لو تعرفين وش يعني قهر الرجال ما أبتسم ثغرك لـغيري رجل /بقلمي؛كاملة
صباح الخير ... ياهلا فيكم. موفقة بطرحك .. بداية جميلة واتمنى افكارك تكون مختلفة وجديدة وغير مستهلكة حتى تنجح الرواية وتكون مقبولة للقارئ
ريم وفارس
فكرة زواجهم مكررة وهي الزواج الاجباري للطرفين والاعظم ان ريم حاطة براسها واحد لاهو خاطبها ولا يجوز لها تتكام عن حبها له ي العلن وغير كذا عبدالله مايفكر فيها ولا حطها بباله من ردة فعله على موضوع الخطبة
لكن استغربت تفكير ابو صالح واستنكرته الشرع اعطى حق للبنت انها تتشاور بموضوع زواجها لها حق القبول والرفض وهو بالي سواه انكر حق بنته وياليت له عذر مقبول لان البنت عندها اخوان وسند بالدنيا وعندها اعمام وعيال عم ماله حق يرخصها بالطريقة الي اعلن خطبتها فيها وكأنها زيادة عدد مالها اي حقوق مافي مبرر للي سواه ابد لان البنت من بعده مابتكون وحيدة عنها ام واخوان
ياليت في حال تزوج فارس وريم ماتكون مثل باقي الروايات زواج ورق ماله اي صحة بل تشويه لقدسية الزواج الي رب العباد شرعه
سارة وزياد
ماعجبني سارة ابد ولا حبيت وقاحتها وقلة ادبها وهي واقفة وسط الرجال وترفع صوتها على زياد مهما كانت اسبابها البنت المتربية بحق وحقيق تحترم نفسها وماترادد الرجال الي ماهم محارمها ومااعتقد لهالدرجة اخوها مابيقوم لو صحته ولا رجولته وحميته بيتقبل ان اخته توقف بوسط رجال وهو مكبر المخدة ونايم عذرها جدا سخيف وخصوصا لما جاء الي ممكن يوقف بدلها مع الرجال وهي تروح تنستر بغرفتها مااعتقد وقفتها مع العمال مسألة حياة او موت حتى تنزل وسطهم
نور وسيف
نور لو فعلا تحمل ذرة حب لسيف مستحيل بتحكم عليه من رسالة مجهولة من رقم غريب لو هو متزوج صدق ويحب زوجته مابتهمه هي وبيطلقها لكن واضح انها انتظرت الزلة حتى قبل ماتتبين الخبر انه من فاسق ورب العباد امرنا في حال جانا اي خبر نتبينه اول وبعدين نقرر
انا اشوفها عمرها ماوثقت في سيف وردة فعلها مو خوف لغيابه واختفائه الغامض انما علشان صورتها قدام الناس وعلشان رغبة هي تتمناها وماتمت بوقتها حتى بعد هالسنين واضح ان العقل مانضج ولا تغير
الي يحب مايكره بدون سبب بالعكس يدور اي عذر يبرر فيه غلط الحبيب ونور حكمت وقررت وحسمت الموضوع علشان رسالة بدون دليل
وهذا الموضوع راح يفيدك ياليت تطلعي عليه
