,
لآ استبيحْ القراءه دُون لآيك 🎵💗؛
'
صدّ بالنظر عن الوافي ، وعضّ على شفته بقّوه لين اونس وجع الضربه وتورّمهَا
سقطت دمعته ، ومسحها بكفّ يمينه ، قبل لا يلحظه الوافي ويردف ولعله يواسي قلب صاحبه ويخفف من شعوره بالذنب بعد ما اجرم فيه وايقضّ مشاعره المذنبه بشكل اقوى ؛ طيب دامك طلقتها وندمان على اللي سويته فيها
ليه تبي ترجعها لك ليه ما تخليها تروح بحال سبيلها وترتاح؟
التفت عليه سلمَان واردف بنبره موجعه ؛ وقلبي كيف بيعيش بدونها!!
انا حبيتها يا الوافي وما اتخيل نفسي اكون مع غيرها
ابتسم الوافي بضيق على حاله ونطق ؛ بس هي ما راح ترضى ترجع لك بعد اللي صار!
وش بتسوي وانت ما بيدك اي شي يشفع لك ترجعهَا ؟
لازم تكمل حياتك وتعيش وتتقب..
قاطعه سلمان من ابتسم واردف؛ اموت ولا دخل قلبي وبيتي غيرها
ناظره الوافي بأسى ونطق ؛ والله وانحرقت بنيران العشق اللي انحرقت فيها قبلك
اردف سلمان برضى تام ؛ اذا هذا تكفير ذنبي فيها فيمرحبابه
مستعد اعيشه واتعايش معه
بعد ثواني طويله والوافي يتأمل فيها حالة سلمان وحرقة قلبه وندمه وعشقه الواضح ربت على كتفه واردف بدعوه من اعماق قلبه ؛ عساك ماتذوق حرقة انها تكون حليله لغيرك من بعدك
عساك ما تجرب اللي عشته ولا تذوق ناره
ناظره سلمَان بحزّن واردف ؛ آمين
وبعد لحظات من الصمّت الطويل ، نطق سلمَان بسؤال يقرقع بقلبه بعد ما استرجع كامل لوم الوافي له على اللي سوّاه ؛ لو انعكس الحال وانا اللي انتركت وانظلمت وصرت تشوفني كل يوم بحال ما يسرك ، راح تنتقم لي والا ؟
ناظر فيه الوافي نظرات مطّوله جداً وبعد مدّة من التفكير اجابه بـ ؛ اللي سويته ماهو من شيمي ولا طبعٍ ليّ
بحسب معرفتي لنفسي انيّ بكون معك وبسوي المستحيل عشان اطلعك من حالتك
بس عمري ما راح اضر غيرك عشانك
مضّرة شخص ما ضرني راح القى جزاها قدامي ليش ارمي نفسي بعذاب ما استحقه؟
ليه اسمح لنفسي تعضّ اصابع الندم وتتمنى الوقت يرجع عشان تصلّح غلطها !
سكت لثواني وكمّل وهو يشوف ملامح سلمان وكيف فعلا كاسيه الندم واردف ؛ ما اقوله عشان الومك يا سلمان
انا ادري انك اصلا ما كنت بوعيك وقت سويت كل ذا
وانا اتحمل بعد جزء من الذنب ويمكن الذنب كله
المفروض ما ابين لك حزني ولا اشركك فيه لين تتعمق فيه وتحسّه فيك وتتصرف بغير مبادئك وشخصيتك
انا اسف ي صاحبي ولو ان الاسف جاك متأخر ، لكن سامحني
وبما اني مذنب باللي سويته ، لك من يشاركك بتصليح هالغلط لين ترتاح وتعيش مبسوط
#دُرّة_الإبداعْ🌿..
أنت تقرأ
رواية على نور الشفق احيا واهيم ⚜️
Mystery / Thrillerللكاتبـه ليما @rwizi_ ما احلل اقتباسها او سرقتها او نقلها لمكان اخر ✖️ .. تتكلم عن البطله شفق اللي يموتون جميع اهلها بسبب حريق منزلهم وتتشتت من بعدهم وتعيش عند عمها القاسي واللي تهرب منه بليلة ملكتها من ولده لبيت ابوها القديم وتلقاه اصبح ملك للضابط...
