The Unreachable Wife

28-Love Breaks Distance

Magang-maga na ang mga mata ko pero ayaw pa ring paawat ng mga luha ko sa pagpatak. Panay singhot at singa na lang ako sa tissue paper habang nakatanaw sa malayo mula sa bintana ng kotse. Everytime I remember the face of Lander waving goodbye from the gate, yumuyugyog ang aking mga balikat. Gusto kong pumalahaw ng iyak. 

Ang bigat-bigat! Di ko pa ata kayang bumalik ng Maynila! 

Ilang ulit kong inutusan si Violet na ihinto ang sasakyan. Bababa ako at tatakbo pabalik ng Villa Rafael. Pero kahit anong pakiusap ko na huminto siya, di niya ako pinakinggan. Ang hirap.  Kahit ilang beses may bumaong barena sa aking dibdib ay hindi pa rin nito  kayang sukatin ang lalim ng sakit ng nararamdaman ko sa paglalayo naming ito ni Lander. How long would it linger inside my chest? Pinipilit kong isipin ang mga positibong bagay pero wala atang anumang makakagamot sa kalungkutang nararamdaman ko except for Lander's presence.

"Hayst... ni sa hinagap ay di ko naisip na ganito ang mangyayari sa paghahanap mo diyan sa asawa mo!" napapailing na komento ni Violet. "Pumunta ka dito para tuldukan at tapusin ang lahat-lahat sa inyo tapos ang nangyari uuwi ka nang may book 2 pa yang love story niyo."

It was also the least thing that I expected but I didn't have any strand of regret that we ended up this way.  I sighed while wiping my tears. 

Wala akong pinagsisihan pero meron akong pinanghihinayangan. Na sana matagal ko na siyang hinanap. If that happened, maybe right now our relationship is already blending well with my career. Hindi na namin kailangan pang pagdaanan ang mga ganitong pagsubok at pagpapanggap sa tao. If only we had the chance to realize our feelings way earlier...

"Alam mo kung sinabi mo sa akin na ganyan pala kaguwapo ang Lander na yan, aba hinding-hindi kita hahayaang pumunta ng Villa Rafael nang mag-isa! Wala kang binanggit eh and knowing your uptight personality, I was very confident na walang balikang magaganap! Pero naman.... kung ano-anong imagination ko sa hitsura niya nung hinahanap natin sa facebook yun pala isa siyang nagtatagong Adonis sa kagubatan! Trosong-trosong ang katawan ateng!" napapakagat sa labing dugtong niya nang may nangangarap na mga mata.

Medyo umangat ang sulok ng aking mga labi nang wala sa oras dahil sa sinabi ng aking kasama. Hearing her praise my husband flattered me. I always feel better when someone is saying good things about him.

"Ayan ganyan! Dapat ngumingiti ka hindi yung para kang namatayan diyan!" Violet reacted.

"Masama bang maging malungkot ako? I'm leaving the person I love.... meron bang rason para maging masaya ako ngayon?" Muling dumungaw ang aking luha.

"Meron! Meron! Meron!" ubod nang diing paulit-ulit na tugon ng aking kausap. "You just had the best vacation of your life at natapos ito na baon ang pagmamahal ng taong mahal mo. Isipin mo na lang kung gaano ka kaswerte na magkaroon ng ikalawang pagkakataon sa lalaking tulad niya. What an unselfish human being. Imbes na isipin ang sariling kaligayahan, mas nirereconsider ang mga bagay na importante't makakapagpasaya sayo. Kung ibang lalaki yan, naku tiyak na sasamantalahin na ang pagkakataon na angkinin ka ng buong-buo! Baka nilantad na sa buong Pilipinas na kasal kayo para wala ka nang balikang career at maikulong ka na lamang sa bahay. Sinong lalaki ang lulunok ng pride niya para lamang matupad ang pangarap mo sa Paris? Wala Ma'am Anya! Siya lang! Sapagkat alam niyang hindi lamang ang pagmamahalan niyo ang makakapagpasaya sayo kundi pati na rin ang trabaho mo! Kaya nga ginagawan niya ng solusyon para parehong mapasaiyo!..." She paused and took a deep sigh. " Alam mo nung una medyo alanganin pa ako sa motibo ni Sir Lander sayo pero iba pala talaga siya..." napapalatak na bigkas niya sabay iling. " Kanina kitang-kita ko sa mga mata niya kung gaano ka niya gustong pigilan.. pero wala, tiniis niya talaga! And he did his best to casually smile para lang hindi maging mabigat para sayo ang pag-alis mo. Hayyy... mas lalo lang akong humanga sa kanya," she delivered with sparks in her eyes. "Hindi siya katulad ng karamihang nakakahalubilo natin sa showbiz na mga gwapong-gwapo sa sarili. Mababait at kunwari'y gentlemen kapag maraming nakakakita pero kapag kayo-kayo na lang uulan na ng pagka-concieted." She quickly looked at me and raised a brow. "Tsk.  Kaya pwede ba bilang kunswelo sa pagsasakripisyo ni Sir Lander, magpakatatag ka naman! Tama na yang emote!"