رواية على نور الشفق احيا واهيم ⚜️

47

,
لآ استبيحْ القراءه دُون لآيك  🎵💗؛

,

#على_نُور_الشفق_أحيآ_وأهيم

'

تقدّم منها بشكل طفيف جدا وهو يرفع كفّه ويغطي عُيونها المُهلكة بكفّه الغليظ
ويهمس بنبره خافته وغريبه جداً على مسامعها ؛كفاني عذاب الله يجازيك بأفعالك
ابتلعت ريقها شفق من حركته اللي اخرجتها من قُيود حدّة عُيونه ورموشه اللي كانت مكبلّتها بكل قوّه
لتجبرها على الثبات وسط عُيونه
ذابت ضُلوعها عن قلبها وقت ما نطق بجُملته اللي مافهمت معناها بتاتاً
لكن يكفي انها استقرّت بأعماقها من دون شُعور
ماحسّت فيه يوم يقوم من عندها ويطلع
ماحسّت على نفسها الا لمّا اختفى تماماً وانتشر صوت ضحكات لارين بالمكان.
,
.
الـ 5:30مَ,
" العياده "
التزم بتّال بكلام دكتوره وصاير مواظب فيه تماما لين تحسّن بالحيل واستعاد صحته شوي شوي وصار يمشي الحين بدون مساعده من ممرضته اللي صارت بس تراقب خطواته بإيجابيه تامه
التفت عليها بتّال وكانت ابتسامته وسعادته طاغيه على ملامحه مما اجبر ممرضته تنطق بنصف ابتسامه؛ شكل مافيه اسعد من لحظة مفارقكك لنا والا؟
توجه لحدها بتال وصار بينهم خطوات بسيطه فقط .. واردف بإبتسامه هاديه ؛ من يحب يبقى بالمشافي يا عذُوب ؟
ابتسمت عذُوب بإحراج وهزّت راسها متفقه مع كلامه قبل تمشي وتتركه
بينما هُو تنهّد ونطق بنبره خافته ؛ بفقد..
توقفّ عن تكملة كلامه لحظه ما ربت على كتفه مُراد الشخص اللي تعرف عليه بالعياده واردف وهو يناظر فيه ؛ صار الوقت حتى تتركنا معقوله مسرع الايام
ابتسم بتّال بضجر ونطق ؛محسسيني اني بغترب عنكم ، انتم بس اذا اشتقتو لي دقو علي واجي لعندكم برسم الخدمه
ابتسم مُراد ونطق بمزُوح وهو رافع حاجبه؛ اقول لا تصدق انا بنفقدك اصلا منى عينا انا نفتك منك ، انسان ماعندك صبر بس تضجّر فوق رُؤسنا
رمقه بتّال بنظراته وكمّل مُراد كلامه بضحكه خفيفه ؛ اهم شي انك طلعت سالم هذا المهم والباقي يهُون
وزي ما وعدتني تزورني بمكاني ياويلك تنسى
ابتسم بتّال ونطق ؛ ما راح انسى بنشب لك لين تطردني بنفسك افا عليك
ابتسم مُراد وهو يحاوط كتفه ويمشي فيه ويردف ؛ خلني اوصلك لباب المستشفى وافتك منك مره وحده
تجاهله بتّال وهو يفكر بلحظة خرُوجه ووش ينتظره من ظرُوف برا
كان صابر وضاغط على نفسه كثير بسبب اوامر دكتوره .. ولحد الحين ما عرف باللي صار لعائلته وكيف تشتتو بغمضة عين وهو ناسي تماما حادثة الحريق اللي عاشوها وكأن ذاكرته قررت ترحمه من هالظرف القاسي اللي عاشه بنفسه.