يا بسمة الليّالي السعيدة وهْناهـا .

البارت الثـالث والأربعون

حسّ باحـد يسحب شعره بقـوه ،عقد حاجبه بألم وهو مغمض عيـونه، ما أخذ وقف طويل عشان يعرف من هالشخـص ، وسرعان ماسكر أذانه من صراخهـا وهي تحاول تصحيّه بلا فائـده ، همهم لها بكسّل يحاول يبعدها عنـه ولكنها رجعت تشد خدوده هالمره، حاول يبعد كفوفها الصغار عن خدوده:خلاص يابابا صحيّت صحيّت!
ضحكت بانتصار وتمتمت:يلا بابا جوعانه!
فرك عيـونه يحاول يصحصح ، حس بثقلها فوق صـدره وهمس:خلاص يا بابا أركضي المطبخ بلحقك!
هزت رأسها بالأيجاب وركضت تدخل المطبـخ؛ أبتسم بخفه يتأملها نايمه بحضنـه ، عدل رأسها على المخده يغطيها بالبطانيه
وفق يحرك أطراف جسمه بكسـل ومشى يدخل المطبخ
انحنى يقبّل خدها:صباح الخير تروفه تبين فطور!
هزت رأسها بالأيجاب:انا صحيت وانت وماما ماتبون تصحون تعبت اصحيك!
ضحك يشيلها بحضنه ويفتح الأدراج:طيب وش تبين أسوي لك؟
زمت شفايفها وسرعان ماضحكت تهمس باذنه:بان كيك!
أبتسـم ينزلها على الطاوله ، ويطلع المكونات ويبدا بتحضيرها وترف تسـولف بطفوله ، سوالفها المتنوعه ، عن ألعابها وأصحابها ولف تركي عليها بذهول:كنتي تداومين بالروضه؟
هزت رأسها بالايجاب:كنت اروح بالباص مع صديقتي تسنيم!
ناظـرها بصمت يفكـر لـ ثواني ، ما كان يدري أنها تداوم بالروضه واكيد أنه فاتها نص الترم ، تنهـد من نطقت برجاء:بابا عادي اروح الروضه مثل زمان!
هز رأسه يحسّ بالتقصير معاها ، كيف حرمها تروح روضتها ، تلعب مع صديقاتها ، تتعلم مثل أي طفل بعمـرها ، وتمتم:تم من نرجع نسجلك بالروضه وتداومين بالباص!
ضحكت بفرحه تأشر له يقرب وعقد حجاجه يقرب منهـا وسرعان ما أبتسم من قبّلت خده قبّلات متتاليه تعبـر له عن حُبها له وضحكت تنطق:أحبك بابا!
عضّ شفته من كلماتها الطفوليه، قادر يروق اليوم كله بعـد بوستها ، وأبتسم بوسع ثغره:وانا أحبـك يا بابا! تعالي نسوي البان كيك مع بعـض!
هزت رأسها تحاوط عُنقـه بكفوفها الصغار ، ارخت رأسها على كتفه تراقبه بصمت ، ورفع رأسه لها من طال سكوتها:تعبتي ؟
هزت رأسها بالنفي وضحكت بطفوله:انتهت طاقتي يالله بابا بسرعه!
ضحك من براءتها حتى بكلامهـا والتفت عليها بعد مانزلها على كرسيها:فراوله او شوكولاته؟
زمت شفايفها بحُنق ورفعت أصبعين:الأثنين!
ضحك بذهول من تمتمت:بابا أحب الأثنين ما باكل الا فروله و شوكولاته!
أبتسمت تجلس بجانبها على اخر كلماتها وأردفت:لاتزعل تروفه يا تريك!
أبتسم يناظـرها تصبح على ترف وتبوس خدها وتمتم بغيض:الناس تصبّح بالأول!
رفعت رأسها تناظره بعبط:هذاني صبحـت على عمري وحياتي كلها تروفه قلبي!
رفع حاجبـه بسخريه يتمتم:الظاهر دموع البارحه أعمّت بصيرتك؟
أعتلت صوت ضحكاتها اللا أراديه وضحكت ترف من ضحكتها الجميله  وتمتمت أستبرق تمسح جوف عيونهـا:حبيبي انت صباح الخيـر ياكل دنياي لا تزعل بس!
أبتسم يحط الصحـن قدام ترف ويتوجهه لها ، سند فكه على رأسها ، يقبّله بعمق وتمتم:الصبـاح النور يا شعله حياتنا !
أبتسمت بخجـل لـ ثواني وسرعان مالفت لاتجاهه من أردف:زواج بنت العم بعـد يومين ماودّك نرجع؟
ناظرته بذهـول وسطرت سؤالها بعدم تصديق:غنـى؟
هز رأسه بالايجاب ياكل:قلت لك زواجهم نهايه الشهـر نسيتي؟
زمت شفايفها تهز رأسها بالنفي:مانسيّت بس متى وصلنا لـ نهايه الشهر؟
ضحك من عباطتهـا ورمى جواله بحضنها:شوفي التاريخ بعينك!
فتحت جواله تناظر التاريخ باقي يومين ويخلص الشهـر ، رفعت نظرها له من تمتم:وين جوالك؟
أبتسمت بعبط تمد له جواله:ببيتنـا ما أخذته!
أخذ النوتيلا يملأ البان كيك بها واخذ الشوكه يقربه من فمها يا كلها بالغصب:شطـوره وانا أقولك ليه أربعه وعشرين ساعه مسنتره بوجههي!
ضحكت تحاول تبلعها وتمسح بقايا النوتيلا عن وجهها:ماحبّيت يزعجنا وحنّا هاربين من العالم!