رواية على نور الشفق احيا واهيم ⚜️

93

,
لآ استبيحْ القراءه دُون لآيك

,

#على_نُورّ_الشفقّ_وعلى_وتر_القدر

'

كان متكـي بذراعـه على سياج احد الأماكـن الترفيهيّه وهـي بجنبـه وللحين تترقب منـه يفاتحها بالموضوع اللي طلعّها عشانـه لكنـه طوّل ، توقعت يبدا يفاتحها بعد القهوه وماصار وانتظرتـه بعد العشاء وما صار ، والحيـن تتأملـه وهو مختار اهدأ مكان وساكـت صامت ما بادر بذكر موضوعـه كل سواليفه معها كانت عفويـه وما فيها من الجديّه اي ذرّه
لوهلـه شعرت بأنه كذب عليها بحجة الموضوع المهم عشان تطلع ، تجمدت ملامحها خلف النقاب وهي تمسكـه مع ذراعـه جابرته على الالتفاتـه لها ومن بعدها اردفت بشكوكها وهي مشخصّه عيونها الوساع فيـه ؛ كنت تكذب عليّ بس عشان اطلع معك؟؟
عقّد حاجبـه وزفر بهدُوء ؛ لا طبعاً بس مدري كيف ابتدي معك فيـه
لمحت الجديـه بنبرتـه ؛ ما لازم ترتب له وحرر اللي متوقف على طرف لسانك وقوله
اشر لها على الكراسي اللي على طرف يمينها ومشـى ؛ تعالي نجلس هناك وبحاكيك فيـه
تبعته وجلست بعد ما جلس فوراً ولفظت بهدُوء ؛ يلا ليت تستعجل عشان ابي ارجع للبيت بدري
رفع حاجبـه ؛ لهالدرجـه مليتي ؟؟
هزّت راسها بـ " لا " ؛ لا تفهمني غلط بس الوقت يحكمني
استند على حافـة الكرسي ومد ذراعه عليـه واللي لو شدّ حيله شوي كان احتكت اناملـه بذراعها وبدون مقدمات فعل اللي تبيـه وحرر اللي على طرف لسانـه؛ عندي علاقـه بالماضي مع وحده
لمح نظرتها المصدُومـه وهو يستكمَل بتسارع ؛ كانت بالتويتر بس مجرد سوالف مو شي ثاني لكن..
نطقت بنبره تمكنّت من السيطره على حرقتها من خلالها ؛ وشو كمّل ؟
عضّ على شفتـه ؛ انتِ تعرفيـن انيّ فقدت ذاكرتي ، فـ أبـي اسألك على ان جتني الاجابـه من غيرك لكن ابي اسمعها منك ، ابي يرتاح قلبي ويتطمن لقراري
ابتلعت ريقها بتوتر للسؤال اللي بيطرحه واللي وقع على سمعها مباشره واحدث ضجيج بداخلها مزعـج ؛ هل انا زي ما يقولون تقدمـت لك اكثر من مرّه قبل الحادث رغم رفضك ليّ!
هل اصراري اللي يقولون عنـه .. يعني ان بين قلبي وبينك علاقـه والا يكذبون علي!!
تمالكت نفسها وهي تجاوبـه بنبره اجبرتها على انها تتحرر من بين شفايفها بشكـل رزين ولا تكشف خباياها معـه ، وسر العلاقـه اللي تجمعها معـه مو من وقت قريـب الا من سنـه واكثر ؛ مو بس خطبتني الا ما تبي تسمـع الرفض منيّ ، كنت مصرّ على اني اكون لك بأي ثمـن
وانا صراحه للحين أجهل سر تعلقك فيني!
ابتلع ريقـه بدهشه ؛ اجل ليـش وافقتي علي!!