يا بسمة الليّالي السعيدة وهْناهـا .

البارت الثانـي والأربعـون

ضحك نواف يعدل ياقه ثوبه:المدام تنتظـر، انت شوف لك شي كافره تسلك معاك وتهديها لـ الدين الأسلامي اسمع مني أثنين في واحد تلاقي لك زوجه تسّد هالنقص وتكسب أجر مضاعف فيها!
كشر ناصر بعدم أعجاب:قم أذلف بس قال ايش قال خذلك كافره انا لو بقيت أسبوع بهالبلاد احتمال أنجلط من كفرهم
ضحك نواف يودعه ويقفل سحب شماغه يلبسـه ويعدل عقاله أبتسم يبخ من عطـره ويطلع وسرعان ماشهق بصدمه من طلعت بوجهه ونيـن وصرخت:نـوااااف!!
مسك مكان قلبه بخرعه من طلعتها بوجهه:أعوذ بالله وشبلاك وقفتي قلبي!
ضحكت تعدل طرحتها:جعلني ماني بقايله المهم أسمع!
زفر بغضب يصدّ عنها ونطقت ونين:من اللي خطبني؟
بلع ريقـه يمشي بتجاهل لها وركضت ونين تلحقه:نواف تكفى فضولي بيقتلني تكفى تكفى تكفى قول منهو وربي ما اتكلم ولا اقول لاحد بس اسمه اسمه بس يانووواف!
التفت عليهـا وصغر عيـونه يناظرها وهمس:أقولك بس بشـرط!
نطت ونيـن بسرعه:تم شبيك لبيك اللي تبيه لك!
ضحك بخبث ونطق:بقولك اسمه ومنهو وكل التفاصيل اللي تبينها بس بشرط إذا قالك أبوي عنه ترفضينه مفهوم!
رفعت حاجبها باستنكار:ليه منهو وليه ماتبيني أوافق عليه ؟
ضحك ينسف شماغه:بكيفك عاد اعطيتك شرطي واصلاً من تسمعيـن اسمه بترفضين من نفسك!
مسكت ذراعه وهمست:منهو؟
أبتسم نواف يفك ذراعها عنه:همام ولد حسين من الديـره اللي تقدم لـ بنت عمتك بريق من قبل ورفضته والحين جاء الدور عليك، خطبك من أبوي وجدي وكلهم موافقين وباقي موافقتك ان كانك حاطه لي اعتبار لا توافقين وانا اخوك واتمنى لك السعاده بس أدري بمصلحتك وش يناسبـك!

~أسبانيا ، جزيرة إبيزا~
شدت على الشال تضم نفسها من البرد صباحـات النسائِم البارده وملوحه البحـر المنتشـره ،بدايات الصباح وشروق الشمـس المحييّ لـ صدرها أبتسمت تبعد شعرها عن وجهها من الهوى اللّافح
لفت على صوتها وابتسمت بهدوء تنحنى لمستـواها تشيلها بحضنها:صباح الخير يامي!
باست خدها ترف:صباح النور وين بابا؟
ابتسمت تاشر على السريـر:نايم ،ودّك تفطرين؟
هزت راسها بالنفي بعبط:بنام مثل بابا!
ضحكت أستبرق تبوس خدها بعمّق:وش تبين بـ بابا؟ نجلس انا وانتي متأمل الشروق والموج مع بعض وشريك؟
هزت راسها بالايجاب وجلست أستبرق على الكرسي وترف بحضنها تتأمل موج البحر وتسّرح بافكارها ، وترف تلعب باصابعها بصمت لـ وقت طويل
زفرت من طال سكوتها والتفتت عليهـا تشد بلوزتها:مااااما!
رمشت أستبرق تنتبه لها:عيـوني !
زمت شفايفها ترف:جوعانه يلا نصحي بابا!
هزت رأسها وقفت تنزلها عن حضنها وركضت ترف تصعد على السريـر وصعدت فوق ظهر تركي تصرخ:بااابا باااابا
زفر تركي يفرك عيـونه وانقلب يناظرها ونطق بصوت ثقيل من النوم: ياروح أبوك شبلاك تصارخين من الصباح؟
ضحكت ترف تقرص خدوده:بابا جوعانه يلا !
غمض عيونه يرمي رأسه على المخده وصرخت ترف تصحيه وضحك يوقف معها بعد محاولات عديده
أبتسمت استبرق بهدوء تشوفهم نازلين من الدرج وترف تضحك بقهقه ونطقت:صباح الخير مابغيتوا تنزلون!
ابتسم تركي يقرب منها وبأس خدها بخفوت:صباح النـور،انتي صاحيه بدري؟
هزت رأسها بالايجاب تجلس ترف بالكرسي وتجلس بجانبها:الشروق كان يستاهـل أصحى بدري!
أبتسم بخفـه يبدأ ياكل واستبرق تناظـره بتمّعن يوم عن يوم تكتشف حنيَّته الكبيـره على تـرف تحبه فيه أكثر يوم عن يوم يكبـر بعيونها وتحمـد ربها اللي عوضهـا فيه ، أبتسمت تلقائياً من رفع رأسه وأبتسم لها ،علاقتها كل مالها تتحسـن وتصُبح أفضل وأحلى بوجهه نظرها!
ونطق تركي:ويـن ودكم نطلع اليوم؟
رفعت رأسها ترف:نشوف الدلفين؟
ضحكت استبرق:متحمسه عشان تشوف الدلفين لاتكسر بخاطرها
ابتسم يهز رأسه:تبشر الترف باللي يسّـرها نخلص فطور ونتجهـز!