رديت عليها رد ثاني لان اللي زيها ما يغفر لها اني ما ارد عليها الا سنها ..
وليد حس بصدقها وبقهر : امسحيها في وجهي هذي المره
لفت عليه بغرابه وش سالفته هذا اليوم : انت وش فيك اليوم ؟ تكفى ارجع وليد الاول ولا تشتت مخي كذا
وليد ب استغراب : وش فيني
سما تناظره : يعني مدري .. سويت اشياء كذا غريبة
وليد يناظرها برفعة حاجب : عادي .. متطلبات المجتمع
سما ب استنكار : متطلبات المجتمع
وليد يهز راسه : ايه .. لازم اسوي كذا .. ولا بيطلعون كلام من راسهم
سما ما فهمت : كيف يعني
وليد وهو أكثر واحد عارف عائلته : ولا شي
وليد وكأنه تذكر : ليش ما غيرتي لبسك
سما ناظرت فيه هو وش دخله : وش دخلك ابي افهم
وليد يناظرها : كل شي يدخلني .. اذا قلت لك شي نفذيه بدون كلام
سما وهي تناظر الدريشة : لاتمثل علي حركات الزوج اللي يغار
وليد يناظرها بسخرية : اغار ! .. الموضوع كله اني ما كنت ابي ام ماجد تعلق عليك وعلى اخلاقك هي عندها اللي يلبس قصير فااسق فهمتي يا ذكيه .. اغار اجل
عضت شفايفها بقهر فهمت قصدة غلط .. الحين وش بيقول .. يالله ..
وليد يناظرها: لسانك انبلع
سما تحاول ترقع : بس يعني عشان استفزك .. يعني كذا
وليد يناظرها وهو رافع حاجبه
سما بقهر واضح من الفشيلة : وانت حاجبك ابد ما ينزل .. نزله
وليد يناظر الطريق بدون ما يتكلم
ــــــــــــــــــــــــــــــــــــــــــــــــــ ــــــــــــــــــــــــــــــــــــ
جالسه في الصاله تمسح الانتيك بهدوء وتفكيرها شارد .. في سيف كالعادة
سمعت صوت بوته المعروف .. كملت شغلها وهي منزله راسها ماتبي تشوفه ابد
قال بصوت هادي : شلون يدك
رفعت راسها بروعه وهي تشوفه قدامها
هزت راسها وهي تكمل مسح الانتيك
حست فيه يجلس على الكنبه المجاورة ويفتح لابتوبه ويشتغل ..
في لحظتها غريب احساسها .. ما ينوصف لو نقول حقد قلنا حقد لو نقول شوق .. لو نقول ..حب ..لو نقول شعور صافي نقول
طيحت الانتيك وهي شاردة الذهن
رفع راسه من الصوت .. كان الانتيك طايح على الارض وهي ماسكة المنشفه وتحركها بدون ما يكون معاها شي .. طال النظر فيها .. شارد عقلها لدرجة انها ماحست بالصوت و مكمله تمسح وهي في يدنها مافي شي .. وش تفكير فيه يا نور .. وش اللي شارد فيه ذهنك ..شد يدينه بقهر للحظه عليها .. كيف صاير فيها كذا ..شلون يسوي فيها كذا
وقف وهو يتوجه لها ..حط يدينه على يدينها
رفعت راسها بسرعه ورجعت على ورا وهي تناظر الانتيك طايح قالت بسرعه : اسفه .. اسفه ما كان قصدي
سيف بهدوء : حصل خير ..حصل خير ..اهدي
نزلت على الارض وهي تلم اجزاء الانتيك ..
سيف يناظرها : شاردة في وش
نور وهي تشيل الانتيك : من العالم كله ..
سيف وقد تحولت نظراته الى هيام الحب : مع من
نور وهي توقف وبصوت جارح : معك .. انت
سيف اخذ نفس ملي بالتعب : ايام ..حلوة وراحت
نور هزت راسها بـ استسلام : ادري
سيف يحاول يرجع لـ طبيعته : انتبهي للانتيك مره ثانية ..
نور هزت راسها : طيب
سيف ما حب الضعف اللي هي عايشه فيه ..شعوره متناقض بشكل كبير ..يبغاها تصير قوية .. ما يبيها تضعف يبيها تصارخ تاخذ حقها ترجع ..بس الضعف اللي هي فيه الآن مؤلم قال في محاوله ل استفزازها وتقويتها شوي : مدام هدى قامت
ناظرت فيه وبنفس الهدوء : لا .. تبي اصحيها ؟
سيف بقهر : لا
نور لفت بظهرها بتطلع
سيف من وراها : سمحت لك تروحين ؟
رجعت لمكانها وبصوت مؤلم : معليش .. اعتذر
سيف ما يقدر يتحمل الضعف اللي هي عايشه فيه تقدم لها بسرعه وهو يمسكها : ليش .. ليش تعتذرين وش سويتي عشان تعتذرين .. وش فيك صاير ضعيفة .. كل ضعف الدنيا فيك ... ارجعي قوية .. ارجعي عشان تقدرين تواجهين الحياة و تواجهينني ارجعي تكفين
صدمها كلامه ماتوقعت انه بيقول لها هذا الكلام .. سكت لثواني قالت بتعب : معليش .. تأخرت على الشغل عندي شغل كثير ممكن اروح
غمض عيونه بقهر : روحي ..
جلس على الكنبه بتعب .. كل تعب الدنيا فيه .. كل ألم الدنيا فيه .. كل حزن الدنيا فيه .. الحياة صعبه .. والألم كبير .. واحبها ..احبها لدرجة الجنون ..وش سويت فيك .. شلون غيرتك .. وش سويت في يا نور .. شلون غيرت نظرتك ..شلون غيرت حياتك .. لا تذكرين الماضي يا نور .. لا تناظريني نفس ايام قبل يا نور .. لا تخلينني اضعف تكفين .. لا تخلينني اموت مرتين
صحى من سرحانه على يدين محطوطة على جبينه
انصدم بقوة وهو يناظرها
كانت حاطه يدينها على جبينه
رجعت بسرعه على ورا : عليك حرارة .. وجهك تعبان .. رح لـ الدكتور ..
ناظرها بتشتت : شلون عرفتي
نور بابستامة ألم : نفس قبل .. شلون كنت اعرف اذا كنت تعبان ولا لا .. بسوي لك الحين شي دافي تشربه .. بعدها رح الدكتور
هز راسه بـ طاعه لها : ان شاءلله
نزلت راسها والدمعه الحائرة في عينها اخيراً نزلت : شوي و اجيبه
طلعت من الصاله وعيون العاشق تلحقها
رجع ظهره على ورا وقلبه يعصره من الألم .. بينه وبينها حواجز كثيييرة ليت الزمن يرجع ل، خمس سنين ورا .. أقسـم بالله لـ اغير كل شي .. لـ اغير حياتي .. لـ اغير مصيري .. فيني ألم لو اشكيه على جبل من حديد ذاب .. فيني وجع لـ اصرخ فيه كل شي بينهدم ..
دخلت عليه وهي تمد له الكاس : ان شاءلله يخفف عنك ..
مسك الكوب وعينه في عينها .. ارتشف منه وهو يعبس في وجهه
بعد مده ابتسم وقال بألم : قبل كان طعمه ما ينزل لي .. بس الحين لو اشربه كله عادي عندي .. طعمه يذكرني بـ اشياء حلوة تبعد بشاعة طعمه
