رواية على نور الشفق احيا واهيم ⚜️

44

,
لآ استبيحْ القراءه دُون لآيك  🎵💗؛

,

#على_نُور_الشفق_أحيآ_وأهيم

'

راحت تشوف الكيس اللي تظن انه يقصده وكان محمّل فيه اشياء واجد تخّص الاطفال
تفحّصت الكيس بدهشه واردفت وهي تناظره ؛ ذا ايش مانت صاحي؟
انجبر يرفع انظاره لها ويردف ؛ وشو؟
قلبت الكيس وفرغت كل شي بجوفه ونطقت ؛ ذي الاشياء اللي انت جايبها؟
ناظرها بصدمه واردف ؛ بس انا ما اقصد هالاشياء ؟
اقصد كيس ثاني
ناظرته بغرابه ؛ اي كيس ما فيه الا ذا بالصاله؟
اشر على الكيس اللي يقصده وانحرجت شفق لانه كيس مخصص بماركه ومحّل معيّن
وكان حاطه على الرف عند التلفزيُون
اخذته وشافت ما بجوفه وناظرته بصدمه؛ ليش جايبه؟
ناظر فيها واردف بإبتسامه ؛ شكلك ناسيه انك بتحضرين ملكتي اللي بعد كم يوم
ابتلعت ريقها بذهُول واردفت بإنزعاج واضح ولاتدري ليش اظهرت ردّة فعل غريبه على هالصبح اول ما حذفت الكيس بحضنه واخذت لارين منه ؛ ما طلبت منك تجيبه لي اقدر بفلوسي اشتري فستان لنفسي
وبعدين وش هالثقه اللي عليك !!
وش هالجرأه اللي تخليك تاخذ لي على ذوقك ومتأكد بيعجبني!
ناظرها بصدمه وحسّ بشعور غريب يتمّلكه ماقدر انه يحلل تصرفها وانفعالها منه واردف ؛ هدي بسم الله
وبعدين ما يحتاج كل هالانفعال منك على هديتي
اذا ما اعجبك ولا تبينه عادي قوليها اتقبّلها لكن بهدُوء مو بهالشكل وكأني مسوي لك مصيبه !!!
تجاهلته ومشّت وما قدرت حتّى تظّل واقفه عنده تحّس بشعور جالس يضغط عليها ويضعفها
وقفهّا من نطق بنبرته الهاديه ؛ حقك علي اسف يا الشفّق
سكت لوهله وكمّل وهو يظّن انه احرجها باللي سواه والحقيقه ان شعور الغيره اللي حسّت فيه بسبب طاري زواجه اللي نسته اوجعها حتى هي بنفسها مو مدركه لهالمشاعر ؛ ما راح اكرر هالغلطه سامحيني
التفتت عليه وبدون سيطره منها نزلت دمعه حارقه على خدها واردفت بنبره مهزوزه ؛ ما كان قصدي
ناظر فيها وانصدم من مدامعها ونبرة الضعف اللي بصوتها اهلكته كليا
هزّ راسه بالنفي وكان بيتكلّم لكن ما سمحت له من اختفت عن انظاره بسرعه
تنهّد هُمام بضيق ولاهو عارف كيف يطيّب خاطرها ويرجع لها روقانها وابتسامتها بعد ما عكّر صفو حياتها على هالصبح .