لو تعرفين وش يعني قهر الرجال ما أبتسم ثغرك لـغيري رجل /بقلمي؛كاملة - صفحة 45قبل لا تنزل من السيارة
سما بتوتر : مم حنان ..
لفت حنان على سما : وش فيك ..
سما : مم احس اني متوتره .. يعني شوي ماني على بعضي ..
ابتسمت حنان بـعطف : لا تخافين أهل وليد ناس طيبين ..
سما اخذت نفس : يالله نزلنا ..
لفت سما على لطفيه : لطفية امسكي سالم ..
نزلت من السيارة متوجهه للفيلا الكبيرة التي يبان على اصحابها بالثراء ..
دخلت البيت هي وحنان بعد فتحت لهم العامله .. وقفت في الاستقبال تفسخ عباتها هي وحنان عدلت شعرها و مكياجها واخذت نفس
سما : سلومي .. تعال هنا
نزلت لـ مستوى سالم وهي تحط له عطر .. : خلك مؤدب الحين حبيبي طيب
هز سالم راسه .. وابتسمت له سما وهي تقبله
فوزية من بعيد : يا هلا ومرحبا والله يا حنان و يا سما
ابتسمت حنان لها : يا هلا والله يا ام نايف
سملت عليها : شلونك عساك بخير شلون العيال ان شاءلله بخير
فوزية : بخير يارب لك الحمد.. انتي شلونك طمنيني عنك وعن ابو وليد
حنان : والله بخير الحمدلله
فوزية وهي تناظر سما : يا هلا بسما والله
سلمت عليها سما بتوتر
فوزية بوجهها الطيب المبشر بكل خير : شلونك يا سما .. عساك بخير
سما وهي تبتسم : الحمدلله بخير ..
فوزية تناظر سالم اللي منخش ورا سما : سالم .. تعال حبيبي ..تعال سلم
سالم ماسك تنورة سما بخجل
سما بهدوء : سلومي حبيبي يالله سلم على خاله .. يالله حبيبي
توجه سالم ل فوزية وسلم عليها ورجع بسرعه لـ مكانه
فوزية : حياكم الله تفضلوا تفضلوا داخل
اخذت نفس سما بتوتر فضيع ..اول مره تدخل على مجموعه كبيرة من النساء على كلام حنان
دخلت لـ داخل البيت مع فوزية وحنان متوجهين لـ المجلس الملئ بالنساء
دخلت المجلس وهي تلقي التحية
سلمت على النساء الموجودات كانوا لا يقلون عن 20 امرأة
جلست بعد ما سلمت لفت براسها تبحث عن سالم وين راح
فوزية بصوت عالي : اعرفكم يا الجماعة هذي مرت وليد بن سالـم سـما وهذي حنان اللي انتوا عارفينها
توجهت جميع الانظار لـ سما اللي توترت بقوة من النظرات لها
ام صياح : شلونك يا سما عساك بخير
سما ب ابتسامه متوترة : بخير ولله الحمد ..
ام احمد : ما شاءلله يا سما وش هالجمال ..
ابتسمت سما مجامله له بعد مرور القليل من الوقت ألتفتت سما لـ حنان اللي مشغوله بالسوالف من الحريم
طلعت جوالها تتونس فيها رفعت راسها على الصوت اللي جاها
ملاك : انتي زوجة وليد ؟
ناظرتها سما بلطف : ايه
ملاك تناظرها بتقيم : ممم .. موب هين والله وليد ..منقي له وحدة حلوة
سما استغربت من طريقة كلام البيت : عفواً
وقفت ملاك وهي تناظر سما بطريقة غريبة : ولا شي
استغربت سما من كلامها وطريقة نظراتها المستفزة
فوزية بصوت مسموع : ملاك .. بتجي امك ؟
ملاك بنفس مستوى الصوت : ايه خالتي .. كلها كم دقيقة وتجي
لفت حنان بسرعه على سما وهي تتذكر وش لابسه سما ..
شدت على يدينها حنان بتوتر .. ام ملاك بتجي .. الله يعين عسى ما تقط كلام ماله لزمة ..
بعد دقائق من السوالف فـ اذا بالنساء تنهض بعدما دخلت أمرأه كبيرة في السن بـ وجهه قاسي الشكل
يتسارع بالسلام عليها ..
وقفت حنان وتبعتها سما .. سلمت سما ورجعت مكانها وهي تسمع المرأة الكبيرة صوتها يعلوا على الشابات المتواجدات لـ اسباب غير معروفه
ام ماجد بغضب : وانتي ورا ما تقومين تسلمين يوم انتس شفتيني ولا تراتس قاصدة
البنت بتوتر : العذر يا خاله ما انتبهت
ام ماجد بصوت عالي : اذا دخلت انا الكل ينتبه فهمتي
كتمت البنت غضبها عن ام ماجد اللي معروفه بـ حركاتها الغريبة
" فهي تبدو دينه بعض شي , وفي بعض الاحيان تظهر بصورة المنافقه , و بعض الاحيان تظهر بصورة الأمرأة القوية التي لا تكترث بما يدور حولها لاسيما بشي تحب الحديث عنة و تجد المتعة في النميمة خلف "
بعد ما ترأست المجلس وجلست في الصدر لـ المجلس وبدأت المقهويات يقهونها ويقفون على رأسها ..
استغربت سما كل هذا الاهتمام لـ هذي المسنة
بعد قليل وبصوت عالي و نظرها على حسان جالسة تنظر الى هاتفها مرتدية ملابس في نظرها غير محتشمة : هذي من ؟ اول مره اشوفها في جمعة من جمعاتنا
قالت فوزية بتوتر : احمم .. هذي يا ام ماجد سما ..
ام ماجد وهي تشرب القهوة : وش تطلع هذي ؟
رفعت حواجبها سما من طريقة الكلام اللي تكلمها فيه
فوزية اخذت نفس : هذي زوجة وليد ..
عم المجلس السكوت .. ينتظرون رد من ام ماجد ..
كملت فنجانها الملي بالقهوة وهي تقول : وليد .. اعرس اجل .. ماشاءلله
وجهت نظراتها لـ سما : من انتي بنته ؟
سما : بنت الـ....
هزت راسها وعلامات الغضب بدأت تبان عليها
قالت بصوت مرتفع : وهذا يسوي اللي يبي من راسه ولا يشاور
فوزية وقفت وهي تتوجه لها : اسكتي يا ام ماجد تخيتك موب وقته
ام ماجد ترمق فوزية بنظره حادة : تسكتينني يا فوزية
وتكمل الحديث بنبرة غاضبة غير مسؤولة عن ما تقول : .. ماعاد له شور عند احد ولا عاد يرجي موافقه من احد .. وليته يوم تزوج تزوج وحدة متدينة متزوج لي وحدة لابسه لي الملابس اللي تلبسها عند زوجها في حجرته
حنان بهدوء : اعذريني يا ام ماجد وليد رجال طول بعرض شايل حمول ما يشيله ابو ثمانين سنه مالك حق انك تتلكمين عليه وتتدخلين فيه .. وسما بنت متربية و سنة ما يحتاج اكتب شهادة فيها و اقدمها لك
سما تنقل نظرها بدهشه من الكلام الذي تسمعه ..
ام ماجد بعدم مبالاة لما تقوله حنان : عقب ما ذبح بنت الناس .. رجع اعرس ولا كنه مسوي شي
حنان بغضب: تكلمي زين يا ام ماجد .. شهد ربي اخذها في يومها .. ما يجوز انك تقولين الكلام هذا
ام ماجد وهي تناظر سما و ترجع تعيد نفس كلماتها السابقه بـ اسلوب مستفز : وليته يوم انه اعرس اخذ وحده ينعرف لها اصل ينعرف لها فصل ينعرف لها اهل ... ينعرف لها
ناظرت ام ماجد لبس سما : ينعرف لها اخلاق
فتحت عيونها بوسعها .. وش تقول هذي تتلكم فيني ..
ضغطت على مقبض يدها وهي تحاول السكوت لا تريد ان تسبب مشاكل لـ وليد يكفيه جداً ما تقول
حنان بغضب كبير : ألزمي حدودك يا مزنة .. الزميها .. مالك في وليد خص ولا لك في مرته خص .. اذا على الكلام الشين نقدر نتكلم به لكن الحشيمة لـ فوزية واخلاقنا ما تسمح لنا نتهم الناس في اعراضها وحنا ما نعلم بالخوافي
فوزية بتوتر : سلمتي يا حنان .... تعوذوا من ابليس يا جماعه وادحروا الشيطان خلونا نكمل جمعتنا وحنا منبسطين
ملاك تستمع للحوار بـ وناسه هي اللي شيشت امها قبل لا تدخل بكل هذا الكلام ..
عم السكوت في المجلس .. و بدأت اصوات الهمس تظهر من السوالف الجانبية ..
غاضبة بشدة .. غضب الدنيا كله فيها ..شتمتها قبل قليل وشتمت والدها .. تكلمت عليها وعلى أخلاقها تدعي في داخلها بالصبر .. لا تريد ان تُكبر الموضوع
واقف عند باب المجلس بجسده الصغير وهو يناظر ام ماجد بحقد طفل .. تغير وجهه بـ شكل واضح .. وهو يشوف سما كأنها تضايقن عبس بوجهه و عيناه بدأت بالغرق
بصوت شبه عالي يبكي : مــامــا.....مـامـا
توجه لـ سما بسرعه وارتمى بحضنها سالم
رفعت راسها بخوف وهي تشوف سالم يبكي قبل لا تقف أرتمى سالم في حضنها
سما بخوف وهي ترفع وجهه سالم : سالم .. سلومي حبيبي وش فيك
سالم بخوف طفل على والدته وبنفس الوقت بكذب : دورتك .. مالقيتك ... لطفيه ما خلتني اجي عندك
ارتاح قلبها وقالت بضيق : معليش يا ماما .. خلاص انت الحين عندي
جلس سالم بجوارها و أنظار عائلة وليد تتمحور حولها ..
ملاك تتكلم مع اللي جنبها : تسوي نفسها يعني انها الام الطيبة الحنونه .. يعني انا زوجة الابو الحنونه
البنت بضيق من لام ملاك : حرام يا ملاك ..والله شكلها حبيبه
ملاك بغضب : حبيبة وين .... بس تبيننا نقول ماشاءلله عليها ماتعرفين هالنوعية انتي
وقفت وهي تمسك سالم متوجهين لـ التوالييت تغسل وجهه سالم
فوزية بعد ما طلعت سما ..رن جوالها وكان المتصل وليد
فوزية بصوت عالي : يا بنت اللي يتغطن وليد بيدخل يسلم على خالاته تغطن ..
لبسوا البنات حجاباتهم ..
توجهت فوزية للخارج تجيب وليد ..
فوزية وهي تناظر وليد من بعيد : ولــــدي
وليد وهو يبتسم لها : أمي ...عيون وليد
ضم وليد فوزية اللي الشبه بين ام وليد وهي شبه كبير بشكل غير طبيعي
فوزية تمسح دموعها : تستهبل يا وليد وينك يا ولد من زمان ما شفتك لا تغيب يا وليد عني .. اشوف وجهه الغاليه في عيونك يا أمي
وليد وهو ماسك راسها بين يدينه ويبوسه : سا محيني يا امي .. والله انشغلت
فوزية بعتب : عن تنشغل
وليد بندم : تكفين سا محيني ..واللله مافيني عتاب
فوزية تضمة : يا ريحة الغاليه .. مسموح يا امي ..مسموح
فوزية وهي تبتسم : وش هالزينة اللي اعرست عليها والله صبرت ونلت يا ولد
وليد ب استفسار : عساها اعجبتك يا أمي
فوزية بصدق : بسم الله عليها الله يحرسها .. شكلها خيّره يا وليد
ابتسمت وليد وهو يعرف ان خالته توأم امه لا تقول كلام ولا يصح
علماً بـ انه يصدق أي شي تقوله ..
مسكت يدينه فوزية وهي تتوجه للداخل
بعد ما مسحت على وجهه سالم توجهت لـ المجلس جلست في اخر المجلس عشان تعدل لبس سالم اللي تبهذل ..
وليد بصوت عالي : الســـلام عليـــكم
تصلبت وهي تقفل اخر ازرار لسالم .. هذا صوت وليد ولا يتهيأ لي ..
سمعت صوته يسلم على خالاته ..
سالم ب استنكار : ماما .. وش فيك
فاقت من تصلبها المؤقت وقالت بـ سؤال : سلومي .. هذا صوت بابا
سالم هز راسه
لفت براسها تناظر فعلا كانت هيئته من ورا يسلم على خالاته وقفت بسرعه وهي تجلس جمب الباب .. بحيث يكون الباب بينها وبين المجلس و وليد ما يشوفها
سالم يناظرها وهو مستنكر : ماما وش فيك
سما بتوتر : ولا شي حبيبي .. انت بتطلع ولا بتجلس هنا
يالم وهو يجلس جنبها : لا هنا ماما
جلس وليد جمب حنان وهو يسأل : وين سما
حنان ب استغراب : ما ادري طلعت تعدل شكل سالم ولا رجعت
ابتسم ابتسامة جانبية عرفت انه هنا
نزل سالم من الكنبه بسرعه وهو يقول بصوت مسموع : ماما انا بروح عند لطفية ابغى ايبادي
لف راسه وليد بعد ما سمع صوت سالم .. هناك جالسه اجل ..
وقف متوجه لـ المكان
وليد وهو يقف قدام سما اللي منزله راسها وحاطة يدينها عليه : ليش هنا طيب ؟ تقدرين برا تجلسين
رفعت راسها بخوف : بسم الله
وليد ب نص ابتسامة : وش تسوين هنا .. سمعتي صوتي و..
سما تقاطعه : لا لا يروح فكرك بعيد الموضوع كله كنت ازين لبس سالم هناك ..
وليد وهو يمسك سما من يدينها بسرعه ويقومها
سما تحاول ان تبعد يدينه بتوتر : وش فيك ..وليد فكني
وليد بهدوء : تعالي معي ..
سما: وليد بجلس هنا شوي .. خلني
وليد بعدم اهتمام : بـ كيفك
ترك المكان وليد وهو يأشر لسالم
سالم يناظره
وليد : استانست اليوم
سالم بحزن : لا
وليد وهو يناظر عيون طفله : ليه
سالم يناظر ام ماجد : بابا .. العجوزه هذي ... قالت كلام ماهو زين ل ماما
وليد رفع حاجبه : وش قالت
سالم رفع كتفه : ما اعرف بس ماما قبل كانت تضحك بس الحين لا
وليد مسك يدين سالم وهو يرجع لـ سما
اللي رجعت لـ نفس وضعها
وليد جلس جنب سما
رفعت راسها : فيه شي
وليد يناظرها يعرف انها موب قايمة معه كذا ولا كذا مسكها مع وسطها وهو يوقفه
سما بصوت عالي شهقت : ولــيد
وليد يبتسم : سمعوك اللي برا .. بيفهمون غلط الحين
سما حطت يدينها على فمها : تستهبل انت .. وليد فك
وليد بهدوء ونظارته عليها : امشي معي
سما بقهر : ما ابي اجلس ابي ارجع
وليد هز راسه : ان شاءلله بس امشي معي
اخذت نفس وهي تشوف سالم واقف يناظرهم : طيب
فتح يدينه لها : يالله
سما تناظر يدينه : هذي وش ؟
سالم بضجر طفل : ماما هذي يدين بابا .. وش فيك اليوم
ضحك وليد على شكل سالم ا للي اول مره يشوفه كذا
سما تضحك : ادري انها يدين بابا بس وش اسوي فيها
وليد بهدوء : امسكيها خلينا نطلع لهم
بلعت بريقها من لكنت وليد الهادية .. هزت راسها ب هدوء
دخلت يدينها في يدينه
