ابـدوا قـراتكـم بالصـلاه على النبي (اللهم صلِّ وسلم على نبينا محمد ) قـراءه ممتعـه ياعيـوني
ـــــــــــــــــــــــــــ بيت الجد ـــــــــــــــــــــــــــ
دخـلت استبـرق وعلقـت عبايتهـا وشنطتهـا وتوجـهت لـ الصـاله سلمـت على امهـا وجـدها ورتمـت على الكنبـه بتعـب بعـد يـوم طويـل وشـاق وصيـام وحـالات اسعافيـه تجيـب الغثيـان ،التفـتت لـ امهـا مـن نطـقت :كيـف كـان دوامـك يقلبي؟
ابتسمـت بكـلافه وردت :متعـب بس الحمدلله عـدى مثـل اي يـوم
ردت لها الابتسـامه ونطقـت :كم باقي وتخـلص مهـله تـدريبك؟
اعتـدلت بجلستهـا ونطقـت بتفكـير :امما علـى ما اعتـقد ثلاثـه او اربـعه اسابيـع لا اكثـر
الجـد بحـزم :كويـس اثبتي نفسـك بهالفتـره واحصـلي على الوظيـفه بجـداره بـدون محـد يتوسـط لك!
ابتسمـت بفخـر :ابشـر يابـوي
عـم الصمـت لـ ثـواني طويـله واستبـرق ما تـدري كيـف تفتـح معهـم الموضـوع بـدون لا تخـوفهم ونطقـت بـهدوء :كيـف ضغـطك يا ابـوي عساه مستقـر بعـد اخر مـره؟
هـز راسـه بالايجـاب ونطـق :الحمدلله مستقـر
استبـرق بتـوتر :ءءاا ياجـدي بقـولك !
ناظـرها بشـك وهي مـن دخـلت تحـاول تتكلـم بس ما تـدري كيـف ونطـق :اسلمي وش مخبصـه؟
ضحـكت بورطـه ونطـقت :الله يهداك يجـدي وش مخبصـه به بـس ، ااا نـواف ولد خالي سلطـان متنـوم عندنـا بالمستشفى !
الجـد بعصبيـه :لا حول ولاقوة الابالله وش فيـه وكـان محد تكلـم لا يكـون به بـلاء مسود الوجـهه؟
وضحى بخـوف :بسم الله عليه وش فيه نـواف؟
استبـرق بهـدوء :مافيـه الا العافيـه تعـرض لـ نوبـه ربـو حـاده والحمدلله ونيـن الحقـت عليـه واسعفـوه بالوقـت المناسـب واليـوم بعـده متنـوم بالمستشفى يتطمنـون عليه
الجـد يهـلل ويذكـر الله :لا إله إلا الله لا إله إلا الله الحمدلله الحمدلله تخطـاها
زفـرت العمـه وضـحى براحـه :الحمدلله انه بخير عدت على خير خطاه السوء
الجد بحـزم : استبـرق يابنتي اتصـلي على تـركي يجي ياخذنا نروح نـزوه ونـودي الواجـب
انلخمـت استبـرق وحسـت انها تـورطت ونطـقت بتلعثـم :ءاا يا أبوي لا تتعـب نفسـك مستشفيات ولويه وغـثاء بكـره يكتبـون له خـروج ونـروح البيت نـزوه !
وضحـى :ويه خـزياه يابنـت وش هالكـلام ولد اخـوي بالمستشفى ولا نـروح نـزوه ونوجـب !
حـاولت تشـتت الموضـوع بس بـدون فائـده طلعـت جوالهـا وتـوها بتفتـحه سمـعت صـوت الجـرس ونطقـت بسرعـه :بـروح افتـح .. وانطـلقت تركـض لـ البـاب وامهـا تضحـك عليهـا ، شـوي ورجعـت معـها بـريق دخـلت وسلمـت وحسـت ان الجـو متوتـر وخـافت صايـر شي مصيبـه ونطقـت بتوتـر :صـاير شي؟وجيهـكم ما تبشـر بالخيـر؟!
ابتسمـت استبـرق بخفـه ونطقـت :معليـك بس نـواف ولد خالي سلطـان تعـب شـوي ومتنـوم بالمستشفى وتـوني اقولهـم وخافـوا
هـزت راسهـا بالايجـاب ونطقـت :وشلونـه؟وش صـار معـه؟!
سكـتت لـ ثـواني طويلـه ثـم نطقـت :معليـك بخيـر بس صابتـه نـوبه ربـو حـاد والحمدلله لحقـت عليـه ونيـن وصـار بخيـر
زفـرت براحـه وجلسـت عـلى الكنبـه ونطقـت :الحمدلله !
فـزت استبـرق ونطقـت بسـرعه :ءاا بريـقي اتصلي على تـركي ولد خالي جـدي يبيه يـمره ياخـذه المستشفى (وانطلقـت تركض طلعـت غرفتهـا بسرعـه هائله تركـت بريق بصدمتهـا ما استـوعب اللي قالته الا من سمعـت صوت باب الغـرفه يتسكـر ) التفتت لـ امها اللي تضحـك ونطقـت با استغراب:وش فيهـا المجنـونه ؟طـارت ولا اسـتوعبت وش قالـت!
ضحـكت وضحـى بخفـه :معليـك منها يقلبي جدك يبيهـا تتصـل عـلى تـركي وهي مستحيـه تكلمـه وهم في فتـره الخطوبـه ولا تبي تكلمـه وما بقـى لـ المـلكه الا ثلاث ايـام فـ تركـت السالفه على راسك
ابتسمـت بريـق بورطـه وهمست داخلها (ياليييل هي مستحيـه وماتبي تكلمـه وانا ابتلشت)تنحـت وهي تسمـع صـراخ الجـد :يلا يابنتتتتت بتتصلـين ولا اتصـل انـا؟
وقفـت وغيـرت مكانهـا جلسـت قريب الجـد ونطقـت بـ اسـتتراج :افاا يا ابوي ليه الصراخ؟ابشـر الحيـن اتصـل بس ليه نشغـل تركي وانا عنـدي سيـاره واسـوق والله محـد يوديك غيري! (طلعـت المفتاح من شنطتها واشرت عليه ) هاا يا ابوي يلا اودك؟
ناظـرها بطـرف عين ورمى عليها علبه الكيـلنكس بغضـب:والله تبـين باخـر عمري اركب معـاك يابنت مهاب وتفحطين فينا بالسـياره وامـوت قبل لا اشـوف حفيـدي !
ابتسمـت بورطـه وهي تعـرف جدها ينقدهـا وينقـد سواقتهـا ومستحيـل يركـب معاها ، استسلمـت وطلعـت جوالهـا دورت رقمـه وتنهـدت بداخـلها بقهـر مـن طـلع اسمـه مسجـل "اسِـر قلبي ❤️🩹" نطقـت بداخـلها (ياربي حتـى اسمـه ذكـرني بتفاصيـله وذكرياتـه كيـف بنسـاك ياحبيـب القـلب زفـرت بقـرف من وضعهـا وهي تـدري ومتاكـده نسيانـه مب سهـل ولا بيمـر مـرور الكـرام بحياتهـا بس مقتنعـه بقـرارها وان تـركي لـ استبـرق واستبـرق لـ تـركي ، ومتاكـده ان بعـد كلامهـا بالحديقـه وكيـف جرحتـه مستحيـل يسامحهـا وهمـست:هالحُـب لازم يندفـن ولا احـد يـدري بـه)جمعـت انفاسهـا واتصـلت عليـه وبعـد رنتيـن رد
تـركي بهـدوء :هـلا؟
سكـتت لـ ثـواني تتامـل الصـوت وتكفيهـا هـ الهـلا لـ تجـدد فيهـا ألـفّ شعـور تحـاول دفنـه
استغـرب سكـوتها ابعـد الجـوال يناظـره يحسبهـا سكـرت بس ما زالـت على الخـط رجـع نطـق :بـريق! تسـمعيني الـو؟
نطقـت بهـدوء عكـس العواصـف اللي بـداخلها : تـركي جـدي يقـولك تعـال اخـذه يبي يـزور نـواف بالمستشفى
هـز راسـه بالايجـاب وكانهـا تشـوفه ونطـق :ربـع ساعـه واكـون عنـدكم !
هـزت راسهـا بالايجـاب بالمثـل ونطقـت :بحفـظ الرحمـن!
سكـر بـدون لا يـرد عليهـا ، ضحكـت با اشمـئزاز من نفسهـا وهمـست :مصـدقه نفسـك بيـرد عليـك اخ بـريق اخ!
الجـد بعصبيـه :وش فيـك دخـلك جـن؟وش تتهامسيـن به؟ وش قالك مسـود الوجـهه بيجي؟
فـزت بخـوف ونطقـت :اعصـابك يا ابـوي! بيـجي بيـجي ربـع سـاعه وبيجي
هـز راسـه بالايجـاب ووقـف يتعكـز على عصاتـه وخـرج المجـلس وطلعـت معه وضحـى بعـد ما اخـذت عبايتهـا ووصـت بريـق على البيـت ويسكـرنا البـاب زيـن، مشـت بـريق متوجـهه لـ غرفتهـا دخـلت بهـدوء وكـانت الاضـواء مسكـره واستبـرق غاطـه بنـومه عميقـه رمـت اغراضهـا على الطـاوله وتوجـهت لـ الحمـام (اكـرم الله القـارئ )اخـذت شـور سريـعه وطلعـت وهي تنشـف شعرهـا وقفـت عنـد التسريحـه وهي تمشـط شعـرها رفعتـه بطـريقه عشوائيـه مريحـه لـ النـوم، اخـذت جـوالها وابتسمـت بخفـه مـن وصلتهـا رسالـه مـن المحامي راكـان وكـان محتـواها (قـدمي اجـازتك بكـره اخـر يوم دوام بعـدها صعـب تجيـك المـوافقه )
تـذكرت وش صـار اليـوم بالمكتـب
ВИ ЧИТАЄТЕ
يا بسمة الليّالي السعيدة وهْناهـا .
Романтикаمَلهمتِي ـالاولى "يا بسمة الليّالي السعيدة وهْناهـا" اتمنى إن تنَال ـاعجَابكِم ❤ الكاتبة / ايمَـا بِنـت عبـدالله حسابِي أنستا @rwiqh15
