لو تعرفين وش يعني قهر الرجال ما أبتسم ثغرك لـغيري رجل /بقلمي؛كاملة - صفحة 7
ماهي على الكيف ..اعذريني تكفين ....اليوم اول مره ..احس ان لي احساس عقبك ..اول مره احس اني انسان يحزن ..ويفرح ..من يوم مارحتي ما ضحكت ما حزنت ما ابتسمت ..بس اشتقت لك ..اخذ نفس وهو يقول : الله يرحمك ..ويغفر لك ..ويجمعني فيك
لفيت عن الصورة واول مره احس اني كارهه الحياة ..كاره كل شي ..
طلعت من الغرفه واتجهت للدرج بس سمعت ركضة سالم بتجاهي وهو يقول : بااااباااا
لفيت وانا ايتسم : هلا يا حبيب بابا
سالم بفرح : باقي هذا اصبع بس وتجي ماما
ابتسمت : صح بكره ماما بتجي
سالم يضم ابوه بقوة : حبيبي بابا ..
وقف وهو يعطي سالم للمربيه اتجهه للصاله وهو يشوف ابوه لابس وكاشخ
ابتسم ابو وليد وهو يقول : والله يا وليد ان اليوم فرحتي مدري وش تساوي كني انا اللي بعرس
ابتسمت : جعلها دايمه يا ابوي
دخلت حنان ومعاها البخور : تبخر يا عريس يالله ...
اخذت البخور وانا اشكر حنان
تبخرت اانا و ابوي واتجهنا لبيت ابو في
وقفت عن باب بيتهم وانا ودي انحاش ..اترك كل شي واهج نزلت من السيارة ونزلت ابوي على كرسية المتحرك واتجهنا للبيت
ــــــــــــــــــــــــــــــــــــــــــــــــــ ـــــــــــــــ
يمكن مرت ساع هالا ربع وانا ماحسيت بالوقت جالسه على السجاده
انفتح الباب بققوة كانت في : انتي هيييه ..شايبك قصدي معرسك تحت هو واهله قومي انزلي ابوي يقول
خفت وانقبض قلبي من جديد بس طردت احساسي هذا وحولت اكون طبيعيه
نزلت الدرج ووقفت عن باب الفله ..كانوا جالسين بمجلس الرجال الخارجي ...شفت الشيخ دخل ..و عمي يستقبله بعدها بربع ساعه ..كان عمي طالع والشيخ معه رجعت على ورا سرعه ..خفت انه يشوفني ويعرف اني كنت برا
جلست على الكنبه و انا اسمع صوت عمي يناديني وقفتواتجهت له : سم
العم سعد : الشيخ برا بيسألك عن موافقتك يا بنتي تعالي معي
رحت ورا عمي وانا خايفه او متوتره بشكل اوضح وقت عن الباب وانا اسمع الشيخ يقول
: يا بنتي ..انتي سماء بنت عناد بن سيف ال...
قلت بهمس : ايه
كمل : هل تقبلين ب وليد بنن سالم بن ناصر ال.... زوج لك على سنة الله ونبيه محمد صلى الله عليه وسلم
ارتبكت كأن لساني انربط وقتها
حسيت بعمي يهزني جاوبت بسرعه : اقبل يا شيخ
اخذت الكتاب و وقت واتجهت للكنب جلست وانا افكر ... باللي سويته ..ب الملغامره الجديده في حياتي ...كيف غامرت وتزوجته وانا ما اعرف ولا شي عنه ارتجفت كلي ..مدري وش فيني ...كأن صابتني نفاضه
شديت على يديني ..احاول اخفف التوتر ..بس مافي فايدة
استرخيت وانا اهدي نفسي لحد ماهديت لفيت راسي للدريشة ..شفتهم يطلعون كأني لممحته على الطاير
وقفت بروح لغرفتي بس صراخ فايزة روعني وهي تقول : وشش تقوووووووووول انت عمرررره 34 تسسستهبل علي يا سعد شللللون تزوجها ...بدون ماتسألني
سعد : فايزة هذا نصيب البنت
فايزة بحسد : والله ما تاخذه والله ليطلقها الحين
سعد بصوت عالي : لا بالله انجنيتي كل هذا حسد فيها ...خليها ضعييفة ماشافت منك الا كل ظلم وقهر
فايزة وبصوتها يعلى : يطلقها يعني يطلقها
مدري كيف انكمشت على نفسي ...خفت ...اول مره يجيني هالاحساس حسيت انها زواجه بتجيب لي الهم رقيت بسرعه لغرفتي وصوت فايزة وراي : يا خبيييييثه يا راعية الرجال ....كنت دارية انك خامره على شي ...تعااالي
رقيت بسرعه خوفا منها على نفسي سكرت باب غرفتي وانا مرعوبه ..وكأن داخلني شي ..دورت جوالي بسرعه ...ابغى اكلم رنا ...
صوت الطق اللي على الباب موترني فايزة ناوية علي بشكل يخوف
فايزة بنفاذ صبر : افتحي الباب ...افتحيه لا اكسره عليك
سما بخوف : فايزة ..أهدي ...تكفين
فايزة : افتحي الباب بسسسسسرعه لا اذبحك
وقفت متجهه للباب ويديني ترجف فتحت الباب وقبل لا ابعد انهالت علي فايزة وبناتها بالضرب
كنت اصرخ من شدة الالم ..ألا ان فايزة ماكانت تسمع وش اقول
فايزة بقهر : تتغافلينني يا كلببببة ...تتغافلين يا عـ...... يا وا......يا راعية الرجال ....مثل امك ...وسخه وبنت ستين وسخ
ماكنت اتالم من الضرب كثر ما كنت اتالم من كلامها وشتيمتها لي ..
بعد ما ارتاحت من ضربي فايزة هي وبناتها رفعت نفسي بقوه وانا اقول : فايزة ...آآ..
فايزة : وين جوالك ...وين جوالك خلصي
سما بخوف : ليه ..وش بتسوين
ضي وهي تضربها برجلها : بعد ترااد ويينه
في اخذت جوالي من على سريري ومدته لامها : هذا هو يمه
نطلت الجوال علي فايزة وهي تقول : كلميه الحين
ناظرت فيها : اكلم من
فايزة : الثلاثيني المطلق حقك اخللصي
سما : ماعندي رقمه
فايزة : ضي روحي جيبي رقمه من ابوك اخلللصي
ضي : طيب
رجعت ضي ومعاها الرقم اخذت الجوال فايزة واتصلت على الرقم
فايزة بحسد : قولي له يطلقك ...قولي له يطلقك
ناظرت فيها بصدمة : بس ..فاايزة حرام عليك
فايزة ناظرت فيني : قسم بالله العلي العظيم لا اوريك نجوم الليل ان ماكلمتيه
اخذت الجوال بضعف ..ماعاد اقدر اتحمل ...اكثر
سمعت صوته يرد : الو
سما :.......
وليد : الوو ..من
كنت اناظر فايزة برجا انها تخليني اسكر الا ان نظراتها كانت قوية : ا..انا سما ....
وليد ب استغراب : وش فيك
سما : ابغااك ...
وليد : وش تبغين
سما بصوت يرتجف : ابغاك ...تــ...طلقني
وليد بدهشه : ليش ..وش اللي غير رايك بدري على الطلاق
سما : طلقني ...بس
نزلت الجوال من اذنني وانا اناظر فايزة اللي طلعت من الغرفة وهي تلعن وتسب فيني سكرت الباب بسرعة وجلست على سريري مقابل المراية كان جسمي كله كدمات زرق ...كتفي و رجلي و ظهري و رقبتي ...
تألمني الا اني ما اقدر ابكي ... انسدحت على سريري ابغى ابكي ..ما اقدر ..ما اقدر ابكي ...احس روحي بتطلع ..بس ما اقدر
ــــــــــــــــــــــــــــــــــــــــــــــــــ ـــ
نزلت الجوال من اذني بدهشه من كلامها ..توني متملك عليها ..وش صار
ناظرت في حنان اللي توها داخله قلت لها : حنان ...سما مغصوبه علي
حنان ب استغراب : لا ليش
وليد ب استغراب : مدري كلمني قبل شوي وقالت لي اطلقها
حنان : وشو ..أنت متأكد انها سما ..
وليد : ايه ..صوتها يرتجف ..كأن احد فوق راسها
حنان هزت راسها : هذي فايزة
وليد : من فايزة
حنان بحزن : مرت عمها ..حقودة وغيورة هي وبناتها من سما .. اتوقع يوم درت انك صغير موب ابو 50 وعرفت من انت ..انقهرت على نفسها وبناتها ..ماتبغى سما ..تاخذ احسن من بناتها
وليد ناظر فيني : وش السواة
حنان : خلها انا بحلها معها
وليد وقف وهو يقول : انا طالع للشركة الحين وراجع عقب العشا بلغي ابوي
هزت راسها حنان وقلبها متفطر على سما وقفت واتجهت لغرفتها واخذت جوالها واتصلت على فايزة
حنان بعصبية بدون ماتسلم : اسمعي يا فايزة سما الحين مسؤولة مننا حنا .. هي زوجة ولدي ..انتبهي يا فايزة تضرينها بشي ..تراني عارفه انك انتي ورا كلامها مع وليد
فايزة بغضب : بتتطلق يعني بتتطلق
حنان قالت بعصبية : ماهي متطلقه والله العظيم ان اذيتيها بشي لـ اسجنك وانتي تدرين اني اقدر احوس بك الارض ..
فايزة بوقاحة : هاتي خمسسين الف ثانية واسكت
حنان : تموتين ..تموتين يا فايزة ..والله العظيم ورب البيت ان ما تركتيها في حالها ل اجرجرك في الحبوس فهمتي ولا لا
سكرت من فايزة ودمها يغلي على سما من قهرها
ــــــــــــــــــــــــــــــــــــــــــــــــــ ــــــــــــــــــ
