رواية على نور الشفق احيا واهيم ⚜️

115

,
لآ استبيحْ القراءه دُون لآيك وكُومنت 🎵💗؛

,

  #على_نُورّ_الشفقّ_وعلى_وتر_القدر

'

منظرها الخايف وعدم تجرأها على النظر فيه والرد عليه ما كان مستغرب منها بالنسبه له ، ومع ذلك ماحب هالتصرف منها واللي يوضح له بانها مُذنبـه او متعمّده تغلط لانه يعرفها كيف حريصه من ناحية الخروج بشكل لايق
نزّل كفّه لمستوى فكّها السفليّ ووقف اهتزازه من رفعه  بحيث اجبارها على رفع نظراتها واستقرارها بعيُونه؛ افهم انك تعترفين بالغلط وانك مُذنبـه !
ماعندك تفسير للي شفته!
ابتلعت ريقها وهي تهز راسها بـ " لا " بخفـه وتنطق بمجاراه له؛ تشك في..
كتم شفاتها بسبابته وهو يهزّ راسه بنفـي
ابعد سبابته عن شفاتها وهو يتخطّى الطاوله ويجلس جنبها ويردف؛ ما ارضى هالتصرف منك لكن ما اقبل هالكلام منـك بعد
عندي مليون تفسيـر للي شفته لكن من حقك اني اعتمد تفسيرك انتِ
ما جيت احاسبك ولا احاكمك لكن شفتك بنفسك مستعده تحاكمين نفسك ، هل انتِ تشوفين حالك مُذنبه!
استجمعت شجاعتها وحررت لسانها المعقُود ونطقت ؛ كنت خايفـه من ردة فعلك لا اكثر ولا اقل ،
خصوصا بعد التصرفات اللي ظهرت منيّ تجاهك اليوم
يعني واضح قلبك شايل علي بالحيل ولو بتغفر لي زلاتي الاولى استحاله تغفرلي تصرفي مع خالك